ئاتام ئەمەت مۇئەللىمگە بېغىشلايمەن

خاسىيەت

	ئەسسالام << يەتتە قىزلىرىم >> مۇنبىرىدىكى بارلىق تورداشلار سىلەرگە ئاللانىڭ سالامى بولسۈن ! شېئىرغا بولغان زور ئىشتىياق بىلەن ئۇزاق مەزگىلدىن بۇيان نۇرغۇن شېئىرلارنى يازغان بولساممۇ نەشىرياتقا ۋە ياكى ئېنتىرنىتقا يوللاپ باقماپتىمەن . نەچچە ۋاقىتتىن بېرى بىر ساۋاغدىشىمنىڭ  مەدەت بېرىشى ھەم <<يەتتە قىزلىرىم >> مۇنبىرىنى تونۇشتۇرىشى سەۋەپلىك بۈگۈن تۇنجى قېتىم بۇ يازمامنى ھەرقايسىڭىزلەرگە سۈندۇم شۇنىڭ بىلەن بىرگە سىزلەرنىڭ يېقىندىن ياردەمدە بولۇپ قىممەتلىك پىكىركۆزقاراشلىرىڭىزلارنى بېرىشىڭىزلارنى ئۈمۈت قىلىمەن  . ( رۇخسىتىمسىز يازمىلىرىمنى باشقا توربەتلەرگە كۆچۇرۇشكەبولمايدۇ ) ئالەم بەنە بولغاندىن بۇيان ، بىرى ئۇستاز ، بىرى شاگىرتتۇر . ئۇستازلارسىز نەدە ئالىم بار ، ئۇستاز دىگەن بۇيۇك بىر سۆزدۇر . مېنىڭ ئاتام مۇئەللىم ئىدى ، نى -نى ئوغلان ،نى -نى قىزلارغا . دەرس بەرگەن بىر ئۇستاز ئىدى ، قاراپ قالدىم ئۆچمەس ئىزلارغا . جاپا نەدە ؟ جاپا ئىچىدە ، جاپالاردىن قورقماس بىر ئوغلان . جۇت شىۋىرغان ، يامغۇرلۇق كۈندە ، ياشاپ كەلدى گويا بىر قاپلان . ئېگەلمىدى ئۇنىڭ بېلىنى ، تارتقان جاپا -مۇشەقەتلىرى . قارا چېچى ئاپپاق ئاقاردى ، كېتىپ قالدى ياشلىق باھارى . ئاز پۇل بىلەن ۋايسىماي ھەرگىز ، بىزنى باققان ئىدى ھالاللاپ . كەمبەغەل بوپ ئاتالدى لېكىن ، مېھنىتىدىن گۈل ئۈندى يىللاپ . مونچاق مونچاق ماڭلاي تەرىگە گۇۋاھ ئىدىم بالا چېغىمدىن . سۆيۈپ كەلدى قارا دوسكىنى ، پەخىرلەندى ئاق توزانلاردىن . بالىلارنىڭ بېشىنى سىللاپ ، بارلىغىنى بېغىشلىغانتى . شۇ جاپالىق يىللار ئىچىدە ، گويا شامدەك يېنىپ كۈيەتتى . 