ئارسلان - قارا ئەتىرگۈل

ئەسمەتۇللاھ

	ئۇ بىر يىلدىن بۇيان تەنھا ياشاۋاتاتتى . شەھەرنىڭ چېتىدىكى مەينەتچىلىك قاپلىغان بۇ كۇچىغا ھەر قېتىم نەزەر تاشلىغىنىدا مىھمانخانىسى ، ياتىقى ، ئاشخانا ھەم ھاجەتخانىسى رەتلىك سېلىنغان ، ۋاي دىگۈدەك ئىقتىسادى ، ھەشەمەتلىك ئائىلە جابدۇقلىرى بولمىسىمۇ ، باشقىلارغا مۇھتاج بۇلۇپ  كىشىلەر ئىشىكىدە سارغىيىپ يۈرۈشتىن مۇستەسنا تىنىچقىنە تۇرمۇشىنى ئەسلەپ قايغۇغا چۈمەتتى .  ئۇ ئىرىنى ياخشى كۈرەتتى . ئۇنىڭ قاپقارا مۇلايىم كۆزلىرىدىن ئايالىغا بولغان چەكسىز مۇھەببەت بالقىپ تۇراتتى . ئۇ ئىرىنىڭ  ئائىلىسىنى قامداش ئۈچۈن كىچە - كۈندۈز ئىشلەپ قاپىرىپ كەتكەن قوللىرىدىن ، گەز باغلاپ ئاق ئۆرلەپ كەتكەن لەۋلىرىدىن ، تۇلا يۇيۇلۇپ ئۈڭۈپ كەتكەن كىيىملىرىدىن ، قات قات چەم سېلىنىپ ئېغىرلاپ قالغان ئاياقلىرىدىن بىرەر قېتىم قاقشاپ باققىنىڭنى ئەسلىيەلمەيتتى . ئشتىن بەك كەچ كىلىپ ئاللىقاچان سۇۋۇپ كەتكەن تامىقىنىمۇ خۇتۇنىنى ماختاپ تۇرۇپ يېيىشنى ئۇنتىمايتتى . ئايلىق مائاشى چىققان ھامان ، ئۇنى يىتىلەپ ئاپىرىپ ئاددىيراق بولسىمۇ بىرەر قۇر كىيىم ئېلىپ ئايالىنى خوش قىلىشنى بىلەتتى . تۇرۇپ ئۇنىڭ خۇيى ئۆزگىرىپ كەتتى . كۈنسىرى ئېشىۋاتقان ئىستىمال ، چىرايلىق مودا كىيىملەر ، داڭلىق ماركىدىكى قىممەت باھالىق ھۈسىن گۈزەللەشتۈرۈش مايلىرى ، ساپسېرىق ئالتۇن بۇيۇملار .... ئۇنى قانائەتچان ، رايىش  ئايالدىن شۆھرەتپەرەس ، جىدەلخور خۇتۇنغا ئايلاندۇردى . ئايلىق تۇرمۇشىغا ئارانلا يىتىۋاتقان پۇل ، ئۇنىڭ ئىچىدە قاتراۋاتقان ئىھتىياجىنى قامدىيالمايتتى . ئۆيدە بىكار ئولتۇرۇپ  خۇلۇم خوشنا ئاياللارنىڭ يۈرۈش  -تۇرۇش ، ئۈستىباشلىرى ئۇنىڭ ھەسىتىنى قوزغىدى . دەسلەپتە ئەركىلەپ تۇرۇپ پۇراتقان بولسا ، بارا - بارا ئىرىنىڭ كۈزىگە تىكىلىپ تۇرۇپ زەھىرىنى سانچىلىۋالىدىغان بولدى . ئىرى چىرايىنى ئۆزگەرتمەي تۇرۇپ ، كۈلۈمسىرەش بىلەن باش لىڭشىتاتتى . ئىرىنىڭ سەۋرچانلىقى ئۇنىڭ تېخىمۇ ئوغىسىنى قاينىتاتتى . بۇنداق كۈنلەردە بۇ ئائىلىدە بىر نەچچە كۈنگىچە قازان ئېسىلمايتتى ، چايمۇ قاينىتىلمايتتى . ئايالىنىڭ ئۈنچىدەك  تۈكۈلۈپ تۇرىدىغان كۆز ياشلىرىغا چىدىمىغان ئەر يا ئاغىنىلىرىدىن قەرز سۇرايتتى . يا ئىش ھەققىنى ئالدىن ئېلىپ تۇرۇشقا مەجبۇر بۇلاتتى . يۈز يۈئەنلىك قىپقىزىل  بىر نەچچە ۋاراق پۇل ئالدىغا قۇيۇلغاندا قىياقتەك قاشلار ئاستىدىكى چولپاندەك كۆزلەردە سۇسقىنە تەبەسسۇم پەيدا بۇلۇپ ، تىگىدىن ئاق مەرمەردەك يۈزلەردىكى غەم تۇمانلىرى دەقىقە ئىچىدە قۇياشتەك پارلايتتى . ئەتىسى يۇغان قەغەز كۇرۇپكىدا ماڭغاندا تاكاسلاپ ئاۋاز چىقىرىدىغان ئىگىز پاشنىلىق ياقۇتلۇق ئاياق ياكى گىرىم ئۈستىلىدە بىر نەچچە قۇتا يۈز مېيى پەيدا بۇلۇپ قالاتتى . بۇ خۇشاللىق بانكىنىڭ قەرەلسىز ئامانىتىدەك بىر نەچچە كۈنگىچە ، بىر نەچچە ھەپتىگىچە داۋاملىشاتتى . بىر كۈنى ئۇلار قىزىرىشىپ قالدى . خۇتۇنى يۇرتتىكى سىڭلىسىنىڭ تۇيىنى مۇبارەكلەش ئۈچۈن مىڭ يۈەن ئېلىپ بارماقچى بولدى . دست -دۈشمەنلىرىنىڭ ئالدىدا كىيىشكە چاقناپ تۇرىدىغان بىر قۇر كىيىم سېتىۋالدى . ئەڭ ئاخىرىدا نازۇككىنە بارماقلىرىغا سېلىش ئۈچۈن بىر جۈپ ئۈزۈك ئويلىشىۋاتقاندا پۇل تۈگەپ قېلىپ بىر ئاخشام يىغلىدى . ئىرى نۇرغۇن گەپلەرنى قىلدى ، يالۋۇردى ، ۋەدە بەردى . گىپىنى يىگۈزەلمىگەن ئەر ئۇنى تۇنجى قېتىم ئاياپ ئولتۇرمىدى . داۋامى بار .

