ئارسلان - سۈزۈك ئاكامغا جاۋاپ

ئارسلان

	سۈزۈككە جاۋاپ سەن كىرمەستە نەچچەن كۈن قۇم چۈگۈندەك قاينىدىم ، بەزى بولدۇم ئارسلان ، بەزى يۈردۈم مىياڭلاپ ، قەھۋە قىزغا جاۋاپنى مۇشاقەتتە يوللىسام ، سۇئال تاشلاپ كەپقاپسەن يەڭلىرىڭنى شىمايلاپ . چاقچاق يېزىپ مۇنبەرنى قىزىتاي دەپ ئويلىغان ، نى سەۋدانى سالدىڭسەن كىچىككىنە بېشىمغا . يەتتە قىزنى ئالدىغان ئالدامچى دەپ يېزىپسەن ، ئېرىقلارمۇ تار كەلدى سەلدەك ئاققان يېشىمغا . سۈزۈك ئاكام دەپ يۈرۈپ چاپىنىڭنى كۈتۈردۈم ، مەيلى سۇغۇق قەھرىتان ، مەيلى تۇمۇز ئىسسقمۇ . قارا سۇۋاپ يۈزۈڭگە كىتىپسەنغۇ قارىداپ ، ئەتكەن لېيىڭ لاي بولماي خام قالدىمۇ پىششىقمۇ ؟ كۈڭۈل دىگەن ساراڭكەن ،دېرىزىگە تاش ئاتتىم ، جانان بىلەن گۈللىتەي دەپ ئويلىدىم ئۇۋامنى . بۇنداق ئۇچۇق جار سالساڭ قىزلار مەندىن قاچمامدۇ ؟ نەدە يۈرۈپ كۆرگەنتىڭ مىنىڭ يۈرەك سودامنى ؟ ۋاي بولدىلا قاينىماي بۇران چىقىپ كەتمىسۇن ، ئەسسالامدا ھەر كۈنى ئۇچرىشىمىز نەچچە رەت ، ئۇسساپ قالساڭ چاي دەملەپ سۇنىدىغان كىشىڭ يوق ، بۇسۇغامدىن كىرەلمەي توختاپ قالما تەمتىرەپ . ئوسمانجانغا خېتىڭدىن كۈڭۈل يايراپ تۇرغاندا ، سالامىنى چىرانىڭ قىزىلگۈلگە ئەۋەتتىڭ ، نىرۋىسىدىن ئاداشقان دەرۋىش كەبى ئاشىقتەك ؟ سەن بىلمىگەن قىزچاقنى يەنە بىزدىن سۇرامتىڭ ؟ تاماكىدىن نەچچە تال ئۈزۈلدۈرمەي چىكىسەن ، قېيداشلىرىڭ چىرايلىق سۆيگەن قىزىڭ سۆيمىسە . قۇياش يىغلاپ تۇلۇنئاي مۈكۈنمەيدۇ بۇلۇتقا ، شائىر دىگەن بىر ئۆمۈر ئەل ئىشقىدا كۆيمىسە . ئاندا مۇندا كەپ قۇيۇپ زىرىككەندە مۇنبەرگە ، ئۇكاڭ تۇرسام بېشىمدا نىچۈن ياڭاق چاقىسەن ؟ تەكلىپ بىلەن ئەكىرىپ تۆردىن ئۇرۇن كۆرسەتسەم ، پىتنىخورلۇق كۈلىدە لاي سۇ بۇلۇپ ئاقىسەن . تاغدا يولۋاس بولمىسا مايمۇن بۇپتۇ پادىشا ، دىگەنلىرىڭ ھېلىمۇ  قاينىتىدۇ ئوغامنى ، ئەمدى رەسمىي تالاشتىم تاغلار بولسۇن ماكانىم مەيلى يايساڭ يېيىۋەر چوڭ يىغىمدا چاۋامنى . 2012 . 6. 03

باتۇرچەۋەنداز

	ئارسىلان يېزىپ  قۇيۇپلا،قەلەملىردىن بەركەت ياغسۇن. مۇشۇ شېئىر-چاخچاقلارنى يازالمىساقمۇ،ئوقۇپ ھۇزۇرلىنىشنىڭ ئۆزىمۇ بىر سەنئەتمىكىن دەپ قالدىم

خەنجەر731

	بۇ تاغىل ئارسلاننى ئىزدەپ يۈرسەم ئەسلى مەۋەدىكەن ئەمەسما....

بۇلاق

	ئارسلان ئەپەندىنى دېرىزەپەرەز دەپ خاتا دەپ ساپتىمەن،ئەسلى چاقچاق دېگەننى يىرتىپ تاشلايدىكەنئەمەسمۇ

مەرۋەرى

	ئەتتىگەندە مۇشۇنداق ئېسىل چاقچاقنى كۆرۈپ شۇنداق خۇش كەيىپ ئولتۇرغان ئادەم، نەدىكى بىر تېتىقسىز ئىنكاسلارنى ئوقۇپ كەيپىمنى بۇزۋالدىم دېسە

ئەزىمەت

	ئەجەپ ياخشى  يېزىپتۇ   بۇ  چاقچاقنى،،،كۆز  تەگمىسۇن  جۇمۇ

ياپراق520

	ۋاي ئاللا  مۇنبەرنى  چاخچاقلارغا  كۆمىۋىتىدىغان بولدى بۇلار

ئارسلان

	يەنە يازىمەن دەيدۇ . ئەمدى يازسا باغقا كۈچۈپ كىتىمەن

روھچىن

	يەنە يازىمەن دەپ ئارسىلاننى قورقىتىۋېتىپتۇ . . . قورقمىسىلا يىگىت قولداشتەك بېقىنلىرىدىن يۈلەپ تۇرىمىز

گۇلخان

	ئۇسساپ قالساڭلار مەن چاي قۇيۇپ بىرەي،ئىچىپ ئولتۇرۇپ  يېزىڭلار -ھە؟