34يىل ھايات ئاشۇنداق ، ئۆرنەك بولدى ھەر بىر ئۇستازغا . قار ،يامغۇردا مۇنبەردە مەزمۇت ، تۇرالىدى ئوخشاپ يىلتىزغا . بۈگۈن ئۇنىڭ مۇبارەك تويى ، نامى ئۇنىڭ ھەر بىر قەلىبتە . نام –ئاتاققا بېرىلمىدى ئۇ ..... بارالمىدى ھىچ يەر ھىچ يەرگە . بىلىملىك بىر ئالىم ئىدىغۇ ، ھەقىقەتنى سۆزلەپ ھارمىغان . مەرىپەتنىڭ مەشئىلى ئۈچۈن ، ئىلىم –پەنگە ئەسلا قانمىغان . جەڭچى ئىدى سەپنىڭ ئالدىدا ، نادانلىققا جەڭ ئېلان قىلغان . كىتاپ چۈشمەس ئىدى قولىدىن ، كىتاپ كۆرۈپ كۆزىنى يۈمغان . كۆزلىرىمدىن ياشلار ئەگىدى ، ئاشۇ ئۇستاز مۇئەللىم قېنى ؟ قاتتىق قولتى خاتالىققا ئۇ ، تەربىيلىدى سېنى ۋە مېنى . ھىچ بىر راھەت كۆرمەي تۇرۇپلا ، كېتىپ قالدى مەڭگۈ –مەڭگۈگە . ئۈگەتكەنتى زېرىكمەي ئاتام . ئادىمىلىك خىسلەتنى بىزگە . ئاللاھ چەكسىز رەھمەتلەر قىلغىن ، جەننىتىڭنىڭ ئىشىكىڭنى ئاچ . بىلىملىك بىر ئۇستاز كېتىپ قالدى ، بېشىغا تاققا ئالتۇندىن تاج . بىز  بەرمىگەن نامۇ –شۆھرەتنى ، بەرگىن ئاڭا ھەسسە-ھەسسىلەپ . ھۆزۇرۇڭدا شادىمان ياتسۈن ، گۈللەر تىزدىم بۈگۈن دەستىلەپ . ئۆمۈر چەكلىك ، يىللار چەكسىزدۈر ، يىل كەينىدىن يىللار كېلىدۇ . ئۇنتىلىدۇ بەزى ئادەملەر ، ئۇنتىلمايدۇ مۇئەللىم دەيدۇ . چۈنكى ئۇستاز بىبىھا گۆھەر ، ئىش –ئىزلىرى گۆھەردىن ئارتۇق . جاپالىق شۇ مېھنەت –ئەجرىگە ، قىلالىدۇق رەھمەتنى تارتۇق . ئەسكى چاپان كىيگەن مۇئەللىم ، تون كىيگەزدى شاگىرتلىرىغا . ھەسەت دىگەن ئۇنىڭغا ياتتۇر ، ئاپىرىن دەر ماڭغان ئىزىغا . سانسىز غۇنچە ،چېچەكلەر ئارا ، بۇلبۇل سايرار غەمكىن سۈكۈتتە . قارا دوسكا ،ئاپپاق توزانلار ، غېرىپسىنىپ قالدى ئەلۋەتتە . شۇنداق ئىسىل مۇئەللىم بۈگۈن ، كەتتى مەڭگۈ كەلمەس دۇنياغا . لېكىن قالدى ھەربىر شاگىرتى ، ئىزلار سالدى ماڭغان ئىزىغا . شۇنداق ئېسىل مۇئەللىم مېنىڭ ، ئاتام ئىدى ئەجرىنى بەرگەن . مەيلى ئۇستاز ،مەيلى دىخان بوپ ، ئەجرىمىزدىن گۈللەرنى تەرگەن . قولىمىزدا ھەقىقەت شامى ، يىلىنجايدۇ  ئۆچمەيدۇ پەقەت . مۇئەللىمدۇر ئاتىمىز بىزنىڭ ، ئۇنتالمايمىز ، ئۇنتۇلماس ئەبەت . 2011-يىلى 9-ئاينىڭ 10-كۈنى

