باشقىلارنى ئەپۇ قىلىش، ئۆزىنى ئەپۇ قىلغانلىق

گۈلسەنەم

	ئەپۇ قىلىش سىزنى كىچىككىنە ئىشلاردىن كۆڭۈل ئازادىلىكىگە ئېرىشتۈرىدۇ. ئەپۇ قىلىش ئادەملەر ئوتتۇرسىدىكى ئارلىقنى يېقىنلاشتۇرىدۇ، نۇرغۇن قىيىن مەسىلىنى ھەل قىلىدۇ، تۇرمۇشتىكى نۇرغۇن تەس مەسىلىنى تېز ھەم ئوڭاي ھەل قىلىۋېتىدۇ. ئەپۇ قىلىش بىر خىل كەڭچىلىك، ئۇ كىشىلىك مۇناسىۋەتتىكى خوشاللىق ۋە ئازاپلارنى ئۆز ئىچىگە ئالىدۇ؛ ئەپۇ قىلىش كىشىلىك ھاياتتىكى تەستە نىسىپ بولىدىغان گۈزەل مەنزىرە، مەشىق قىلىش، تىلەش ئارقىلىق يېتىپ بارىدىغان چېگرا. فرانسىيەنىڭ 19- ئەسىردىكى داڭلىق ئەدەبىيات پېشۋاسى ۋېكتور ھىيۇگو مۇنداق دىگەن دۇنيادىكى ئەڭ پايانسىز نەرسە دېڭىز، دېڭىزدىنمۇ پايانسىز نەرسە ئاسمان، ئاسماندىنمۇ پايانسىز نەرسە ئادەمنىڭ كۆڭلى. ئەپۇ قىلىش ئادەمنىڭ تىرىكچىلىك قىلىشتىكى تەجرىبىلىرىنى، كىشىلەر بىلەن مۇئامىلە قىلىشتىكى سەنئىتىنى، ئۆزىنى تۇتىۋېلىش ئىقتىدارىنى نامايەن قىلىپ بېرىدۇ. ئەپۇ قىلىشنى ئۆگىنىش كۆپ تەرەپتىن تەربىيەلىنىشنى، دائىم نەزىرىنى ئۆزىنى مۇكەممەللەشتۈرۈشتىكى روھى قۇرۇلمىسى ۋە پىسخىك ساپاسىغا قارىتىشنى تەلەپ قىلىدۇ. ئەپۇ قىلىش كىشىلىك ھاياتتىكى بىر خىل پەلسەپە. مۇۋاپىق ئەپۇ قىلىش كىشىلىك مۇناسىۋەتنى ۋە روھىي ساغلاملىقنى ياخشىلاشقا پايدىلىق. ئەپۇچان بولغاندىلا، كۆڭۈلسىزلىكتىن ساقلانغىلى، جىددىيلىكنى يوقاتقىلى بولىدۇ. كىشىلىك ھاياتتا ئەپۇ قىلىشنى ئۈگىنىۋېلىش تۇرمۇشنى تېخىمۇ خوشال - خورام ئۆتكۈزۈشتىن دېرەك بېرىدۇ. شۇنداقلا مەسىلىلەرگە باشقىلارنى نەزىرى بويىچە قارىيالايدىغان، باشقىلارنىڭ پىسخىك ھەركىتىنى چۈشىنەلەيدىغان ئادەمنىڭ ئىستىقبالىدىن ئەنسىرىشىنىڭ ھاجىتى يوق. ھېكمەت ئۈنچىسى ئەپۇ قىلىش بىزنى مۇھەببەتلىك ئۆتۈش پۇرسىتىگە ئىگە قىلىدۇ، قەلىب دۇنيارىمىزنى ئېچىپ، باشقىلارغا مۇھەببەتمۇ ئاتا قىلالايدىغان، مۇھەببەتكىمۇ ئېرىشەلەيدىغان بولىشىمىزغا ياردەم بېرىدۇ. مەنبە: ھاياتىڭىز جۇشقۇنلۇققا تولسۇن نامىلىق كىتاپتىن

