ئالىي مەكتەپ ئىمتىھانىدىن تۇغۇلغان پىكىر ( سىن فىلىم)

saye

	خۇنەن تېلىۋىزىيىسىنىڭ بۇ رىياسەتچىسىنىڭ بۇ يىللىق ئالىي مەكتەپ ئىمتىھانى توغرىسىدىكى پىروگراممىسىنى كۆرۈپ بېقىڭلار. 12 مىنۇتلۇق بۇ قىسقا فىلىم سىز ۋە مەندە ئالىي مەكتەپ ئىمتىھانى زادى شۇنچىلىك مۇھىممۇ؟ ئۇنىڭ ئۈچۈن زادى ئوت دېڭىزىغا سەكرىشىمىز كېرەكمۇ؟ دىگەنلەر توغرىسىدا يەنە بىر قېتىم تەپەككۈر قىلىشقا ئۈندەيدۇ. دىققىتىڭلار تۆۋەندىكى قىسقا فىلىمدە بولسۇن. ئەسلى مەنبەسىدىن كۆرۈش: http://v.youku.com/v_show/id_XNDExNjc3MzU2.html

قەمبەرنىسا

	مىنىڭ بۇ فىلىمنى ( خەنزۇچە فىلىمنى ) كۆرگۈدەك ئىقتىدارىم يوق .

saye

	قەمبەرنىسا يوللىغان ۋاقتى  2012-يىلى 6-ئاينىڭ 21-كۈنى 13:38 مىنىڭ بۇ فىلىمنى ( خەنزۇچە فىلىمنى ) كۆرگۈدەك ئىقتىدارى ... فىلىمدا ئالىي مەكتەپ ئىمتىھانىنى ھاياتىنىڭ داۋامى قىلىۋالغان ئوقۇغۇچىلار ۋە بالىلىرىنىڭ بىر دىنبىر ئىستىقبالى قىلىۋالغان، جاپاكەش ئاتا ئانىلار سۆزلىنىدۇ. بالىلىرىنىڭ ئىمتىھانىدا پاقىلارنىڭ كۇركىراشلىرى تەسىر قىلمىسۇن دەپ ئەتراپتىكى پاقىلارنى ئۆلتۈرۋەتكەنلەرنى؛ بالىلىرىنىڭ ئىمتىھانىغا تەسىر قىلمىسۇن دەپ يول توساپ كىشلەرنى ئۆتكۈزمەي جىدەل چىقىرىۋاتقانلار؛ بالىلىرىنىڭ ئىمتىھانىنى ياخشى بېرىشى ئۈچۈن دىققىتى چېچىلمىسۇن دەپ ئانىسىنىڭ 12 كۈن بۇرۇن قازالاپ كەتكىنىنى يوشۇرۋاتقانلارنى؛ بالىسىنىڭ ئىمتىھانىغا كېچىكىپ قالغانلىقى ئۈچۈن كىشلەر ئالدىدا تىزلىنىپ ئۆز ئىززەت ئابروي ، غورۇرىدىن كېچىۋاتقانلارنى سۆزلەپتۇ. كۆرۈپ باقسا ھەقىقەتەن كىشىنى ئويلاندۇرىدۇ. ئالىي مەكتەپ ئىمتىھانى بالىلىرىمىز ئۈچۈن راستىنلا بىردىنبىر چىقىش يولىمۇ؟ دىگەنلەر ئەتە ئۆگۈنلا بىزنىڭ بېشىمىزغا كېلىدۇ.

قەمبەرنىسا

	saye يوللىغان ۋاقتى  2012-يىلى 6-ئاينىڭ 21-كۈنى 13:59 فىلىمدا ئالىي مەكتەپ ئىمتىھانىنى ھاياتىنىڭ داۋامى قى ... بۇنى كۆرۈپ مەلۇم بىر مۇنبەردىكى « ئالىي مەكتەپتىكى مۇھەببەتكە قانداق قارايسىز » دىگەن بۇ تىمىغا چۈشكەن، شۇ تىمىغا مۇناسىۋەتسىز بولغان « ئالىي مەكتەپ بىردىنبىر چىقىش يولىمىزمۇ ؟ »  « مائارىپنى يەنە يولغا قويۇش كىرەكمۇ ياكى بالىلارنى مەكتەپكە بەرمەي ئائىلىدە ئەخلاقلىق قىلىپ تەربىيلەش كىرەكمۇ »  دىگەن مۇشۇ تىمىلاردا قىلىنغان مۇنازىرىلەر ئىسىمگە كەپ قالدى. ئويلىغانلىرىم بەك كۆپ ئىدى. ئەمما پەقەت ئىپادىلەپ بىرەلمىدىم. بىر مۇنچە ئىنكاس يازسام مەن دىمەكچى بولغان مەزمۇن ئىپادىلەنمەي ئۆچۈرۋەتتىم .

