قانغۇچە كۈلىۋېلىڭ (سەنسىزنىڭ تاققا-تۇققىلىرى)

sansiz0903

	ئەڭ ئاۋۋال سىلەرگە بىر يۇمۇر سۆزلەپ بېرەي... شىر پادىشاھ ئورماندىكى پۈتۈن ھايۋانلارنى يىغىپ، ئۇلارنى يۇمۇر سۆزلەشكە تەكلىپ قىپتۇ. شەرت: يۇمۇر ئىنتايىن قىزىقارلىق بولۇشى، چوقۇم ھەممە ھايۋانلار كۈلۈشى كېرەك ئىكەن. بىرەرسى كۈلمەي قالسا كاللىسىنى ئالىدىكەن. باشتا توشقان سەھنىگە چىقىپ، ئىنتايىن قىزىقارلىق يۇمۇردىن بىرنى سۆزلەپتىكەن. پۈتۈن ھايۋانلار قورساقلىرىنى تۇتۇپ تېلىقىپ كۈلىۋاتسا، ئىشەك كۈلمەي شۈكلا تۇرۇپتۇ-دە... شىر پادىشاھ توشقاننى ئۆلۈم جازاسىغا ھۆكۈم قىلىپتۇ. كىيىن بۆرە چىقىپ تايىنى يوق، لاۋزا يۇمۇر سۆزلىگەن ئىكەن. پۈتۈن ھايۋانلار كۈلمەي تۇرسا، ئىشەك ھاڭراپ كۈلۈپ كىتىپتۇ. شىر پادىشاھ دەپتۇ. -يې لاۋاز ئىشەك، بايام توشقان شۇنداق قىزىقارلىق يۇمۇر سۆزلىسە كۈلمەي، ئەمدى بۆرىنىڭ مۇشۇ تايىنى يوق يۇمۇرىغا كۈلىۋاتىسىنا؟ ئىشەك دەپتۇ؛ -ئالىيلىرى، توشقاننىڭ يۇمۇرىغا ئەمدى كۈلگۈم كىلىۋاتىدۇ ئەمدى تاققا-تۇققىنى رەسمى باشلاپ كەتتۇق ئوغرلانغان خاتىرە 20 پارچە شېئىر يازدىم. يېڭى ئۆگەنگەن ۋاقىتلار بولغاندىكىن بوغۇمى ئاز، ئاددى شېئىرلار ئىدى ئەلۋەتتە...   بىر كۈنى تۇيۇقسىز يوقاپ كەتتى، ئىزدىدىم چىقمىدى. ئارىدىن ئىككى ھەپتە ئۆتكەندىن كېيىن مەن ئۇ خاتىرەمدىن ئۈمۈتنى ئۈزۈپ تۇرسام، بىزگە خەنزۇتىلى دەرىس بىرىدىغان ئوقۇتقۇچىمىز ماڭا ئىشخانىسىنىڭ ئاچقۇچىنى بىرىپ، تارتمىدىن دەرس تەييارلىقىنى ئېلىپ كىلىشنى بۇيرىدى.  مەن ئىشخانىغا كىرىپ قارىسام مېنىڭ خاتىرەم  تۇرىدۇ. خۇش بولۇپ، ئەسلى مۇئەللىمىمدە ئىكەندە دەپ قاراپ باقسام، مەن يازغان شېئىرلار شۇ پېتى تۇرۇپتۇ، باشقا ۋاراقلىرىغا ئۆزىنىڭ باشقا بىر نەرسىلىرىنى يېزىپ قۇيۇپتۇ.   ئىچىم ئاچچىق بولۇپ گەپ قىلمىدىم.  كۆڭلۈمدە، خەنزۇتىلى مۇئەللىمىمۇ ئەدەبىياتقا قىزىقىدىكەن دەپ ئويلاپ قالدىم.   