كۆڭۈلدىكى سۆزلەر

زۆھرە

	ساداقەتنىڭ <مۇھاببەت مۇشۇنداق بولامدۇ> نامىلىق ئەسىرىنى ئوقۇپ، ئۆزۈمنىڭ <ئۇ> بىڭ بىلەن تۇنجى كۆرۈشكەن چاغلىرىم ۋە ئۇنىڭ بىلەن مۇھاببەتلەشكەن شۇ شېرىن ئەسلىمىلىرىم ئېسىمگە كېلىپ بىر نەچچە ئېغىز جۆيلۈپ قويدۇم، ئارقىدىن ئولتۇرۇپ شۇنداق بىر ئوي كاللامغا كەلدى. <كۆڭۈلدىكى سۆز> نامىلىق بۇ يازمىغا ئۆزىمىزنىڭ كۆڭلىدىكى سۆزلىرىنى يېزىپ بىر توپلام قىلساق. ئەسكەرتىش: يېزىش قائىدىسى كۈندىلىك خاتىرىگە ئوخشىمايدۇ، كۈندىلىك خاتىرىگە شۇ كۈندىكى كەيپىيات ۋە مۇھىم ئىشلارنى خاتىرلەيمىز. بۇ توپلامغا پەقەت ئۆزىمىزنىڭ ئۆتمۈشى بولامدۇ، ھازىرى بولامدۇ، كۆڭلىمىزدىكى سۆزلىرىمىزنى يازساق.

زۆھرە

	ئەمسە ئۆزۈم باشلاپ بېرەي، قالغىنىنى داۋاملىق ئىنكاس سۈپىتىدە يوللايمەن! شۇنداق قىلىپ مەن ساڭا ئۆزۇممۇ سەزمىگەن ھالدا باغلىنىپ قالدىم، بارغانسىرى بارلىق ئىشتا ساڭا يۆلەنگۈم كېلىدىغان، خۇددى سەن بولمىساڭ ھېچ ئىشىم قاملاشمىغاندەك ياكى قاملاشمايدىغان بولۇپ قالغىلى تۇردى، بۇرۇنقى رېتىملىق تۇرمۇشۇم بۇزۇلدى، نىمىلا قىلماي ئۆزۈمگە ياقمايتى. بۇرۇنلاردا بىر يەرلىرىم ئاغىرسا دورىخانىلاردىن دورىلارنى ئېلىپ ئىچىپ ساقىيىپ قالغان بولسام، مانا ئەمدى كىچىككىنە يەرلىرىم ئاغىرسىمۇ ئىشقا بارماي ياتقۇم، سېنىڭ يېنىمدا بولۇشىڭنى، كۆيىنىشىڭنى ئۈمىد قىلاتتىم. بۇرۇن بىرەر قىيىنچىلىقلارغا ئۇچرىسام ياكى كۆڭۈلسىزلىكلەرگە ئۇچرىسام قەيسەرلىك بىلەن ئارقىمغا تاشلايتتىم، كۆز چانىقىمغا كېلىپ قالغان  ياشنىمۇ ئىچىمگە يۈتۈپ، كۈلۈپ يۈرەلەيتتىم، ئەمما سەن بىلەن تونۇشقاندىن تارتىپ، ئازراقلا قىيىنچىلىققا ئۇچرىسام، كۆڭۈلسىزلىكلەرگە ئۇچرىسام مۆرەڭگە بېشىمنى قويۇپ تازا بىر يىغلاشنى، شۇ ئارقىلىق ئىچىمنى بوشۇتۇشنى ئويلايدىغان بولۇپ قالدىم. ئويلاپ باقسام ئەسلى مەن بىر يۆلەنچۈككە مۇھتاج ئىكەنمەن. بۇ يۆلەنچۈك سەن شۇمۇ؟ سەن مەن ئۈچۈن بىر يىقىلماس يۆلەنچۈك بولالارسەنمۇ؟؟؟

