بولدىلا مۇھەببەت كەتسەڭ كىتىۋەر

گۇلخان

	بولدىلا مۇھەببەت كەتسەڭ كىتىۋەر گۇلنىسا ئىمىن مۇھەببەت سەن ئۈچۈن بەردىم كۆپ بەدەل، ۋە لېكىن ئىچمىدىم ۋىسال شارابى. ياغدۇردۇم سۇئاللار دۇقاللىرىڭغا، سوغ كۈلۈپ قۇيۇشۇڭ بولدى جاۋابى. قەلبىمدە كۆكلەتتىم سۆيگۈ دەرىخى، ئەقىدە سۈيىدە سۇغاردىم ئۇزاق. ئۇنىڭدىن ئالغىنىم بولدى بىر شاكال، بەلكىم سەن ئاڭىمۇ قويغانسەن تۇزاق. ساقلىدىم كۈنۈ-تۈن دوقمۇشلىرىڭدا، قۇلۇڭنىڭ ئۇچچىنى تۇتقۇزماي كەتتىڭ. بىر ئەركە شاھ ئىدىم،ئەمدى يۇلۇڭدا، بىر تېمىم سۈيۈڭگە خارۇ-زار ئەتتىڭ. يۇلۇڭغا راسلىدىم پۇلدىن پايانداز، ئەپسۇسكى بىر نەزەر سالمىدىڭ ئاڭا. ئارقاڭدىن يۈگۈردۈم خۇشامەت بىلەن، يەنىلا شاللاندىم يارىماي ساڭا. سەدىقە تىلىدىم بۇلۇپ قەلەندەر، ۋە لېكىن ئالغىنىم سۇغۇقلا قاراش. باغۋەن بوپ راسلىدىم ساڭا گۈلچىمەن، ئىسىڭدىن كەچمىدى گۈللەرنى پۇراش. ئىت بۇلۇپ بۇسۇغاڭ تۈۋىدە ياتتىم، چاغ دىدىڭ تاشلىماي بىر تال سۈڭەكمۇ. بېغىڭغا كىرگەنتىم بۇلۇپ كىپىنەك، پۇراتماي قوغلىدى ھەتتا چىچەكمۇ! بازىرىڭ قۇرۇق قول ياندۇردى مىنى، گۈل چاغلىق نەرسەڭگە يەتمىدى كۈچۈم. قوغلامسەن ھېچنىمە بەرمەستىن ماڭا، بارمىدى يا مەندە تۈگىمەس ئۆچۈڭ. بولدىلا ،مۇھەببەت كەتسەڭ كىتىۋەر، مەن قايتاي ئۆزۈمگە ،ئادەملىكىمگە. ئىىتقاد ،غۇرۇرۇم يول قويماس ئەمدى، ئۆتكۈزگەن شۇنچە كۆپ سەۋەنلىكىمگە!

گۇلخان

	بۇ شئېرىمنى  بۇ مۇنبەرگە يوللىمىغان چېغىم،باشقا مۇنبەرلەردە ئىگىسىنى تاپالماي  مۇساپىرنىڭ كۈچىكىدەك يۇرۇپتۇ.شۇڭا بۇ يەرگە ئەكىلىپ قويدۇم قۇلاقلىرىدىن سوزاپ تازا. بۇرۇنمۇ يوللاپ سالغان بولسام يەنە يوللاپتۇغۇ دىمەي  بوپتۇ دەۋىتەرسىلەر گۇناھىمدىن ئۈتۈپ  ھە

ئەسمەتۇللاھ

	يۇلۇپلا ئەكەپسىزدە .

گۇلخان

	ئەسمەتۇللاھ يوللىغان ۋاقتى  2012-يىلى 9-ئاينىڭ 30-كۈنى 23:47 يۇلۇپلا ئەكەپسىزدە . شۇ، ............. يۇلۇپلا ،......تارتىپلا ئەكەلدىم مۇنداق ئاچچىغىمنىڭ دەردىدە............

ئەسمەتۇللاھ

	يۈتكەن نەرسىنىڭ سېپى ئالتۇن دەپ ھەر نىمە بولسا ئۈزىڭىزگە ئۇچراپتۇ

قەمبەرنىسا

	گۇلخان يوللىغان ۋاقتى  2012-يىلى 9-ئاينىڭ 30-كۈنى 23:49 شۇ، ............. يۇلۇپلا ،......تارتىپلا ئەكەلدىم مۇنداق  ... ئاچچىقىڭىز كەلگىنىنى ئۇققانتىم مەن.

غۇنچەقىز

	گۇلخان يوللىغان ۋاقتى  2012-يىلى 9-ئاينىڭ 30-كۈنى 23:30 بۇ شئېرىمنى  بۇ مۇنبەرگە يوللىمىغان چېغىم،باشقا مۇنبە ... مەنمۇ قايتاقۇيتا يوللىۋەردىمغۇ،ھېچقىسى يوق

باتۇرچەۋەنداز

	كىتۋەر مۇھەببەت دىگەنكىن،نەگە كەتسە كەتكەندۇ......   كەتكەنكەندىن كىيىن چىدالماي ياندۇرۇپ ئەكىلىپسىزغۇ مانا.       شېئىر دىگەن ماندا بولمامدۇ ،بەزى شېئىرلارنى ئوقىسام گاڭگىراپلا قالىمەن، مەقسەت -مۇددىاسىنى چۈشەنمەيمەن.

ئەسما

	خە خە ................ئەسلى ئىگىسى سىز ئىكەنسىزدە ..................باشقا يەرلەردە تىنەپ يۇرۇپتۇ ئەمەسمۇ ؟ ھە نىمە بولسا ئەكىلۋالغىنىڭىز ياخشى بوپتۇ ............سوغاق چۈشۈپ قالغاندا تەس بولاتتى ..............

غۇنچەقىز

	مەنغۇ كەلمىگەننى قوغلىايمان