ئوتۇنچى بالا

گۇلخان

	ئوتۇنچى بالا يۇلتۇز بىلەن پىچىرلاشقانچە، باش -كۆزىنى سېلاپ ئىشەكنىڭ، نەچچە باغلام ئۈمىدنى تېڭىپ، يولغا چىقتى ئوتۇنچى بالا. ناشتىسىنى قىلغانچە چالا، چۈشتەك ئۇزاپ كەتكەن يوللارغا، يېپىشقىنى ھارۋا چاقىغا، يۇمرانغىنە ئارزۇسى  ساددا. ئادىراسماندا ئېرىقلار سېلىپ، ئاق يول تىلىدى ئاق چاچلىق ئانا. مەنمۇ تىلىدىم شىۋىرلاپ تۇرۇپ. ئاق يوللۇق بولغىن،ئاق يوللۇق بولغىن، ئوتۇنچى بالا،ئوتۇنچى بالا. ھارۋىدىكى باغلام-باغلام،كەسلەم-كەسلەم ئۈمىدلەرنىڭ ھەر شېخىدىن كۆكلەيدۇ گۈزەل، بەكمۇ شىرىن نۇرسىمان چۈشلەر....... بىر كەسلەمدە دوختۇر ئويىنىڭ، خەرىتىسى تۇرار مۇڭلىنىپ، بىر كەسلەمدە ماي بۇياقلارنىڭ، كۆلكىللىرى تۇرار رەڭلىنىپ، بىر كەسلەمدە يۈز -كۆزى شالتاق، ئۇماققىنە بۇدرۇق سىڭلىسى قەغىشىنى قىلغان ئاخشاملا لاتا قونچاق تۇرار خۇيلۇنۇپ.... ئاشارمىكىن كىتاب پۇلىغا، ئەڭ ئاخىرقى بىر يۈدۈم ئۈمىد. يېقىنلاشقانچە چۈشلەرنى ساناپ، رېسىق شەھرىگە خىياللار ئۇزاپ. ئوتۇنچى بالا كىتەر جانلىنىپ. ................. دادىسىنىڭ ھېكايىسىنى، ئاڭلاپ قالدى بىر كۈنى بالا. چۈش قوينىدا كېچىسى يەنە، ئەللەيلىنىپ چىقتى جاڭگالدا، بېلى تېخى قاتمىغان تايدەك تېخى تولۇق چىقمىغان ئايدەك توغراقلىقلار چاقىرار ئۇنى، يۇلغۇنلارنىڭ باغرىدا مەشرەپ، يىپلىرىنى ئىگىرىپ مۇمايلار، ساقىلىنى سىيپىشىپ چاللار ئوسمىسىنى قويۇپ ياش جۇۋان، يۈرەر ئېمىش بالىلار سەكرەپ، تۈزەر ئېمىش ئەركەكلەر سورۇن، كىم چىقىدۇ مەيدانغا ھە-دەپ. ئىھ،نەقەدەر گۈزەل رېۋايەت، ئۇ چۈش ئىدى چۈش ئىدى پەقەت. ساددىغىنە ئوتۇنچى بالا، يۇلقىنىپ چىقىپ شۇنچىلىك تەستە، رېۋايەتنىڭ ،چۈشنىڭ قوينىدىن. ئېلىپ چىقتى يۇمران مايسىدەك بۇرۇتىدەك قاملاشقان ئوتۇن. ئوتۇن ئەمەس ھەرۋىدىكىسى، پۈرەك-پۈرەك ئارمانلار چوقۇم. كۆكلىگىنى ياپيېشىل چۈشلەر، قاغجىرىغان قاخشال تىنىدىن. ........................ سوزۇلماقتا شەھەر يولىغا، ئوچۇم-ئوچۇم ياپيېشىل چۈشلەر. قچىشماقتا ئالقانلىرى ھەم... كۈلۈپ كەتكەن قامچا قۇلىدا. كونا يولنىڭ ھىدىنى ئىزلەپ، سوكۇلدايتتى ئىشەك خىرامان. ئالدىراشلا ئۆتكەن ماشىنا، قىلىپ قويدى يوللارنى ئايان. بولماس ئىمىش بۇ يەردىن ماڭسا، يولى بارمىش ئارقا كوچىدا.... چۈشەندۈرۈپ ئۇزاقتىن -ئۇزاق، چېقىپ تۇرۇپ گازىرىنى، ئولتۇرۋالغان ئالتۇن چىش چوكان. تۆت يولنىڭ دوقمۇشىدىلا. ئارقىسىغا يېنىپ نائىلاج، كىرىپ كەتتى ئارقا كوچىغا. ئوتتى تالاي-تالاي كوچىدىن، تاپالمىدى يولىنى ئەمما. ئاھ،قەدىردان ئوتۇن بازىرى، قېپ قالدىكىن ئەمدى قاياقتا، دەپ پىچىرلاپ ئۆزىگە ئۆزى.. يىغلىۋەتتى بىقۇۋۇل ھارۋا. ..................... چىقىپ كەلدى مويسىپىت بوۋاي، كۆتۈرگەنچە گېزىتلىرىنى. قىزىقسىندى تېڭىرقاپ يۈرگەن، ئوتۇنچىغا،ئوتۇنلىرىغا. (بىر دەمدىلا كەتتى خىيالى، ياشلىقىغا ئويۇنلىرىغا) -تورۇپ قاپسەن يىگىت بۇ يەردە، سەپىرىڭنى نەدىن سورايمىز؟ كۆڭلۈڭدىكى خىياللىرىڭنى، بىر-بىرىگە قانداق ئولايمىز؟ سۆزلەپ بەردى ئوتۇنچى بالا، چۈشلىرىنى ،خىياللىرىنى، ھارۋىسىدا يالتىراپ تۇرغان سىلاپ قويدى ئارمانلىرىنى. بوۋاي كۆڭلى بولدى مىژژىدە، كىرپىكلىرى جۈپلەشتى نەمدىن. قانداق قىلساق قۇتۇلۇپ قالار، مۇنۇ يىگىت بىر يولى غەمدىن. مۇشۇ يولدىن ئودۇللا ماڭسا، چاقىراتتى ئوتۇن بازىرى. لېكىن ھازىر قەيەردە قالدى، تار ئىكەنغۇ ئۇنىڭ ئاسمىنى. سوغۇققىنا گىدىيىپ تۇرغان، ئوچىقى يوق تاش ئورمانلاردا. گۆرۈلدىمەس مىھىر-مۇھەببەت، لاۋۇلدىماس ئۇندا يالقۇنلار. ئوت سۇنالماس قىشنىڭ گۈلى دەپ، شۇنداق قىلىپ ئوتۇن بازىرى، ساتالمىغاچ ئوتۇنلىرىنى. كېتىپ قالدى قاياقلارغىدۇ، ئەسلىگەنچە ئۆتكەن كۈنلەرنى. تاپالمىدى شۇڭا ئوتۇنچى تاپالمىدى ھەم ئۈمىدلەرنى. ................ ئەڭ ئاخىرقى ئوتۇن بازىرى، قىزىپ كەتتىى ئىشىك تۆۋىدە. ۋىلىق -ۋىلىق كۈلدى ئارمانلار، يىغلىۋەتتى ئوتۇنچى بالا تۇتىۋېلىپ ئۇنى چىڭڭىدە. كۈرۈپ قېلىپ قۇياش بۇ ئىشنى، يېنىپ كەتتى يۈزى ۋىللىدە. خەرىتىگە ئوتۇن بازىرى، كىرىپ كەلدى يەنە جىممىدە.

