ئايدارنىڭ يەتتە شەھەرگە ساياھىتى

Aydar

	ئۈچىنچى باب: ئايدارنىڭ سەپەر تەييارلىقى قىلغىنى بايانىدا ئايدار ناھايىتى خوش بوپتۇكى، بۆرىباينىڭ ھەممە گۆشنى يەپ بولۇپ، ئۆزىگە چامغۇر سەۋزىسىنى قالدۇرۇپ قويغانلىقىغىمۇ پەرۋا قىلماپتۇ. ئەينەككە قاراپ چېچىغا ئۆرۈك يىلىمىدىن راسا چېپىپ، ئاندىن ئۇنى لاخشىگىر بىلەن قىسىپ تارتىپ بۈدرە قىلغاچ ھېساباتقا چۈشۈپتۇ. -ئەتە يولغا چىقساق، 6 كىشىلىك ئايرۇپىلاننىڭ 15-ئورۇندۇقىدىن ئورۇن ئالسام، شۇنداق ئايرۇپىلاننىڭ قۇيرۇقىدا ئولتۇرسام ئولتۇرىمەنكى، ھەرگىز ئادەتتىكى ئادەملەردەك ئاپتۇبۇس، ماشىنىلاردا ئولتۇرمايمەن. ئىشەك ھارۋىسى، ئۈچ چاقلىق ھارۋا دىگەنلەرغۇ نېرى تۇرسۇن. ئاندىن ئايرۇپىلاننىڭ نىيا، كېرىيە، چىرا بىكەتلىرىدە توختاپ، ئايرۇپىلان ئالمىشىپ خورتەن بىكەتكە چۈشسەم.... ئاندىن ...ئاندىن... ئۇ شېرىن خىيال بىلەن لاخشىگىرنى چىڭىتىۋىرىپ، چېچىنىڭ بىر تەرىپىنى ئۈزۈلۈپ چۈشۈرگەنلىكىنىمۇ تۇيماپتۇ. قىزىپ كەتكەن لاخشىگىر ئۆرۈك يىلمى بىلەن بىرلىشىپ يەنە بىر تەرىپىنى خۇددى بىر باغلام ئۆرۈك ئوتۇنىغا ئوخشىتىپ قويغان ئىدى. -ۋاي خوتۇن.... بۆرىباي گۆشكە تويۇپ بۇرۇتىنى مايلاپ ئولتۇرغاندا، قازناق ئۆيدىن ئىس چىقىپ كەتكەچكە، بۇ خوتۇن ماڭا يەنە كاۋاپ ئېتىۋاتقان ئوخشايدۇ دەپ يەنە ئىشتىھا بىلەن قازناق تەرەپكە قاراپتۇ. لېكىن ئىسنىڭ ئاشخانا تەرەپتە ئەمەس، قازناق-ئەسكى-تۈسكىلەر بار يەردىن چىقىۋاتقانلىقىنى پۇراپ يەتكەندىن كېيىن، كاڭدىكى گۈللۈك كىگىزنىڭ قېتىدىكى توبانىڭ توخمىقىنى كۆتۈرۈپ قازناق ئۆيگە باستۇرۇپ كىرىپ ئايدارنىڭ تازا ساپتۇ. ئايدار ۋاقىراپتۇ، چىقىراپتۇ، توۋلاپتۇ، پەرياد ئۇرۇپتۇ، قاخشاپتۇ،...لېكىن توخماق يەنە توختاي دىمەپتۇ. -دادىسى مەن تۆۋۋە قىلاي...سېلى سىلى چارچاپ قالمىسىلا، ئەكەسىلە توخماقنى، مەن ئۆزۈمنى ئۆزۈم ئۇراي، مۇبارەك قوللىرى تالمىسۇن، بىر دەم تۇرۇپ كالىنىڭ ئۆپكىسىنى قۇيغاندا قوللىرىنى ئۇزاتسىلىرى ھېرىپ كەتكەن قوللىرى ئۆپكىنى دىگەن يەردىن كىسەلمەيدۇ. بۆرىباي قولىدىكى توبانىڭ تايىغىنى ئايدارغا سۆزسىز ئۇزىتىپتۇ ھەمدە ئۇنىڭغا قاراپ بېشىنى لىڭشىتىپتۇ. ئايدار بېشىغا پەم بىلەن بىرنى ساپتۇ. بۆرىباينىڭ ئىچى ئاغرىپ كېتىپ، بىر تال ئەسكى يوتقاننىڭ پاختىسىنى چىقىرىپ ئايدارنىڭ بېشىغا قويۇپ بىرىپتۇ. ئايدار شۇنىڭ ئۈستىگە ئاستا بەشنى ئۇرۇپلا بۇ مۇراسىمنى تامام قىپتۇ. -ئايرۇپىلان ئەتە ئەتتىگەن سائەت بەشتە يېنىمىزدىكى بىكەتتىن قوزغىلىدىكەن. بىلەت ئاللىمىكىن؟ -ھەئە...سەن ئۆپكەڭنى قۇيۇۋەر، مەن سەل ئۇخلىۋالاي. بۆرىباي ياتاق ئۆيگە كىرىپ بىر دەمدىلا ئايرۇپىلاننىڭ ئاۋازىغا تەقلىد قىلىپ ئۇشقىتقان پېتى ئۇيقۇغا كېتىپتۇ. ئايدار بىلىنى باغلاپ، يۇغان داشقازاندا بىر سۇغا ئىككى تاغار ئۇننى چېلىپ يۇغۇرۇپتۇ، ئاندىن كالىنىڭ ئۆپكىسىنى پەم بىلەن قۇيۇپ ئاندىن ھېسىپلارنى چىڭقاپ قۇيۇپتۇ ۋە داشقازانغا پاخالدىن ئوت يېقىپ كىچىچە ئۆپكە قۇيۇپتۇ ۋە ئۇنى ئون سەككىز بالىغا ئۈچ ۋاقلىقتىن توققۇز كۈنلۈك قىلىپ ئايرىم-ئايرىم توغراپ ئاندىن ئۇنى بەش مۇزلاتقۇغا تىزىپتۇ. بۇ ئىشلارنى تۈگەتكەن ئايدار يۈزىنى يۇيۇپ تۇرىشىغا ئەزان ئاۋازى ئاڭلىنىپ، تاڭ يورۇشقا ئازلا قاپتۇ. ئۇ پۇتىنىڭ ئۇچىدا دەسسەپ يەتتە قىز قەلئەسىدىن ئېلىپ كەلگەن ياغاچ كومپىيۇتىرنى ئېلىپ ئاستا تورغا چىقىپتۇ.