قول يۇيۇش بوۋام تۈگەپ كىتىپ، يەتتە نەزىرىسىنى بەرگەندە، مەن نەزىرگە كەلگەن جامائەتنىڭ قولىغا سۇ قويۇپ بەردىمدە، ئۇ قوللارنىڭ ئارىسىدا، ئاقراق كەلگەن قولمۇ، قارىراق كەلگەن قولمۇ، بوياقچىنىڭ قولى بولسا رەڭلىك كەلگەنلىرىمۇ، جاپا تارتمىغان ئادەمنىڭ يۇمشاق قوللىرىمۇ، جاپانى يەتكۈچە تارتقان ئادەمنىڭ قاتتىق تارشىدەك قوللىرىمۇ باردە، ئۇ ئادەمنىڭ چىرايىغا قارىماي تۇرۇپمۇ شۇ قولىغا قاراپلا قانداق ئادەم ئىكەنلىكىنى ئوبدان قارىسىڭىز توغرا پەرەز قىلالايسىز.   ئۇلارنىڭ قولىنى يۇيىۋاتقان ھالىتىگە تولىمۇ دىققەت قىلدىم، ئەدەپلىك، كىبىرى يوق ئىمام، خاتىپلار، قولىنى پەس تۇتۇپ، ئىڭىشىپ تۇرۇپ، سۇنى چاچراتماي تولىمۇ سىلىق يۇيىدۇ. يۇيۇپ بولغاندىن كېيىن رەھمىتىنى بىلدۈرىدۇ.   ئۆزى بىلىملىك، لېكىن كىبىرى بار ئادەم، بىلىنى ئەگمەي ئۆرىرەك تۇرۇپ قولىنى يىنىك يۇيۇيىدۇ، ئۇلار رەھمەتنى ئاساسى جەھەتتىن بىلمەيدۇ.   بىلىمسىز، نادان كىشىلەر، قولىنى ھاپىلا - شاپىلا، سۈيىنى باشقىلارغا چاچرىتىپ يۇيىدۇ.   ئۆزى ئىنتايىن سەمىمى ئادەملەر، ئەدەپ بىلەن قولىنى پەسرەك تۇتۇپ، سۈيىنى باشقىلارغا چاچرىتىشتىن ئىھتىيات قىلىپ  يۇيىدۇ. باشلىقلار، قولىنىڭ ئالقىنى بىلەن دۈمبىسىنى يىنىك يۇيۇپلا سۈرلۈك تۇرىدۇ.   شۇڭا دىققەت قىلسىڭىز، كىشىلەرنىڭ قىلىۋاتقان ئىش - ھەركەتلىرىدىنمۇ، ئۇلارنىڭ قانداق ئادەم ئىكەنلىكىنى بىلىۋېلىش ئاسان.   بىزنىڭ ئۆيدىكى قىزىقارلىق پاراڭ قىش كۈنلىرىنىڭ بىرى، كەچ دۇكاندىن قايتىپ ئۆيگە بارسام، ئۆيدە دادام - ئاپام، ئىككى ھەدەم  ھەم يولدىشى، ھەممەيلەن تېلېۋىزور كۆرۈپ ئولتۇرۇپتۇ. ئۆيدىكىلەر بار يەردە ئەزەلدىن تېلېۋىزور كۆرمەيتتىم. (ھازىر ئېلانلاردىن باشلاپ بۇزۇلغىلى تۇردى - دە)  ئالدىمدىكى تاماقنى سىرتقا چىقىپ يەي دېسەم، ئۇلارنىڭ كۆڭلىگە كەلمىسۇن دېدىم. تاماق يەپ ئولتۇرساق تېلېۋىزوردا مۇنداق بىر كۆرۈنۈش چىقتى.   بىر ئايال ھامىلدار بولۇپ، بىردەمدە تۇغۇپ، بالىسىنى قۇچىقىغا ئېلىپ بولدى.   شۇ ۋاقىتتا  تۆردە ئولتۇرغان كىچىك ھەدەمنىڭ يولدىشى   -توۋۋا ما ئايال بىردەمدە ھامىلدار بولۇپ، بىردەمدە تۇغۇپ بولدىغۇ دېگەنتى،  مەن   - مۇشۇ يەردە ئولتۇرۇپ 9 ئاي كىنو كۆرەي دېگەنما؟  دېسەم دادامدىن باشقا ھەممەيلەن پاراققىدە كۈلۈشۈپ كەتتى.   