مۇراجىئەتنامە: قېرىندىشىمىزغا ياردەم قىلىڭلار!

Qismet

	يۇقىرىقى سۈرەتتىكى ئىككى ئاجىزەنى ئۈرۈمچىدە كۆرگەن بولۇشىڭىز مۇمكىن: ئانىسىنىڭ كىندىك ئەتراپى قان-يىرىڭ بىلەن قاپلانغان، ئىڭراپ ياتىدۇ، قىزى بىچارە ئانىسىنىڭ كېسىلىنى خۇددى ئۆزى تارتىۋاتقاندەك يۈرەكلىرى سەدپارە، تولغىنىپ تۇرۇپ بىزدىن ياردەم سورايدۇ: ياردەم قىلىڭلار، ئانامنى داۋالىتىۋالاي!      مەن ئىككى ئايدىن بېرى بۇ ئانا-بالا ئىككىيلەننى جۈمە كۈنلىرى جىگدىلىك مەسجىد ئالدىدا كۆپرەك ئۇچرىتىمەن. مېنى ئۆز ئىچىگە ئالغان بەزى تاش يۈرەكلەر بىرەر يۈەنمۇ تاشلىماي ئۆتۈپ كېتىشىدۇ. كىچىكىمىزدىن ئاجىزلارغا، يېتىم-يېسىر، تۇل خوتۇنلارغا خەير-ئېھسان قىلىش تەربىيەسىدە يېتىلمىگەن بولساق كاشكى! قېنى بىزدىكى مېھرىبانلىق؟ قېنى بىزدىكى ئىنسانىيلىق؟ نامازدىن چىقىپ تۇرۇپمۇ روھىمىز، ۋۇجۇدىمىز ئېرىمىگەن بولسا-ھە؟!      مەن ئانا-بالا ئىككى ئاجىزەنى ئۆز كۆزۈم بىلەن نەچچە رەت كۆردۈم، يۈرىكىم ئەمدى بولسىمۇ ئېرىدى. ئۈرۈمچىگە قايتقاندىن كېيىن، ئۇلارنىڭ سۈرىتىنى چوڭايتىپ باستۇرۇپ، دوست-بۇرادەرلىرىم بىلەن ئىئانە يىغىش، ئۇلارنىڭ خەستىلەنگەن يۈرەكلىرىنى ئارام تاپقۇزۇش يولىدا ماڭماقچىمەن. ئاڭغىچە مەندىن باشقىلارنىڭمۇ ياردىمىنى قولغا كەلتۈرۈشنى كۆزدە تۇتۇپ، ئۇلارنىڭ ئىجازىتىسىزلا بۇ مۇراجىئەتنامىنى چىقاردىم. ئەرزىمەس يۈزۈمنى قىلىپ، شۇ قېرىنداشلىرىمىزغا خالىس ياردىمىڭلارنى ئايىمىغايسىلەر!      سۆزۈمنىڭ راستلىقىنى ئىسپاتلاش ئۈچۈن، تۆۋەندە تېخىمۇ كۆپ سۈرەتلەرنى تەمىنلىدىم، كونىلار «تاما-تاما كۆل بولار » دەپتىكەن، ساخاۋەتلىك قوللىرىڭلارنى تېخىمۇ كەڭرى يايغايسىلەر، قېرىنداشلار!      مەنبەسى: قىسمەت بلوگى      يازما مەنزىلى: http://www.qismet.me/murajiet.html

Aydar

	تۇۋۋا خۇدايىم، تورچىلار يەنە باشقا بىر ئىش قىلىدىغانلار شېركەت قۇرغانغا ئوخشاش، تىلەمچىلەرمۇ كەسىپلىشىپ كىتىپتۇ جۇمۇ.

گۇلخان

	يۈرىكىم شۇررىدە قىلغانىدى........ بىراق  قەستەن قۇسۇر تاپقىىنىمغۇ ئەمەس،كىيىنكى سۈرەتلەرگە قارىسام ئانىسى  ھېچ ئالدىدىكىدەك  بىچارە ئەمەستەكقۇ؟؟؟؟؟؟ كۆزۈڭلار ئۆتكۈررەكتىن بىرسىڭلار سىنچىلاپ قاراپ بېقىڭلار،مەن گىرادۇسلۇق كۆز ئەينەم بىلەن بىلەن خاتا كۆرۈپ قالدىممۇ نىمە؟ئەڭ ئاسىتىدىكى سۈرەتتە ياشراقىنىڭ ئېغىزىدىكى نىمىدۇ؟ئۇلۇغ ئاي كۈنلەردە ئۇرۇنسىز گۇماندىن ساقلىغايسەن.ماڭا خۇددى تاماكىدەكلا كۈرۈندى.....