گۇلخان

	داۋامى نەزىرىمدە بولغاي..

ئەسمەتۇللاھ

	ئۈچىرەت تۇرۇپ كۈتمەكتىمەن

مودەن

	مەنمۇ شۇ ئۆچىرەتكە تىزىلىدىم،تەقەززالىق بىلەن

مايسىخان

	مەن ئىككى كىشلىك ئۆچىرەت ئايدارىم

گۈلئايىم

	مەنمۇ ئۆچرەتنىڭ خىلى ئالدىدا جۇمۇ

anar

	‏شۇ ،بۇ بۆجەن گەرچە دىر دىر ياشىسىمۇ مەندىن ياخشىكەن ،ھىچ بولمىغاندا ساياھەتكە بولسىمۇ ئەپچىقىپتۇ

ئەسمەتۇللاھ

	anar يوللىغان ۋاقتى  2012-يىلى 10-ئاينىڭ 10-كۈنى 21:36 ‏شۇ ،بۇ بۆجەن گەرچە دىر دىر ياشىسىمۇ مەندىن ياخشىكەن ، ... شۇ سىز قاۋانباي ئاچىقاي دىسىمۇ ئۇنىمايسىزغۇ دەيمەن

ئايسۇ

	كۆڭۈل ئازادىلىكى ئىزدىسەملا يەتتە قىزلىرىمغا كىرىمەن، ئازادىلىك تەمە قىلىپ. رەھمەت مايسىخان ھەدە بۇ كۈنلەردە مۇشۇ چۆچەكلا مېنى كۈلدۈرۈپ ئازابىمنى بىر ئاز يەڭگىللىتىۋاتىدۇ.  رەھمەت ئايدار

گۈلئايىم

	ئاپلا ئۇ تىۋىشنىڭ كىچىك كەپ قالغان ياغاچ كومپىيوتىرى قاچان ئىشقا چۇشەر ئەمدى؟ ئادەمنى تەقەززا قىلىپ