سۆي ، نامرات بولسىمۇ ئۇ سېنىڭ داداڭ ...

كەپسىز

	سۆي ، نامرات بولسىمۇ ئۇ سېنىڭ داداڭ ...    ئاپتۇر: قەييۇم مەجنۇن ئېسىلزاد بولسىمۇ ئۇ سېنىڭ داداڭ،    ئۇلۇغزاد بولسىمۇ ئۇ سېنىڭ داداڭ .    سۇمباتلىق بولسىمۇ ئۇ سېنىڭ داداڭ ،    باياشات بولسىمۇ ئۇ سېنىڭ داداڭ ،    سۆي ، نامرات بولسىمۇ ئۇ سېنىڭ داداڭ ...    ئۇ سېنى چوڭ قىلدى مىڭ تەستە بېقىپ ،    جېنىم دەپ پەپىلەپ باغرىغا بېسىپ .    ئوتۇڭدا كۆيۈپ ، سۈيۈڭدە ئېقىپ ،    قاق سەنەم بولسىمۇ بارىنى سېتىپ ،    سۆي ، نامرات بولسىمۇ، ئۇ سېنىڭ داداڭ ...    ساڭىلا تۈگۈنۈپ ئۆزى يېمەيدۇ ،    سېنىلا كەيسۇن دەپ ئۆزى كىيمەيدۇ .    جاپا ھەم زەربىگە ۋايساپ كەتمەيدۇ ، بەلكى كۆز يۇمغىچە غېمىڭنى يەيدۇ ، سۆي ، نامرات بولسىمۇ ئۇ سېنىڭ داداڭ ...    پۇتلىرى مىڭ قاداق ، قوللىرى يېرىق ،    يىل بويى ئىشلەپمۇ كىيىمى يىرتىق .    ئۈستىدە تۇرسىمۇ تۈمەن مىڭ سېلىق ،    ئۇ شۇنچە مۇلايىم ، ئۇ شۇنچە سىلىق ،    سۆي ، نامرات بولسىمۇ ئۇ سېنىڭ داداڭ ...    ئۆتكۈزدى ئۇ ئۆمرىنى بالام ، بالام دەپ ،    كۈندۈزى ئەتىزدە ، كەچتە كالام دەپ .    تېخى كوپ بالامغا مېھرىم چالام دەپ ،    ياشىدى ھەممىگە ئوخشاش سالام دەپ ،    سۆي ، نامرات بولسىمۇ ئۇ سېنىڭ داداڭ ...    سەن ئۇنىڭ ھالىنى سوراپ باقتىڭمۇ ،    بېشىغا بىر تەلپەك بېرىپ باقتىڭمۇ . ; مۈكچەيگەن قەددىگە قاراپ باقتىڭمۇ ،    ئاقارغا چېچىنى سىلاپ باقتىڭمۇ ،    سۆي ، نامرات بولسىمۇ ئۇ سېنىڭ داداڭ ...    ئۇ سېنى مەكتەپتە ئوقۇتۇپ قويدى ،    شۇنداقلا دۇنيانى تونۇتۇپ قويدى .    بەختنىڭ تەمىنى تېتىتىپ قويدى ،    سېنى دەپ ياشلىقىنى يوقىتىپ قويدى ، سۆي، نامرات بولسىمۇ ئۇ سېنىڭ داداڭ ...    شۇ گۈزەل ھۆسنۈڭگە كۆچكەن ياشلىقى ،    سەن ئۈچۈن كەتمەسكە كەتكەن شاشلىقى .    سېنى دەپ يوقالغان ھەم ئوت شاشلىقى ،    سېنى دەپ ئاقارغان بەشى چاچلىقى ،    سۆي ، نامرات بولسىمۇ ئۇ سېنىڭ داداڭ ...    ئەۋەتىپ تۇرىدۇ ساڭا ئايدا ئاش ،    نەۋرىلەر يېسۇن دەپ چامغۇر ھەم كوكباش .    ھىچيەردىن ئالمايدۇ بىر تىيىن مائاش ،    ئۇ شۇنچە چىداملىق ئۇ شۇنچە ياۋاش ،    سۆي ، نامرات بولسىمۇ ئۇ سېنىڭ داداڭ ...    كۆمۈرگە پۇلى كەم ، قالايدۇ مەدەك ،    پۇل ئۈچۈن ئەتىزدە تېرىيدۇ غوزەك .    ئەمما سەن قەھرىڭنى چاچىسەن بۇزدەك ،    ئېيتقىنا سەندىكى ئۇ قانداق يۈرەك ،    سۆي ، نامرات بولسىمۇ ئۇ سېنىڭ داداڭ ... كوچىدا كۆرسەڭ قاچىسەن تېخى ، كەمسىتىپ ئەيىۋىنى ئاچىسەن تېخى . ئاچچىقلاپ زەھىرىڭنى چاچىسەن تېخى ،    شۇندىمۇ بالام دەپ كۆيەر ئۇ تېخى ، سۆي ، نامرات بولسىمۇ ئۇ سېنىڭ داداڭ ... تۇرقىغا قاراپ باق ، كىيىمى جۇل - جۇل ، ھەممىدىن ئايرىلىپ بولۇپ قالدى تۇل . تۇرمۇشنىڭ يولىدا يۈرىكى چۇل - چۇل ، پۇرىۋال ، ئۇ دېگەن خۇش پۇراقلىق گۈل ،    سۆي ، نامرات بولسىمۇ ئۇ سېنىڭ داداڭ ... قاراپ باق بەستىگە مۈكچىيىپ كەتتى ، ئىش - ئەمگەك دەستىدىن چەيلىنىپ كەتتى . ئۈششۈگەن گۈل كەبى شۈمشىيىپ كەتتى ،    دەردىنى ئېيتالماي ئۈمچىيىپ كەتتى ،    سۆي ، نامرات بولسىمۇ ئۇ سېنىڭ داداڭ ...    ئۇنىڭدا يوق قىلچە كىبىر - تەمەننا ،    ھەر باسقان ئىزىدا تۈمەن مىڭ مەنە . ئەپسۇسكى ياشىنىپ قالدى ئۇ ئەمما ،    لېكىن سەن قەرزىڭنى قىلدىڭمۇ ئادا ، سۆي ، نامرات بولسىمۇ ئۇ سېنىڭ داداڭ ... بىلەمسەن سەن ئۇنىڭ نامراتلىقىنى ، نامراتلىق تەختىگە سۇلتانلىقىنى . بىلسەڭمۇ ئەڭ ئاددىي پاك زادلىقىنى ، بىلمەيسەن قەرزىڭنىڭ قات - قاتلىقىنى ، سۆي ، نامرات بولسىمۇ ئۇ سېنىڭ داداڭ ... كىيىشىڭ ئېسىل تون ، ساڭا كۈندە توي ، ئىچىشىڭ مەي - شاراب ، يېيىشىڭ قوي .    سەن گويا بىر ئەنبەر ، ئۇ بولسا بەتبۇي ، شۇ سەۋەب داداڭنىڭ بېشىدا مىڭ ئوي ، سۆي ، نامرات بولسىمۇ ئۇ سېنىڭ داداڭ ... ئۇ بەرگەن پاختا رەخ ئۇستاخانلاردا ، ئۇ بەرگەن ئاش - غىزا داستىخانلاردا .    ئۇ تەرگەن سەي - كۆكتات شۇ قازانلاردا ، ئۇ يەنە ئۆتەلمەس ئىمتىھانلاردا ، سۆي ، نامرات بولسىمۇ ئۇ سېنىڭ داداڭ ... سەن ئۇنى بىر قېتىم يوقلاپ باقتىڭمۇ ، بىرەر رەت قورسىقىنى توقلاپ باقتىڭمۇ . ئۇ سۇنغان داغ چاينى ئوتلاپ باقتىڭمۇ ، بايرىمىڭ بولدى دەپ قۇتلاپ باقتىڭمۇ ، سۆي ، نامرات بولسىمۇ ئۇ سېنىڭ داداڭ ... ياشىدى ئۇ ھامان ھەقنى - ھەق سۆزلەپ ، ئەۋلادىم ، خەلقىم دەپ يىراقنى كۆزلەپ . ئىش - ئەمگەك ئەزسىمۇ ھەتتا ھەسسىلەپ ، چىداشلىق ئۆتكۈزدى ئۆمرىنى بەزلەپ ، سۆي، نامرات بولسىمۇ ئۇ سېنىڭ داداڭ... ئۇ كەتسە قايتىدىن تاپقىلى بولماس ، ئۇ كەتسە تاي بولۇپ چاپقىلى بولماس . ئۇ كەتسە قوشاققا قاتقىلى بولماس ،    پۇل خەجلەپ بازاردىن ئالغىلى بولماس ،    سۆي ، نامرات بولسىمۇ ئۇ سېنىڭ داداڭ ..

