كىم نىـــــــگارنى قارشى ئالمايدۇ ؟

نىگار

	ئەسسالامۇ ئەلەيكۇم ئالما يۈزلۈك ، قارا كۆزلۈك ،ئويما قاشلىق ، مىھرى ئاتەش  ئۇز بوي خانىم - قىزلار ، ئەسسالامۇ ئەلەيكۇم قەددى -قامەتلىك ، كىلىشكەن ئاق كۆڭۈل يىگىتلەر ھەممىڭلارغا نىـــگاردىن 90 گىرادۇس ئىگىلىپ تۇرۇپ ئوتلۇق سالام ! ”يەتتە قىزلىرىم“  مۇنبىرىنى گەرچە كۈندە دىگۈدەك كۆرۈپ تۇرمىساممۇ ، لىكىن ئانچە مۇنچە كۆرۈپ تۇراتتىم . ئەزالارنىڭ  قىزىقارلىق يۇمۇرلۇق تىما ، ئىنكاسلىرى مىنى شۇنداق جەلىپ قىلاتتى . لىكىن شۇنداقتىمۇ ئەزا بولۇپ كىرمىگەن . مانا بۈگۈن مۇنبەردىشىم ئارىسلان ( ئەسمەتۇللا ئىكەن بۇ مۇنبەردىكى نامى )نىڭ تۈرتكىسى بىلەن ئەزا بولۇپ كىرىپ تۇرۇپتىمەن . ئىشىنىمەنكى مەنمۇ  مۇشۇ مۇنبەردىكى بارلىق ئەزىزلەرنىڭ  ئەڭ يىقىن دوستى ، يەتتە قىزلىرىم مۇنبىرىنىڭ ئەڭ سەرخىل ئەزاسىدىن بولالايمەن . ئەگەر بۇندىن كىيىن مىنى دوس قاتارىدا كۆرسەڭلار  قىزىقارلىق يۇمۇرىستىك تىما ،ئىنكاسلىرىڭلارغا قوشۇۋىلىشىڭلارنى ئۆمۈد قىلىمەن ! قۇرۇق گەپنى كۆپ قىلىپ كەتتىم ، تۇنجى كەلگىنىمدە ئۆزۈم ئەڭ ياقتۇرىدىغان شائىر < نىمشىھىت  ئىلى ئارمىيە داموللا > نىڭ ئالدىدا ناملىق شىئىرىنى ئىلىپ كەلدىم . ئالدىمىزدا كۈنلەر تىخى ئۇزۇن چوقۇم مىنىڭ ئىجادىيەتلىرىم بىلەنمۇ يۈز كۆرىشەلەيسىلەر ، ھازىرچە بۇ شىئىرنى ئاز كۆرمەي كۆرگەش تۇرۇڭلار ! ئــالـــدىــــدا ۋەسلىدىن ئۆزگە كېرەكمەس ماڭا جانان ئالدىدا ، ئارزويۇم سەن ئېرۇرسەن تەن بىلەن جان ئالدىدا . بىر گۈلى رەنا ئېرۇرسەن باغۇ بوستان ئالدىدا، تا زىيارەت قىلمىسام مەن سېنى ئىمكان ئالدىدا، يۈزلىرىم شەرمەندە بولسۇن تاڭلا سۇبھان ئالدىدا . دۇنياغا تەڭ ئەيلىمەيمەن تاغلىرىڭنىڭ تېشىنى ، سېنى دەپ تاشقا قوشارمەن دۈشمىنىڭنىڭ بېشىنى ، سەن ئۈچۈن دەريا ئېقىتسام شۇم رەقىبلەر يېشىنى مۇمكىن بولغايمۇ كۆرۈشكە ئايغا ئوخشاش قېشىنى ؟! قارا بەختىم ئاق بولاردى شۇندا رەھمان ئالدىدا . سەن ئىدىڭ دۇنيادا بىر ھۆسنى گۈزەل نازۇك بەدەن ، ئىككىمىزدە باغلىنىش گوياكى ئەردى جانۇ- تەن ، ئاھ!…گۈزەل يار ئوينىغان قەشقەر، كۇچا، يەكەن، خوتەن ، نېمىلەر بولدى ئىكىن ئىپلاس ئاياغدا پاك ۋەتەن ؟! سەن ئۈچۈن كۆزگە كۆرۈنمەس قانچە قۇربان ئالدىدا. سۇلىرىڭى ئابىھاياتتۇر ،ئەي گۈزەل يارىم،سېنىڭ ، تۇتىيادۇر تۇپرىقىڭ كۆزۈمگە ،دىلدارىم ،سېنىڭ ، جانغا جاندۇ ئۇندا ئۆسكەن پارچە غەمخارنىم سېنىڭ ، ئايرىلىش تىلدى يۈرەكنى ،كۆزى خۇمارىم ،سېنىڭ ، ئۆرتەنۇر كويىڭغا قەلبىم جەرخى كەيۋان ئالدىدا. ئاۋۋالىدا سەن ئىدىڭ جەننەتتە ئوخشاش بىر ماكان ، ئەركە ئويناپ ئۆسكەن ئەردىم قىسمىغان بۇ كەڭ جاھان ، خۇش پۇراقلىق گۈل – چىچەك تاللاپ ئۈزەردى باغبان ، ئابرويۇڭنى ساقلار ئەردىم مەن بولۇبان پاسىبان ، دۈشمىنىڭ كۆز تىكمەس ئەردى شىرى غىرران ئالدىدا. باغا گۈل ،شېخىدا بۇلبۇل ،نېمىتىڭ شۈكرىن ئوقۇر ، تاڭ سەھەر تورغايلىرىڭ تەسۋى سېرىپ قانات قاقۇر ، بەلكى قۇشلار بارچىسى مەدھىيىڭ بىلەن يەرنى چوقۇر ، چۈنكى خەۋپسىز يەر ، ھاۋا،تاغ، چۆل ۋە سۇ ،دۆڭ ھەم چوڭقۇر ، ئەركىلەپ ئۆسكەن ئىدىم شاھزادىدەك خان ئالدىدا . مەن ئۇ چاغدا سەندىن ئايرىلماقنى ئەسلا كۈتمىگەن ، “ئىېھتىيات قىلغىن رەقىپتىن ” دېسە ، ھەرگىز پۈتمىگەن ، چۈنكى ئۇ كۈندە بېشىمدىن ئىسسىق-سوغۇق ئۆتمىگەن ، ئارغىمىقىمنى ئەپەندى قەبرىدە ئۈركۈتمىگەن ، باشقا قامچا تەگمىگەنتى يولدا كارۋان ئالدىدا . بال -شېكەردىن بەلكى شېرىندۇر كۈمۈش رەڭ سۇلىرىڭ ، تاغلىرىڭدا يايرىشىپ ئەركىن ئۆسەر ئاھۇلىرىڭ ، چېنىقىپ ئەردى رەقىبكە قارشى قول-بازۇلىرىڭ ، ساڭا تەسىر يەتكۈزەلمەس ئەردى ھېچ جادۇلىرىڭ ، سەلتەنەتلىك شەۋكىتىڭ بولغاچقا ئىنسان ئالدىدا . ماختىناردىم سەن كەبى بىر نازىنىننىڭ يارى دەپ ، يارنىڭ كۆكرىگىگە تەككەن بىر سازىنىڭ تارى دەپ ، ساڭا باغلانغان مۇھەببەت ھەممىدىن يۇقارى دەپ ، خاھ گۈلۈم ..خاھ بۇلبۇلۇمغا قىش ۋە ياز باھارى دەپ ، كوكۇلۇڭ بويىن ئۆپەردىم لالە- رەيھان ئالدىدا . دىلبىرىم ،ئاھۇ كۆزۈم ،خۇرشىد يۈزۈم ،شېرىن سۆزۈم ، ھۆسنى ئەپلاكىڭدا تۇغقان ئەردى تەلەي يۇلتۇزۇم ، لەۋلىرىڭدىن قىزغانۇردى باغدا پىشقان تال ئۈزۈم ، قاشلىرىڭ مىھراب قىلىپ سەجدە قىلاي تەنھا ئۆزۈم ، چوڭ گۇناھكار بولسىمۇ دىن بىرلە ئىمان ئالدىدا. ۋادەرىخا ،قايسى كۈندۈز ، شۇم رەقىب باستى ئاياق ، سەن كەبى ھۆر نازىنىنلەر ئۈستىگە سالدى تاياق ، مەن قۇچاقىڭدا تۇرۇپ تارتتىم ئەجەب دەردى پىراق ، نېمىتىڭ لەززەتلىرىدىن ئايرىلىپ قالدىم يىراق ، بىر تىلەمچىدەك قىسىلدىم كۈزدە خامان ئالدىدا . يىغلىدىن شۇندىن بۇيان تۈن -كېچىلەر بىدار بولۇپ ، رەھىمسىز ئۆگەيگە قالغان قىز يېتىمدەك خار بولۇپ ، ھەۋزىكەۋسەرنى كېچىبان تامچە سۇغا زار بولۇپ ، تارلىشىپ كەتكەن جاھانغا سىغمايىن بىمار بولۇپ ، بوينى باغلانغان مۈشۈكتەك داڭدا ساچقان ئالدىدا . شۇنداق ئۆمرۈم ئۆتكەنىدى ئۆرتىنىپ ھەم كۈل بولۇپ ، ئات ،ئېشەكلەر ئورنىدا دۈشمەنلىرىڭگە قۇل بولۇپ ، “ئاللا ئەمرى شۇمىكىن؟” دەپ ، ساتسا بەلكى پۇل بولۇپ ، ئۆتكەن ئۆمرۈم ئەسلىسەم يېشىم تۆكۈلەر كۆل بولۇپ ، موللىنىڭ ئىمانى بولدۇم خۇددى شەيتان ئالدىدا . ئاقىۋەت قوغلاندى بولدۇم ، بىر يولى