يەتتەقىزلىرىم مۇنبىرى قانداق مۇنبەر ؟

رەھمەتۇللاھ

	ئەسسالامۇ ئەلەيكۇم مەزكۇرتىمىنىڭ كۆرەرمەنلىرى، ئەزىز تىنىڭلار سالامەتمۇ ؟ ئەسلى مەزكۇر تىما مۇنبەر تەۋەللۇت بۇلۇشتىن ئىلگىرى تەييارلىنىدىغان تىما ئىدى. لېكىن، مۇنبەر ئېچىلىپ نەچچە يىلدىن كىيىن يېزىلدى. چۈنكى: ئەزا، باشقۇرغۇچى، مۇنبەرمەسئۇللىرى ھەممىمىز مۇنبەرنىڭ نىمە مەقسەتتە مەۋجۇت تۇرۋاتقانلىقىنى چۈشۈنىمىز دىگەنلىكتىن ئاتايەن مۇنبەر ھەققىدە چۈشەندۈرۈش  يېزىپ يۈرمىگەن. ئەمما، تۈنۈگۈندىن بىرى پەيدا بولغان زىددىيەتلەر مۇنبەر ھەققىدە بىر چۈشەندۈرۈش بىرىشنى تەقەززا قىلغانلىقتىن مەزكۇر تىما يېزىلدى. يەتتە قىزلىرىم مۇنبىرى قانداق مۇنبەر ؟ يەتتە قىزلىرىم مۇنبىرى قىسمەت ئاكىمىز، مەرۋەرى ھەدىمىز، ئايدارھەدىمىز، ئانارھەدىمىز، گۈلخان، ئەسمەتۇللاھ، قەمبەرنىسا، گۈلئايىم، زۆھرە ۋە ئۇندىن باشقا مەن تىلغا ئېلىپ بۇلالمىغان مۇنبەردىكى ئاكا-سىڭىل، ئاچا-ئىنى، قېرىنداش، بۇرادەر، قەلبداش، سىرداش بۇلۇپ كىلىۋاتقان، تورداشلارغا ۋەئۇلارنىڭ ئانىلىرى، ھەمشىرىللىرىگە بېغىشلانغان مۇنبەر. يۇقارقى جاپاكەشلەرگە بېغىشلاپ بەرپا قىلغان مۇنبەردە بىز نىمە ئىش قىلىمىز ؟ بىز بۇيەردە، خەلقئارا ئۇچۇرلاردىن ئورتاقلاشمايمىز. خەلقئارا ئېقىم مەسىلىللىرى ھەققىدە مۇنازىرە قىلمايمىز. دىيارىمىزنىڭ ئىجتىمائى، سىياسى مەسىلىللىرى ھەققىدە پىكىر يۈرگۈزۈپ تالاش-تارتىش قىلمايمىز. يۇقۇرنىڭ قانۇن-پەرمانلىرى، تۆۋەننىڭ يەرلىك سىياسەتلىرى ھەققىدە دەرىس سۆزلەپ ئادەم تەربىيلىمەيمىز. بىركىملەرنىڭ شەخسىيتى ھەققىدە غەيۋەت قىلىشمايمىز، ئادەم تىللىمايمىز، ھاقارەت قىلمايمىز، قىينچىلىقتىكىلەرنىڭ ھالىغا كۈلمەيمىز، ھالاۋەتتىكىلەرگە ھەسەت قىلمايمىز . . . ۋە ھاكازالار ئۇنداقتا نىمە ئىش قىلىمىز ؟ بۇيەر شەخسى غەرەزدىن، نەپسانىيەتچىلىكتىن، مەنپەئەت پەرەسلىكتىن، يالغانچىلىق، ساختىپەزلىكتىن ئۇمۇمەن ئىنسانىيەت دۇنياسى ھازىرغىچە كەشىپ قىلىپ ئۈلگۈرگەن بارلىق يامانلىقلاردىن خالى بۇلۇشقا تىرىشىپ كىلىۋاتقان، شۇنداقلا خالى بۇلۇپ كەلگەن ئۇرۇن ! ھەممىمىزنىڭ بوينىغا تۇرمۇشنىڭ ساپىنى سۆرىتىلگەن، بىركۈن يەر ھەيدەپ نىمجان بۇلۇپ قالغان كالىدەك جىسمىمىزنى سۆرەپ مۇنبەرگە كىرگىنىمىزدە غەرەزسىز قىلىنغان چاقچاق، تۈز كۈڭۈللۈك بىلەن قىلىنغان تەسەللى، ئۈزۈمىز ئۇنتۇپ قالغان تۇغۇلغان كۈنلىرىمىزنىڭ تەبرىكى، بىرى-بىرىمىزگە ئاتالغان يۇمۇرلار، شىئىرلارقاتارلىق دوستلۇق ئەتتىرنىڭ پۇراقلىرىدا ئۆزىمىزنىڭ جاپالىرىمىزنى ئۇنتۇپ، بىردەم بولسىمۇ تاشقى دۇنيانىڭ شاۋقۇن-سۆرەنلىرىدىن تىنىچ بۇلىمىز. بىرسىمىزنىڭ ئۆپكىسى ئۆرۈلگەندە تارتىنماي يىغلىيالايمىز، شۇنداقلا يىغلىغان قېرىندىشىمىزنىڭ يېشىنى سۈرۈتۈپ يۇمۇرلۇق تەسەللى بىلەن كۈلدۈرەلەيمىز. بىرىمىزنىڭ تۇغۇلغان بالىسىنىڭ سالامەتلىكى، ئەقىللىقلىكى ئۈچۈن دۇئا قىلالايمىز. بىرىمىزنىڭ روناق تاپقان تىجارىتى ئۈچۈن تەبرىكلىيەلەيمىز، مەغلۇپ بولغان تىجارىتى ئۈچۈن ھەممىمىز بىر ئېغىزدىن تەسەللى سۈزىمىز بىلەن ئۇنىڭ يالغۇز ئەمەسلىكىنى، ئەنسىرەشنىڭ ھاجەتسىز ئىكەنلىكىنى ھېس قىلدۇرالايمىز. تۇرمۇشتىكى ئەر-خۇتۇنچىلىق مۇناسىۋەت، ئانا- بالىلىق مۇناسىۋەت، چوڭ- كىچىكلىك مۇناسىۋەت،  يەڭگە-كىلىنلىك مۇناسىۋەت قاتارلىق تۈرلۈك مۇناسىۋەتلەر ئارا پەيدا بولغان زىددىيەتلەرگە ئاڭلىغان، كۆرگەن، بىلگەنلىرىمىزگە ئاساسەن مەسلىھەت بىرەلەيمىز ۋە ئۇڭۇشلۇق ھەل قىلىشىغا ياردەمدە بۇلالايمىز، شۇنداقلا ھەل قىلىپ بولغاندىن كىيىن ئۆزىمىزنىڭ ئىشى ھەل بولغاندەك چاۋاك چالالايمىز . بىر توردېشىمىز يۇرتىمىزغا كەلسە ئالدىغا چىقىپ چاي قۇيالايمىز. شۇنداقلا، توردېشىمىزنىڭ يۇرتىغا بارساق قورقماي ئىشىكىنى چىكەلەيمىز. يۇقاپ كەتسە ئەنسىرەپ ئىز-دىرىكىنى قىلالايمىز، پەيدا بولسا سوراق قىلالايمىز. بۇيەردىكى ئىشلىرىمىز