قىسمەت دېگەن نام قانداق قويۇلدى؟ قىسمەت بىلوگى قانداق قۇرۇلدى؟

Qismet

	قىسمەت دېگەن نام قانداق قويۇلدى؟ قىسمەت بىلوگى قانداق قۇرۇلدى؟       بۇنىڭدىن ئۈچ يىل مۇقەددەم بىر ماقالەم جىددىي لازىم بولدى. كىتاب ئىشكاپىمنى، تور بەتلەرنى ئىزدەپ قېزىۋەتتىم، ماقالە ئىز-دېرەكسىز غايىب بولغان ئىدى.       قارىغاندا ئۇ ماقالەمنى توغرا يوللىمىغان بولسام كېرەك، ياكى يوللىغان بولساممۇ، ئۆچۈرۈۋېتىلدىمۇ بىلمىدىم. ئۆزۈمنىڭ خاس يازما يازىدىغان ئورنى بولغان بولسا ئۇنداق بولماس ئىدى دەپ ئويلىدىم، خەپ دەپقالدىم.       شۇ ۋاقىتتا بىر نەچچە ئوتيۈرەك بىلوگ يېزىپ ئۈلگۈرگەن ئىدى، ھەتتا كومپيۇتېرنى مەندىن ئۆگەنگەن ئىنىممۇ بىلوگ ئويناپ، نام چىقىرىپ يۈرگەن ئىدى. ئۆزۈم كەسپىي كومپيۇتېر خادىمى تۇرۇپمۇ، نېمىشقىدۇر بۇ ئىشقا قىزىقىپ كەتمەپتىمەن.       شۇنداق قىلىپ، بىلوگ ئاچماقچى بولدۇم. لېكىن، بىلوگقا قايسى نامنى قوللىنىش ئىشىدا بېشىم خېلى قاتتى.       بېشىمدىن كۆپ ئىش ئۆتكەن، تۇرمۇشنىڭ ئىسسىق-سوغۇقلىرىغا قۇرداشلىرىمغا قارىغاندا كۆپرەك يولۇققان ئىدىم. شۇ سەۋەبلەرگە كۆرە، توردا ئىلگىرى قوللىنىپ كەلگەن بارلىق ئىسىملىرىنى تەرك ئېتىپ، «قىسمەت» دېگەن نامنى قوللانماقچى بولدۇم، بىلوگ نامىغا شۇنى ئىشلىتىشنى قارار قىلدىم.       بىر نەچچە كۈنلۈك تەييارلىقتىن كېيىن (2009-يىلى 2-ئاينىڭ 10–كۈنى، سەيشەنبە)، qismet.blogbus.com نامىدا بىلوگ قۇرۇۋالدىم.       بىلوگ قۇرۇش مەقسىتىم تۆۋەندىكىدەك ئىدى:       قىسمەت تور مەھەللىسى-تارىخ، مەدەنىيەت، تىلشۇناسلىق، ئىجتىمائىيەت، كومپيۇتېر بىلىملىرى ۋە باشقا مەزمۇنلارنى تونۇشتۇرۇشنى ئاساسىي مەقسەت قىلىدۇ.       سىز كۆرۈۋاتقان بۇ تور مەھەللىسىنىڭ روياپقا چىقىشىنى سۆزلىسەم، بىر پاتمان گەپ بولىدۇ. گەپنىڭ پوسكاللىسىنى دېسەم، ئۇزۇندىن بېرى خاتىرىلىرىمگە، تور بەتلەرگە، گېزىت-ژۇرناللارغا بىر نەرسىلەرنى يېزىپ يۈرۈپتىمەن، كومپيۇتېردا دەرسلىك تەييارلاپ، ئوقۇغۇچىلىرىمغا ئۆتۈپ يۈرۈپتىمەن، كومپيۇتېر ساھەسىدە تىرىشىپ-تىرمىشىش جەريانىدا، ئانچە-مۇنچە ئىقتىسادقا ھەم تەشەككۈرلەرگە ئىگە بولۇپتىمەن، خېلى كۆپ تەجرىبە-ساۋاقلارغا ئېرىشىپتىمەن.       