گۈل . . . R

رەھمەتۇللاھ

	ئىسسىقتا تەرلەپ-پىشىپ ئاران كەلسەم دۇكاندا باشقا بىرنەرسە تۇرىدۇ. ۋىۋىكىسىغا قارىسام ئىلگىركى« تىيەن تىيەن گۈل دۇكىنى » دېگەن ۋىۋىسكا، « يىڭى دەۋىر چالغۇ ئەسۋاپلىرى» دىگەن ۋىۋىسكىغا ئالمىشىپ قاپتۇ. كاساپەت ! دېدىم ئىچىمدە ، ئەتتىگەندىن بىرى شەھەرنىڭ كۆپرەكىنى ئايلىنىپ چىقتىم. ئەجەبا، بۇ ۋىلايەت دەرىجىلىك مەكىزى شەھەردىمۇ بىر گۈل دۇكىنى تاپقىلى بولماسمۇ ؟ ئويلاپ باقسام شەھەرنىڭ يەنە بىر تەرپىدە بىر يەردە ئىككى دانە گۈل دۇكىنىنىڭ بارلىقى ئىسىمگە كەلدى-دە شۇ تەرەپكە قاراپ يول ئالدىم. شەھەرگە چوڭ كۆلەملىك «يەرئاستى بازار» چىقىرىمىز دەمدۇ ياكى «زامانىۋى ماشىنا توختىتىش مەيدانى» دەمدۇ ئىشقلىپ يوللارنىڭ كۆپ قىسمىنى تۇسۇپ، نۇرغۇن يوللارنى تاق يۆلىنىشلىك قىلىۋەتتى. شۇندىن بىرى شەھەر ئىچىدە ماشىنا بىلەن مېڭىش ئۇبدانلا ئاۋارچلىق بولدى. بىر يوللاردىن كىتىپ بارساڭ «تاق يۆلنىشلىك يولغا خاتا كىردى»ڭ دەپ 100 يۈۋەن جەرىمانە ئېلىۋاتقان. بىر يەردە ماشىنا قويساڭ «قائىدىگە خىلاپ توختاتتىڭ» دەپ 200 يۈۋەنلىك جەرىمانە تالۇنى يېزىۋاتقان. نۇرغۇن يەرلەردە 500 مىتىر يولنى مېڭىش ئۈچۈن قىستاڭچىلىقتىن ئۆتۈپ بولغىچە 30 مىنۇت ۋاقىت كەتكەن. شۇنىڭ بىلەن يېقىندىن بىرى شەھەر ئىچىدىكى يوللارغا پىيادىلا ماڭىدىغان بولدۇم. موتو ئۇبدانلا ئەسقاتاتتى. لېكىن، مەن كىلىشىپ بۇلالمىدىم. گۈل دۇكىنىنىڭ ئالدىغىمۇ كىلىپ قالدىم. قارىسام ئىشىكنى يۇغان بىر زەنجىر قۇلۇپ بىلەن قۇلۇپلاپ قۇيۇپتۇ. ياندىكىسىنىڭ ئىشىكى ئۇچۇقكەن ئىچىگە كىرسەم ھېچكىم يوق. ئەتىراپنى يوقلىدىم، دۇكان خوشنىلاردىن سورىدىم، ھېچكىم ئۇقمايدىكەن. ئالاھەزەل يېرىم سائەتتەك تۇرۇپ كەتتىم. كىتەي دىسەم بۇندىن باشقا يەنە نەدە گۈل دۇكىنىنىڭ بارلىقىنى بىلمەيمەن. بىردىنلا جۇدۇنۇم ئۆرلەشكە باشلىدى، ئەجەبا بۇ خوتەن خەلقى گۈلنى گۈلقەن سېلىشتىن باشقا ئىشقا ئىشلەتمەمدۇ ؟ خوتەندە گۈلنى ياخشى كۆرۈدىغان ئادەم يوقمۇ ؟ ئۇيغۇرنىڭ ئاچقان گۈل دوكىنىغۇ يوق. خەنزۇلارنىڭ دوكىنىدىنمۇ ئەتتىگەندىن بىرى ئۈچ دۇكاننى يوقلىدىم. ھەممىسى تاقاق. ئاران ئۇچۇقتىن بىرنى تاپسام ئادەم يوق ! خەپ «خوتۇن ئالسام چوڭ قىلىپ گۈل دوكىنىدىن بىرنى ئېچىپ بەرمىسەم، ھېچكىم گۈل ئالمىسا گۈل بېقىپ بولسىمۇ ئولتۇرامىزا . . . » دوكاننىڭ ئىچىدە توختىماي مېڭىۋاتسام، تەتەيدىن بىرسى ھىجىيىپ كىردى. توڭلىتىش ساندۇقىدىن قىزىل