ئۈلكەر ئۈچۈن ماتەم بولدى

باتۇرچەۋەنداز

	ئۈلكەرنىڭ قۇرغۇچىسى سابرى ئۈلكەر ۋاپات بولدى                                                           تۇركىيە يىلدىز ھولدىڭ ۋە ئۇلكەرگوروھنىڭ قۇرغۇچسى،باش لىدىر سابىر ئولكەر                                                   (1920.............2012-6-13)                  تۈركىيە يېقىنقى زامان سانائىتىنىڭ باشلامچىسى ۋە تۆھپىكارى، دۇنياغا داڭلىق كارخانىچى،تونۇلغان جامائەت ئەربابى سابرى ئۈلكەر، 2012-يىلى6-ئاينىڭ12-كۈنى 92 يېشىدا ۋاپات بولدى. 6-ئاينىڭ13-كۈنى ئىستانبۇل فاتىخ جامىسىدە جىنازە نامىزى ئوقۇلدى. نامازغا ئۇرۇق-تۇققان قېرىنداشلىرى، تۈركىيە دۆلەت باشلىقى ئەردوغان، ھەرقايسى مىنىستىرلار ۋە ھەر جايلاردىن كەلگەن كەڭ خەلىق ئاممىسى قاتناشتى. نامازغا قاتناشقۇچىلار كۆپلىكىدىن كوچىلار ئادەملەر بىلەن لىق تولغان ئىدى.ھەرقايسى خەۋەر ئاگېنتلىرىدىن كەلگەن 70دىن ئاتۇق مۇخبىرلار نەق مەيداندىن خەۋەر تارقاتتى.نامازدا پۈتۈن خەلىق سابرى ئۈلكەرنىڭ ھاياتىدىكى تۆھپە ۋە ياخشىلىقلىرىغا ئاپىرىن ئېيتتى. ئۇنىڭ ھەققىدە ئەڭ گۈزەل دۇئالارنى قىلدى. نامازدىن كېيىن ،كۆپچىلىك كەئبە يوپۇقى بىلەن يېپىلغان جىنازىنى كۆتۈرۈپ ئىستانبۇل زەيتۇنبۇرن رايونىدىكى كونا كوزلۇ مازارلىقىغا يۈرۈپ كەتتى...            دېمەك، سابرى ئۈلكەر بوۋىمىز ھەقىقەتەن ئېسىل بىر كىشى ئىدى. نۇرغۇن گۈزەل خۇلىقلارنى ئۆزىگە يىغقان، خەلىق سۆيەر، مەرىپەتپەرۋەر، تەقۋادار مۇسۇلمان ئىدى.( ئۇ تۈركىيە مائارىپ مىنىستىرلىقى تەستىقى بىلەن باشلانغۇچ مائارىپ مەكتىپى،سانائەتچىلىك كەسپى تېخنىكوم مەكتىپى،كۈتۈپخانا ۋە كومپىيۇتېر تەجرىبەخانىلىرىنى قۇرغان ۋە ئېھتىياجلىق ئوقۇغۇچى ۋە تەتقىقاتچىلارغا مۇكاپات ياردەم پۇللىرى تەسسىس قىلغان. ئۇ تۈركىيەدىكى ئەڭ داڭلىق TEMA فوندى جەمىيىتىنىڭ قۇرغۇچىلىرىنىڭ بىرى ئىدى.)  ئۇ دۇنيا مۇسۇلمانچە يېمەك-ئىچمەك ساھەسىنىڭ سەركىسى ئىدى. (ئەڭ ئىشەنچىلىك ھالال يېمەكلەرنى ئىشلەپچىقىرىپ دۇنيا مۇسۇلمانلىرىنىڭ پاكلىقتىن رىزىقلىنىشىغا تۆھپە قوشقان.) ئاللاھنىڭ تەقدىر-پەرمانلىرى بىلەن ئۇ بىزدىن مەڭگۈگە ئايرىلغان بولسىمۇ، ئۇنىڭ دۇنيا يىمەك-ئىچمەك ساھەسىدىكى تۆھپىلىرى ۋە يۈرەكلىرىمىزگە باغلانغان پىرەنىك،شاكلاتلىرى ئوغلى ھەم ھازىرقى باش لىدىر مۇرات ئۈلكەرنىڭ تىرىشچانلىقى بىلەن  ھەرگىز توختاپ قالمىغۇسى.         ئۈلكەر ھەققىدە قىسقىچە تونۇشتۇرۇش:           خەلىقئارا يېمەكلىك ئىشلەپچىقىرىش ساھەسىدىكى ئىلغار كارخانىلارنىڭ بىرى بولغان تۈركىيە ئۈلكەر گورۇھى 1944-يىلى قۇرۇلغان بولۇپ، دەسلەپتە پەقەت ئۈچ نەپەر خىزمەتچىسى بولۇپ، پەتىبور پىرەنىكى ئىشلەپچىقىرىش بىلەن ئىش باشلىغان. يىلىغا ئاران 75 توننا پىرەنىك ئىشلەپچىقىراتتى. 1948-يىلىغا كەلگەندە ھازىرمۇ ئىشلەپچىقىرىش ئېلىپ بېرىۋاتقان ئەڭ بۇرۇن قۇرۇلغان كۆلەملەشكەن ئىستانبۇل شەھىرىنىڭ توپقېپىغا جايلاشقان ئۈلكەر يېمەكلىك سانائىتى گۇروھى زاۋۇتىنى قۇرۇپ ئىشلەپچىقىرىشنى 4 ھەسسە كۆپەيتتى. 