باتۇرچەۋەنداز

	تۇرمۇشتىكى سەرگۈزەشتىمىزنى  بۇ يەردە سۆزلەيدىكەنمىز دە

غۇنچەقىز

	«مۇھەببەت قانداق بولىدۇ؟»... مېنىڭ كۆڭلۈمدىكى گەپلەر بەك كۆپ،مۇھەببەت سەرگۈزەشتەم يوق،ئەمما مەن مۇھەببەتكە مۇھەببەتلىك چـــــــــــىــــــن يۈرىكىم بىلەن باقىمەن،ئەنە ئاشۇ چوغدەك يۈرەكتىن ئوتلۇق تىلەكلىرىمنى ئاللاھ خالىسا پەھلىۋان يىگىتلەر،سەرۋى-سۇمبۇل،نازۇ-كەرەشمىلىك قىزلارنىڭ ھۇزۇرىغا  سۇنىمەن.ھەقىقى مۇھەببەتنىڭ شانۇ-شەۋكىتىگە داغ تەككۈزىۋاتقانلار ھامان تىگىشلىك جازاغا تارتىلىدۇ،ھەقىقى مۇھەببەت يولىدا رىيازەت چېكىۋاتقانلارنىڭ بەختىنى ئۇلۇغ ئاللاھتىن تىلەيمەن،چىن مۇھەببەت ئىنسانغا قانات.تۇنجى ھەم ئاخىرقى مۇھەببىتىمنى پەقەت بىرلا ئادەمگە بېغىشلىسام دەيمەن،شۇڭا ئالدىراپ كىشىگە كۆڭۈل بەرمەيمەن،پەقەت ئاللاھتىن تىلەيمەن...قەلبى بىلىم ۋە ئىتقاد بىلەن سۇغۇرىلمىغانلارنىڭ دىلى لاۋا لەش،يۈرەكلەرى سۈنئىي مەش،ئۆز ئىشىدىن ئۆزى غەش،نادانلىقىغا قويۇلمايدۇ پەش،بۇنداقلارنى دەيمىز گەدەنكەش! مۇھەببەتلىك ئىككى يۈرەك،ئىككى قول،خىجىللىقتىن قىيا باققان مۇھەببەتلىك كۆزلەردە تەمەنناسىز بېغىشلاش روھى بولۇش كېرەك. مۇھەببەت ھەم ئۆگىتىدۇ،ھەم تۈگىتىدۇ.چىن مۇھەببەت،بىرلا يۈرەككە بىقارار بولغان مۇھەببەت ئۆگىتىدۇ،ساختا،چاكىنا مۇھەببەت بىلىپ-بىلمەي  تۈگىتىدۇ.

ساداقەت

	ئۇنى  بۇنچە چوڭقۇر سۈيۈپ قالىمەن دەپ ئويلىمىغان ئىكەنمەن ،توۋا دەيمەن ئىلگىرى دوستلىرىم ‹ئۇغۇل دوستۇم بىلەن ئايرىلىپ كەتتىم› دەپ يىغلىسا كۆزىگە ياغاچ تىقىۋەكۈدەك بوپ كىتەتتىم ،بەكلا ئاچچىقىم كىلەتتى ،ئۈزۈمنىڭ بېشىغا كەلگەندە چۈشەندىم،ئەسلى ناھايتى قەيسەر يىغلاشنى ياقتۇرمايدىغان كۈلگۈنچەك بىر قىز ئىدىم ،ئەمدى ئۈزەمگە ئوخشىمايلا قالدىم . ئۇ يادىمغا يەتسىلا يۇشۇرۇنچە ياش تۈكىدىغان ، سېغىنپ ،ھىجران ئازابىغا بەرداشلىق بىرەلمەي قالغىنىمدا  بىرەر ئادەمنى تېپىپ قەستەن جىدەل تېرىيدىغان ئۇششۇق ،نازۇك ،يىغلاڭغۇ قىزغا ئايلىنىپ قالغىنىمنى سەزمەيلا قالدىم .....مۇھاببەت  مىنى ئەركىلىتىپ ،كۈلدۈردى ،كەينىدىن چوڭقۇر ئازاب دېڭىزىغا غەرىق قىلىۋەتتى .............

