مۇنبەرلەردە يېزىقىمىز يىغلايدۇ!

deyanat

	مۇنبەرلەردە يېزىقىمىز يىغلايدۇ! ئۆمەر مۇنبەر دېگەن ئىلىم كانى، كىتابتۇر، ئۇ بولمىسا كۆڭۈل گويا بىتاپتۇر، ئۇنى ئاسراش ھەممىمىزگە خىتاپتۇر، مۇنبەرلەردە يېزىقىمىز يىغلايدۇ! تىنىش بەلگە ئوخشار يېزىق ئۇلىغا، توغرا قويۇش كېرەك ئوڭ ھەم سولىغا، پىسەنت قىلماي ئەمما ئۇنىڭ رولىغا، مۇنبەرلەردە يېزىقىمىز يىغلايدۇ! بىرسى قويار پەش،چېكىتنى سانىماي، بىرسى يازار ئابزاسلارنى چانىماي، جان بەرمەكتە يېزىق ئۈنسىز، قانىماي، مۇنبەرلەردە يېزىقىمىز يىغلايدۇ!... مۇنبەر مەكتەپ، ئوقۇسىڭىز بىكارلىق، شېئىر-قوشاق توقۇسىڭىز بىكارلىق، كەلسىڭىز ھەم يوقۇسىڭىز بىكارلىق، مۇنبەرلەردە يېزىقىمىز يىغلايدۇ! شۇڭا يېتىپ مۇنبەرلەرنىڭ قەدرىگە، ھۆرمەت قىلىپ باشقىلارنىڭ ئەجرىگە، قۇلاق سېلىڭ يېزىقىمىز دەردىگە، مۇنبەرلەردە يېزىقىمىز يىغلايدۇ!... 2010-يىلى 16-سىنتەبىر

خۇشچىراي

	ۋاي نىمانداق ياخشى يازغان بۇ شېئېرنى ،دىمىسىمۇ مۇنبەرلەردە مۇشۇ ھادىسلەر بەك ئېغىر ،ھەممىمىز ئۈزىمىزدىن ،ھەربىر جۈملىمىزدىن باشلاپ دىققەت قىلساق بولىدۇ .

oglan

	ۋاي خۇژايىم، ئەمدى بىزدەك ساۋادى ئەمدى چىقانلار، بىرنەرسە يازالماي تەرلەپ كىتىدىغان بولدۇق دە.

سامسىپەز

	oglan بۇ يازمىنى 14/10/2010 07:15 AM دە يوللىغان ۋاي خۇژايىم، ئەمدى بىزدەك ساۋادى ئەمدى چىقانلار، بىرنەرسە يازالماي تەرلەپ كىتىدىغان بولدۇق دە. ھىم.... شۇنداقتەك...

قەھۋە

	مۇنبەردە بۇ شېئىرنىڭ رولى بولۇپلا قالسا، يۈكۈم بىر يېنىكلەيتى-دە!