ئادەم ئۆلتۈرىدىغان ‹‹ تەرجىمانلار ››

ئەسمەتۇللاھ

	بىر مىللەت تىلىنىڭ تەرەققىياتى شۇ تىلنى قوللانغۇچى خەلقنىڭ ئۆز تىلىغا تۇتقان پوزىتسىيىسى بىلەن زىچ مۇناسىۋەتلىك. يېقىنقى يىللاردىن بۇيان ئانا تىلنى قوغداش ھەققىدىكى چاقىرىقلار خېلىلا كۆپىيىپ قالدى. ھەر قايسى مەتبۇئاتلاردا ۋە تاراتقۇلاردا ئۇيغۇر تىلىنى توغرا قوللىنىشقا تېخىمۇ ئەھمىيەت بېرىدىغان بولدى. لېكىن، بىر قىسىم مەمۇرى ۋە كەسپىي ئورۇنلاردىكى ئاز بىر قىسىم كىشىلەرنىڭ مەسئۇلىيەتسىزلىك قىلىشى بىلەن سىرتلاردىكى ئېلان-ۋېۋىسكىلاردا ۋە ئاممىۋى سورۇنلاردا ئىككى خىل تىلنى ئورتاق ئىشلىتىش جەريانىدا بىر قىسىم ئانا تىلغا ھۆرمەت قىلماسلىق ئەھۋالىرى يۈز بەردى. بۇ ئەھۋاللار بىر تۇرۇپ كۈلكىمىزنى قىستىسا، بىر تۇرۇپ نەپرىتىمىزنى قوزغايدۇ.بۇلارنىڭ بەزىلىرى قارغۇلارچە تەرجىمە قىلىشتىن، بەزىلىرى سۆزلەرنى توغرا يازماستىن كېلىپ چىققان. بىزدە ”چالا تەرجىمان ئادەم ئۆلتىرەر ؟“دەيدىغان ھېكمەتلىك سۆز بار. قارىغاندا، ئارىمىزدا ”ئادەم ئۆلتۈرۈش“ قەستىدە يۈرىۋاتقان بىر قىسىم كىشىلىرىمىز ھېلھەم مەۋجۈت ئوخشايدۇ. ئېسىمدە قېلىشىچە، مەلۇم بىر دىراممىدا، بىر تەرجىمان خەنزۇ ئەمەلدارنىڭ ”شىما شىما“ دېگەن گىپىنى قارشى تەرەپ ”نېمە دەۋاتىدۇ“دېسە، ”تولا غىڭشىما“دەيدۇ، دەپ تەرجىمە قىلىپ بەرگەن ئىدى. مانا بۇنداق تەرجىمانلار ”ئادەم ئۆلتۈردىغان“تەرجىمانلاردۇر. يېقىندا مىكرو بلوگلاردا تارقىلىپ يۈرگەن مۇشۇنداق تەرجىمىلەرگە مۇناسىۋەتلىك رەسىملەرنى ساقلاپ كېلىۋاتقان ئىدىم. بۇلارنى يىغىپ ھوزۇرۇڭلارغا سۇندۇم. ئەلۋەتتە ئارىدىكى بىر ئىككى سۈرەتتىكىسى تەرجىمىدىكى خاتالىق بولماستىن، ئىملا جەھەتتىكى خاتالىقتۇر. شۇنداق بولسىمۇ، بىخەستەلىك قىلىنغىنى ئۈچۈن باشقا سۈرەتلەر بىلەن بىرلىكتە يوللاپ قويدۇم. مەقسىدىم، مۇمكىن بولسا ئەتىراپىمىزدىكى مۇشۇنداق ئەھۋاللارغا كۆپرەك دىققەت قىلىپ، پاش قىلىپ تۈزەتكىلى بولىدىغانلىرىنى مۇناسىۋەتلىك يەرلەرگە مەلۇم قىلساق. ئانا تىلنى توغرا ئىشلتىش ۋە قوللىنىش ھەممىمىزنىڭ ئورتاق مەجبۇرىيىتىدۇر. ناۋادا، ئۆزىمىزدە مۇشۇ خىل ئەھۋاللار بولسا تۈزەتسەك ھەم دېققەت قىلساق. ئۆزىمىزنى باشقىلارنىڭ ئالدىدا كۈلكىگە قويىدىغان ئىشلاردىن ئامال بار ساقلانساق.    تەربىيىۋي ئەھمىيتى بار دەپ قارالغاچقا ، مىسرانىم مۇنبىرىدىن  (« لوپنۇرى» نىڭ يازمىسى )  كۆچۈرۈلدى!                                      مەنبە : مىسرانىم مۇنبىرى