باتۇرچەۋەنداز

	تەسۋىر دىگەننى يېزىپ قۇيىدە

تامچە

	ئاخىرى چىققۇچە تاقەت قىلالمامدىم نىمە، ياخشى چىقىپتۇ

ئەسمەتۇللاھ

	كىچىكىدە ئاتا - ئانىسىدىن يىتىم قېلىپ ، ئۇرۇق تۇغقانلىرىنىڭ ھامىيىسىدە چوڭ بولغان گۈلسۈمئاي تۇلىمۇ چىرايلىق ئىدى . ئۇ تۇلۇقسىزنى پۈتتۈرە پۈتتۈرمەيلا ئۆيگە ئەلچىلەر كىلىشكە باشلىدى . باققان ئاتا ئانىسى كىچىككىنە قىزنىڭ تۇيىنى قىلىۋېتىشكە چىدىماي ، شەھەردىكى يىراقراق بىر توغقىنىنىڭ بالىسىنى بېقىپ بىرىشىگە بەردى . مىجەزى سەھرا ئاپتىپىدەك ئۇچۇق يۇرۇق بۇ قىز شەھەرگە ئاسانلا ئۆزلىشىپ كەتتى . شەھەرگە كىلىپ ئۇنىڭ ياغلىقى ئېلىپ تاشلاندى . چىكە چاچلىرىدىن چىرايلىق ماڭلاي چىقىرىلىپ ، ئىككى تال قىلىپ ئۈرۈپ قۇيۇلدى . ئايىقىدا پۇتلىشىپ تۇرىدىغان ئۇزۇن كۆينەكلىرى  تىزىغا كىلىدىغان تالا تالا يوپكىغا ئالماشتى . 3 ياشقا كىرىپ قالغان بالىغا قارىغاچ تاماق ئىتىش ۋە كىر قات يۇيۇش قاتارلىق ئىشلارغا ئانچە مۇنچە ياردەملەشكىنىنى ھىساپقا ئالمىغاندا ئۇ ئاساسەن بىكار ئىدى . ئۆي ئىگىلىرى بالىنى يىغلاتماي قاراپ بەرسىلا شۇنىڭغا رازى بۇلاتتى . بىر نەچچە يىل ئۈتۈپ ئۇلار بالىنى يەسلىگە بالىنى بىرىشتى . ئۆي ئىشلىرىغا  ئۇبدانلا پىشىپ قالغان گۈلسۈمئاي قازان چۈمۈچنى قۇلىغا ئالدى . دەم ئېلىش كۈنلىرى ئاشخانىغا قەدەم باسماي تەييار تاماقنى يەپ ، ئۇكىسىغا قارايتتى .   ئۇكىسىنى ئېلىپ پەسكە چۈشسىلا بۇ ئولتۇراق رايۇندىكى بۇرنى كۈپۈپ قالغان بىر نەچچە بالا ئاسماندىن  چۈشكەندەكلا پەيدا بۇلاتتى . بىر كۈنى قاملاشمىغان بىر ئىش يۈز بەردى . ئەمدىلا پەسكە چۈشۈپ ، مەجنۇنتال تۈۋىدىكى ئۇرۇندۇقتا ئولتۇرىشىغىلا ھېلىقى بالىلاردىن بىرى كىلىپ قالدى . گۈلسۈمئاي  ئۇرۇندۇقتا ئولتۇرۇپ بىر نەچچە قەدەم نېرىدىكى ئۇكىسى بىلەن توپ ئېتىشىپ ئويناۋاتاتتى . ھېلىقى بالا تاماكىسىنى پۇرقىرىتىپ چەككەچ ئۇنىڭغا قاراپ تۇراتتى . توپ يۇمۇلىنىپ ئۇنىڭ ئۇنىڭ ئايىقى