ئەتتىرگۈلدىن بىرنى ئالدىم ۋە ئالدىن تەييارلىۋالغان سوغاتلىق قاپقا سېلىپ ئېغىزىنى ئەتتىم. بۇ ماڭا ئاران كەلگەن پۇسەت ئىدى. شۇڭا، بۇ قېتىم ئۇنىڭغا چۇقۇم تەسىر قالدۇرغۇدەك بىر ئىش قىلىشىم كىرەك. قىزلاردىن گۈلنى ياقتۇرمايدىغىنى بولمىسا كىرەك. قاپنىڭ ئىچىدىن چوغدەك يالقىلداپ تۇرغان ئەتتىرگۈل ۋە نەۋائى ھەزىرەتلىرىنىڭ كىتاۋى ئۇنىڭ يۈرەك باغرىنى تېتىرتەلىسە ئارزۇيۇم شۇ ئىدى. تېلفۇننى ئالدىراش دەۋەردى تېلفۇن ئۇرغاچ مېڭىپ ئۆيگىمۇ كىلىپ قالدىم. نىمانچىۋىلا سۆزلىشىدىغاندۇ ؟ يا تىجارەتچى بولمىسا سىستىرا دىگەننىڭ ئۇنچىۋىلا كۆپ ۋاختىمۇ بولماس 40 مىنۇت بۇلۇپ قاپتۇ . شۇنداق تۇرشۇمغا تېلفۇننى قايتۇردى. -سىزگە بىر نەرسە تەييارلىغان ئىدىم-دېدىم تەمتىرەپ. -نېمە تەييارلىغان ئىدىڭىز ؟ -كۆرگەندە بىلىڭە ؟ -دىمىسىڭىز ئالمايمەن. -گۈل. -گۈل؟ -ھەئە گۈل . - نىمە گۈل ؟ -بىرتال ئەتتىرگۈل ئىدى. -گۈللىما ؟ -ھەئە -نىمە قىلىمەن گۈلنى ؟قىز بالىدەكلا مىجەزىڭىز بارئىكەن. ئۇغال بالىدەك بىر ئىش قىلمامسىز ؟ بىر تال گۈلنى ماڭا سوۋغا قىلىسىز، مەن ئۇنى پۇراپ قۇلۇقۇمغا قىسىپ يۈرىمەن. قايسى جاھان، قايسى دەۋىر ھازىر قىز بالىنى قوغلىشىشقىچۇ ؟ يۈرەك، پۇل، يول كىتىدۇ. بىرتال گۈلگە قىز بالا گوللايدىغان كۈن كەتتى. باشقا گىپىڭىز بولمىسا خوش قۇيۋەتتىم. دۇت-دۇت قىلغان ئاۋاز بىلەن تېلىفۇن ئۆزۈلدى. ئۆزۈمنى دۇنيانىڭ بىر بۇرجىكىگە تاشلىۋىتىلگەن ئەخلەتتەكلا ھېس قىلىپ قالدىم. بىر ئېغىزمۇ گەپ قىلالمىدىم. قۇلۇمدىكى قاپنى دېرىزىدىن قارىتىپ ئاتتىم. ئەستا. . .  بۇ 12-قەۋەت ئەمەسمىدى. كەينىدىنلا دېرىزىدىن قارىدىم. قاپ يولنىڭ ئوتتۇرسىغىلا چۈشكەن ئىدى. ئوقتەك كەلگەن ماشىنىدىن بىرى قاپنى مىجىپلا ئۆتۈپ كەتتى. ماشىنىنىڭ شامىلىدا گۈلنىڭ بەرگىللىرى پۇررىدە ئۇچۇپ يولغا چېچىلىپ كەتتى. گۈلدە نىمە گۇناھ ؟ گۇناھ بار دىيىلسە گۈلنىڭ قىممىتىنى ئۇقمايدىغان ھاماقەتلەردە گۇناھ ! «ئېشەككە كۈچۈڭ يەتمىسە ئۇر تۇقۇمنى» دىگەندەكلا ئىش قىلدىمغۇ ؟ گۈلنىڭ چېچىلىپ ياتقان بەرگىگە قاراپ يۈرۈگۈممۇ پارچىلنىپ كىلىۋاتقاندەك بىلىنىپ كەتتى. كەينىدىن پەسكە چۈشۈپ گۈلنىڭ بەرگىنى تىرۋالماقچى بولدۇم. بىراق، ئوقتەك ئۆتەۋاتقان ماشىنىلار بىردەمدىلا تۇزىتىپ بولغان ئىدى. ئەجەبا پارچىلانغان يۈرەكنى مۇشۇ گۈلگە ئوخشاش مەڭگۈ بىريەرگە ئەكەلگىلى بولماسمۇ ؟ گۈلنىڭ يالىڭاچ قالغان بېغىشىنى يۈرۈگۈمگە باسقان پېتى يېنىپ چىقتىم.

