بارمۇ . . . R

رەھمەتۇللاھ

	تىۋىشلارغا تولغان قەلبنىڭ پىچىرلاشلىرىغا قۇلاق سالغۇدەك، سۇنىڭ شىلدىرلاشلىرىدەك پىنھان بايانلارغا شامالدىكى يۇپۇرماقلارنىڭ شىۋىرلاشلىرىدەك نازۇك جاۋاپ قايتۇرغۇدەك قەلب بارمۇ ؟ قىسىلىپ تېلىپ كەتكەن باشنى قۇيۇپ، چىڭقىلىپ ئېتلىپ چىققان ياشنى تۈكۈپ، جاھالەت ئۇچىقىدا كاۋاپ بولغان يۈرەكنى يارغاندا ئېقىپ چىققان قان-يىرىڭ، زەرداپنى سەسكىنمەي ئېرىتكۈدەك قول بارمۇ ؟ مۇڭدىشىشقا ئاي يىراق، قۇياش قىززىق، يۇلتۇزپىنھان، شامال ئالدىراش يەرشارىدا تەنھا قالغاندا، بىر ئۇچۇم تۇپراقتا قونچاق ياساپ ھىكايە سۆزلەپ ئولتۇرغاندا، ساراڭ كۆرمەي قەلب تەشنالىقىنى كۆرەلەيدىغان كۆز بارمۇ ؟ دوستۇم دەپ يۈرەكنى بەرگەندە پىتەك كەبى دەسسىمەيدىغان، تىجارىتىگە دەسمايە قىلمايدىغان، تول خۇتۇننىڭ غەيۋىتىگە ناشتلىق بەرمەيدىغان، پاشا چىۋىن كەبى ئادەملەرگە تالاتمايدىغان، لالما ئىتلارغا يالاتمايدىغان ۋىجدان ئىگىسى دوست بارمۇ ؟ قەدىرلىكىم دەپ قەدىرلىسەڭ قەدرىڭنى بىلىدىغان، قۇلىنى يۇيساڭ پۇتۇڭنى يۇيالايدىغان، ئەركەبى ئىززىتىڭنى بىرەلەيدىغان، خۇتۇن كەبى ھۆرمىتڭنى قىلالايدىغان، ئىگىلسەڭ، ئۈستۈڭگە مىنمەستىن سەندىن بەكىرەك ئىگىلەلەيدىغان، ئالمىچىلىك يۈرەككە ئالەمچە سۆيگۈڭنى سىغدۇرالايدىغان قەدىرلىك بارمۇ ؟ ئازغاندا ئەسلىڭنى ئەسلىتەلەيدىغان، تايغاندا نىشانىڭنى كۆرسىتەلەيدىغان، يۇمشاقتا سىلكىپ ئويغىتالايدىغان، قاتتىقتا مۆرىنى تىرەلەيدىغان، پاراغەتتە سەن بىلەن كۈلەلەيدىغان، ھارارەتتە ئارخىرغىچە يۈرەلەيدىغان سەپەرداش بارمۇ ؟ يېقىلغىنىڭغا پىخىلداپ كۈلمەيدىغان، يۆتەلسەڭ چاۋىڭنى چىتقا يايمايدىغان، كەچلىكلىرى تېمىڭدىن مارىمايدىغان، پايداڭغا كۆزىنىڭ قۇيرۇقىدا قارىمايدىغان، ھەققىڭگە قارا سانىمايدىغان ئالتۇنغا تىگىشكىلى بولمايدىغان ئالى جاناب خوشنا بارمۇ ؟ يىغلايمەن يېشىمنى سۈرىتەلەيدۇ كىم، مۇزلىغان يۈرەكنى ئىرىتەلەيدۇ كىم، بۇ خازان قەلبنى گۈللىتەلەيدۇ كىم، سۆيگۈمگە داۋانى بىرۋىتەلەيدۇ كىم، قەلبىمكە قەلبىنى ياقالايدۇ كىم، بۇ ھىجران جامىنى چاقالايدۇ كىم، نەپرەتكە تەبەسسۇم ياپالايدۇ كىم، كەتكەندە كەينىمدىن باقالايدۇ كىم ........................................................................................................