anar

	‏يېقىندا يولدىشىمنىڭ دوختۇرخانىسى ئىشەنچىلىك دوختۇرخانا بولىمىز دەپ زادى ھەممە نىمىنى يېڭىلاپ ئۆزگەرتىپ بەك كۈچىگەن ،قايسى كۈنى قاقشاپ كېلىپتۇ 药房دىگەننى دورىلار ئۆيى دەپ تەرجىمە قىلىپ چاپلاپ قويۇپتۇ دەپ

باتۇرچەۋەنداز

	بىر تەرجىمە ئەسەرنى ئوقىۋىتىپ، ئىككىمىز تۇنۇشمىغىلى ئۇزۇن بوپتۇ دىگەن يېرىنى كۆرەپ ۋاي بولدى ئاخىرنى ئوقومايلا دەپ تاشلاپ قۇيغان ئۇ كىتاپچىنى

قەمبەرنىسا

	بۇنىڭغا نېمە دىگۈلۈك ئەمدى...كۈندە بىر يېڭىلىق دىگەندەك يىقىندىن بېرى يىڭىلىقلارنى كۆپ كۆرۈپ كىتىپ بارىمىزغۇ ئىشقىلىپ ...

مايسىخان

	كېلەر قېتىم مەنمۇ ئۇچرىغانلارنى رەسىمگە تارتىپ يوللاپ قوياي، بۇنداق ئادەم ئۆلتۈردىغان تەرجىمىلەر قەدەمدە بىر ئۇچرايدۇ

ئىپارئاي

	راستىنلا بۇنداق  ‹يىڭىلىقلار› كۈندە ئۇچىراپ تۇرىدۇ .....ھەممىنى ئۈزىمىزدىن باشلايلى

ئەسمەتۇللاھ

	ئىشقىلىپ بىزنىڭ مۇنبەردىكى تەرجىمە ئەسەر يوللايدىغان باللارنىڭ سەۋىيىسى يۇقىرى ، بىز ئۆلمەيمىز .

مودەن

	ئەسمۇتۇللا دىگەندەك بۇنداق ئىشلار ئەتىراپىمىزداخېلى كۆپ. ئېغىز تىلىمىزدا دائىم مۇنداق دەپ ئىشلىتىپ قۇيىمىزمەسىلەن:كۇپاڭ ئۆي،دۇەن كۇ ئىشتان،تۇشەي ئاياق،كىيىمنى پىيلى قىلىپ كەيدۇق،مەن سەنجىيەن تاۋ  كىيىم سېتىۋالدىم.ئاندىن ئويلىسام نۇرغۇن سۆزلەرنى خەنزۇچىدىن ئۆز پېتى ئىشلىتىپ كەلدۇق.مەسىلەن:بىشاڭ(تۇڭلاتقۇ).شىيىجى(كىرئالغۇ)،دىيەن شى(تېلىۋۇزۇر)،جىسەنجى (ھىساپلاش ماشىنىسى)،دڭيەن دۇڭ چى(توك ۋىلسىپىت)،گاۋ سىگۇڭ لۇ(يۇقىرى سۈرئەتلىك يول)،بېيزا(ئىستاكان)جوزا(ئۈستەل)بەندىڭ(ئورۇندۇق)جاۋ شاڭ جى(رەسىم تارتىش ئاپىراتى).......دىسەم بەك جىق.ئويلىسام بىزنىڭ ئۆز تىلىمىزدىكى سۆزلەر بارغانچە ئازلاپ كېتىۋاتامدۇ نىمە؟

ئەسمەتۇللاھ

	مودەن يوللىغان ۋاقتى  2012-يىلى 9-ئاينىڭ 13-كۈنى 09:18 ئەسمۇتۇللا دىگەندەك بۇنداق ئىشلار ئەتىراپىمىزداخېلى  ... قارىغاندا سىز ئازلىتىۋاتقاندەك قىلىسىز

مودەن

	مەن ئازلىتىدىغان ئىش بولسا باشقا ئىش قىلماي شۇنىلا قىلاتتىم- بى