شۇنچىلىك ئاددى. ئەمما، ئۇلۇغلىقى شۇيەردىكى ھېچ قايسىمىزنىڭ قەلبىگە قېرىنداشلىق، دوستلۇق مۇھەببىتىدىن غەيرى نەرسە قىستۇرۇلمىغان. قېرىنداشلىق، دوستلۇق شۇئارى ئاستىدا غەيرى نىيەتلەربىلەن يۇندا تىمسىقلاپ يۈرگەنلەرنى بايقىغان ھامان يۈز قويماي ئارىمىزدىن قوغلىيالايمىز. ھەممىنى بىر بىرلەپ ئىزىپ چۈشەندۈرمىسەممۇ ئەققىللىك تورداشلىرىم ئاساسى مەقسەتنى چۈشۈنۈپ بولدى ھەقاچان . . .  قىلىۋاتقان ئىشلىرىمىز بەك ئاددى چۈنكى ھەممىمىز ئۇلۇغۋار ئىشلاردىن چارچاپ ئاددىيلىق ئىزدەپ كىرگەنلەر. . . نىمە ئۈچۈن ھەممىمىز مەرۋەرى ھەدە دەپ ئاتايدىغانلىقىمىزنى چۈشەنمىگەن بولسىڭىز مەرۋەرى ھەدىمىز بىلەن ساپ دىللىق بىلەن بىر ھال-مۇڭ بۇلۇپ بېقىڭ ! نىمىشقا مۇنبەردە بىرى-بىرىمىزگە زىيادە يېقىنچىلىق قىلىدىغانلىقىمىزنى بىلمىگەن بولسىڭىز تىما ئىنكاسلىرىمىزدىن يۈرىكىمىزنى تىڭشاپ بېقىڭ ! باشقا مۇنبەردە تىللىشىپ، ئۇرۇشۇپ يۈرسىمۇ پەرۋا قىلمايدۇ ئەمما مۇنبىرىمىزدە «سەن»لىشىپ قېلىشقا يول قويمايدىغانلىقنى بىلەلمىسىڭىز مۇنبەردىكىلەرنىڭ سىرتقى تۇرمۇشىنى بىلىپ بېقىڭ ! بۇيەردە كىچىك بالا يوق، تۇرمۇشنىڭ ئېزىق چىشىدا يەنجىلمىگەن يۇمران نوتا يوق ! ئەزىز توردېشىم . . .  يۇقارقى بايانلارنى ئۇقۇپ سىزمۇ شۇنىڭغا چۈشەلىسىڭىز مۇنبىرىمىز ئۇچۇق، قەلبىمىز ئۇچۇق، گەپ سۆزىمىز ئۇچۇق. . .  ئەگەر رازى بولماي مۇنبەرنى ئۇلۇغۋار غايىلىك مۇنبەرلەردىن قىلىشقا تىرىشماقچى بولسىڭىز، ياكى مۇنبەردىن ئۇلۇغلۇق ئىزدەپ كىرگەن بولسىڭىز ئارتۇق ئاۋارە بولماڭ بىز ئۆزگەرمەيمىز، مۇنبەرنى ئۆزگەرتمەيمىز. مۇنبەرنىڭ خاراكتىرىنى ئۆزگەرتىشكە توغرا كەلسە مۇنبەرنى تاقاپ قۇيۇپ بىرىمىزنىڭ ئۆيىگە يىغلىپ ھال-مۇڭ بۇلىمىز. بۇ ھەقتە گەپ قىلسام گەپ بەك جېق ئىدى. ئەمما «ئاقىلغا ئىشارەت، نادانغا جۇۋالدۇز» دىگەن ئەقلىيە سۆزگە ئاساسەن «گەپ بىرگە، ئەقىل مىڭگە» دالالەت قىلسۇن !

