ھاياتتىكى ئەڭ گۈزەل پەزىلەت

مودەن

	كەڭ قورساقلىق ـــ ئەڭ گۈزەل پەزىلەتتۇر ،باشقىلارغا كەڭ قورساقلىق بىلەن مۇئامىلە قىلىدىغان كىشلەر شەخسىيەتسىز ، مەردانە كىشلەردۇر . ئۇلار مەسلىلىلەرگە باشقىلارنىڭ نۇقتىسىدا تۇرۇپ قاراشنى ، ھەر ئىشتا ئۆزىنى باشقىلارنىڭ ئورنىغا قۇيۇپ تۇرۇپ ئويلاشنى بىلىدۇ .باشقىلارنىڭ ئورنىدا تۇرۇپ ئويلىغاندا باشقىلار بىلەن ئۆزى ئوتتۇرسىدىكى پەرقنى بىلگەندە ، باشقىلارنىڭ كەمچىلىكى ۋە سەۋەنلىكىگە تاقەت قىلغاندا ، ئۆزىنىڭ پايدا - زىيىننى زىغىرلاپ كەتمىگەندە ، باشقىلارنىڭ نۇقسانلىرىنى تۈزىتىشىگە ياردەم بەرگەندە پەزىلەتنى تەدرىجىي مۇكەممەللەشتۇرۈگىلى بولىدۇ .ئەكسىچە زىيادە ئۆزىنىلا ئويلىغاندا كەڭ قورساق بولغىلى بولمايدۇ .بۇنداقلار خۇددى ئاچكۆز بېخىللاردەك پۈتۈن ئەس-يادى بىلەن ئېرىشىشنىلا ئويلاپ ،ئۆزىگە سېخىي ، باشقىلارغا چىڭ كىلىدۇ .خۇددى <<ئىنجىل>> دا ئېيتىلغاندەك ، ئۇلار ھامان باشقىلاردىكى كىچىككىنە ئەيىپنىلا كۆرىدۇكى ، ئۆزىدىكى چوڭ نۇقساننى كۆرمەيدۇ .ئازراقلا زىيانغا ئۇچرىسا ، دەردىنى چىقىرۋالمىغۇچە بولدى قىلمايدۇ . ئۆچ - ئاداۋەت خۇددى بىر ئۆتكۈر خەنجەركى ،ئۇ ئۆزگىنى ئازابلاش بىلەن بىللە ئۆزىنىمۇ ئازابلايدۇ ، شۇڭا ئۆچ ئېلىشنىڭ ئاقىۋىتى ھەرئىككى تەرەپنىڭ زىيانغا ئۇچرىشى بىلەن نەتىجىلىنىدۇ .ئۆچمەنلىك بىلەن تولغان ھايات ئازابلىق ھاياتتۇر .ئۆچمەنلىكنى نېرى قىلىپ كەڭ قورساقلىقنى ھەمراھ قىلغاندا ،قولنى چىرماپ تۇرغان تۈگۈن ئاندىن يىشىلىپ ، كۆڭۈل مىھرى-مۇھەببەتنىڭ بېغىغا ئايلىنىدۇ .خۇددى<< ھېكمەتنامە>> دە ئېيتىلغاندەك ، ئاداۋەت ــ ئاپەتنىڭ كېنى ، مۇھەببەت ــ ئامەتنىڭ بېغى . كەڭ قورساقلىق ـــ غەمگۈزارلىق بىلەن قىسمەتكە چىداش دىمەكتۇر . شۇڭا ، كەڭ قورساقلىق ئادەمنىڭ پەزىلىتىنى تاكامۇللاشتۇرۇپ ، ئىرادىسىنى تاۋلاپ ، كىشىنى زور جاسارەتكە ئىگە قىلىدۇ ، تېخىمۇ مۇھىمى ، ئۇ ئارقىلىق باشقىلارمۇ ئۆزگىرىپ ، ئۇلارمۇ ئوخشاش ئۇسۇل بىلەن باشقىلارغا مۇئامىلە قىلىدىغان بولىدۇ ، بۇنىڭ بىلەن پۈتكۈل جەمئىيەت بىر ئىللىق ماكانغا ئايلىنىدۇ . كۆرۈش كېرەككى ، ناۋادا بىر كۈنەلردە بىز بىلىپ - بىلمەي باشقىلارغا ئازار بېرىپ قويساق ، ئېھتىمال باشقىلارمۇ بىزگە كەڭ قورساقلىق قىلىشى مۇمكىن . كەڭ قورساقلىق ـــ ئالىيجاناپ خىسلەتتۇر ، ئۇ بىرەر ئىنسانغا بولغان غەمخۇرلۇقلا ئەمەس ، بەلكى بارلىق كىشلەرگە بولغان كۆيۈمچانلىقتۇر . ئەلۋەتتە ، ئۆز ئائىلىسىدىكىلەرگە ، دوستلارغا ، تۇنۇش-بىلىشلەرگە كەڭ قورساقلىق قىلىش ئوڭاي ، ئەمما ئۆزىنى ئازابلىغانلارغا كەڭ قورساقلىق قىلىش ، مۇنداقچە ئېيتقاندا يامانلىققا ياخشىلىق قىلىش تەس . بۇ كەڭ قورساقلىقتىكى ئەڭ ئالىي مەنزىلدۇر ، بۇنداق كەڭ قورساقلىق ئاجايىپ زور قۇدرەتكە ئىگە . بۇ ھەرگىزمۇ قارشى تەرەپنىڭ خاتالىقىنى يېپىش ، ئۇنى مەيلىگە قۇيۋېتىش بولماستىن ، بەلكى قارشى تەرەپنىڭ سەۋەنلىكىنى كەچۈرۈپ ، ئۇنىڭ كەمچىلىكىنى ئارتۇقچىلىققا ئۆزگەرتىشكە ياردەم بېرىشتۇر . مانا بۇ ھەقىقىي كەڭ قورساقلىقنىڭ ئىپادىسى . شۇنى بىلىڭكى ، كەڭ قورساقلىق ۋە ئۆچمەنلىككە يۈزلەنگىنىڭىزدە ، كەڭ قورساقلىق ـــ سىزنىڭ ئاقىلانە تاللىشىڭىز بولسۇن ! مەنبە:تور دۇنياسى

مەرىپەت

	كۆڭلى كۆكسى كەڭ بۇلۇش ناھايتى ياخىشى بولغان ئادىمى خىسلەتتۇر.

ۋېنىرا

	ئىسىل نەسھەتلەركەن جۇمۇ، رەھمەت مودەنگۈل،چۇقۇم مۇشۇ تېمىڭىزدىكىدەك ئادەم بوپ كىتىمەن بىر كۈنى

باتۇرچەۋەنداز

	كۆڭلى كۆكسى كەڭ،ئۆزى جاھانغا تەڭ

لالە

	دەل جايىدا ئېيتىلغان نەسىھەتكەن بۇ.