قايغۇلۇق خەۋەر

مەرۋەرى

	قايغۇلۇق خەۋەر ئۇيغۇر ھازىرقى زامان سەنئىتىدىكى يىگانە پىشىۋا . چالغۇچىلارنىڭ ئۈستازى دەپ تەرىپىلەنگەن غىجەك پىرى . ۋە خەلقىمىزنىڭ قەلبىنى زىلىزىلىگە سالغان « قەدىردان ئاتام » « تەكىلىماكاندىكى چۈش » « مۇھتاج قىلمىغىن » « ھىكىم ھەسەنگە مەرسىيە » قاتارلىق ۋەكىللىك ناخشىلىرى ۋە غىجەك بىلەن ئۇنتۇلماس كۈيلىرى ئارقىلىق ئۇيغۇر خەلىقنىڭ قەلبىدە ئۆچمەس ئىزلارنى قالدۇرغان . 12 مۇقامنىڭ موزىكىسىنى ئورۇنلاش جەھەتتە مىسىلسىز تەسىرگە ئىگە دۇنياۋى سەۋىيىگە ئىگە سەنئەت ئۇستازى كومپازىتۇر ئەكرەم ئۆمەر (غىجەك) 2012- 6 ئاينىڭ 2- كۇنى سەھەردە بىيجىڭدا 48 يىشىدا تۇيۇقسىز ئالەمدىن ئۆتتى . بارلىق ئۇيغۇر قىرنداشلارنىڭ ۋاقىپ بۇلۇپ قىلىشىنى ئۆمىت قىلىمەن . ئۇلۇغ ئاللا ئۇستازنىڭ ياتقان يىرىنى جەننەتتە قىلسۇن .   تۈنۈگۈن بۇ خەۋەرنى ئاڭلاپ نىمە قىلارىمنى بىلمەي ئاخىرى قولدىن كەلگەنچە ئىككى پارچە مەرسىيەنى پۈتتۇرگەن ئىدىم بۇنىمۇ قوشۇمچە قىلىپ يوللاپ قويدۇم .    1-          مەرسىيە كۆيى بىلەن قەسىرلەر سالغان ، ئەل كۈزىدە بىر دەپ سانالغان ، فامىلىسى «غىجەك» ئاتالغان ، ئۇستازىمىز كېتىپتۇ بۈگۈن . قىرانلىققا بۈركۈتتەك قونۇپ ، سەنئەت ئۈچۈن پەرۋانە بۇلۇپ ، ئاڭلىغاننى ئاھاڭغا ئويۇپ ، ئۇستازىمىز كىتىپتۇ بۈگۈن . چالغۇچىنىڭ ساھىپقىرانى ، كۈي مۇلكىنىڭ شاھى -تورانى ، دۇنيا بىرىپ بولغان باھانى ، ئۇستازىمىز كېتىپتۇ بۈگۈن . ئەل سازىنى ئاڭلاپ قانمىغان ، ئىجاد مىھنەت قىلىپ ھارمىغان ، روھى جۇشقۇن جىسمى چارچىغان ، ئۇستازىمىز كېتىپتۇ بۈگۈن . 2-          مەرسىيە مىڭ ئەسىرلىك مىراس ئۈچۈن پاسىبان ، ياش ئىدىڭىز كۈي كۈزىدىن تامچىغان ، نالە پەرياد ئۇرسام تاغلار ئېگىلدى ، ئاق يۈزىنى قارا قىلدى يەر جاھان . غىجەك سىمىدىن ئېقىپ چۈشكەن ماتەملەر ، يۈرىگىمدە دەريا بولدى ئۆركەشلەپ ، غىجەك سۇندى ، سۇندى ئۇيغۇر ئاسمىنى ، قوياش كۆككە بىشىنى قويدى ئېسەدەپ ، ئىشەنمىدىم كەتتى دىسە ئۇستازنى ، ئىشەنمىدىم سۇندى دىسە بۇ سازنى ، كۈلكىلىرىم ماتەم بىلەن تون كەيدى ، پەسىل يىغلار جۇت دەيمۇ دەپ بۇ يازنى ، نۇرى، تۇرغان ، كۆرەش مىرزات ، مۇراتنى ، ئىلىپ كېتىپ قان ئاققان بۇ كۆزلەردىن ، جۇدالىقنىڭ يارىلىرى پۈتمەيلا ، ئاھ ئايرىلدۇق بۈگۈن ئەكرەم غىجەكتىن. مەنبە: ئىزدىنىش مۇنبىرىدىن ئۆزھال يازمىسى.