مايسىخان

	مۇشۇنداق نۇمۇسسىزلارنى ئاتقا سۆرىتىپ ئۆلتۈرسىمۇ ئازلىق قىلىدۇ. يەنە بىر ئاتا- بالا بار، بوۋاينىڭ يېشى 70 لەرنىڭ ئۈستىدە كېلەر، بالا ياپ- ياشلا، كۈننىڭ ئىسسىققىدا ھېلىقى بوۋاي ماسكىنى تاقاپ دۆڭكۆۋرۈك ۋە كونسۇل كوچىسىدىكى يەر ئاستى يولىنىڭ چىقىدىغان يېرىدىكى سېمۇنت يەرگە ئەدىيالدىن بىرنى سېلىپ ياتىدۇ، ھېلىقى بالا شۇنچىلىك بىچارە ھالاتتە توۋلايدۇكى يېنىدىن ئۆتكەن ھەر قانداق ئادەمنىڭ ئىچى ئاغىرماي قالمايدۇ. مەن بىرە ئىككى يىل بولدى يولدا تىلەمچىگە پۇل بەرمەيمەن، ئاتىغانلىرىمنى تورلاردا مۇراجەت قىلغان ۋە ئەتتىراپىمىزدىكىلەردىن ئاڭلىغان ياردەمگە مۇھتاج كىشىلەرنى ئىزدەپ ئۆز كۆزۈم بىلەن كۆرۈپ تۇرۇپ بېرىدىغان بولدۇم. يۇقۇرقىدەك بۇنداق يالغان بىچارىلەرگە بەرگەن شۇ سەدىقىگىمۇ ئىچى ئاغىرىيدۇ ئادەمنىڭ

مايسىخان

	گۇلخان يوللىغان ۋاقتى  2012-يىلى 8-ئاينىڭ 14-كۈنى 08:59 يۈرىكىم شۇررىدە قىلغانىدى........ بىراق  قەستەن قۇسۇر تاپ ... شۇنداق گۈلۈم، ئۇ نۇمۇسسىزنىڭ قولىدىكى تاماكا،  ئاۋۇ ئالدامچىلىقى ئالدىدا تاماكا ھېچ گەپ ئەمەس

باتۇرچەۋەنداز

	ما ئۇلۇغ ئاي ئۇلۇغ كۈنلەردە بەك بىر نەرسە دىگۈم كەلمىدى، چۈپرەندە شاكاللارغا

مەرىپەت

	قىسمەتكام بىلەن مايسىخاننىڭ ئۇرۇمچىدە تېلەمچىلەرنى ئەتراپلىق كۆزىتىپ، بىزنىڭ كۆزىنى ئېچىپ قويغىنىغا كۆپ تەشەككۈر. ئۇلۇشكۇن بىرى ياش بالىلارنىڭ خەنزۇلارنىڭ سومكىسىدىن ئوغۇرلۇق قىلغانلىق توغرىسىدا تېما يوللانغان ،ئەمدى بۇ تېمىنى كۆردۇم .     ئويلىغانلىرىم بەك كۆپ ئىدى بىراق يازغىم كەلمىدى.

مايسىخان

	مەرىپەت يوللىغان ۋاقتى  2012-يىلى 8-ئاينىڭ 15-كۈنى 19:16 قىسمەتكام بىلەن مايسىخاننىڭ ئۇرۇمچىدە تېلەمچىلەرنى ئ ... شۇ قىلىدىغانغا ئىش بولمىغاندىن كېيىن تىلەمچىلەرنى بولسىمۇ كۈزەتكەچ تۇردۇققۇ

anar

	مايسىخان يوللىغان ۋاقتى  2012-يىلى 8-ئاينىڭ 15-كۈنى 19:35 شۇ قىلىدىغانغا ئىش بولمىغاندىن كېيىن تىلەمچىلەرنى بو ... ‏ھا ھا ھا ، سايىنىڭ «ھە ! » دىگەن ئىنكاسى ئېسىمگە كېلىپ قالدى

مايسىخان

	anar يوللىغان ۋاقتى  2012-يىلى 8-ئاينىڭ 15-كۈنى 23:13 ‏ھا ھا ھا ، سايىنىڭ «ھە ! » دىگەن ئىنكاسى ئېسىمگە كېلىپ ... مەنمۇ ھە دەپلا قوياي دېسەم، شۇنچە ئېنتېرنىت تەۋەسسىدە غۇلغۇلا قوزغىغان بۇ تېمىنىڭ ئەڭ ئاخىرقى رەھمىتى قىسمەت ئىككىمىزگە بوپ قاپتۇ، شۇڭا ‹ھە› دەپلا قويۇشتىن خىجىل بولدۇم