سەن كېتىپ بىلقىز سۇلايمان

kizilgul

	سەن كېتىپ بىلقىز سۇلايمان تاجۇ-تەختىم يەرگە چۈشتى مېھرىبانىم سەن كېتىپ، بولدى باغىم خانىۋەيران غەمگۇزارىم سەن كېتىپ. كۈلكە كەتتى لەۋلىرىمدىن باستى مۇڭ ،دەرت ،غەم مېنى، كۆزلىرىمنىڭ نۇرى ئۆچتى دىلچىراقىم سەن كېتىپ. تەنۇ-جانىم ئىچرە ھىجران مېنى مەھكۇم ئەيلىدى، نەگە بارسام كۆڭلى غەشمەن دىلخۇمارىم سەن كېتىپ. كۆككە باقتىم ئەتە- ئاخشام ئىزدىبان ۋەسلىڭنى مەن، تۈندە يۇلتۇز بولدى مۇڭداش تىلتۇمارىم سەن كېتىپ. مېنى«ۋاي»دەپ باشقا ئالغان دىلكۆيەرىم سەن ئىدىڭ، كەتتى خۇشلۇق،ئاشتى ھەسرەت-دىلئازارىم ،سەن كېتىپ. كۆكتە پەرۋاز جىلۋە قىلسام سەن ئىدىڭ مەزمۇت قانات، ئەمدى يوقتۇر تەندە جانىم ،كۈچ-مادارىم سەن كېتىپ. قىشتا گۈلخان،يازدا سالقىن سەن مېنىڭ بارىم ئىدىڭ، ئەمدى بولدۇم خەستەجانمەن دىلقۇياشىم سەن كېتىپ. دەرتلىرىمنى ساڭا تۆكسەم ماڭا سەن ھەمدەرت ئىدىڭ، ئەمدى يۇلغۇن بولدى مۇڭداش دىلئۇزارىم سەن كېتىپ. يولدا بىرسى ماڭسا جۈر بوپ ئانىسىغا ئەركىلەپ، لەختە-لەختە قان يۈرەكىم جان ئۇزارىم سەن كېتىپ. تىك-قىيادەك مەغرۇر بېشىم ئەمدى باقتى يەر تامان، لالما ئىتمۇ بەزى يولۋاس دىلئازاۋىم ،سەن كېتىپ. بولدى كەسپىم سېنى يادلاش ھەر سەھەر قىبلە تامان، بولدى ھەمراھ ھەر ئىشىمدا خۇش ئاۋازىڭ سەن كېتىپ. «تاغنى تالقان،چۆلنى بوستان »قىلغۇدەك كۈچ مەندە يوق، كۈتكىنىڭنى ئاقلىماق بولدى قارارىم سەن كېتىپ. 2012-يىلى 5-ئاۋغۇست   2013 –يىلى  8-يانىۋار .  ئۈرۈمچى

مىرىنسا

	كەتسەڭ كىتىۋەر،دەپلا قويىڭە،،

باتۇرچەۋەنداز

	مىرىنسا يوللىغان ۋاقتى  2013-يىلى 1-ئاينىڭ 8-كۈنى 19:00 كەتسەڭ كىتىۋەر،دەپلا قويىڭە،، كەتكىنى ئاندا ماندا ئادەم ئەمەسكەن، چۈشىنىپ  ئوقىمامدىغاندۇ

كۈنلەر

kizilgul

	مىرىنسا يوللىغان ۋاقتى  2013-يىلى 1-ئاينىڭ 8-كۈنى 19:00 كەتسەڭ كىتىۋەر،دەپلا قويىڭە،، شېئىرنى ئوقۇماي تۇرۇپ ،قالايمىقان ئىنكاس يازماڭ ،قېرىندىشىم.سىز ئانىڭىز ئۆلۈپ كەتسە«كەتسەڭ كېتىۋەر!» دېمەيدىغانسىز؟