تارتتىم پىراق ، شۇم رەقىبنىڭ تەلىيى ئوڭ كەلدى ، مەن بولدۇن يىراق ، جانغا تويغان خۇددى بىر پەرۋانىدەك ، سەن بىر چىراغ، كۈنمۇ كۈن ئارتتى ساڭا كۆڭۈلدە بولغان ئىشتىياق ، تامچە سۇغا زار بولدۇم بەھرى ئۇممان ئالدىدا . مەيلى مەن بارغۇنچە يىرتقۇچلۇق بىلەن خەلقىمنى ئارت ، مەيلى مەھبۇم بېشىدا قانلىق قىلىچىق پارقىراق ، مايلى ۋەھشىيلىك بىلەن ئادەمچىلىك ئاڭنى يوقات ، ئىنتىقام ئالغۇم سېنىڭدىن تا جېنىم تەندە ھايات ، ھېچقاچان ئادەم يېڭىلمەس ۋەھشىي ھايۋان ئالدىدا ئۆلگىنىم ياخشى نىگارىمدىن تىرىك ئايرىلغۇچە ، ئۇچىمەن ساڭا بېقىپ تاكى قانات قايرىلغۇچە، كۈرىشىم قايتماس رەقىب جېنى تېنىدىن ئايرىلغۇچە ، بولدى ئەمدى سەۋرى يوق ياتتىم مانا بىر يىلغىچە ، ئورما ئورماق ئانچە تەس بولمايدۇ دېھقان ئالدىدا . تارت قولۇڭنى ۋەھشى دۈشمەن ،تېخى جېنىم تەندە بار ، ئىنشائاللا ،پات يېقىندا سېنى قىلغۇم تارماي ، ئەي پەلىد، چاپسان يوقال! گۈزەل يېرىمنى قىلما خار ، سەن قارا زۇلمەتنى يوقاتسام ،سائادەت تاڭ ئاتار، كۈن نۇرىن كۆرسەتمىگەن سەن پەردە ئاسمان ئالدىدا. كۈرىشىم ھېچ توختىماس تا قەترە قانىم قالغىچە ، تەسىرىڭنى يوق قىلۇرمەن قەلبىم ئارام ئالغىچە ، ئەزرائىل «پۈتتى ئىشىڭ»دەپ تاكى جانىم ئالغىچە ، تەن سوۋۇپ يۈرەك ، تومۇر ،قان ، ھەرىكەت توختالغىچە ، شۇندا ئەۋلادىم تۇرار دەۋاغا سۇلتان ئالدىدا . مەن بارۇرمەن ئەي نىگارىم سەن ئۈمۈدنى ئۈزمىگىن ، دۈشمىنىڭنى ئۇر !پەقەت ئەركىنغىنا يۈرمىگىن ، ئالدىنىپ دۈشمەن بىلەن سەن ئەيشى-ئىشرەت تۈزمىگىن ، شۈم رەقىبكە باغلىرىمدىن مىۋىسىنى ئۈزمىگىن ، پات يېقىندا تېپىشارمىز گۈل-گۈلىستان ئالدىدا . ئەر ئەمەسمەن تاكى دۈشمەننىڭ قېنىن ئاققۇزمىسام ، دۇنيادا خائىنلىق ئەيبىن كۆكسىگە تاققۇزمىسام ، ئوت زەھەرلىك نەشتەرىلە ئۆزىنى چاققۇزمىسام ، «ئەللەي ئېتىپ» يەر بۆشۈكتە ھەممىسىن ياتقۇزمىسام ، شۇندا” مەرد ” نامىنى ئالغۇم شاھىمەردان ئالدىدا . ئەي سەنەم ، ئەتراپقا باق ، خەلقىممۇ ھەم تېنچ ياتمىسۇن ، “تاشلىۋەتتى ، سۆيگىدىن كەچتىمۇ ؟” دەپ باش قاتمىسۇن ، جىم يېتىپ ،ھەسرەت چېكىپ ،قانلار يۇتۇپ ،دەرد تارتمىسۇن ، ھىلىگەر مەككار رەقىبكە ئابرويىنى ساتمىسۇن ، ئەيلىسۇن خار بولغۇنۇمنى ئۇندا زىنداق ئالدىدا . دەردلى دىل ھېچ توختىماس، سىرلىق قەلەم قايناپ يازار ، مۇڭلۇق دادىمنى ئىشىتسە خىزرى تەسىبىھدىن ئازار ، چۈنكى ئول بەتبەخت رەقىبلەر نىمشېھىتكە گۆر قازار ، مەيلى ئۆلسەم سۆيگۈ يولىدا ،تېنىم بولغاي مازار ، كۆز يېشىم ئارتار تېخىمۇ قىز ۋە ئوغلان ئالدىدا . 1946-يىل ئاۋغۇست ،غۇلجا

