كاككۇك ھەققىدە قىسقا قەسىدە

گۈلئايىم

	مۇھەممەتجان راشىدىن    قىچقىرىپ يەنە كەلدى غىرىپ كاككۇك،    ئېھتىمال يەنە كېتەر تەنھا پېتى.    تەقدىرىگە پۇتۇلگەنگە كۆنمەك ھەقتۇر،    تەگمەيدۇ يا زەينەپكە يازغان خېتى.    تاڭ سەھەر تال شېخىدا يادلاپ قالدى،    شۇ خەتنى بۇلتۇرقىدەك بۇ يىلىمۇ ئۇ.    ئايلىنىپ كەتمىگىدە يوقتۇر شۇبھە،    ئاشىقلارنىڭ ناخشىسىغا بۇ يىلىمۇ ئۇ.    قەلەمنى قويۇپ تۇرۇپ تىڭشاپ قالدىم،    ئوقۇغان  داستانىنى   بىچارىنىڭ.    ۋىسالسىز تېخى ۋەيران بولغىنى يوق،    كېلىدۇ  ئىشقى  بىلەن  نىگارىنىڭ.    سەۋىردىن دەرىس تولا سۆزلىرىدە،    ھېچقاچان  تاشلىمايدۇ  تاقەتنىمۇ.    چىدامغا ئۇندەپ تۇرار ئاشىقلارنى،    ياشاشقا يېڭىپ بارچە ئاپەتنىمۇ.    ئىيتقىنى چىن ئاشىقنىڭ ناخشىسىكەن،    بىر ئۇلۇغ ۋىسال ئىكەن ئىزدىگىنى.    زېرىكمەي تىڭشاپ باقتىم بارچە باغدىن،    ساداقەت ئىكەن تامام سۆزلىگىنى.    ھەر يىلى كىلىپ تۇرار ۋادىمىزغا،    ئاڭلىسام يەنە تەنھا كېتىدىكەن،    يادىغا  يېتەلمىسە  بۇدۇنيادا،    بىچارە يەنە يالغۇز ئۆتىدىكەن.

ئەسمەتۇللاھ

	كاككۇك زەينەپسىز سەت مۇڭلىنىپ كىتىپتۇ ماقما .

ۋېنىرا

	بىچارىلەرگە ئىچىم ئاغرىيدۇ، تېپىشماي ئۈتىدۇ-دە جاھاندىن

anar

	‏قايەردە ئوقۇدۇم ئالدىنقى قېتىم مىراس ژورنىلىدىمۇ ئەيتاۋۇر ،مۇشۇ توغرىلىق زەينەپ ۋاپاسىزلىق قىلىپ كاككۇكنى تاشلاپ كېتىپ كېيىن تېپىشماس بولۇپ قالغان ،ئارىلىقىنى بىر دېڭىز ئايرىپ تۇرىدۇ دەپ ...بولسا كارى ،بولمىسا زارى دەپ