قەمبەرنىسا

	بەك ياقتۇراتتىم بۇشېئىرنى.... مەكتەپتىكى ۋاقىتتا يادقىمۇ ئېلىۋالغان تېخى...

مايسىخان

	قاچانلا ئاڭلىماي، نەچچە قېتىم ئاڭلىماي، ھەر قېتىمدا ئوخشاشلا  يىغلىغۇم كېلىدۇ

ئەزىزتارىم

	قەدىرىلىك دادا مىنى بېقىپ چوڭ قىلغىنىڭغا مىڭ مەرتىۋە رەھمەت،مەن سىنىڭ باسقان قەدەملىرىنىڭنى مەڭگۇ داۋاملاشتۇرىمەن.ئۇلۇغ ئاللادىن ساڭا خاتىرىجەملىك تىلەيمەن .

مودەن

	دادا مېنى جاپا تارتىپ چوڭ قىلىپ،ئوقۇتۇپ ھچبىر راھىتىمنى كۆرمەيلا ئۇ ئالە،گە كەتتىڭىز....

باتۇرچەۋەنداز

	دادام بولسىتى

ئىپارئاي

	بۇنى ئۇقۇپ كۆڭلۈم ھەجەپمۇ يېرىم بولدى دىسە ....

لالە

	باتۇر چەۋەنداز،ئىپارئاي،ئۇنداق كۆڭلۈڭلارنى يېرىم قىلماڭلار،سىلەرنىڭ داداڭلار يېنىڭلاردا بولمىغىنى بىلەن كۆيۈمچان ئاپاڭلار قېشىڭلاردا بار ئەمەسمۇ،شۇ كۆيۈمچان ئاپاڭلارغا كۆيۈنۈپ،سىلەردىن كۈتكىنىنى قىلىپ بەرسەڭلار داداڭلارنىڭ روھى خوش بولىدۇ .

كۆز-ياش

	لالە يوللىغان ۋاقتى  2012-يىلى 9-ئاينىڭ 19-كۈنى 21:08 باتۇر چەۋەنداز،ئىپارئاي،ئۇنداق كۆڭلۈڭلارنى يېرىم قىل ... گېپىڭىز بەك ئورۇنلۇق

ۋېنىرا

	نادىر شئېركەن ،تۇنجى كۈرۈپتىمەن