مايسىخان

	قەدەملەر مۇبارەك! نىگارنى قارىشى ئالماسلىققا باھانىمىز يوقتەك قىلىدۇ، جان-جەھلىمىز بىلەن قارىشى ئالىمىز نىگار قىز!!!

نىگار

	مايسىخان يوللىغان ۋاقتى  2012-يىلى 10-ئاينىڭ 14-كۈنى 21:01 قەدەملەر مۇبارەك! نىگارنى قارىشى ئالماسلىققا باھانىمى ... شۇ شۇ     ، مۇشتاق ياخشى سالام بىلەن كەلسەم قارشى ئالمىساڭلارمۇ سەت تۇرا مايسىخان ھەدە

مايسىخان

	نىگار يوللىغان ۋاقتى  2012-يىلى 10-ئاينىڭ 14-كۈنى 21:06 شۇ شۇ     ، مۇشتاق ياخشى سالام بىلەن كەلسەم قارشى ئالمى ... قارىشى ئالمامدىغان، بۇنىڭدىن كېيىن تېخىمۇ ئېسىل يازمىلارنى يوللاپ تۇرارسىز

گۇلخان

	پاھ،مۇنداقمۇ سالام بىرىش ،مۇنبەرگە كىرىش ئۇسۇللىرى باركىنا،ئىسمى نىگار ،ئۆزى باھاردەك تۇرسا،يەنە كىلىپ كىم مىنى قارشى ئالمايدۇ دەپ جاننى ئالغىدەك جىلمىيىپ تۇرسا ،قارشى ئالماي بېشىمىز ئونمىدى بىزنىڭ؟ جاننى ئالاي دەپ كەلدىڭمۇ نىگار، ئوتقا سالاي دەپ كەلدىڭمۇ نىگار. قارشى ئالمىسا ئەگەر يەتتە قىز، يەڭنى شىمايلاپ كەلدىڭمۇ نىگار.

Aydar

	كىممۇ سالام قىلمىسۇن سالام قىلىپ كەلگەن نىگار ئالدىدا!!! مەن 180گىرادۇس ئىگىلىپ سالام قىلدىم.

ئەسمەتۇللاھ

	قارشى ئالدىم نىگارنى ئەسسالامدا ئىگىلىپ ، كۈندە سۈيلەپ كىرىڭ دەپ كەتكەن كۆڭلۈم چىگىلىپ . يەتتە قىزنىڭ ھۇزۇرى سىزگە بولغاي چاھارباغ ، ئوينىغايسىز كەڭتاشا شاتاۋاردەك يېيىلىپ .

قەمبەرنىسا

	مەن تونۇيدىغان نىگار شۇمۇ ئەمەس بىلمىدىم ئىشقىلىپ يەتتە قىزلىرىم سىزنى ھەرۋاقىت قىزغىن قارشى ئالىدۇ. تېتىملىق تېما ئىنكاسلىرىڭىز بىلەن مۇنبەرنى قىزىتىپ تۇرغايسىز !

مودەن

	قىزغىن قارشى ئالىمىز، ئۇز قىزىمىز نىگارئاي، ئەتتىرگۈلنى تىزىمىز، يولىرىڭغا نىگارئاي.........مۇنبەردىكىلەر نىڭ ھەممىسى سىزنى قىزغىن قاررشى ئالىدۇ دۇستۇم

ۋېنىرا

	مەن قارشى ئالمايمەن گەپ باما؟ ھوببـــــــا،ئويناقشىپ يۈرۈپ بىر قىززىتىۋېتىڭە بۇ مۇنبەرنى، كىرسەم-كىرسەم جىمجىتلا، ئىچىمنى پۇشۇرۇپ