بىكەتتە
يىڭناغۇچنىڭكىدەك سۈپسۈزۈك قاناتلىرى ھاۋانىڭ ئىسسىقىدا سالپىيىپ قالغان كۈمۈش رەڭلىك ئالتە كىشىلىك ئايرۇپىلان ، سودا -سېتىق قىزىپ كەتكەن چىرا ئايرۇدۇرومىدا پۇشۇلدىغىنىچە چىپپىدە توختىدى . مىھمانلىرىنى كۈتۈۋېلىشقا چىققان ئادەملەر توپى ھەدەپ ئايرۇپىلان ئىشىكىگە بۇيۇنداپ قارىشاتتى . تۇمۇر قۇشنىڭ ئۈچ باسقۇچلۇق پەلەمپىيى چۈشۈرۈلۈپ ، يۇلۇچىلار قىستىلىشىپ چىقىشقا باشلىدى . ئون بەشتەك ئادەم چۈشۈپ بولغان بولسىمۇ ئەزىز مىھمان ئايدار خانىمنىڭ سايىسىمۇ كۈرۈنمەيتتى . شۇنچە ئىسسىقتا بوينىغا شارپا ئۇرۇۋالغان گۈلخان تاقەتسىزلىنىپ ، بۇدرە چاچلىرىنى تارىغىنىچە بوينىنى غازدەك سۇزۇپ تاقەتسىزلىنەتتى . كىچىك كىلىپ قالغان سومكىسىنى كۈتۈرەلمەي چىپ -چىپ تەرلەپ كەتكەن ئايدار ، 5- ئەۋلات ئالما يانغۇنىدا كىيۇ - كىيۇ ئوينىغاچ ئايرۇپىلان ئىشىكىدە پەيدا بولدى . گۈلخان ئۈزىنى ئاتتى ، ئايدار پەلەمپەيدىن سەكرىدى . ئۇلار چىڭڭىدە قۇچاقلىشىپ ، بىر ھازا كۈلۈشكەندىن كىيىن ئەھۋال سورىشىپ ، بىر - بىرىنى قولتۇقلىدى دە ، بىكەت ئىشىكىدىن چىقتى . ھەر ئىككىسىنىڭ چىرايىدا ئۆزگىچە خۇشاللىق ، دەپ ئېيتقۇسىز شاتلىق جىلۋە قىلاتتى .
ئاشخانىدا
- سىلەرنىڭ چىرانىڭ ئاشخانىلىرىنىڭ ھەممىسى يەر ئاستى قەۋىتىدىمۇ ؟
ئايدارنىڭ تۇيۇقسىز سورىغان سۇئالىدىن مەڭدەپ قالغان گۈلخان ، ئىتتىكلا ئايدارغا قاراپ :
- نىمىسىنى دەيسىز جېنىم . ئەسلى بىز يەر ئاستىدا ئولتۇرۇپ ، ئاشخانىلار ئۈستىدە ئېچىلاتتى . يېقىنننىڭ ياقى شەھەر مۇھىتىنى ياخشىلاش سىياسىتىنىڭ تۈرتكىسىدە ، ئالمىشىپ قالدۇق . نىمە يەيسىزكىن ، تارتىنماي دەۋىرىڭ .
مۇزدەك سۇ توشقۇزۇلغان يۇغان جانان چىنىلەرنى ئۈستەلگە دوققىدە قۇيۇپ كىتىپ قالغان كۈتكۈچىگە قاراپ چىرايى ۋىللىدە ئېچىلغان ئايدارنىڭ ، لەڭپۇڭغا ئىشتىھاسى قوزغالدى بولغاي ، گۈلخان ئالاھىدە بۇيرۇتۇپ ئەكەلدۈرگەن ، ئەركەك قوينىڭ گۈشىدە كۈمۈلگەن كۈمەچنى چوڭ چوڭ چىشلىگىنىچە ، بىر كىشىلىك بۇيرۇتتى . ئاچچىقسۇ ، لازىلىرى ئۇبدانلا تېتىغان لەڭپۇڭ ئادەمنىڭ ئېغىزىغا سېرىق سۇ يىغاتتى . گۈلخان سومكىسىدىن ئاچقۇچىغا ئۆتكۈزۋالغان غېرىچ چوڭلۇقتىكى ئەپچىلگىنە قەلەمتىرىچىنى چىقىرىپ ، لىغىلداپ تۇرغان لەڭپۇڭنى نەچچە پارچە قىلىپ پارچىلاپ ، كىچىك تەخسە بىلەن ئايدارغا سۇندى . ئۇلار كۈلكە چاقچاق بىلەن غىزالىنىپ ئاشخانىدىن چىققاندا ، ئۇلارنىڭ مەڭىزلىرىدە سىڭىشمەي قېلىپ قالغان لازا ، ئاچچىقسۇ مايلىرى كۈچلۈك قۇياش نۇرىدا ئاجايىپ چاقناپ تۇراتتى .