ئاستىغا كىلىپ قالدى . بالا تاماكىنى تاشلاپ توپنى قۇلىغا ئالدى . گۈلسۈمئاي ئۇكىسىنى كۈتۈرۈپ تۇرۇپ ئۇنىڭغا قارىدى . بالا توپنى تۇتۇپ پەرۋاسىز تۇراتتى . گەپ قىلىشنى بىئەپ كۆرگەن قىز ئۆيىگە چىقىپ كىتىشكە تەمشەلدى . شۇندىلا يىگىت ئالدىغا چامدىدى . ئۇ توپنى بالىغا بەرگەن بۇلۇپ گۈلسۈمئاينىڭ مەڭزىگە سۈيۈۋالدى . گۈلسۈمئاي يىغلاشنى ئويلىغان بولسىمۇ نىمىشقىدۇر ئىپادە بىلدۈرمەي يىگىتكە قاراپ قېتىپ قالدى . دېرىزە پەردىسىنى چۈشۈرۋاتقان ئايال خۇجايىن كۈزىگە چېلىقىپ قالغان بۇ مەنزىرىدىن بىئارام بۇلۇپ كەتتى . كەچلىك تاماق جىمجىت يىيىلدى . ئايال پات پات گۈلسۈمئايغا قاراپ قۇياتتى . قىز بولسا ھېچ ئىش يۈز بەرمىگەندەك ، يىگىتنىڭ لەۋلىرى تەككەن مەڭزىنى سىلاپ ئولتۇرۇپ پۈتۈن ۋۇجۇدى بىلەن تىلىۋۇزۇر كۈرۈۋاتاتتى . بۇ ھال خۇجايىن ئايالنىڭ زەردىسىنى قايناتتى . تىلىۋۇزۇر تۈگەپ ھەممىسى ئۇخلاشقا تۇتۇش قىلىشتى . يېتىپ خېلىغىچە ئۇيقۇسى قاچقان گۈلسۈمئاي ئۇسسۇزلۇق ئىچىش ئۈچۈن ھۇجرىدىن چىقىۋاتقاندا ، ئىشىكى ئىتىلمىگەن ياندىكى ئۆيدىن ئايالنىڭ گەپلىرىنى ئاڭلاپ قالدى . ئايال ئۇنى تىللاۋاتاتتى . بۇنداق بۇزۇقنىڭ قۇلىدىن تاماق يەپ بىر نىمە بۇلۇپ قالماي ساق تۇرۇۋاتقىنىغا ، بالىسىنى پالاكەت باسماي ئامان ئىسەن ئۈتىۋاتقىنىغا توختىماي شۈكرى ئېيتاتتى . ئۇلار ئۇزۇن كۇسۇرلاشتى . ئاخىرى يۇرتقا تىلىفۇن قىلىپ ھەممە ئەھۋالنى ئىنىق چۈشەندۈرۈپ ئۇنى قايتۇرۋەتمەكچى بۇلۇشۇپ چىراقنى ئۈچۈردى . شۇنچىلىك بىر سۇيۇپ قۇيۇشنىڭ بېشىغا بۇ قەدەر كۈلپەتلەرنىڭ كىلىشىگە گۈلسۈمئاي ھەيران قالدى . ئۇلار شۇنداقلا دىسىغۇ بىر نۆرى ، باشقا گەپلەرنى قىلىپ توغقانلىرىنىڭ قۇلىقىغا يىتىپ قالسا ، ئۇ يۈز كۈتۈرۈپ يۈرەلمەيتتى . ئۇ سەھەرلا ئويغىنىپ كەتتى . كىيىملىرىنى كىيىپ ، يۇتقانلىرىنى يىغىۋەتكەندىن كىيىن ئىشكاپتىكى نەرسىلىرىنى سومكىغا قاچىلاپ ، ئۆيگە ئاخىرقى قېتىم قارىدى دە ، چىقىپ كەتتى .