Aydar

	موشۇ تېما ماۋزۇسى كەينىدىكى ئۈچ چىكىت ۋە ئۇنىڭ كەينىدىكى لاتىنچە ر ھەرىپى خۇددى مېنىڭ ئەسىرىمدەك ھې قىلدۇرىدۇ. ئۇنى چەكسەم بىر مەنىۋىي چىغىر يولغا كىرگەندەك ھېس قىلىمەن. بۈگۈنمۇ دەل شۇنداق بولدى. مەن ر ...ھەپىدىكى مەنزىلدىن مەنىۋىي دۇنياغا كۆپ ئەھمىيەت بىرىدىغان بىر قەلىبنىڭ بايانىنى ئوقۇغاندەك بولدۇم. بايانلار چوڭقۇر، تەبئىي ۋە چىن ئىدى.....مەن 12-قەۋەتتىن چۈشۈلگەن گۈل بەرگى بىلەن تەڭلا توزوپ كىتىۋاتقاندەك بولدۇم....

باتۇرچەۋەنداز

	«خوتۇن ئالسام چوڭ قىلىپ گۈل دوكىنىدىن بىرنى ئېچىپ بەرمىسەم، ھېچكىم گۈل ئالمىسا گۈل بېقىپ بولسىمۇ ئولتۇرامىزا . . . » سېستىرا قىز ئۇ تۇرقىدىن شۇ گۈلنى سوۋغا قىلدىغان يىگىتكە ماس كەلمۈگىدەك   ئومدانراق ئۇيلىشىلى

گۈلئايىم

	بۇ روھچىنغا نەدىن كىلىدىغاندۇ ھە مۇشۇنداق ئىلھاملار؟   نىمىلا يازسا شۇنداق تەسىرلىك يازىدۇ،    مەن بەك ياقتۇردۇم رەھمەت سىزگە،  دىمىسىمۇ ھازىرقى جىمىيەتتە ، گۈلنىڭ قەدرىگە يىتىدىغانلار قانچىلىك؟  ھەممىلا ئادەم پۇل-پۇللا دەيدىغان بولۇپ كەتتى، دادامنىڭ دىيشىچە ئەينى چاغدا، ئانامنى بىرتال گۈل قىزىل گۈل بىلەن تەسىرلەندۇرۇپتىكەن،   شۇ سەۋەپتىنمۇ ئىشقىلىپ دادام - ئانام ئىككىسى گۈلگە شۇنداق ئامراق ئىدى. بىزنىڭ ئۆيدە ھەر قانداق گۈل تىپىلىدۇ، قىزىلگۈل ھەرخىل ئەتتىر گۈل،،،،،،،،،

قەمبەرنىسا

	40 مىنۇتتىمۇ سۆزلىشىپ بولالمايدىغان قانچە ئۇزۇن پاراڭدۇ ئۇ ؟ يۈرىۋاتقانلار بولسا بىر گەپ ...... راستىنلا گۈلدە نىمە گۇناھ ؟ قىشتىمۇ بىر ساۋاقدىشىمىز يەنە بىر قىز ساۋاقدىشىمىزغا بىر تال گۈل بىلەن كۆڭلىنى بىلدۈرگەن. ئەمدى خىزمەتكە يىڭىدىن چىققان باللار ئىدى ئۇ. ئەمما مىنىڭ ئۇ قىز بالا ساۋاقدىشىم ماڭا « بىر تال گۈل بىلەن مىنى ساۋاقداشلارنىڭ ئالدىدا خىجىل قىلدى يۈزۈمنى چۈشۈردى ، ھىچ بولمىسا بىر تال ئۈزۈك سىلىپ قويمامدۇ » دەپ خاپا بولۇپ كەتكەن ئىدى. كىيىن ئۇ ئوغۇل بالا ساۋاقدىشىم « شۇ بىر تال گۈلنىمۇ باللىنىڭ ئالدىدا بەك تەس بەردىم، دىگەن گەپلىرىمنى توغرا دىدىممۇ خاتامۇ بىلەلمىدىم. ھەجەپ خىجىل بولدۇم » دىدى. مانا مۇشۇنچىلىك ئىش . قىزلار گۈل قوبۇل قىلىشنى خالىمىغان ئىكەن، ئوغۇللار ياكى ۋاز كىچىش كىرەك. ياكى شۇ قىزنىڭ تەلەپ قىلغىنىنى بىرىشى كىرەك. كۆڭۈلنىڭ ئىشىغا بىر نەرسە دىمەك تەس.