Erwah

	كىرىسلودا ئولتۇرۇپ ئىنكاس يېزىۋىتەي ، نەچچە پوشكالغا تىگىشمەيمەن بۇ تېمىنى . نەق گەپنى  قىلىپسىلەر رەھمەتۇللابەگ. قەلبىمىزنى تىڭشاپ روھىمىزنى تىنچلاندۇرايلى !ئاددىلىق گۈزەللىكتۇر!

رەھمەتۇللاھ

	Erwah يوللىغان ۋاقتى  2012-يىلى 9-ئاينىڭ 6-كۈنى 23:22 كىرىسلودا ئولتۇرۇپ ئىنكاس يېزىۋىتەي ، نەچچە پوشكالغا  ... ئەرۋاھنىڭ كىملىكىنى ئەمدى بىلدىم دىسە توپتىكى بۇ ئاداش نىمىشقا مۇنبەردە يوقتۇ دەپ يۈرۈپتىمە

رەھمەتۇللاھ

	16 قېتىم كۆرۈلۈپ بىرتال ئىنكاس چۈشۈپتىيا . . . قالغانلارغا ئىنكاس كۆزنىكى كىچىك كەپ قېلىۋاتامدۇ

مايسىخان

	كىرىسلو ئۆزلىرىدىن ئايلانسۇن ئەرۋاھ..... كۈندىن كۈنگە ئولتۇرۇپ قوپۇشۇم تەسلىشىپ، كومپيۇتېر ئالدىدا بىر دەم ئولتۇرۇش مەن ئۈچۈن بىر چوڭ ئىش بولىۋاتقان مۇشۇنداق كۈنلەردە مۇنبەرگە دوستلىرىم، ئاكا- ھەدىلىرىم، ئىنى- سىڭىللىرىم بىلەن بىر دەم ھال- مۇڭ بولاي دەپ مۇنبەرنى ئاچىمەن. بۈگۈنمۇ ئىككى كۈندىن بېرى سىرتتىكى بەزى ئىشلىرىمنى تۈگىتىپ بىر دەم بولسىمۇ مۇنبەرنى ئارىلاپ باقاي دەپ كىرسەم، مۇنبەردە بەزى گەپ سۆزلەر يەنە پەيدا بوپ قاپتۇ، بىلمىدىم بۇ ئادەملەرنىڭ مەندە ئۆچى بارمۇ ياكى مۇنبەردىمۇ ۋە ياكى مۇنبەر قۇرغان قىسمەتتىمۇ، ئەيتاۋۇر مەن ئۆزۈمنى قانچە چەتكە ئالغانسىرى بۇلار ماڭا شۇنچە سۈركەشتى. ئەمدى رەھمەتۇللاھ ناھايتى ئوچۇق ۋە ئەتتىراپلىق چۈشەنچە بېرىپتۇ، ئەگەر يەنە مۇشۇنداق كۆڭۈلسىزلىك پەيدا قىلىدىغان ئىنكاس ۋە تېمىلار يوللانسا مەرۋەرى قاراپ ئولتۇرمايدۇ، مەرۋەرىنىڭمۇ سەۋرىسىنىڭ چېكى بار، نەچچە ۋاقىتتىن مۇنبەر مەسئۇلى بولغانلىقىم ۋە بۇنداق كىشىلەرنى ئۆزۈمنىڭ خىلى ئەمەس دەپ قارىغانلىقىم سەۋەبلىك ئارتۇق گەپ قىلمىغان، قارىغاندا مەرۋەرىنى گاچا ياكى راستىنلا قارا قوساق كۆرۈپ قالغان ئوخشايدۇ. ئاخىردا بارلىقىڭلارنىڭ مۇنبەردە بۇرۇنقىدەك ئەركىن- ئازادە زىيارەت قىلىپ، ياخشى پىكىر- تەلەپلەرنى ئايىماي ئوتتۇرغا قويۇشىڭلارنى سورايمەن! بۇنىڭدىن كېيىن مۇنبەرنىڭ تېخنىك ئىشلىرىغا  قىسمەت، قالغان جەھەتتىكى ئىشلارغا كۆپ ھاللاردا رەھمەتۇللاھ، ئەسمەتۇللاھ ئىككەيلەن مەسئۇل بولىدۇ، ۋاقىپ بولغايسىلەر ھەم مۇنبەر توغۇرسىدىكى ھەر قانداق پىكىر- تەلەپ بولسا يۇقۇرقى دوستلارغا ئايىماي دېسەڭلار بولىدۇ، قولىمىزدىن كەلسىلا ئورۇنداشقا ھەر ۋاقىت تەييار بىز!!!