مايسىخان

	ھېكمەت ئۈنچىسى ئەپۇ قىلىش بىزنى مۇھەببەتلىك ئۆتۈش پۇرسىتىگە ئىگە قىلىدۇ، قەلىب دۇنيارىمىزنى ئېچىپ، باشقىلارغا مۇھەببەتمۇ ئاتا قىلالايدىغان، مۇھەببەتكىمۇ ئېرىشەلەيدىغان بولىشىمىزغا ياردەم بېرىدۇ. بۇ قىممەتلىك ئۈنچىنى يادقا ئېلۋالسا بولغۇدەك

ھاماقەت

	توۋاقىلغان بەندىسىنى ئاللاھمۇ كەچۈرۈدۇ  شۇنداق بولغاندىنكىيىن  ئىنسانلار ئۆئارا بىربىرىمىزنى ئەپۇقىلىپ كەچۈرۈم سورىشىپ ئۆتمىسەك گۇناھكار بولىمىز

anar

	دۇنيادىكى ئەڭ پايانسىز نەرسە دېڭىز، دېڭىزدىنمۇ پايانسىز نەرسە ئاسمان، ئاسماندىنمۇ پايانسىز نەرسە ئادەمنىڭ كۆڭلى. راست ھە ،  ئادەمنىڭ كۆڭلىدىنمۇ مۇرەككەپ نەرسە يوقكەن ، شۇنى ھىس قىلىپ قالدىم

مايسىخان

	anar يوللىغان ۋاقتى  2012-يىلى 8-ئاينىڭ 28-كۈنى 20:46 دۇنيادىكى ئەڭ پايانسىز نەرسە دېڭىز، دېڭىزدىنمۇ پايانس ... شۇنى دەڭە جانىم، بەك ئەپۇچان بوپ كەتسىڭىز خەق يۇمشاق كۆرگەن، بەكلا ئاداۋەتخور بوپ كەتسىڭىز تېخى....ئىشقىلىپ بەكلا چارچاپ ياشايدىكەن بۇ ئىنسان دېگەن

ئەسمەتۇللاھ

	ئىشقىلىپ نىمىلا بولمىسۇن ما مۇنبەردىكى خاتۇنلار كۆڭلۈڭلارنى دېڭىزدەك تۇتۇڭلار .

غۇنچەقىز

	ئەسمەتۇللاھ يوللىغان ۋاقتى  2012-يىلى 8-ئاينىڭ 28-كۈنى 20:53 ئىشقىلىپ نىمىلا بولمىسۇن ما مۇنبەردىكى خاتۇنلار كۆڭلۈ ... قىزلارمۇ شۇ دەڭەن باشلىق.

ئەسمەتۇللاھ

	غۇنچەقىز يوللىغان ۋاقتى  2012-يىلى 8-ئاينىڭ 28-كۈنى 22:01 قىزلارمۇ شۇ دەڭەن باشلىق. ئەلۋەتتە قىزلارمۇ باردە

غۇنچەقىز

	ئەسمەتۇللاھ يوللىغان ۋاقتى  2012-يىلى 8-ئاينىڭ 28-كۈنى 22:03 ئەلۋەتتە قىزلارمۇ باردە ئەمىسە«خوپ باشلىق»دەي

نازۇك417

	anar شۇنى دەڭە جانىم، بەك ئەپۇچان بوپ كەتسىڭىز خەق يۇمشاق كۆرگەن، بەكلا ئاداۋەتخور بوپ كەتسىڭىز تېخى....ئىشقىلىپ بەكلا چارچاپ ياشايدىكەن بۇ ئىنسان دېگەن راس ،بەزى ئىشلارغا  ئىچى تارلىق قىلاي دىسە ئەسلى،كەڭ قورساق بۇلاي دىسە ئەسلى،تورا چۇشەنمەيدىغانلار   يەنىلا  توغرا چۇشەنمەيدىكەن.