بىز كۈلۈپ توختاي دېگەندە دادامغا مېنىڭ گېپىم كېيىن تەسىر قىلغان چېغى، داداممۇ پاراققىدە كۈلۈپ كەتتى. شۇنىڭ بىلەن بىز دادامغا قوشۇلۇپ يەنە بىر قېتىم قاتتىق كۈلۈپ كەتتۇق.   ئاپام بىلەن قىلىشقان چاقچاق ئاكامنىڭ بۇرۇندىن تارتىپ، كەچتە بۇرۇن ئۇخلىمايدىغان، ئەتىگەندە ئورنىدىن سەھەر تۇرمايدىغان ئادىتى باردە. تۇرمۇشقا چىقىرىپ قويساقمۇ ئۇ ئادىتىنى ئۆزگەرتەلمىدى.   كەچ ئۆيگە كەلسەم ئاپام ماڭا   - داداڭ ساڭا خوتۇن ئېلىپ بىرىمەن دەيدۇ، دېدى. )   نېمىشقا؟  ئەمدى تېخى 19 ياشقا كىرگەن تۇرسام دەپ سورۇدۇم.  چاقچاق تەلەپپۇزىدا.. ئاپام   - ئاكاڭ كەچتە ئۆيگە بۇرۇن كەلمىسە، ئەتىگەندە تۇرمىسا، داداڭ رەنجىپ قاپتۇ. شۇڭا سېنى ئۆيلەپ قويىدىكەن. دەيدۇ. مەن   - ماقۇل ئەمسە، ھازىرچە ئۆزۈمنىڭ تاپقىنى يوق، سىلەر ياخشى قىزدىن بىرنى تېپىپ، توي تەييارلىقىنى پۈتتۈرۈپ، توينى توختۇتۇپ، نىكاھ ئوقۇيدىغان ۋاقتىڭلارغا ماڭا تېلېفون قىلىڭلار، ۋاقتىم يەتسە باراي، دېدىم   ئاپام، يەڭگەم ئىككەيلەن بىر ھازا كۈلۈپ كەتتى.   (ئاپام - داداملارغا ھەر قانداق گېپىم بولسا دەۋىرىمەن. ئەلۋەتتە يۇقارقى دېگەنلىرىم چاقچاق)   يەنە بىر يۇمۇر ئاپام دەيدۇ... قېنىم بالام، جاھان بىر يەرگە باردى. ئەتراپىڭدىكى شەيئىلەرگە ئوبدان قارىغىن، بۇ جاھانمۇ ئۇزاققا بارمايدۇ. ساڭا دىندىن خەۋىرى بار، ئىسىل قىز بالا ئېلىپ بىرىمەن. ماڭا خىزمەتچى قىز كېرەك ئەمەس. دىندا ئوقۇيدىغان ياخشى قىز بالا بولسا تونۇشقىن،  بولماي قالسا مەن ئىزدەپ باقاي...سىنىڭمۇ تويۇڭنى قىلىپ، گەدىنىمدىكى يۈكنى يىنىكلىتەي مەن دەيمەن... ئۆزۈم ياقتۇرمايدىغان بىر قىز بىلەن ئۆي تۇتۇپ قالسام، تويدىن كىيىن (再来一瓶) چىقىپ قارلارمىكىن پوچى قىش كۈنلىرىنىڭ ئاخىرى، قېلىن ياغقان قارلار ئېرىپ، بىزنىڭ ئۆينىڭ ئالدىدىكى يولنىڭ ئەگىمە يىرىدە ئازراق يىرىدە، قار ئېرىپ مۇز تۇتۇپ قاپتۇ. ئىشىك ئالدىغا چىقسام بىر بالا بىر ئەرچە سەيچې (مۇسابىقە ۋەلىسپىتى) دە، مۇز ئۈستىدە تورمۇز تۇتۇپ سىيرىلىپ ئويناۋاتاتتى. ئالدىمغا كىلىپ ماڭا مەغرۇر قاراپ قويۇپ، ئۇ ياقتىن سىيرىلىپ مېنىڭ ئالدىمغا كىلىشىگە مۇز ئۈستىگىلا گۈپپىدە چۈشتى.   