بەختىم ئۈچۈن مەڭگۈ ئامان بول

ئەسمەتۇللاھ

	بەختىم ئۈچۈن مەڭگۈ ئامان بول ( بۈگۈنكى توي خاتىرە كۈنىمىزنىڭ سوۋغىسى ئۈچۈن سۈيۈملۈك ئايالىمغا بېغىشلايمەن ) توققۇز تال يۇپۇرماق چۈشكەندە يەرگە ، شۇ ئۆتكەن كۈنلەرنى ئويلىدىڭ بەلكىم . ئالبۇمنى ۋاراقلاپ تۇرغان چېغىڭدا  ، قەلبىڭنى بىر مەندەك بىلمەيدۇ ھېچكىم . تۇيدۇرماي ئەينەككە باققانسەن جىمجىت ، يۈزۈڭدە جۈپ شەبنەم چاقنىسا تىمتاس . مەن گەرچە يېنىڭدا بولمىغان بىلەن ، شۇ ئۇماق تۇرقۇڭنى قىپ باقتىم قىياس . توققۇز يىل ئاۋالقى كىيىملىرىڭدىن ، ئىزدىگۈڭ كەلگەندۇ سەبىي تۇرقۇڭنى . ۋە ياكى كىيمەك بۇپ زۇرۇققىنىڭدا ، كۈلگەنسەن تۇتالماي بەلكىم ئۈزۈڭنى . توققۇز يىل دىمەككىم ئېغىزدا ئاسان ، گاھ كۈلۈپ گاھ يىغلاپ ئۆتتۈڭ مەن بىلەن . چىھرىڭدە ئېچىلدى يىللار چىچىكى ، گۈل ئىدىڭ جۇلالىق شۇنچىلىك لىۋەن . سەن ئۈچۈن ناۋات چاي دەملىمەكتىمەن ، ئىچكىنە ناز بىلەن قېيداپ سىپايە . لىۋىڭنى كۆيدۈرۈپ ئۈتۈشى ئىنىق ، چاي ئەمەس مۇھەببەت توشقان پىيالە . قۇلۇڭنى بەرگىنە ياقاي كۆكسۈمگە ، مىھرىمىز ، ئىشقىمىز كەتسۇن قۇشۇلۇپ ، سەل بۇلۇپ يەنىلا تۇمۇرۇمدا ئاق ، يۇقالسۇن جۇدالىق قاتسۇن مۇز بۇلۇپ . 2012 . 9 .13

قەمبەرنىسا

	سۈرەتلەر ئالبومى تۇرار قولۇمدا، تۇرىمەن يېشىمنى سەندىن يوشۇرۇپ. خۇشاللىق كۈيلىرى جۆر بولۇپ بىزگە، ئارمانلار شۇ كۈيگە كەتسۇن قوشۇلۇپ. كالىندار ئۆرىدى توققۇز ۋاراقنى، ئەسلىمە قالدۇرۇپ يۈرەك قېتىدا. قىلايلى تەنتەنە قۇتلۇق كۈن بۈگۈن، سالايلى پايانداز سۆيگۈ بېغىغا.

Aydar

	ۋاھ. توققۇز يىل بولدى دەڭ. مۇبارەك بولسۇن!!!

مودەن

	9يىللىق توي خاتىرە كۈنىڭلارغا مۇبارەك بولسۇن.بىزگە 10 يىل بولدى. ئايالىڭىز بۇ شېئرىنى بىر كۆرگەن بولسا -ھە.بولاپتۇ كەچتە قۇلىقىغا بىر پىچىرلاسىز....توققۇز يىلنىڭ ياقى تامىقىڭىزنى ئېتىپ، كىرىڭىزنى يۇيۇپ،دەزماللاپ،بالىلارنى بىقىپ،ئۆينى گۈلدەك تۇتۇپ.....سىزنى خاتىرجەم قىلىپ تازا جاپا تارتى.ئۇنى كەچتە بىر تۇيۇقسىز خوش قىلىۋېتىڭ تازا

مايسىخان

	ئاللاھتىن سىلەرگە بەخت، خاتىرجەملىك تىلەيمەن! ئاللاھ بىر ئۆمۈر بىللە ياشاپ، بىللە قېرىشقا نىسىپ قىلغاي! ئاۋۇ يېڭى مابەتلەرگە كۆرسەتمەڭ بۇ شېئىرنى بولمىسا خاپا بوپ قالىدۇ

anar

	مۇبارەك بولسۇن !

باتۇرچەۋەنداز

	يەڭگىمىز بىلەن تېخمىۇ بەخىتلىك بۇلۇڭلار   سالامەتلىك ،ئاسايىشلىق تىلەيمەن.

ئىپارئاي

	كۆز تەگمىسۇن  بەختىڭلارغا

لالە

	مۇبارەك بولسۇن!بەختىڭلارغا كۆز تەگمىگەي.

leyli

	‏نەقەدەر بەخىتلىك توققۇز يىل