مودەن

	مۇشۇ كۈنلەردە ئاجايىپ بىر تېمىلارنى يازىدىغان  بولۇپ كەتتىڭىز جۇمۇ،ئادەمنى چوڭقۇر ئويغا سېلىپ

ۋېنىرا

	يىغلىما يېشىڭنى سۈتەلەيمە مەن، مۇزلىغان يۈرگىڭنى ئىرتەلەيمە مەن. شۇ خازان قەلبىڭنى گۈللىتەلەيمەن، سۆيگۈڭگە دەۋانى بىرەلەيمە مەن. قەلبىڭنى قەلبىمدە باغاشلايمە مەن، ھىجرانىڭ جامىنى چاقالايمە مەن. نەپرەتكە تەبەسسۇم ياقالايمە مەن، گەر كەتسەڭ كەينىڭدىن باقالايمە مەن. ئانچىكى ئازابقا ئاھ ئۇرۇپ كەتمە، كۈتمەكتە ئالدىڭدا گۈزەل كۈنلىرىڭ. يۇقاتما ئۈزۈڭنى مۇزلىسا يۈرەك، ئىرىتەر تۇيۇقسىز شېرىن تۈنلىرىڭ. مۇڭلۇق قەلىبتىن چىققان ھىجرانلىق تىنىقلارنى تىڭشىدىم، تۇلىمۇ يېقىشلىق چىقىپتۇ،ھارمىغايسىز...

ئەسمەتۇللاھ

	رەھمىتۇللاھ ئاداش .... باركەن ، باركەن . بىرى چىقىپتۇ دەرتكە دەرمان بولغىلى ...

ۋېنىرا

	ئەتتىگەندە زاڭلىق قىلمايدىغان ئانداق-ھە،خىجىل قىلىپ،مانداق بىر يېزىپ قويدۇق ئەمدى ياخشى ئەسەركەنتۇق.

ئەسمەتۇللاھ

	ۋېنىرا يوللىغان ۋاقتى  2012-يىلى 9-ئاينىڭ 26-كۈنى 09:50 ئەتتىگەندە زاڭلىق قىلمايدىغان ئانداق-ھە،خىجىل قىلىپ، ... روھچىن شۇنداق كۆرسە ، مۇنبەردىن كىتەلمەي قالىدۇ ئەمدى . قېنى ئۇ ئاداش ...

ۋېنىرا

	كىمۇ ئۇ روھچىن دىگەن؟ نىمىشقا كىتەلمەي قالغۇدەك... چۈشەنمىدىمغۇ؟

ئەسمەتۇللاھ

	ۋېنىرا يوللىغان ۋاقتى  2012-يىلى 9-ئاينىڭ 26-كۈنى 09:58 كىمۇ ئۇ روھچىن دىگەن؟ نىمىشقا كىتەلمەي قالغۇدەك... چۈشە ... روھچىن دىگەن مۇشۇ تىمىنىڭ ئىگىسى ، مۇنبەردە كاتتا باشلىق ، رەھمىتۇللاھ بەگ شۇ بۇلىدۇ .

ۋېنىرا

	ھە،كاتتا باشلىق دەپ قۇيۇڭ،ئۈزۈمنى بىلمەيلا ياندىشىپ قويغان ئوخشىمامدىمەن،سەت بوپتۇ. ئىككى ئىسىم قوللىنىۋالساڭلا بىلىپ بولغىلى بولمايدىكەن ھەي

ئەسمەتۇللاھ

	ھەممىمىزنىڭ ئىككىدىن ئىسمى بار ، سىزمۇ ئاز كۈندىن كىيىن ئىسىم ئالماشتۇرۇڭ