شۇنداق كۈلكەم قىستاپ كەتكەن بولسىمۇ كۈلكەمنى زورىغا بېسىپ ئۇنى يۆلەپ تۇرغۇزدۇم.   ئۇ شەلپەردەك قىزارغىنىچە ئورنىدىن تۇتۇپ ۋەلىسپىتىنى ئاستا مىنىپ كىتىپ قالدى.   كىچىك ئىدىسون ئاكام بىلەن ئاغىنىسىنىڭ ئۆيىگە بىر ئىش ئۈچۈن باردۇق. پاراڭلىشىپ ئولتۇرۇپ، ئاكامنىڭ ئاغىنىسىنىڭ كىچىك  بالىسىنىڭ بۇرنىدىن ماڭقا ئېقىپ شارەك چىقىپ كەتتى. ئاكام، ــ ئاداش بالاڭلىنىڭ ئىسمى نىمە؟ ــ دىلشات، قانداق، تېخىچە بىلمەمتىڭلا؟   ــ ياق بىلەتتىم، بۇرنىدىكى شارەككە قاراپ، ئەسلى ئىسمىنى ئىدىسون قويساق توغرا بولىدىكەنتۇق، دەپ ئويلاپ قالدىم.   ھەممەيلەن - ھى... ھى ...ھى...   ئەدىپىنى بىرىش ئوتتۇرا مەكتەپنىڭ 3- يىللىقىدا ئوقۇيدىغان ۋاقتىمىز. بىزگە ئۇيغۇرتىلى دەرسى بىرىدىغان مۇئەللىم، ياشتا چوڭراق، بالىلارغا تولىمۇ ياخشى مۇئامىلە قىلىدىغان يۇۋاش ئادەم ئىدى.   سىنىپىمىزدىكى ئارقا ئورۇندا ئولتۇرىدىغان بىر ئاۋاقراق كەلگەن قۇلاق كەستى، جىدەلخور بولىدىغان، مۇئەللىمنى مازاق قىلىپ،  ئۆزىنىڭ ئىشىنى قىلىپ دەرىس سۈپىتىنى بۇزدى. مۇئەللىم بىر قانچە قېتىم قاراپ قويدى، يەنە ئۆزىنى بىلمىدى.   مۇئەللىم قولىدىكى بورنى ئۇنىڭغا ئاتقانتى، ئۇ بور ئۇنىڭ بېشىغا تىگىشى بىلەن ئۇ مۇئەللىمگە ئۈنلۈكرەك غودوڭشىدى.   مۇئەللىم بېرىپلا ئۇنىڭ ياقىسىدىن تۇتۇپ سىمۇنت يەرگە پاققىدە ئېتىپ - ھە نېمە گېپىڭ بار سېنىڭ!  نىمانداق ھەددىڭدىن ئاشىسە. سەن ماڭقا تولا ھەددىڭدىن ئاشما!  مەن بۇرۇن بۇ مەكتەپتە داداڭدەك، داداڭدەك ئادەملەرنى ئوقۇتقان!  سەن شۇملار بارغانچە كىچىكلىشىپ كىتىپ بارىسەن، مېنى يۇۋاش چاغلاپ، ئاچچىقىمنى كەلتۈرمە!  دەرىسنى ئوبدان ئاڭلا   ئۇ ئاۋاق جىدەلخورنىڭ يەردە ياتقان ھالىتى تولىمۇ بىچارە، شۇنىڭدىن كېيىن ئۇ مۇئەللىمنىڭ دەرسىنى غىڭ قىلماي ئاڭلايدىغان بولدى.   ئەمدى پۈتۈنلەي تۈگىدى.... يەنە يازاي دىسەم كۈلكىلىك ھەم ئادەمنى ئويلاندۇرىدىغان ئىشلار كۆپ ئىدى.... بىراق مۇشۇ كۈنلەردە يامان بەك ئالدىراش بوپ قالدىمغۇ تاڭ... ۋاي ئىست... بۇ ئالدىراشچىلىقلار قاچانمۇ تۈگەيدىغاندۇ دەيمەندە...