1950-يىلى ئۈلكەر تارقىتىش زەنجىرىنى قۇرۇپ، ماللارنى زاۋۇت باھاسىدا دۇكاندارلارنىڭ ئالدىغا ئاپىرىپ بېرىدىغان ئۇسۇل قوللاندى. بۇ خىل تارقىتىش ئۇسۇلى ھازىرغا كەلگەندە 220000 ئورۇنغا ئەڭ ئاز دېگەندە ھەپتىدە بىر قېتىم مال يەتكۈزۈپ بېرىدىغان ھالەتكە يەتتى.          ئۈلكەر گورۇھى 1970-يىلى ئېكىسپورت قىلىش سودا پائالىيىتىنى باشلىغان بولۇپ، ئەينى يىلى 200000 دوللارلىق قىممەتتە مال ئېكىسپورت قىلغان. شۇنىڭدىن باشلاپ ئۈلكەر گۇروھى ئۇچقاندەك تەرەققى قىلىپ، مەھسۇلاتلىرى پۈتۈن يەرشارى بازارلىرىنى قاپلاشقا باشلىدى. 2009-يىلىغا كەلگەندە ئۈلكەر گۇروھى 68 تارماق شىركىتى، 30000 ئىشچى-خىزمەتچىسى، 10 دۆلەتتە 55زاۋۇتى بار بولغان،300دىن ئارتۇق ماركىدا مەھسۇلات ئىشلەپچىقىرىدىغان، يىللىق سودا ئومومى سوممىسى 13 مىليارد دوللارغا، يىللىق ئېكىسپورت سوممىسى 1.5 مىليارد دوللارغا يەتكەن،دۇنيادىكى180دىن ئارتۇق دۆلەتكە مال ئېكىسپورت قىلىدىغان ھولدىڭغا ئايلاندى. (ھولدىڭ-پاي تۈزۈمىدىكى،گورۇھتىن چوڭ بولغان ئىقتىسادىي گەۋدە.)          يېمەكلىك ساھەسىدە دۇنياۋى داڭلىق ماركىلار قاتارىدىن ئورۇن ئېلىپ، ئومۇمىي تىجارىتى يەتتە گۇروھ ئارقىلىق يۈرگۈزۈلمەكتە. بىز بۇلارنىڭ بەزىلىرى بىلەن تونۇشۇپ چىقىمىز: 1 .شاكىلات، پىرەنىك ۋە كەمپىت ئىشلەپچىقىرىش گورۇھى بولسا، شاكىلات، پىرەنىك، تورت، بوۋاقلار بۇلمىقى، كەمپىت، سېغىز ئىشلەپچىقىرىش ۋە سېتىش پائالىيىتى بىلەن شۇغۇللانماقتا. 2.يېمەكلىك گورۇھى بولسا ياغ، مارگارىن، سۈت، سۈت مەھسۇلاتلىرى، ئىسسىق-سوغۇق ئىچىملىكلەر، تەييار شورپىلار، تەييار يېمەكلىكلەر، ناشتىلىق يېمەكلىكلىرىنى ئىشلەپچىقىرىش ۋە سېتىش پائالىيىتى بىلەن شۇغۇللانماقتا. 3.مەھسۇلات ئورالمىسى ۋە ئۆي-مۈلۈك گورۇھى-ئۈلكەر ماركىلىق مەھسۇلاتلار ئۈچۈن ئىشلىتىدىغان قۇتا، يەشىك، ئورالما قاپ، سوپۇن ۋە ھەرخىل قەغەز قاپ ۋە بوتۇلكا قاتارلىق مەھسۇلاتلارنى ئىشلەپچىقارسا، ئۆي-مۈلۈك بۆلۈمى ئۈلكەر گورۇھىنىڭ ھەرخىل زاۋۇت، ئىشخانا، تاللا بازىرى قۇرۇش قاتارلىق خىزمەتلىرى بىلەن شۇغۇللانماقتا. 4. توڭلىتىلغان مەھسۇلاتلار ۋە كۈندىلىك تۇرمۇش بۇيۇملىرى گورۇھى بولسا چاي، ماروژنى ۋە توڭلىتىلغان يېمەكلىكلەردىن باشقا كۈندىلىك تۇرمۇش بۇيۇملىرىغا مەبلەغ سېلىش ۋە ئىشلەپچىقىرىش تىجارىتى بىلەن شۇغۇللانماقتا. 5.گودىۋا گورۇھى بولسا 2007-يىلى ئۈلكەر ھولدىڭىغاقوشۇلغان بولۇپ، سوۋغاتلىق شاكىلات ئىشلەپچىقىرىش بىلەن شۇغۇللىنىپ كېلىۋاتىدۇ. بۇ زاۋۇتنى ئۈلكەر گورۇھى 2007-يىلى سېتىۋالغان، ياۋروپادا ھەم خەلقئارادا تونۇلغان ماركا بولۇپ، بېلگىيىدە بىر، ئامېرىكىدا ئىككى، جەمئىي ئۈچ زاۋۇتى بار.           ئۈلكەر گورۇھى باشقا دۆلەتلەردىمۇ يېمەكلىك زاۋۇتى قۇرغان بولۇپ، ھازىرغىچە سەئۇدى ئەرەبىستان، مىسىر، جازايىر،لىۋان، پاكىستان، رۇمىنىيە، ئوكرائىنا، بىلگىيە، قازاقىستان، ئامېرىكا قاتارلىق دۆلەتلەردە زاۋۇتلىرى بار. ئۈلكەر دۆلەت ھالقىغان خەلىقئارالىق چوڭ گورۇھ بولغاچقا،يۇقىرىقى 10 نەچچە دۆلەتتىكى زاۋۇتلىرىدىن ئوخشاش سۈپەت،ئۆلچەم ۋە باشقۇرۇشتا مال ئىشلەپچىقىرىپ، خەلىقئارالىق مال زاكاز ئەھۋالىغا ئاساسەن ھەرقايسى دۆلەتلەرگە مال يەتكۈزۈپ بەرمەكتە. مەنبە:كۆكلەم ئۇيغۇر مۇنبىرى