saye

	قەمبەرنىسا يوللىغان ۋاقتى  2012-يىلى 6-ئاينىڭ 21-كۈنى 14:21 بۇنى كۆرۈپ مەلۇم بىر مۇنبەردىكى « ئالىي مەكتەپتىكى مۇ ... جەمئىيەتنى ئەخلاق ئارقىلىق ئىدارە قىلىشنى بۇنىڭدىن 2500يىل ئىلگىرىلا كۇڭزى ئوتتۇرىغا قويغانىدى. مەن شۇنداق ھېس قىلىپ قالدىم. بالىلىرىمىز مەكتەپتە رىقابەتلىشىشنى ھە شۇنىڭغا قوشۇپ شەخسىيەتچىلىكنىمۇ ئۆگىنىۋاتقان ئوخشايدۇ. شۇ جاپالاردا مەكتەپنى پۈتتۈرۈپ چىققاندىن كېيىن خىزمەت تاپالماسلىق بىر مەسىلە. چېرىكلەشكەنلەرنىڭ كاساپىتىدىن كىشلەرنى يوقلاشقىمۇ كۆندۇققا ئاخىرى. بۇ جەمئىيەتتە بىر قىسىم مۇناسىۋەتلەردىن يىرگەنسەكمۇ ئەمما يەنىلا شۇ مۇناسىۋەت زەنجىرىدىن ھالقىپ كېتەلمەيمىز.

رەھمەتۇللاھ

	ئالى مەكتەپتە ئۇقۇيالمىغىنىمغا پەقەت ئۆكۈنىشىم يوق لېكىن خەنزۇچە ۋە ئېنگلىزچىدىن ساۋاتسىز قالغىنىمغا بىئارام بولىمەن. بىرنەچچە قېتىم كۇرۇسلارغا قاتناشقان بولساممۇ ھاجىتىمدىن چىققۇدەك بىر ئىش بولمىدى. مەن دىمەتلىك ئالى مەكتەپ قارسى كۆرمىگەن نۇرغۇنلارنى تۇنۇيمەن داڭلىق ئالى مەكتەپلەرنى پۈتتۈرگەنلەرنى ياللاپ ئىشلىتىۋاتىدۇ. لېكىن ئالى مەكتەپتە ئۇقۇمىغانلارنىڭ ئىگىلىك تىكلەش جەريانىدا تارتىدىغان جاپاسى كۆپرەقمىكىن دەيمەن. ئۆزۈممۇ بىر ئىشلارغا تۇتۇش قىلغىلى خېلى بۇلۇپ قالدى ھەرھالدا بەزى ئىشلار ۋۇجۇتقىمۇ چىققان بولدى لېكىن تارتىدىغان جاپا ئازلايدىغاندەك ئەمەس

قەمبەرنىسا

	پەقەت ئالىي مەكتەپتە ئوقۇشلا ـــــ ھاياتنىڭ بىردىنبىر چىقىش يولى ئەمەس. روھچىن ئىيىتقاندەك نۇرغۇن ئالىي مەكتەپتە ئوقۇمىغانلار بىلىملىك كىشىلەرنى ياللاپ ئىشلىتىۋاتىدۇ. مىنىڭچە ئالىي مەكتەپ پەقەت نەزەرىيەلا ئۆگىتىدىغان بىر مەكتەپ. جەمئىيەت بولسا شۇ ئالىي مەكتەپتىكى نەزەرىيەنى ئەمەلىيەتكە ئايلاندۇرىغان سورۇن .    مەكتەپتە ئوقۇۋاتقان ۋاقىتلىرىمدا بىر ئاغىنەم بولىدىغان. « ياخشى ئۈگىنىپ چوقۇم ئالىي مەكتەپكە ئۆتىمەن » دىسەم، سىنىڭ نىشانىڭ پەقەتلا ئالىي مەكتەپمۇ ؟ سەن ئالىي مەكتەپتە ئوقۇش ئۈچۈن، ۋە ياكى ھۆكۈمەتنىڭ تۆمۈر تاۋىقىغا ئىرىشىش ئۈچۈنلا ئوقۇيامسەن ؟ ...........دەپ كۆپ سۇئاللارنى ئالدىمغا قويۇپ تۇرىۋالاتتى. كىيىن ئويلىسام ئاغىنەمنىڭ شۇ سۇئاللىرى مىنى ئويغىنىپتىكەن. ئاخىرقى پىكرىم  : بىردىنبىر چىقىش يولى ئالىي مەكتەپتە ئوقۇش ۋە ياكى ھۆكۈمەت ئورنىدا خىزمەتكە ئىشلەشلا ئەمەس. ھەقىقىي قەدر قىممىتىنى تونۇپ ياشاش .

