شاراپتىكى مەن

ساباھ

	شارابتىكى مەن (پارچىلار)   كىم 1 قەدەھنىڭ   ئىچىدە ئاقىدۇ  دەريا، لەبىنى قان ئەتتىم،قانمىدىم ئەمما. ئەجەپمۇ سۈمۈرگۈم كەلدى بۇ كۈندە، بىر قەدەھ شاراپچە بولسىچۇ دۇنيا. 2 جىسمىمگە سىڭىشىپ ئاقىدۇ شاراپ، قىرغاقنى يالايدۇ،قىلىشچۈن خاراپ. بىر چۆكۈپ،لەيلەيمەن قەدەھ ئىچىدە، مەن-شاراپ،شاراپ-مەن،نەقەدەر ئازاپ. 3 بىر رومكا شاراپقا ئايلانسا شەھەر، تەمىنى تەڭشەيتتىم ئۆزۈمگە قەدەر. سۈكۈتكە ئايلىنىپ ئۆزۈمگە ماڭدىم، يىراقلاپ قالماقتا شەھەر ۋە خەۋەر.      4 رومكىنىڭ لەۋلىرى قان بولدى تازا، كۈچۈمنىڭ بارىچە چىشلىدىم قاتتىق. شېشىنىڭ سونۇقى پاتتى روھىمغا، سۈيۈشنىڭ زەھىرى ئاچچىق،بەك ئاچچىق. 5 ئازابىم ئايلانغان شاراپقا شۇ تاپ، رومكىنىڭ ئاغزىنى ئەتمەكتىمەن قان. مەستلىكتىن يېشىلمەي كەلدىم بۈگۈنگە، « كەچۈرلا »دەيمەن لېك قەلبىمدە بار سان. 6 قەدەھكە لەبىمنى تەگكۈزسەم ئەگەر، شاراپنىڭ يۈزىدە لىغىرلايدۇ ئاي. ئاھ ئۇرۇپ ئىشىققا سەرگەردان بولدۇم، تېپىلماي كەلدىغۇ كۆڭلۈمدىكى جاي. 7 قۇياشقا ياش تۆكۈپ يىغلىغان دەمدە، كېچىگە سۆرەيدۇ ھىجرانلىق ئازاپ. ئايغىلا قارايمەن مۇڭلىنىپ غەمدە، قەدەھكە تولدۇرۇپ ھەسرەتلىك شاراپ. 8 قۇياشتىن بىر زەررە تامسا قەلبىمگە، ھېچ داۋا يەتمەيدۇ ئىشقى دەردىمگە. مەن سۆيگەن نىگارىم   كەتتى يىراققا، پەقەت شۇ شاراپلا يېتەر قەدرىمگە. 9 شاراپلا باسىدۇ ئىشىق ئوتىنى، قۇچاقلاش نە ھۇزۇر شاراپ تۇرقىنى. بىر چۆكۈپ، بىر لەيلەش قانداق يۈكسەكلىك، ئاشىقلىق نېمىگە بەرگەن زوقىنى. 10 نىگارە مېنى بىر ۋىسالغا يەتكۈز، ۋەياكى ئىشىقنىڭ شارابىن ئىچكۈز، كېچىپلا دۇنيادىن مەن تەركى بولدۇم، ھاياتنىڭ مەنزىلى ئەمەستۇر كەچكۇز. 11 «ساقىي» دەپ ئۆتەمدىم بۇ ھالىم خاراپ، ياشاپلا كەلگىنىم ئۈچۈندۇر شاراپ. ئاشىققە ۋىسالسىز ئالەم قاراڭغۇ، كىمكىن ئۇ قەلبىمگە سالغىنى ئازاپ. 12 ئىشقىڭدا يىغلايمەن،دەريا مەسەلمەن، روھىمنى بۇغىدۇ مەڭگۈلۈك ئازاپ. يىغاممۇ بىكىنگەن گۈلخان ئىچىگە، ئارزۇيۇم ئالەمدە بىر قەدەھ شاراپ. (   شاراپ _  مەنىۋى ئوزۇق)

رەھمەتۇللاھ

	تۇنجى تىمىڭىزدا ئېسل ئىجادى يازمىدىن بىرنى ئېلىپ كەپسىز   يەتتە قىزلىرىمغا كەلگەن قەدىمىڭىزگە مەرھابا  قەلىمىڭىزبەرىكەتلىك بولغاي !

باتۇرچەۋەنداز

	ئايغىلا قارايمەن مۇڭلىنىپ غەمدە، قەدەھكە تولدۇرۇپ ھەسرەتلىك شاراپ.        ............................. .......................ئازاپ.

ئەسمەتۇللاھ

	زامانتاش قەدەم مۇبارەك . قارشى ئالىمىز .

باتۇرچەۋەنداز

مايسىخان

	ساباھ قېرىندىشىمىزنىڭ قەدەملىرىدىن گۈللەر ئۈنسۇن! باتۇر چەۋەنداز مۇشۇ كۈندە تېمىغا ئىنكاسنى ئالامەت يازىدىغان بوپ كەتتى دېسە، گۈلى- گۈلگە زادى

باتۇرچەۋەنداز

	مايسىخان يوللىغان ۋاقتى  2012-يىلى 6-ئاينىڭ 27-كۈنى 19:16 ساباھ قېرىندىشىمىزنىڭ قەدەملىرىدىن گۈللەر ئۈنسۇن! بات ... دەيدىغان قۇرۇق گېپىمىنى قۇيۇپ يوللاپ  قۇيدۇم  شۇ،ياختۇرامىكىن بىلمىدىم

ساباھ

	باشقا  توردىكى  ئىسمىم  زامانتاش ئىدى...خاپا  بولماي  بۇنىڭدىمۇ ئۆزگەرتىپ قويساڭلار  بوپتىكەن...   ئۇ  ئىسىم  بىلەن  تىزىملىتالمىدىم...

گۇلخان

	شارابقا چىلانغان كۈنلەر تەكتىدە، ئالەمگە بەرگۈسىز  مەنالار ياتۇر. ئىستىسەڭ كۈيۈشنى لاۋۇلداپ ئەبەد، سەن ئۈچۈن مەڭگۈلۈك گۇلخانلار ياقۇر.

anar

	مەرھابا زامانتاش ، ئەسەرلىرىڭىزنى داۋاملىق كۆرۈپ تۇرۇشنى خالايمىز ، يوقاپ كەتمەي كىرىپ تۇرۇڭ