مەرۋەرى

	سەنسىزنىڭ بۇ تاققا -تۇققىلىرىدىن جېنىم چىققۇچە ھوزۇرلاندىم ھى ھى ھى ھى تولىمۇ قىزىقارلىق يېزىلىپتۇ ئۇكام ھارمىغايسىز

saye

	تېما كۆرۈپ ئىنكاس يازماسلىقنى خىيانەت دەپ قارايدىغان بۇ خارەكتىرىم كۇنۇپكا تاختىلىرىمنىڭ بارماقلىرىم ئارىسىدا رېتىملىق چېلىنىشىغا سەۋەبكار بولدى. شۇل سەۋەبلىك ئويلىغانلىرىمنى دەپ باققۇم كەلدى . يۇقارقى پارچىلاردىن مېنى بەكرەك جەلپ قىلغىنى " قول يۇيۇش" دىگەن ۋەقەلىك بولدى. ئاددى بىر ۋەقەلىك بولسىمۇ ئۇنىڭدا نۇرغۇن كىشلەر دىققەت قىلمايدىغان دىققەت قىلسىمۇ ھېس قىلىپ بولالمايدىغان بىر تەپەككۈر باركەن. مىجەزى ئىنچىكە، ئەستايىدىل كىشلەرلا ئەتراپتىكى ئاددى ۋەقەلىكتىن بىر لوگىكىنى چۈشۈنۈپ يىتەلەيدۇ دە ئۆزىنىڭ توغرا، ئىلمىي تەپەككۈرى ئارقىلىق بىر نەتىجىنى يەكۈنلەپ چىقىدۇ. خۇددى سىزنىڭ يۇقارقى يازمىڭىزدىكى پارچىغا ئوخشاش. مۇنبەر ئۆگىنىش ماكانى، ھەر تۈرلۈك پىكىرلەر بولسا ئازادە تاشلىنىدۇ، بىر تېما يوللىغان ئىكەنمىز دىمەك كۆپلىگەن پىكىرلەرنى توغرا كەيپىيات، سەمىمىي پوزىتسىيە، كىچىك پېئىللىق بىلەن قۇبۇل قىلىشقا ھەرۋاقىت تەييار تۇرىشىمىز كېرەك. ئىنىمىز "سەنسىز"نىڭ ھەقىقەتەن يېزىقچىلىق جەھەتتىن ئۆزىگە خاس بولغان قىزىقىشى ۋە ئارتۇقچىلىقى باركەن. ئۇشبۇ مۇنبىرىمىز ۋە "سەنسىز" تىزىملىتىپ ئەزا بولغان باشقا بىر مۇنبەردىكى تېمىلىرىنى، شئېرلىرىنى ھەم ئۆزى بىلەن ئېلىپ بېرىلغان بىر قېتىملىق سۆھبەت خاتىرىسىنى كۆرۈپ باقتىم. ھەم ئىنىمىزنىڭ بۇ جەھەتتىكى قىزغىنلىقىدىن مەمنۇن بولدۇم. ھېس قىلغىنىم بويىچە ياخشى تەرىپىنى ئېيتتىم، ئەمدى ئازراق  پىكىرىمنى دەپ باقسام، مۇۋاپىق بولسا قۇبۇل قىلىپ ئىزدىنىپ باقارسىز، ئەگەر كۆڭلىڭىزدە غەشلىك ياكى بىھاجەت دەپ قارىسىڭىز مۇشۇ تېمىدا قالىدۇ. بىز يەنە باشقا تېمىلاردا داۋاملىق ئورتاقلىشىپ ماڭىمىز . چۈنكى مۇنبەر ئەسلىدىنلا ئۆگىنىش ماكانى ئەمەسمۇ؟ مۇنبىرىمىزدە "سەنسىز"نىڭ يازغان يۇمۇر ۋە قىزىقارلىق پاراڭ تېمىلىرى باركەن، ئۇشبۇ تېمىمۇ دەل شۇلارنىڭ بىرى. ئىنىمىزنىڭ تەپەككۈرى، ئىلھامى بويىچە بىرتال بىر تال ھەرپتىن بېسىپ كىرگۈزگەن تېمىسى. دىمەك ، ئىنىمىزنىڭ ئەجرى سىڭگەن. شۇڭا ئۇنىڭغا ھۆرمەت قىلىمىز ئەلۋەتتە. مەن بۈگۈن بۇ تېمىنى كۆرۈپ بولغاندىن كېيىن مەندە مۇنداق بىر ھېس تۇيغۇ پەيدا بولدى. "سەنسىز"ئىنىمنىڭ تاققا-تۇققا، قىزىقارلىق پاراڭ تېمىلىرىغا قارىغاندا، " قول يۇيۇش"قا ئوخشاش، كىشلىك مۇناسىۋەت، جەمئىيەت، ئۇيغۇرلاردىكى پىسخىك ھادىسە قاتارلىق ئەتراپىمىزدىكى ئەمما بىز ئاسان ھېس قىلالمايدىغان ۋەقەلەرنى كۈزىتىش ۋە ئويلىغانلىرىنى ئىپادىلەش جەھەتتىكى ئالاھىدىلىكىنىڭ بىر قەدەر كۆرىنەرلىك ئىكەنلىكىنى ھېس قىلدىم. شۇڭا ئىنىمىزغا بېرىدىغان تەكلىۋىم: يۇمۇر تېمىلارمۇ ئۈزۈلمىسۇن،  ئەمما قىسقىغىنە ۋاقىت پايدىلىنىپ تورغا چىقىدىغان مۇشۇ ۋاقىتىڭىزدا قەلەم ئىجادىيىتىڭىزنى ئۆزىڭىزنىڭ ئوي-خىيال،  ئىلھامىڭىز بويىچە تەپەككۈر قىلىپ، مەنىسى چوڭقۇر، كىشلەرنى چوڭقۇر ئويغا سالىدىغان، ئويغا سېلىپلا قالماي يەنە باشقىلارنىڭمۇ ئۆز پىكىرنى بايان ئەيلىشىگە تۈرتكە بولالايدىغان تەپەككۈر ماقالىلىرىنى رويادقا چىقىرىشىڭىزنى ئۈمۈد قىلىمەن. يىڭى ماقالىڭىز يېزىلغان ھامان ئالدى بىلەن پېقىر تۇنجى بولۇپ ئوقۇيتتۇم ۋە ئاددىي بولسىمۇ ئويلىغانلىرىمنى ئىپادە قىلار ئىدىم. بۇندىن باشقا مۇنبىرىمىزدە "ئايدار" قاتارلىق كەسپىي يازغۇچىلارمۇ بار، يازغان تېمىلىرىڭىز توغرىسىدا كۆپرەك پىكىرلىشىپ تۇرسىڭىز، سىزنىڭ يېزىقچىلىق جەھەتتىكى ئارتۇقچىلىقىڭىزنى جارى قىلدۇرۇپ، كەمچىللىكلەرنى تۈزۈتۈپ ئېلىشىىڭىزغا زور ياردىمى بولىدۇ دەپ ئويلايمەن. كەمىنىنىڭ قىلىۋاتقان خىزمىتى ئەدەبىيات، قەلەمكەشلىكتىن يىراق، مىجەزىم تۈز، پېقىر كۆڭۈل ئادەم بولغاچقا، ئويلىغانلىرىمنى دەماللىققا توغرا ئىپادىلەپ بېرەلمىگەن بولىشىم مۇمكىن. شۇنداق بولسىمۇ ئىنىمىز " سەنسىز"نىڭ ئويلىنىپ بېقىشىنى سورايمەن. ئېھتىرام بىلەن : سايە

