ئىزدىمە

senewer

	چەكمىگىن خىيالىم ئىشىكلىرىنى ، سەن باسقان قۇلۇپلار شۇ پېتى ئېتىك . ئىزدىمە ئەقلىمنى ئەمدى تاپتىم دەپ ، چۈنكى سەن تەرەپكە دۈمبەم قىلىقلىق . ئېسىمگە سالمىغىن ئۆتكەن كۈنلەرنى ، خاتىرەم بەتلىرى يىرتىلدى نەۋاق . چېقىلدىم گوياكى جانان چىنىدەك ، زورمۇ - زور ئۇنتۇلدى ھېجران ۋە پىراق . سۈكۈتتە سۆزلەيتتىم سۆيگۈ ھەققىدە ، دىل يارام سېنىڭدىن ساقايسىكەن دەپ . بار تۇرۇپ ئارىدا چەكسىز يېقىنلىق ، ئۇچراشماس سىزىقتەك ئۇزىدۇق ئەجەب . پۇشايمان ، ئۆكۈنۈش ... يۈرىكىم زەرداب ، ئۆزۈمدىن كۆرىمەن بولدى بەس ئاخىر . ياشايمەن ھاياتتىن بەخت تالىشىپ ، ناۋادا يىغلاشقا قىستىسا تەقدىر . مەن كەتتىم ، سەن قالدىڭ ، يېپىلدى دەپتەر ، مەڭگۈلۈك ئارىلىق ئاشۇ بىر قەدەم . رەنجىيمەن ، قاقشايمەن ، لېكىن شۇندىمۇ ، تىلەيمەن بەختلىك بولغىن ئەزىزەم . 2013 - يىل 14 - يانۋار

ئۇيغۇرا

	قەلەملەرگە بەرىكەت بەرسۇن....