غۇنچەقىز

	ساداقەت يوللىغان ۋاقتى  2012-يىلى 8-ئاينىڭ 25-كۈنى 22:40 ئۇنى  بۇنچە چوڭقۇر سۈيۈپ قالىمەن دەپ ئويلىمىغان ئىكەنم ... ئاللاھقا شۈكرى«ئۆيدە قىلغان ھېساب بازارغا توغرا كەلمەپتۇ»دەپ مەنمۇ ئۇنداق كۈنگە قالماسمەن-ھە؟!

Erwah

	پوشكالغا بۇنچە ئامراق بوپ قالىدىغىنىمنى مەنمۇ ئىللا-بىللا ئويلاپ باقمىغان ، ھەر پەيشەنبىنىڭ كېلىشىنى تەقەززالىق بىلەن زور ئۈمىد ۋە ئىنتىزارلىق بىلەن كۈتىمەن ، تەشنالىقىم شۇ پەيشەنبە كۈنى قانىدىغاندەك ئىدى ، ئەپسۇس كاج پەلەك ماڭا ئېغىر چاقچاق قىلدى ، پەيشەنبىدىكى شۇ گۈزەل پوشكالنىڭ رۇخسارىنى كۆرمىكىم بەسى مۈشكۈل بولغىلى تۇردى ، قەلبىم پۇچىلاندى ، ئاھ پوشكال دەپ ھىجران دەشتىدە پىراق ھاسىسىنى تۇتقىنىمچە ئازاب شارابىنى ئىچكەنچە پوشكال ئىزدەپ يۈردۈم ، كۆز ئالدىمدا بىر كىچىككىنە كەپە كۆرۈندى، مورىسىدىن ئىس ئويناقلىغانچە كۆككە كۆتۈرۈلەتتى ، پوشكال !!! ئىسلار كۆزۈمگە پوشكاللا كۆرۈنەتتى ، نەپسىم تاقىلدىدى ، كەپىنىڭ ئىشىكىنى تېپىپلا ئاچتىم ، ئۆيدە ھېچكىم يوق ، ئەمما بىر قازاندا ياغ ۋە يېنىدىكى لىگەندە پىشقان پوشكاللار بار ئىدى ، بىر پوشكالنى ئېلىپلا ۋىسال شاتلىقىدىن قېن قېنىمغا پاتماي قالدىم ، پوشكالنى چىشلىگىنىمنى بىلىمەن ۋاھ بۇ تۇيغۇنى .... غىچلا مايغۇ ، تېخى ئەخلەت ياغلا پۇرايدىغۇ

hux_dil

	تۇنجى ھەم ئاخىرقى مۇھەببىتىمنى پەقەت بىرلا ئادەمگە بېغىشلىسام دەيمەن،شۇڭا ئالدىراپ كىشىگە كۆڭۈل بەرمەيمەن،پەقەت ئاللاھتىن تىلەيمەن... تاللاپ بولالماي قېرىپ كەتمەڭ يەنە ، غۇنچە قىز؟ ئىرادىڭىزغۇ بولىدىكەن، بۇ دۇنيادا قانچىلىك ياشامىز؟؟؟؟؟

غۇنچەقىز

	hux_dil يوللىغان ۋاقتى  2012-يىلى 8-ئاينىڭ 26-كۈنى 22:06 تۇنجى ھەم ئاخىرقى مۇھەببىتىمنى پەقەت بىرلا ئادەمگە بې ... قانچىلىك ياشاشنى بىلگىلى بولمايدۇ دەڭەقېرىپمۇ كەتمەسمەن،كىمنى تاللاش ،كىمگە ئۇچراشقا بىرنىمە دىگىلى بولمايدىكەن،كۆڭۈل چۈشمىگەنگە ئامال يوق،چۈشكەنگە قېچىپ چارە يوق دىگەندەك

Erwah

	غۇنچەقىز يوللىغان ۋاقتى  2012-يىلى 8-ئاينىڭ 27-كۈنى 21:13 قانچىلىك ياشاشنى بىلگىلى بولمايدۇ دەڭەقېرىپمۇ ك ... پوشكال سالاسىڭىز بىر قوغلاپ باقايمىكىن سىزنى غۇنچە قىز .