خوتەندە توپا ياغىدۇ

گۇلخان

	خوتەندە توپا ياغىدۇ لىققىدە دەردى بار تەكلىماكاننىڭ، ھەممىنى تۆكىدۇ پەقەت خوتەنگە. قۇياشنىڭ باغرىدا سۈكۈت كۆكلەيدۇ، شۇ قەدەر سەۋىرچان كىلىدۇ بەندە. چۆللەرنىڭ قەلبىدە ياتار چاڭقاقلىق، ئەڭ ساددا تىلەكلەر بۇ يەردە قىيان. جېنىڭغا جان بەرسە مۇزدەك ئەركەك سۇ، ئەڭ جاھىل ئېتىقاد سورار ئىسسق قان. خوتەننىڭ يۈرىكى چوققۇ بازاردا. قۇلۇڭنى باس بىردەم كۆكرەكلىرىڭگە. كۆيمەكتە بۇ يەردە دەھشەتلىك بىر ئوت، ئەڭ ئىسسىق ھاياجان تىلەكلىرىڭدە. بۇ يەردە ياغقىنى پەقەت بىر توپا، ئويلانسەن شۇنچىلىك،قالمايسەن ھەيران. ياغقاندا ئۈستىباش ياكى قەلبىڭگە، تۇنۇشلا بىر تۇيغۇ كۈتۈرەر غەليان. تۇيۇقسىز خاتا بوپ چىقىپ قالغاندا، ئاخشامقى مەلۇمات ھاۋارايىنىڭ. يۇرۇڭقاش كۈرىدۇ قارا بۇلۇتنى، زاۋالى كىلىدۇ ياز ،باھارىنىڭ. بىلىمىز خوتەننىڭ بەشىنچى پەسلى، نورمالغۇ ھەرقاچان توپا ياغىدۇ. ۋە لېكىن قېلىنلاپ بارغاندا توپا، نىمىنى كۆمەر دەپ يۈرەك ئاغىدۇ. توپىدىن قاچمايدۇ جاھىل خوتەنلىك، شۇ توپا بوراندىن ئامان قالارمۇ؟ قەدىمقى خوتەننىڭ رىۋايىتىنى، بۇ قىسمەت قايتىدىن باشقا سالارمۇ؟ خوتەندە يەنىلا توپا ياغىدۇ، كوھىقاپ ئاغزىنى ئاچىدۇ پات-پات. شۇ توپا ئاستىدا خوتەنلىكلەر بار، قان بىلەن،جان بىلەن كۆكلەر ئېتىقاد.

ئەسمەتۇللاھ

	بۇ شېئىرلىرىنى ئالامەت ياقتۇردۇم جۇمۇ! دوپپىلىق، ياغلىقلىق باشلار تۇپا- بۇراندىن ئامان قالغاي.

ئاينۇرى

	شىئېرىڭىزنى ئىنتايىن ياقتۇردۇم گۈلخان، مەزمۇنى شۇنچىلىك مول چىقىپتۇ. مەنمۇ خوتەندە بىر ئاي تۇردۇم، بۇ جەرياندا ھېس قىلغانلىرىممۇ ئىنتايىن كۆپ. ئەسمەتۇللاھ دېگەندەك دوپپىلىق، ياغلىق باشلار توپا- بوراندىن ئامان قالغاي.

سامسىپەز

	............ شۇ توپا ئاستىدا خوتەنلىكلەر بار، قان بىلەن،جان بىلەن كۆكلەر ئېتىقاد. ................. ....................... .......... ....... ......................................................... ........................................ .............. ...............................

arman-taxkin

	مەزمۇن جەھەتتىن شۇنداق ياخشى ۋە تولۇق ئىپادىلەپسىز ! رەھمەت سىزگە !

hilal

	بۇرنۇمغا ۋەتەننىڭ تۇپىسى پۇرىدى ماۋۇ شىئىرنى ئوقۇپ ...

anar

	بۇ شېئىرىڭىزنى شۇنچىلىك ياقتۇرۇپ قالدىم گۈلخان ،  ئاخىرى بولماي تېلفونۇمدا دوستلار چەمبىرىكىگە چىقىرىپ قويدۇم

گۇلخان

	anar يوللىغان ۋاقتى  2013-يىلى 7-ئاينىڭ 25-كۈنى 08:33 بۇ شېئىرىڭىزنى شۇنچىلىك ياقتۇرۇپ قالدىم گۈلخان ،  ئاخى ... رەھمەت ئانارىم،ياقتۇرغىنىڭىزغا. دوستلىرىڭىزغا بىر تۇنۇتىۋېتىسىزدە مىنى ھەراست،يەتتە قىزنىڭ ئۈندىدار توپىدا نىمىشقا سىز يوق؟كىرىپ قۇيۇڭە مۇنداق بىز لەر بىلەنمۇ كوتۇلدىشىپ

ئەسمەتۇللاھ

	anar يوللىغان ۋاقتى  2013-يىلى 7-ئاينىڭ 25-كۈنى 08:33 بۇ شېئىرىڭىزنى شۇنچىلىك ياقتۇرۇپ قالدىم گۈلخان ،  ئاخى ... بۇ شېئىرنى مەنمۇ شۇنچىلىك ياقتۇردىمكى، ھېچكىمدىن مەسلىھەت ئالماي نادىرلىۋەتتىم.

گۇلخان

	ئەسمەتۇللاھ يوللىغان ۋاقتى  2013-يىلى 7-ئاينىڭ 25-كۈنى 16:43 بۇ شېئىرنى مەنمۇ شۇنچىلىك ياقتۇردىمكى، ھېچكىمدىن مەس ... 90 گىرادۇس تازىم قىلىۋېتەيمىكىن سىزگە،ئاران دىگەندە بىر تىمامنى نادىرلاپ قويغىنىڭىزغا، ئۆزۈم نادىرلاي دىسەم تېخى،يىغلىگىلى ئادەم يوق،ئۆزى قۇپۇپ يىغلاپتۇ  دىگەندەك بىر ئىش بولمىسۇن دەپ نادىرلىيالماي تۇرغانىدىم.ھەر ھالدا ئەقىلىڭىزنى ئىشقا جۇرىدىڭىز بىر قېتىم،