خەلق مەيدانىدا
ياپيېشىل چىملىقلار بىلەن كۈكۈرۈپ تۇرغان خەلق مەيدانىدا ، كىچىك كىلىپ قالغان يانفۇنى توغرۇلۇق ھىكايە سۆزلەۋاتقان ئايدار قاراپ ، گۈلخان تىزىغا شاپىلاقلاپ كۈلمەكتە ئىدى . مەرىم ، ئانار ، نەئىمە ، تىۋىشلەرنىڭ تاتلىق غەيۋەتلىرىدىن كۆڭلى كۈتۈرۈلۈپ شوخلىشىپ كەتكەن چوكانلارنىڭ سۆزلىرى تۈگىگەندە كىچە سائەت 12 : 30 بۇلۇپ قالغانىدى . ئايدار ئوڭ بىلىكىنى سىقىپ قاپارتىۋەتكەن قاشتېشى بىلەيزۈكىنى كەينىگىرەك سۈرۈۋەتكەندىن كىيىن سول قۇلىدىكى رەقەملىك سائىتىنى ئىشارە قىلىپ ، ماڭمىسا بولمايدىغانلىقىنى ئېيتىپ ئورنىدىن تۇردى . گۈلخاننىڭ بۇلاقتەك كۆزلىرىدە ياش كەلكۈنى يامراپ ، ئېغىر - ئېغىر تىنغىنىچە بىر قۇلىدا قىزى تۈركەنئاينى ، بىر قۇلىدا ئايدارنى يىتىلىگىنىچە ئايرۇدۇرومغا يۈرۈپ كەتتى .
ئۇزىتىش
خۇتەنگە ئۇچىدىغان نۆۋەتچى ئايرۇپىلان سائەت بىردە قوزغىلاتتى . چىۋىن قورۇپ كىتاپ ئۇقۇغاچ ئۇخلاۋاتقان بىلەت ساتقۇچىنىڭ ئالدىدا ئۈچىرەت ساقلاپ بىلىتىنى كەستۈرۋالغان ئايدارنىڭ چىرايىدا بىر خىل قىيالماسلىق غىل پال ئەكس ئىتىپ تۇراتتى . گۈلخاننىڭ تەبەسسۇم جىلۋە قىلىپ تۇرىدىغان چىھرىدىمۇ غەم تۇمانلىرى لەيلەپ يۈرەتتى . << قونمىغان مىھماننىڭ كەتكىنى ياخشى >> ئايدار كۈلۈپ تۇرۇپ ، گۈلخاننى باغرىغا باستى . ئەزەلدىن كۈرۈشۈپ باقمىغان بۇ قىرىنداشلارنىڭ خوشلىشىشىنى كۈرۈپ تۇرغان يۇلۇچىلارنىڭ كۈزىدە ياش ئەگىپ ، ئۇلارنىڭ مىھرى مۇھەببىتىگە زوقلىناتتى . ئايرۇپىلان پەلەمپىيىگە قەدەم قۇيۇپ ئارقىغا قايرىلغان ئايدار قوللىرىنى پۇلاڭلىتىپ ، ھاۋا بوشلىقىغا سىڭىپ كەتتى . ھەر ئىككىسىنىڭ قەلبىدە بۇ قېتىمقى ئۇچرىشىشنىڭ خۇشاللىقى ، دوستلۇقنىڭ ئۈزۈلمەس ئېقىندەك مەڭگۈلۈك مىلودىيىسى قىيان ياسىماقتا ئىدى .
IP كارتىسى
ئىقتىدار كارتىسى
يوللىغان ۋاقتى: 2012-يىلى 10-ئاينىڭ 6-كۈنى 14:09:48
ئۆرلىتىش كارتىسى
چوققىلاش كارتىسى
سۈكۈت كارتىسى
شاۋقۇن كارتىسى
变色卡
显身卡
يوللىغان ۋاقتى: 2012-يىلى 10-ئاينىڭ 6-كۈنى 15:32:06
ھا ھا ھا...تۇغما كەمتەرلىك مېڭىڭە ۋۇي پايلاپ يۈرگىنىڭىزنى دېمەي