قىسمەت

	kizilgul يوللىغان ۋاقتى  2013-يىلى 1-ئاينىڭ 8-كۈنى 20:36 شېئىرنى ئوقۇماي تۇرۇپ ،قالايمىقان ئىنكاس يازماڭ ،قېر ... كۆڭلىڭىزگە ئالماڭ ھەدە، سىز بىزدەك يىغلاپ باققانلار، يۈرىكىدىن قان ئاققانلار جاھاندا تېخى كۆپ ئەمەس. تۆت كۈن مۇقەددەم ئاللاھ كەمىنىگە پەرىزاتتەك بىر قىز ھەدىيە قىلدى، ئاللاھنىڭ شۇ مۆجىزىسىگە مۆمىنلەرنىڭ ئانىسى ئائىشە رەزىيەللاھۇ ئەنھۇنىڭ، جاھاندىكى ئەڭ ئۇلۇغ ئانىلار قاتارىدىن سانىلىدىغان رەھمىتى ئانامنىڭ ئىسمىنى قويۇشنى نىيەت قىلدۇق. نىيەت قىلدۇقۇ يەنە ئىچ-ئىچىمدىن يىغا قايناپ كەتتى. ئانام بىلەن ئىسىمداش قىزىمغا قارايمەن، يۈرىكىم يىغلايدۇ، مۇشۇ كۈنلىرىمنى كۆرسىچۇ، بەختىمدىن راھەتلەنسىچۇ دەپ تولغىنىپ كېتىمەن. ئانىلارنى ئەسلەپ تۇرايلى قېرىنداشلار، ئۇلار ئۈچۈن جەننىتى رىزۋان تىلەيلى، ئۇلار ئۈچۈن ياخشىلىق قىلايلى، كەرەملىك ئاللاھ ياخشىلىقلىرىمىزنىڭ ساۋابىنى ئەنە شۇ ئانىلىرىمىزغا بەرگەي! بەلكىم ئۈستىدىكى قېرىندىشىمىز شېئىرغا بەك دىققەت قىلماي، مۇنداقلا ئىنكاس يازغان بولۇشى مۇمكىن. شېئىرنى نېمە قىلساق قىلايلى، بىر-بىرىمىزنى نېمە دەپ تىللىساق تىللايلى، لېكىن ئانىلارغا كەلسە كەلمەس سۆزلەر بىلەن ئازار بېرىشتىن ساقلىنايلى. ھەدە، سىزگە سەۋىر تىلەيمەن، ئانىلىرىمىزغا ئاللاھنىڭ ئەڭ ئېسىل رەھمەتلىرى نېسىب بولغاي، ئامىن!

kizilgul

	قىسمەت يوللىغان ۋاقتى  2013-يىلى 1-ئاينىڭ 9-كۈنى 16:47 كۆڭلىڭىزگە ئالماڭ ھەدە، سىز بىزدەك يىغلاپ باققانلار، ... قىزىڭىزلارغا مۇبارەك بولسۇن!ئاللاھ ئىمانىنى ،بەختىنى بەرسۇن !

مودەن

	سەۋىر قىلىڭ،،،،،،بۇ دۇنيادا بەزى ئىشلارغا قەتئى ئامال يۇقكەن،مەنمۇ1998-يىلى دادام بۇ ئالەمدىن مەڭگۇلۈك خوشلاشقاندا شۇنچىلىك يىغلاپ،شۇنچىلىك رۇھىم چىقىپ كەتكەندەك بولغان، شۇ ۋاقىتتا تېخى ئەمدى ئالىي مەكتەپنى پۈتتۈرگەن ئىدىم ،تاس قاپتىكەنمەن غۇلجىلىق ساۋاقداشلىرىمنىڭ ئارقىدىن ئۇلارنىڭ گۈزەل ماكانىنى كۆرگىلى كەتكىلى ،قايتىپ كەلسەم دادام بالنىستا ئىكەن.ئارلىقتا شۇ ئۈچ ئاي تاماق ئېتىپ دۇختۇرخانىغا ئاپىرىپ بىقىۋالغان بوپتىمەن ئاپام كېچە كۈندۈز دادامغا قارىغان ئىدى، ئاپامنىڭ كۆڭلى قانچە يىرىم بولغاندۇ؟......دادام مىنىڭ تۇنجى ئايلىق مۇئاشمنى كۆرگەن بولسا دىگەنلەرنى ئويلىدىم،دادام بىز  تۆت بالىنى ئوقۇتۇپ ،ياىشى تەربىيلەپ بولغىچە قانچىلىك جاپالارنى تارتقان بولغىيتى..........،كۆڭلىڭىزنى چۈشىنىمەن..... ئاپىڭىزنىڭ ياتقان يىرى جەننەتتە بولغاي... قىسمەت ئەپەندىم مەرۋەرى خانىم سىلەرگىمۇ مۇبارەك،ئائشە بۇ ئىسىم قۇرئاندىمۇ بار ھەم ئاپىڭىزنىڭ ئىسمىكەن بۇ ئىسىم ناھايىتى ياخشى قۇيۇلىپتۇ،سىلەرنىڭ تىخىمۇ بەخىتلىك بولىشىڭلارنى،ئىشىڭىزنىڭ ئۇتۇقلۇق بولىشىنى تىلەيمەن

kizilgul

	مودەن يوللىغان ۋاقتى  2013-يىلى 1-ئاينىڭ 10-كۈنى 16:06 سەۋىر قىلىڭ،،،،،،بۇ دۇنيادا بەزى ئىشلارغا قەتئى ئامال ... رەھمەت ،سىزگىمۇ خۇشاللىق يار بولغاي!