خۇلاسە كالام، بىلىدىغانلىرىمدىن يازغانلىرىم، ئۆگەنگىنىمدىن ئۆگەتكىنىم تولىمۇ ئاز بوپتۇ. نۇرغۇن نەرسىلەرنى يېزىپتىمەن، ئاللا قەيەرلەردە قېلىپ يۈتۈپتۇ. نۇرغۇن نەرسىلەرنى ئۆگىنىپتىمەن، باشقىلارغا بىلدۈرۈپ بولغىچە ئۇنتۇپ ئۈلگۈرۈپتىمەن. شۇنداق قىلىپ، ئىزلىرىم ئۆچكىلى تۇرۇپتۇ. ھالا بۈگۈنگە كەلگەندە، چۆچۈپ ئويغاندىم، ئەمدىلىكتە بولسىمۇ كېچىكمەسمەن، دېگەن نىيەتتە، قولۇمنى كۇنۇپكا تاختىسىغا قويدۇم…       بىلوگنى ئېچىۋالدىم. دەسلەپتە، ئۆز يازمىلىرىمنى، تەرجىمە ئەسەرلىرىمنى، ئۆزۈم چوڭ بىلىدىغان بىر نەچچە ئالىمنىڭ ماڭا يارىغان ئەسەرلىرىنى يوللاپ يۈردۈم.       بىر مەزگىلدىن كېيىن، ئىنى بۇرادىرىم يۈكسەل «قىسمەتكا، باشقىلارنىڭ يازمىلىرىنى باشقا تورلاردىن ئىزدەپ تېپىپ كۆرۈۋالساق، بىلوگلىرى پەقەت ئۆز يازمىلىرى ئارقىلىق زىننەتلەنسە قانداق بولار؟» دەپ ئىنكاس بېرىپ قالدى.       راسىت، مەن بۇنىڭغا دىققەت قىلىپ كەتمەپتىمەن، توغرا، شۇنداق قىلاي دېگەن ئوي بىلەن، ئۆز يازمىلىرىم بىلەنلا بىلوگ ئېچىپ كەلدىم.       بۈگۈنگە كەلگەندە، توردا تونۇشقان بۇ ئىنىم بىلەن رېئاللىقتىمۇ ئاغا-ئىنى بولۇپ، سۈيىمىزدە ئېقىپ، ئوتىمىزدا كۆيۈپ ئۆتۈۋاتىمىز.       «قىسمەت» دېگەن بۇ ئىسىم ماڭا شۇنداق بەك سىڭىپ كەتتىمىكىن تاڭ، يۈكسەل ئىنىم مېنى رېئال تۇرمۇشتىمۇ «قىسمەتكا» دەپ ئاتاپ كېلىۋاتىدۇ.       ئەلقىسسە، بىلوگ قۇرۇلۇپ 5 ئاي بولاي دېگەندە، شىنجاڭنىڭ تورى تاقىلىپ قالدى. بىر يىلدىن كېيىن، تور ئېچىلغان بولسىمۇ، نۇرغۇن ئاقماس سەۋەبلەر بىلەن، بىلوگنى داۋاملاشتۇرۇپ بولالمىدىم.       2011-يىلى يىل بېشىغا كەلگەندە غەيرەتكە كەلدىم بولغاي، qismet.me نامىدا مۇستەقىل تور نامى ئېلىپ، بىلوگ ئۇسلۇبىغا بىر ئايغا يېقىن ھەپىلىشىپ، بۇ خاس كەپەمنى قايتا ئېچىۋالدىم.       ئارىدىن بىر ئاي ئۆتۈپ، توردا تونۇشقان ئاكا بۇرادىرىم كۆلتېكىنمۇ بۇ سەپكە كىردى، ئىككىمىز قولىمىزدىن كېلىشىچە ئۇنى-بۇنى يېزىپ يۈردۇق.       