گۈلئايىم

	ۋاي ئارىلان بەگ ھەجەپ بىر يامان يىرىگە كەلگەندە  توختاپ قالدىغۇ،،،،،،

Aydar

	داۋامى ...داۋامى... ئەسەر شۇنداق ياخشى داۋام ئېتىپتۇ....

قەمبەرنىسا

	ئاپلا، ياخشىلىق ياراشمايدىغان بولۇپ قالماس گۈلسۈمئايخانغا...........

گۇلخان

	ئارىسلانبەگ.باشتىلا ۋاقىتتا يەنە خاتالىق بار،ئوڭشاپ مېڭىڭ.ئۈچ ياشلىق بالىنى بىر نەچچە يىل باقسا بۇبالا ھېچ بولمىغاندا 6-7 ياشلار غا كىرىپ قالىدۇ،شۇڭا بۇ بالىنى كۈتۈرۈپ يۈرۈپ ئويناتمايدۇ،.يەنە بىرى بالىلارنى 5 ياشتىن باشلاپ باغچىغا بىرىدۇ . بۇ ۋاقىتتا قىز ئۆزى يالغۇز قالدمدۇ ئويدە......بۇ بايان مۇۋاپىق ئورۇنلاشتۇرۇلسۇن، ئاۋۇ يىگىتنىڭ سۈيۈۋېلىشى ۋە ئۇنىڭغا بىلدۈرۈلگەن ئىپاد بەك تىزلىشىپ كەتتىمۇ قانداق؟

مودەن

	ياخشى چىقىۋاتىدۇ،داۋامىغا تازا قىزىقىۋاتىمەن،ساقلىدۇق ئەمسە

ۋېنىرا

	داۋامـــــــــــــــــــــــــــــــــــــى