بىدار

	بۇنىڭدىن ئۇ ىسستىرا قىزنىڭ مەنىۋىيىتىنىڭ نەقەدەر پۈچەكلىكىنى بايقىغىلى بۇلىدۇ. بۇ يىلقى خانىم-قىزلار بايرىمىدا بىر دەستە گۈل تاپشۇرۇۋالدىم.تۇنجى قېتىملىقى بولغاچقىمىكىن ياكى مەن ئۈزۈم گۈلنى  بەكمۇ ياخشى كۆرگەنلىكىم ئۈچۈنمىكىن،ياتىقىمغا ئەكىرىپ ئۈستەلگە قۇيۇپ قويدۇم.گۈلگە ھەربىر قېتىم قارىغىنىمدا چۇڭقۇر بىر مۇھەببەتنى ھىس قىلاتتىم.گۈل ھەپتە تۇرۇپ سۇلىشىپ قۇرۇپ كەتتى.بىراق شۇنداقتىمۇ تاشلىۋىتىشكە چىدىمىدىم.ئاخىرى 3-ئاينىڭ 8-كۈنى تاپشۇرۇۋالغان گۈلنى،6-ئاينىڭ 10نەچىچىسىدە قۇرۇپ-قاقشال بوپ،پەقەت ئورىغان گۈللۈك قەغىزىلا قالغان ھالەتتە تۇلىمۇ قىيماي بىر تەرەپ قىلىۋەتتىم.

Aydar

	ئەخمەق قىز بالا: گۈلنى ئېلىپ يىگىتنى كەلتۈرۋالمامدۇ ئاۋال -ھە؟!!!

قەمبەرنىسا

	Aydar يوللىغان ۋاقتى  2012-يىلى 6-ئاينىڭ 16-كۈنى 20:39 ئەخمەق قىز بالا: گۈلنى ئېلىپ يىگىتنى كەلتۈرۋالمامدۇ ئا ... ئاۋال كەلتۈرىۋالغان بىلەن، كىيىن بەرىبىر مىجەزى چىقىشالمايدىكەن ئەمەسمۇ ھاھاھا..... رەھمەتۇللاھ، قەمبەرنىسادىن خاپا بولۇپ يۈرمەڭ ھە . ھەقىقەت ئاچچىق، مىۋىسى تاتلىق شۇ.

مايسىخان

	مەن بۇ ھاياتىمدا بىر قېتىم گۈل تاپشۇرۇپ ئېلىپ شۇنداق ھاياجانلانغان ئىدىم، بىلمىدىم بۇ ئاخىرقىسىمۇ، شۇنىڭدىن كېيىن مەن ئۆزۈمگە ئۆزۈم گۈل سوۋغا قىلۋاتىمەن بولدى، روھچىن ئۇكام ئۇنداق ھەقىقىي مۇھەببەتنى پۇل بىلەن ئۆلچەيدىغان قىزلارنى ئۇنتۇپ كېتىڭ، ئاخىرى ئۆزەم ئۆلەيمەن سىزنى، ئۈرۈمچىدە بوپ قالغان بولسىڭىز بۇ كەمگە تويىڭىزنى ئويناپ بولاتتۇق، خوتەن تەرەپتە يا تونۇش يوق ئىلھاملار توختىمىسۇن، تېمىلىرىڭىز سەر خىللىشىپ، تۇرمۇشقا يېقىن چىقىۋاتىدۇ

مايسىخان

	Aydar يوللىغان ۋاقتى  2012-يىلى 6-ئاينىڭ 16-كۈنى 20:39 ئەخمەق قىز بالا: گۈلنى ئېلىپ يىگىتنى كەلتۈرۋالمامدۇ ئا ... بىر تال گۈل دېسە پۇلى يوق كۆرۈپ قالغان چېغى بار بۇ ئۇكاممۇ ئالغاندىن كېيىن 9999تال ئالسىچۇ يا