ayqiz

	خاسىيەت كەلگەن قەدەملىرىڭىزگە مەرھابا ، سىزنى قىزغىن قارىشى ئالىمىز ! سوزلىگەن سۆزلەر ئەمدى تەسىرقىلدىمۇ سىزگە . مۇنبەردىكى ئەزالار سىزدىن ياخشى پىكىرلەرنى ئايىمايدۇ . ساندۇق ئىچىدىكى ئىجادىيەتلىرىڭىزنى بىراقلا تۆكۈڭە .

باتۇرچەۋەنداز

	ayqiz يوللىغان ۋاقتى  2012-يىلى 7-ئاينىڭ 17-كۈنى 12:50 خاسىيەت كەلگەن قەدەملىرىڭىزگە مەرھابا ، سىزنى قىزغىن  ...                                                                                                       ئايقىز ھەدەمنىڭ ئۇزۇندىن بۇيان باسقان قەدەملىرگىمۇ مەرھابا بولسۇن

Ruslan

	مۇنبەرگە كىرىپلا ساۋاقدىشىمنىڭ شېئىرىنى كۆرۈپتىمەن . بەك تەسىرلەندىم . داۋاملىق يوللاپ تۇراسىز . ئاللاھ چەكسىز رەھمەتلەر قىلغىن ، جەننىتىڭنىڭ ئىشىكىڭنى ئاچ . بىلىملىك بىر ئۇستاز كېتىپ قالدى ، بېشىغا تاققا ئالتۇندىن تاج . بۇ بىر كوبلېت تازا راۋان ئەمەسكەن مۇنداق ئۆزگەرتسەك قانداق بولا ئاتىكاچىلىق قىلىپتۇ دەپ ئويلاپ قالمىغايسىلەر . ئاللاھ چەكسىز رەھمەتلەر قىلغىن ، جەننىتىڭنىڭ ئىشىكىنى ئاچ . كېتىپ قالدى بىر بىلىملىك ئۇستاز ، بېشىغا تاقا ئالتۇندىن تاج . ئاخىرىدا باشقۇرغۇچىنىڭ تېمىدا كۆرۈلگەن ئىملادىكى يېتەرسىزلىكلەرنى قايتا تەھرىرلەپ قويۇشىنى ئۈمۈد قىلىمەن .

anar

	مەرھابا خاسىيەت ، قەدىمىڭىزگە مۇبارەك !

قەمبەرنىسا

	Ruslan يوللىغان ۋاقتى  2012-يىلى 7-ئاينىڭ 17-كۈنى 22:45 مۇنبەرگە كىرىپلا ساۋاقدىشىمنىڭ شېئىرىنى كۆرۈپتىمەن .  ... سىزنىڭ ئۆزگەرتكەن شېئىرىڭىزنىڭ 3-مىسراسىدا بىر بوغۇم ئېشىپ كىتىپتۇ. ئاللاھ چەكسىز رەھمەتلەر قىلغىن ، جەننىتىڭنىڭ ئىشىكىنى ئاچ . كېتىپ قالدى بىر بىلىملىك ئۇستاز ، بېشىغا تاقا ئالتۇندىن تاج . .......................................... ئاللاھ چەكسىز رەھمەتلەر قىلغىن ، جەننىتىڭنىڭ ئىشىكىنى ئاچ . كېتىپ قالدى  بىلىملىك ئۇستاز ، بېشىغا تاقا ئالتۇندىن تاج . مۇشۇ ئەڭ ئاخىرقى بىر مىسرادىمۇ سەل قولاشماسلىق باردەك ھىس قىلدىم.

قەمبەرنىسا

	كەلگەن قەدىمىڭىزگە مەرھابا، كىچىك تۇرۇپ ئاتىكاچىلىق قىلىپ قويدۇم. ئۆزرىلىكمەن ....

مايسىخان

	ayqiz يوللىغان ۋاقتى  2012-يىلى 7-ئاينىڭ 17-كۈنى 12:50 خاسىيەت كەلگەن قەدەملىرىڭىزگە مەرھابا ، سىزنى قىزغىن  ... مەرھابا خاسىيەت! ۋاي ئايقىز ھەدە سىزگىمۇ مەرھابا، ئىنى-سىڭىللىرىڭىزنى بۇنداق تاشلىۋەتمەڭ ماقۇلمۇ

مايسىخان

	باشقۇرغۇچىلار تامىغىلارنى يانچۇقتا ساقلىماي چىقىرىڭلار، بولمىسا قۇرۇپ قالىدۇ

kizilgul

	مەزمۇنى ياخشى چىقىپتۇ.لېكىن تىلى سەل ئاددىي ھەم  بەزى قاپىيەلەر ئاچ.مەسىلەن: ئالەم بەنە بولغاندىن بۇيان ، بىرى ئۇستاز ، بىرى شاگىرتتۇر . ئۇستازلارسىز نەدە ئالىم بار ، ئۇستاز دىگەن بۇيۇك بىر سۆزدۇر . بۇ كۇبلىتنى : ئالەم بىنا بولغاندىن بېرى، بىرى ئۇستاز،بىرى شاگىرتتۇر. ئۇستازلارسىز ئالىم نەدە بار؟ ئۇستاز دېگەن بۈيۈك بىر زاتتۇر دەپ ئۆزگەرتسەك؛ شۇنداق ئىسىل مۇئەللىم بۈگۈن ، كەتتى مەڭگۈ كەلمەس دۇنياغا . لېكىن قالدى ھەربىر شاگىرتى ، ئىزلار سالدى ماڭغان ئىزىغا . بۇ كۇبلىتىنى: شۇنداق  ئېسىل مۇئەللىم بۈگۈن، مەڭگۈ كەلمەس دۇنيا كەتتى. شاگىرتى ھەم  پەرزەنتلىرىنىڭ، ئاھۇ-زارى پەلەككە يەتتى دېسەك ياخشىراق بولارمىكىن دەپ ئويلۇدۇم.