مەن بىلىدىغان بلوگگىرلارنىڭ ئالدى 9-10 قېتىم، كەينى 1-2 قېتىم بىلوگ ئۇسلۇبىنى ئالماشتۇرۇپ چىقتى. مەن بەك جاھىلمۇ ياكى ئۇسلۇبقا بەك كۆپ كۈچ چىقارغاچ، مېھرىم چۈشۈپ قالدىمۇ بىلمىدىم، شۇ «كونا چاپان» بىلەن بۈگۈنگە قەدەر بىلوگ يېزىپ كەپتىمەن، بەزىدە 2-3 كۈندە بىر، بەزىدە 2-3 ئايدا بىر يازما يازساممۇ، ئىشقىلىپ توختاپ قالماي بۈگۈنگە كەلدىم.       مەنبە: http://www.qismet.me       يازما مەنزىلى: http://www.qismet.me/qismet_name.html

مەرۋەرى

	پېقىرمۇ لىنىيەدىكى مەھەللەمنى،  شۇ چاغدىكى ھېسياتلىرىم بىلەن يۇغۇرلغان يىغلاڭغۇ يازمىلىرىم بىلەن، كىتاپلاردىكى ئۆزۈم ياقتۇرغان ئۈزۈندە، شېئىر، ھېكىمەتلىك سۆزلەر بىلەن خېلى ئاۋات قىلىپ كەلگەن ئىدىم، لېكىن بەزى سەۋەپلەر بىلەن تاقالدى، ئېچىلمىدى. ئۇنىڭدىن كېيىن مېنىڭ ئۇنداق ئىشلارغىمۇ قىزىقىشىم بولمىدى، چۈنكى تۇرمۇشنىڭ ھەلەكچىلىكىدە تورغىمۇ چىقىدىغان ۋاقىتمۇ يوق دىيەرلىك ئىدى. ئۇنى دەپ بۇنى دەپ، ئارىدىن خېلى ۋاقىتلار ئۆتتى، مېنىڭ تۇرمۇشۇمدىمۇ جىق ئۆزگۈرۈشلەر بولدى. تۇرمۇشۇمدا مەڭگۈلۈك بىر ھەمرا، ۋاپادار بىر ئەر، كۆيۈمچان بىر دادا، مۇھىمى چوڭ بىر يۆلەنچۈك بار بولدى. بۇرۇنقى توختىماي تۇرمۇش ئۈچۈن كۈرەش قىلىدىغان مەرۋەرى خىزمەتكىمۇ خالىسا بارىدىغان، خالىمىسا ئۆيدە ئارام ئالىدىغان، بالىلىرىنى ئارقىسىغا سېلۋېلىپ ساياھەت قىلىدىغان بولدى. شۇنداق كۈنلەرنىڭ بىرىدە مەندىمۇ بىر بىلوگ قۇرۇش ئويى پەيدا بولدى، بۇنى قىسمەتكە ئېيتتىم، بولىدۇ- دېدى ۋە ئارىدىن نەچچە كۈن ئۆتكەندە: - مەرىم( مەرىم دېگەن بۇ ئىسىممۇ ماڭا شۇنداق سىڭىپ كەتتىكى، ئەتتىراپىمدىكى دوستلىرىمنىڭ كۆپىنچىسى مۇشۇ ئىسىم بىلەن ئاتايدۇ)  مانا بۇ مەرھۇم ئانام نامىغا ئاتالغان، يۇرتۇمىزدىن چىققان شۇ  ھۆرمەت ساھىبىلىرى ئۈچۈن قۇرۇلغان بۇ مۇنبەرنى، ئىككىمىزنىڭ بەختلىك مىنۇتلىرىمىزنىڭ يالدامىسى، تۇنجى قەدىمى بېسىلغان ئۇشبۇ مۇنبەرنى سىزگە تاپشۇرىمەن،- دېدى. تۇرۇپلا قالدىم، خوش بولدۇممۇ ياكى باشقا سەۋەپمۇ، پەقەت قىسمەتكە قاراپ: - راستما؟ دىيەلىدىم. مانا شۇنىڭدىن باشلاپ يەتتە قىزلىرىم مۇنبىرىدە مەرۋەرى، ئۇنىڭ يەتتە يىللىق تور ھاياتىدىكى يېقىنلىرى بىلەن خوشاللىقتىمۇ، خاپلىقتىمۇ بىرگە بولۇپ كېلىۋاتىدۇ. سېپىمىزگە يېڭى قېتىلغان ئىنى سۈپەت، سىڭىل سۈپەت قېرىنداشلىرىمىزنىڭ توختىماي كۈچ چىقىرشى بىلەن مۇنبەر بۈگۈنكىدەك كېتىپ بارىدۇ. ئۆزۈم سەپەرگە چىقساممۇ خىيالىم مۇنبەردە، ئۆزۈم ئاغىرىپ قالساممۇ خىيالىم مۇنبەردە، دوستلىرىمدا. چۈنكى يۇقۇردا قىسمەت ئېيتقاندەك بۇ مۇنبەرنىڭ قۇرۇلۇشى تولىمۇ ئالاھىدە ئىدى، ھەم ئۇنىڭ ئۈستىگە بۇ مۇنبەر مېنىڭ ھازىرقى مۇشۇ بەختلىك تۇرمۇشۇمغا ئاساس سالغان ئىدى. قىسمەتنىڭ پەيدا بولۇشى، قىسمەت بىلوگىنىڭ پەيدا بولۇشى ئۇنىڭ ئۆتمىشىگە گۇۋاھ بولسا، ھازىرقى قىسمەت ۋە ئۇنىڭ بارلىق يازمىلىرى ئۇنىڭ ھازىرقى قايناق تۇرمۇشىغا، بەختلىك تۇرمۇشىغا، بۇنىڭدىن كېيىنكى خۇشھال كۈنلىرىگە ۋەكىللىك قىلغۇسى. قىسمەت ھازىر مەن تونۇغان قىسمەت ئەمەس، چۈنكى بىز يېڭى تونۇشقاندا ئۇنىڭ كۆپىنچە ۋاقتى مەن ئۈچۈن ئىدى، لېكىن ھازىر ئۇنداق ئەمەس. چۈنكى،  ھازىر ئۇ ئاللاھ نىسىپ قىلسا تۆت پەرزەنتكە ئاتا بولغان، ئون كىشىگە باش بولغان، مېنىڭ زىممەمدىكى چوڭلارنىڭ، قېرىنداشلىرىمنىڭ يۈكىنى ئۈستىگە ئارتقان، يېشىغا ماس كەلمىگەن بىر مويسىپىتكە ئايلاندى. شۇڭا تۇرۇپ- تۇرۇپ ۋايساپمۇ قويىمەن، ئېغىر چاقچاقلار بىلەن چىشىغا تېگىپمۇ قويىمەن، بەزىدە راستىنلا ئاغىرنىپمۇ قالىمەن، سەۋەپ ناھايتى ئاددى: - بىز قىسمەتنىڭ چارچاپ قېلىشىنى، ئۇنىڭ ئۆزىنى ئۇنۇتۇپ قالماسلىقىنى ئۈمىد قىلىمىز، شۇڭا بەزىدە ئانار بىلەن بىرلىشىپ ھەر خىل ئاماللار بىلەن ئۇنى دەم ئالغۇزىمىز. بەكلا تاققا- تۇققا سۆزلەپ كەتتىمۇ نېمە، ئۇزۇن بوپتىكەن، كومپيۇتېرنىڭ ئالدىدا بۇنداق ئازادە ئولتۇرۇپ ئىنكاس يازمىغىلى. ئاخىردا، قىسمەتنىڭ بۇنىڭدىن كېيىنكى قىسمەتلىرىنىڭ خاپىلىقتىن خالىي بولغان، خوشھاللىقلارغا تولغان بىر قىسمەت بولۇشىنى تىلەيمەن!