قەمبەرنىسا

	ئۇف ھەرنىمە بولسا باشقا دۆلەتلەردىكى زاۋۇتلىرىدىن بولسىمۇ ئىشلەپ چىقىرىدىكەن. بولمىسا كۈندە مەن ئۈلكەردىن ئايرىلالمايمەن ....... دەپ ناخشا ئوقۇپ يۈرەر بولغىيتىم.

مايسىخان

	مەن تېخى ئۈلكەر تاقىلىپ قالغانمىدۇ دەپتىمەن، چۈنكى قەمبەرنىسا ئېيتقاندەك بىزنىڭ ئائىلىمۇ ئۈلكەردىن ئايرىلالمايمىز. ياتقان يېرى جەنەتتە بولسۇن!

peacelife212

	ياتقان جايى جەننەتتە بولغاي، ئامىن، چۈشەندۈرۈشتىن قارىغاندا ئىسىل كاتتا، تەقۋادار مۇسۇلمان كىشى ئىكەن. ئۈلكەرنىڭ ئىشلىرى توختاپ قالمىغاي، روناق تاپقاي.

ئەسمەتۇللاھ

	ئەزىمەت يوللىغان ۋاقتى  2012-يىلى 6-ئاينىڭ 16-كۈنى 22:13 مەنغۇ ئانچە   يېمەيمەن ئۇلكەرنى ئەمسە سىزنىڭ ئۈلكەر يىگۈدەك باھانىڭىز يوقكەن .

قەمبەرنىسا

	ئەزىمەت يوللىغان ۋاقتى  2012-يىلى 6-ئاينىڭ 16-كۈنى 22:13 مەنغۇ ئانچە   يېمەيمەن ئۇلكەرنى ئۈلكەر يىيىشكە باھانىڭىز بارمۇ ؟    ئىككى كۈن توك كىتىپ قىلىپ مۇنبەرگە كىرەلمىدىم. شۇڭا ئالبىنى يەي دىدىم. ئالبىنى ـــــــــــــــــــــــ باھانىسى جىق ..............

saye

	ھەربىر جان ئىگىسى ئۆلۈمنىڭ تەمىنى تېتىغۇچىدۇر. (كەتمەيدىغان كىم بار، ياتقان يېرى جەننەتتە بولسۇن)

شەبنەم333

	بارغانسىرى ئورۇقلاپ كېتۋاتمەن ،شۇڭا ئۈلكەر يەي دېدىم.

dilnaz

	ياتقان يىرى جەننەتتە بولغاي. مەنمۇ ئانچە-مۇنچە يەپ قوياتتىم.