مايسىخان

	رەھمەتۇللاھ يوللىغان ۋاقتى  2012-يىلى 9-ئاينىڭ 6-كۈنى 23:31 16 قېتىم كۆرۈلۈپ بىرتال ئىنكاس چۈشۈپتىيا . . . قالغانلارغ ... كوتۇلداپ يېكەنداز، گېلەمنى ئىگىلىۋالغىنىنى، قېرىغاندا ئادەمنى كىگىزدە قالدۇرۇپ

Erwah

	رەھمەتۇللاھ يوللىغان ۋاقتى  2012-يىلى 9-ئاينىڭ 6-كۈنى 23:26 ئەرۋاھنىڭ كىملىكىنى ئەمدى بىلدىم دىسە  توپتىكى ب ... ئىنكاسىمنىڭ شوئار پۇراپ كەتكىنىنى يېزىپ بولۇپ قاتتىق ھېس قىلىۋاتىمەن ! مەدەنىيەت ئىنقىلابىدا ياشاپ قالغان بولسام پوشكال كەم بولماسكەن مۇشۇ ئىقتىدارىم سەۋەبىدىن

anar

	‏شۇنداق ،بۇ مۇنبەر بىزنىڭ كۈلكىمىزنى بىللە كۈلىدىغان ،دەردىمىزنى تۆكۈپ كۆڭلىمىزنى ئازادە قىلىدىغان ئورۇن ، بۇ يەردە بولسام گەرچە كۆرۈشۈپ باقمىساممۇ ئەمما ھەربىر توردىشىم بىلەن  خۇددى يېنىمدىكى دوستۇمدەك تۇيغۇدا مۇڭدىشالايمەن .شۇنچە يىللار ئۆتۈپتۇ ئۇ يەر بۇ يەرلەردە سوقۇلۇپ يۈرۈپ ئاخىرى بۇ يەردە ماكانلىشىپتۇق ... ‏بىز مۇنبەردە قۇرۇق سۆزلەش ،شوئار توۋلاش بىلەن ئىللەتلەرنى ئۆزگەرتىپ ، مەملىكەت ۋە دۇنيا ۋەزىيەتلىرىنى ئۇيان بۇيان قىلىۋەتكۈدەك مادارىمىز يوق ، ئۆزىمىزگە ئىگە بولۇپ ، دىگەن ھەربىر سۆزىمىزگە مەسئۇل بولالىساق كۇپايە !  ‏شۇڭا بەك ئۇلۇغ ئىرادە ،ئارزۇ ئارمان بىلەن كىرگەنلەرنىڭ ھاردۇقىنى چىقىرالمايمىز ،يەتتە قىزلىرىم جايىدا توختاپ قالسىمۇ بىز رازى،ئەمما مۇنبەر خاراكتىرى ئۆزگەرمەيدۇ !

ئەسمەتۇللاھ

	ئاكام ، ئاچام ، ئىنى - سىڭىللىرىم مۇشۇ يەردە تۇرسا مەنمۇ نەدە بۇيۇن قىسىپ يۈرەتتىم ؟ خوشلۇق - خاپىلىقىمنى سىلەرگە تۈكىمەندە مەنمۇ . راست گەپ قىلسام ، ئەرۋاھ كىم بولغىيتتى دەپ قالىمەن . مۇنبەردە كۈرۈشكەندىن باشقا چاغلاردىمۇ ئالاقىلىشالىغان بولسام بەزىدە قۇلىقىغا پىچىرلاپ قويغان بۇلاتتىم . ئانام قۇيماق سالغىلى بەك ئامراق .

anar

	Erwah يوللىغان ۋاقتى  2012-يىلى 9-ئاينىڭ 7-كۈنى 00:00 ئىنكاسىمنىڭ شوئار پۇراپ كەتكىنىنى يېزىپ بولۇپ قاتتىق ... ‏شۇنى دەڭە ،بىز سىزگىلا بېقىنىپ قالاتتۇق جۇمۇ