ئارسلان

	ئەتىگەندىلا كۆڭلۈم يېرىم بولدىغۇ ، ئۇ ئۇيغۇر سەنئىتىگە ئاز بولمىغان تۆھپىلەرنى قوشقان ، نەچچىلىگەن شاگىرتلارنى يىتىشتۈرگەن كۈيچى ئىدى . ئاللا ئۇنىڭغا رەھمەت قىلسۇن .

قاپلان

	ياتقان يېرى جەننەت بۇلغاي.

مەرۋەرى

	تەمبۈرگە نۇرمەھەممەت تۇرسۇن، غېجەككە ئەكرەم ئاكىمىز جان كىرگۈزەتتىغۇ، يەنە بىر يوقۇتۇش بولدى دېسە، مەرھۇمنىڭ ياتقان يېرى جەنەتتە بولسۇن!

باتۇرچەۋەنداز

	مەرھۇمنىڭ ياتقان يېرى جەننەتتە بولسۇن.

مەرۋەرى

	ماۋۇ غېجەكنىڭ مۇڭىدا ئېرىپ كېتىدىغان بولدۇم! ئەسلىدىلا بۇ نەچچە كۈندىن بېرى ناخشا خۇمارىم تۇتۇپ ئاران تۇراتتىم، بۇ ئېسىل كۈيلەر يۈرەكلىرىمنى تىتىرتىۋەتتى، تەڭ ۋاقىراۋاتىمەن، ھەممەيلەن تۈرلۈك- تۈمەن سەۋەپلەر بىلەن ئاللاھنىڭ دەرگاھىغا كېتىدىكەنمىز، تۆت كۈنلۈك بۇ جاھاندا ئەرزىمەس ئىشلار ئۈچۈن تالىشىدىكەنمىز، قىزىرشىدىكەنمىز، ۋاقىرشىدىكەنمىز، دىلىمىزنى ئاغىرتىدىكەنمىز، ئەمما تالاشقان ھەممە نەرسە قېلىپ بىر قانداق كەلگەن بولساق، ئاللاھنىڭ دەرگاھىغا شۇنداق كېتىدىكەنمىز! ئاللاھتىن ئۆزۈمگە سەۋرى- تاقەت تىلەيمەن!

saye

	مەرھۇمنىڭ ياتقان يېرى جەننەتتە بولسۇن. يۇقارقى سىن فىلىمدىن مەرھۇمنىڭ غىجەكنى ھەقىقەتەن ۋايىغا يەتكۈزۈپ چالغانلىقىنى كۆردۈم، ئىسىت بىزدە پىشۋالار ئاز ئىدى. ئەمدى گەپ يېتىشىۋاتقان ئەۋلادلاردا قالدى.

كۈنلەر

	ئىسىت،تولىمۇ ئېسىل ئادەم ئىدى.تېخى بىر ئاي بۇرۇنلا بۇ ئادەم بىلەن كۆرۇشكەن ئىدىم.ياتقان يېرى جەننەت بولسۇن.

مەرۋەرى

	saye يوللىغان ۋاقتى  2012-يىلى 6-ئاينىڭ 4-كۈنى 13:13 مەرھۇمنىڭ ياتقان يېرى جەننەتتە بولسۇن. يۇقارقى سىن فىل ... ئۆزىنىڭ چالغان مۇزىكىسىدىن ئۆزى مەست بولالىغان مۇزىكانت باشقىلارنىمۇ مەست قىلالايدۇ، ئەكرەمكام دەل شۇنداق، ئۇ ئۆزى چالغان ھەر قانداق مۇزىكىغا غەرىق بولالايدۇ، شۇڭا باشقىلارنىمۇ غەرىق قىلالايدۇ. مەن بۈگۈن توختىمايلا ئاڭلىدىم بۇ ئىككى مۇزىكا ۋە ناخشىنى