ئەسمەتۇللاھ

	گۇلخاننى 1 - لىككە ئىرىشتۈرگەن شئىر ماۋۇ ، ئۇبدان ئۇقۇڭلار .

رەھمەتۇللاھ

	بىرىنچىلىكنى بىرىشكە يارايدىكەن.  مۇشۇ شىئىر ئادەمنى تەسۋىرلەپ بىرەلمەيدىغان بىرخىل ھاياجانغا سالىدۇ   بىر نىمىلەرنى دىگۈسى كىلىدۇيۇ كۆڭەلدىكىنى چۈشەنگىلى بولمايدۇ.

ئەسمەتۇللاھ

	رەھمەتۇللاھ يوللىغان ۋاقتى  2012-يىلى 6-ئاينىڭ 30-كۈنى 15:45 بىرىنچىلىكنى بىرىشكە يارايدىكەن.  مۇشۇ شىئىر ئادەمنى ت ... ئاداش ، سىز يېقىندىن بۇيان غەلىتە بۇپ قالدىڭىزما ، كۆڭلىڭىزدىكىنى بىلەلمەيدىغان .

رەھمەتۇللاھ

	ئەسمەتۇللاھ يوللىغان ۋاقتى  2012-يىلى 6-ئاينىڭ 30-كۈنى 15:48 ئاداش ، سىز يېقىندىن بۇيان غەلىتە بۇپ قالدىڭىزما ، كۆ ... شۇنى دەيمەن ئۆزكۆڭلۈمدىكىنىمۇ بىلەلمەي قالىمەن   كاللامدىن كىتىۋاتقانلىقنىڭ ئىپادىسى ئەمەستۇ ھە

ئەسمەتۇللاھ

	رەھمەتۇللاھ يوللىغان ۋاقتى  2012-يىلى 6-ئاينىڭ 30-كۈنى 15:50 شۇنى دەيمەن ئۆزكۆڭلۈمدىكىنىمۇ بىلەلمەي قالىمەن   كال ... مەنمۇ يامان ئەنسىرەيتمە ئاداش سىزدىن ، توي قىلۋالغۇچە ساق تۇرسىڭىز بۇلاتتى . ئۇنىڭدىن كىيىن كەتسىڭىزمۇ باقىدىغان ئادەم بولغاندىكىن بىزمۇ بەك غەم يەپ كەتمەيتتۇق .

رەھمەتۇللاھ

	ئەسمەتۇللاھ يوللىغان ۋاقتى  2012-يىلى 6-ئاينىڭ 30-كۈنى 15:55 مەنمۇ يامان ئەنسىرەيتمە ئاداش سىزدىن ، توي قىلۋالغۇچ ... ۋاي تاڭەي خەخلە ماڭا تەگمەمدۇ يا مەن خەخنى ئالمامدىم يا ئېلىپ بولدۇممۇ  ئىشقىلىپ مەنمۇ ئۇقمۇدۇم

ئەسمەتۇللاھ

	رەھمەتۇللاھ يوللىغان ۋاقتى  2012-يىلى 6-ئاينىڭ 30-كۈنى 16:05 ۋاي تاڭەي خەخلە ماڭا تەگمەمدۇ يا مەن خەخنى ئالمامدىم  ... نىمانچە غەلىتە ھادىسە ماۋۇ .

گۇلخان

	ۋاي-ۋۇي ماۋۇ گازىرچىلار  يەنە باشلىدى....... ئۇتۇنچى بالام  نەدە قالدىۋوييي.

ئەسمەتۇللاھ

	گۇلخان يوللىغان ۋاقتى  2012-يىلى 6-ئاينىڭ 30-كۈنى 16:17 ۋاي-ۋۇي ماۋۇ گازىرچىلار  يەنە باشلىدى....... ئۇتۇنچى بالا ... شۇ ئۇتۇنچى بالىنى دەۋر قىلىپ پاراڭلىشىۋاتىمىز .