مەرىپەت

	مانا بۇ ھازىرقى جۇڭگۇ مائارىپىنىڭ ئەينەن تەسۋىرلىنىشى ، ئەجەپ قايىل بولدۇم ،بۇ تېلۋېزىيە رىياسەتچىسىگە ،ئەپسۇس بىزنىڭ رايۇنمىزدا بۇنداق رىياسەتچىدىن مىڭ يىلدا بىرى ئاپىرە بۇلۇشى ناتايىن .بۇ سىنئالغۇ كۆرنىشى كۆرگەندىن كىشىنى چوڭقۇر ئويغا سالىدىكەن.ئالى مەكتەپتە ئۇقۇش پەقەتلا باللىرىمىزنىڭ بېسىشقا تىگىشلىك بولغان ھايات مۇساپىسىنىڭ بىر بولىكى خالاس،لىكىن ھايات مۇساپىسنىڭ يولىنىشىنى  كۆرسىتىپ بىردىغان يول بەلگىسى بولالمايدۇ. شۇڭا باللىرىمىزنىڭ بەخىت-تەلىيى،تەقدىر-قىسمىتى ئۇلۇغ ئاللانىڭ ئىلكىدىكى ئىش.

بىدار

	بۇ قىسقا فىلىمنى كۈرۈپ شۇنداق يىغلىغۇم كىلىپ قالدى.ئۆتكەن يىلى بىر يىل شۇ قەدەر تەستە ئۆتكەنىدى.جۇڭگۇنىڭ مائارىپى ھەقىقەتەنمۇ ئادەم رۇھىنى بۇغۇپ ،ئۆلتۈرۈپ قويغۇدەك دەرىجىدە.بەلكىم شىنجاڭدا ئىچكىرىدىكىدەك ئېغىر بولماسلىقى مۇمكىن.تۇلۇق ئوتتۇرىدىكى ۋاقىتلىرىمىزدا ئازراقلا ۋاقىتىمىزنى بىرەردەم ئارام ئېلىشقا،ياكى توپ ئويناپ ياكى پاراڭ سېلىپ دىگۈدەك ئۆتكۈزۈپ سالساق،خەنزۇ مۇئەللىملەر كايىپلا كىتەتتى.بىزنىڭ مىڭىمىزنى ئارام ئالدۇردۇق دىيىشىمىزگە قۇلاق سالماي،ھارغىچە قاقشايىتتى.تۇلۇق ئوتتۇرىنىڭ 2-يىللىقىىغا قەدەر بىر ھەپتىدە پەقەت يەكشەنبە كۈنى چۈشتىن كىيىن 5-6سائەتلا ئارام ئېلىش ۋاقتىمىز بارتى،باشقا ۋاقىتلاردا توختىماي دەرس ئۇقۇيتۇق،ھەر كۈنى كەچتە 4سائەت كەچلىك مۇزاكىرە قىلاتتۇق،ئاخىرى جىياڭسۇدا بىر مەكتەپتە بىر ئۇقۇغۇچى بۇ بېسىملارغا چىداپ بۇلالماي بىنادىن ئۈزىنى تاشلاپ ئۈلۈۋالغاندىن كىيىن،شەنبە -يەكشەنبە دەرس ئۇقۇيدىغان تۈزۈمنى ئەمەلدىن قالدۇرۇۋەتكەن.شۇڭىلاشقىمىكىن نۇرغۇن ئۇقۇغۇچىلار ئالىي مەكتەپ ئىمتىھانىنى ھەممىدىن مۇھىم بىلەتتى،چۈنكى ئالىي مەكتەپ ئەركىنلىكتىن دىرەك بىرەتتى.بىراق ھەقىقەتەنمۇ نۇرغۇن ئادەملەرنى نىمىنىڭ ھەقىقي مۇھىم ئىكەنلىكىنى ئۇنتۇلدۇرىۋەتتى،،،

بىدار

	رەھمەتۇللاھ يوللىغان ۋاقتى  2012-يىلى 6-ئاينىڭ 21-كۈنى 15:28 ئالى مەكتەپتە ئۇقۇيالمىغىنىمغا پەقەت ئۆكۈنىشىم يوق لې ... ئەمسە بۇ مۇنبەردە ئىنگىلىزتىلى ئۈگەنگۈسى بارلارغا ،بىر سەھىپە تەسىس قىلسا بولغۇدەك جۇمۇ،،،