sansiz0903

	سايە  ئاكامنىڭ تىمامغا تەپسىلى ئىنكاس يازغىنىدىن تولىمۇ مەمنۇن بولدۇم. يېقىندىن بۇيان بەزى بىر ئىشلار تۈپەيلىدىن سەل ئالدىراش بولۇپ قالدىم. كۈندە كومپيۇتىر ئالدىدا بولساممۇ، يەتتە قىزغا كۆپرەك شېئىر ۋە باشقا ئەسەرلەرنى يوللاپ تۇرالمىدىم. [ sansiz0903 بۇ يازمىنى  2010-يىلى 10-ئاينىڭ 11-كۈنى 13:23  دە تەھرىرلىگەن. ]

saye

	سايە ئاكىڭىز. [ saye بۇ يازمىنى  2010-يىلى 10-ئاينىڭ 11-كۈنى 10:33  دە تەھرىرلىگەن. ]

قەھۋە

	سايە ھەدە ئەمەس، ئاكاش. سەنسىز، دەرھال ئىزاھات بېرىۋېتىڭ!         سەنسىزنىڭ تاققا-تۇققۇ پاراڭلىرى ھەقىقەتەن ئەمىلىي، كىشىنى كۈلدۈرسە، بىردە ئويغا سالىدۇ. ئەتتىگەندە يەتكۈچە كۈلۈپتىمەن. مۇشۇنداق چىن كۈلكىلەرنىڭ داۋاملىق نېسىپ بولۇشىنى تىلەيمەن! سەنسىزنىڭ ئائىلىسىدىكى ئەزالارنىڭ ئۆزىلا بىر يۇمۇركەن. بۇنداق ئائىلىلەردە تەرتىپلىك، قىزغىن، خۇشخۇي بالىلار يىتىلىپ چىقىدۇ.        سەنسىز ئۆزى كىچىك بولغىنى بىلەن كاللىسى "چوڭ"كەن، گەپلىرى، ئوي-پىكىرلىرى ئۆزگىچە. تېمىلارغا ئىنكاس يېزىشلىرىمۇ ئەستايىدىل. مەنمۇ شۇنداق قارايمەن، باشقىلار شۇنداق ئېسىل تېمىلار بىلەن خەلقنى تەمىنلىگەنىكەن، شۇڭا ئىلھامىمىزنى ئايىماي، كاللىمىزدا ئەكىس ئەتكەن ھېسسىياتلىرىمىزنى كۆڭۈل قويۇپ يېزىپ قويايلى، يازغۇچىنىڭمۇ ھاردۇقى چىقسۇن. باشقىلارمۇ ئىلھاملانسۇن، ھوزۇرلانسۇن، شۇنداقلا ئويلانسۇن! ئىنىمىز ھازىرغىچە مۇنبەرنى قوللاپ، تىرىشىپ مۇنبەر ئۈچۈن ھەسسە قوشۇۋاتىدۇ. ئۇنىڭغا مەدەت بېرەيلى!    ئاخىرىدا ئىنىمىزنىڭ تېخىمۇ تېزرەك چوڭ بولۇشىنى ئۈمت قىلىمىز! [ Coffee بۇ يازمىنى  2010-يىلى 10-ئاينىڭ 11-كۈنى 10:33  دە تەھرىرلىگەن. ]

anar

	sansiz0903 بۇ يازمىنى 2010-يىلى 10-ئاينىڭ 11-كۈنى 09:26 دە يوللىغان سايە  ھەدەمنىڭ تىمامغا تەپسىلى ئىنكاس يازغىنىدىن تولىمۇ مەمنۇن بولدۇم. يېقىندىن بۇيان بەزى بىر ئىشلار تۈپەيل ... ما ئىنكاس ئالامەت جۇمۇ ....ئوماقلىقى بۇ سەنسىز ساقامنىڭ

جۇلالىق

	تاققا-تۇققا پاراڭلىرىڭىزنىڭ بەزىلىرىدە قاقاقلاپ كۈلۈپ كەتسەك، يەنە بەزىلىرىدە ئويلىنىپ پىكىر يۈرگۈدۇق. بۇ پاراڭلارمۇ ئاخىرلىشىپتۇ. سايە تۇغما قابىلىيىتىڭىزنى جارى قىلدۇرۇپ، ئۆزگىچە ماقالىلەرنى روياپقا چىقىرىڭ دېمەكچى. يەتتە قىزلىرىمغا كۈندە كىرىپ تېما يوللاش شەرت ئەمەس. بىز بۇرۇندىن بىر نۇقتىنى تەكىتلەپ كېلىۋاتىمىز. مۇنبەردە تېما ئاز بولسىمۇ، ساز بولسۇن.

sansiz0903

	ئالدىنقى ئىنكاسىمنى يېزىپ بولالمايلا بارمىقىم (يوللاش)  كۇنۇپكىسىغا تىگەپ كەتتى. تور ئۈزۈلۈپ ئەمدى يېزىشىم. كىچىكىمدىن يېزىقچىلىققا بولغان ئوتتەك قىزغىنلىقىم بىلەن مۇشۇنداق تاققا-تۇققا نەرسىلەرنى يېزىپ بولسىمۇ، قۇترىغان ئارزۇلىرىمغا ئازراق بولسىمۇ ئارام بىرىپ كىلىۋاتىمەن. ھازىرغىچە شېئىرلا يېزىپ كەلگەن بولساممۇ (100 پارچىغا يېقىن)، ماقالە، ھېكايە، نەسىر دىگەنلەرگە قورساقتىكى ئۇماق كەم بولغاچقا، ئۇ تىپتىكى ئەسەرلەرنى روياپقا چىقىرىشقا ئىشەنچىم يوق. شۇ ھىس قىلغانلىرىمنى شېئىر ئارقىلىقلا ئىپادىلەپ بىرەلىشىمگە ئىشىنىمەن. سايە ئاكامنىڭ تىمامغا تەپسىلى ئىنكاس يېزىشى، مىنى تولىمۇ مىننەتدار قىلدى. ھازىر بىر قىسىم شېئىرلىرىمنى مەتبۇئات ئورۇنلىرىغا يوللاشقا تۇتۇش قىلدىم. بىلىم سەۋىيەم چەكلىك، يېشىم كىچىك، پىكرىم گال بولسىمۇ، يوللىغان گاڭ-گۇڭ شېئىرلىرىمدىن بىرەر پارچىسى ئېلان قىلىنىپ قالسا، خۇشاللىقتىن يۈرۈكۈم يېرىلىپ كىتەرمۇ دەپمۇ ئويلاپ كىتىمەن.  لىكىن ھازىرقى ئۇيغۇر مەتبۇئاتلىرىكى يۇرتۋازلىق، چەتكە قېقىش، ئەسەرگە ئەمەس، ئاپتورىغا دىققەت قىلىش قاتارلىق بىر قىسىم ئىشلار تەرىپىدىن، يۇقارقى ئەخمىقانە خىياللىرىممۇ كۆپۈككە ئايلانمايدۇ دەپ ئېيتالمايمەن. ئاخىرىدا سايە ئاكامغا، ۋە يەتتە قىزلىرىم مۇنبىرىدىكى بارلىق ئاكا-ھەدىلىرىمگە چوڭقۇر رەھمىتىمنى بىلدۈرىمەن. تىنىڭلار سالامەت، ئىشلىرىڭلار ئوڭۇشلۇق بولسۇن.

sansiz0903

	saye بۇ يازمىنى 2010-يىلى 10-ئاينىڭ 11-كۈنى 10:25 دە يوللىغان سايە ئاكىڭىز. [ saye بۇ يازمىنى  2010-يىلى 10-ئاينىڭ 11-كۈنى 10:33  دە تەھرىرلىگەن. ] سەت بولدى.   سىزنى خاتا ئاتاپ ساپتىمەن... 2008-يىلى شەھلا مۇنبىرىدە بىرسى مىنى قىز ئوخشايدۇ دەپ سىڭلىم دەپ يۈرگەنتى خېلى ۋاقىتقىچە   ۋاي ئاللا!  بەك كۈلكىلىك...