peacelife212

	مەن بۇرۇن بىر مۇنبەرگە  شۇنچىلىك بىرىلگەن ئىدىم، سەۋەبى مىنىڭ تۈنجى تېمامنى ماياقتىن يېزىپ يوللىسام، ئاياقتىنلا تەستقىقلاپ چىقىرىپتۇ،شۇنداقلا، مىنىڭ بارلىق تېمىلىرىمنى تەتستىقسىز چىقىدىغان ئالىي ئەزا قىپتۇ، بەلكىم، شۇ ماڭا ئىلھام بولدىمۇ، ئەتىمالىم، مۇنبەرگە باشچىلاپ كىرىپ كەتتىم، ئەلۋەتتە، يازغانلىرىم ئۇنچىلىك ۋاي دىگۈدەك بولمىسىمۇ، ئەتراپىمدىكى ،ئۈزەم توغرا دەپ قارىغان، يېزىشقا تېگىشلىك دەپ قارىغانلىرىمنى يېزىپ چىقتىم، مۇنبەرلەردە ئىككى تەرەپ بۇلۇپ، جىدەل ماجرا بولغانلارنىمۇ كۆردۈم، بىر بىرسىگە ئىلھام بىرىپ قىلغانلارنىمۇ كۆردۈم، مۇنبەردىن ئاغرىنىپ چىقىپ كەتكەنلارنىمۇ كۆردۈم، بىر بىرى دوست بۇلۇشقانلارنىمۇ كۆردۈم، بىر بىرى بىلەن زىددىيەتلىشىپ قېلىشقانلارنىمۇ كۆردۈم.  بىزنىڭ ئېلىپ بېرىۋاتقان ساخاۋەت ئىشلىرىمىز، ئاشۇ  مۇنبەردىن شۇ مۇنبەردىكى مۇنبەرداشلاردىن باشلانغان ئىدى، ھازىرغىچە داۋاملىشىپ كېلىۋاتىدۇ، ھەر قېتىم ئەسلەپ قالىمەن، ئەمما، ئۇ مۇنبەر كېيىن يوق بولدى، ھېلىقى ۋەقەدىن كېين گەرچە بىر مەزگىل ئېچىلغان بولسىمۇ، ئەمما، ئاخىرى يەنىلا تاقىۋېتىلدى. شۇندىن كېين، ئاشۇ يېقىن ئۆتكەنلەرمۇ بۇرۇنقىدەك ئىجىل بولۇپ بولغىلى بولمىدى.     كېيىن، بۇ مۇنبەرگە ئەزا بۇلدۇم،  ئانچە مۇنچە بۇرۇن يازغانلىرىمنى يېزىپ قويدۇم. يېڭى تېمىلىرىمنىمۇ يازدىم، بۇ مۇنبەردىمۇ تېمىلىرىم تەستىقسىز چىقىدىغان ئىمتىيازغا ئېرىشتىم، ئەمما، شۇ ئىمتىيازغا چۇشلۇق ئەجىر قىلالمىدىم، ئۆتكەندە، بارماق دىسكا بىلەن مۇكاپاتلانغىنىمنى ئاڭلىغىنىمدا، شۇنچىلىك خىجىل بولدۇم.  ئىشتىن چۈشكەندە، ئىككى بالىغا قاراش، ئىشتىن چۈشكەندە، كىچىكىنى سىرتلارغا ئاچىقىش، ھەم، ئۆز ئالدىمغا ئىشلىتىدىغان مۇستەقىل كومپىيۇتۇر بولمىغاچقا، ھەم ئىشخانىدا ئۇيغۇرچە تور بەتلەرگە چىقىشنى چەكلىگەچكە، باشلىقنىڭ قارىشىچە ۋىرۇس يۇقۇپ قالارمىش،  ئاساسەن خۇپىيانە چىقىمەن، ئۆتكەن يىلى روزىدا   ئۈچتۈرپانغا بارغان چېغىمدا، ئىسسىق چاغلار ئىدى،  7 قىزلىرىم قەۋرىسىنىڭ ۋە ئەتراپدىكى مۇڭلۇقنى كۈرۈپ، ئادەمنىڭ ئىچى ئېچىشاتتى، قارلىغاچلىق تېغىدىكى قان بىلەن يېزىلغان خەتلەرنى كۈرۈپ، ئادەم بىر خىل ھىسياتقا كېلەتتى.  نىمىلەرنى يېزىپ كەتتىم. ئاخىرىدا، بۇ مۇنبەرنى روياپقا چىقارغان، كۈچ چىقارغان بارلىق دوستلارغا سالامەتلىك، خاتىرجەملىك تىلەيمەن.     ئۈمۈدۈم شۇكى،    7 قىزلىرىمنىڭ تېخىمۇ راۋاجلىنىشىنى ئۈمۈت قىلىمەن.

peacelife212

	بلوگ دىگەن سۆزنىڭ ئىنگلىزچىدىن كىرگەنلىكىنى بىلىمەن، بىر نەچچە كىشىنىڭ بىلوگىسىنى كۈرۈپ باقتىم، ئەمما، قانداق ئىشلىتىدىغانلىنى بىلمەيمەن.   قىزىقىپ قالغاندا چۇقۇم ئىشلىتىمەن. خۇددى، ماشىنا ھەيدەشكە قىزىقمىغانلىقىم ئۈچۈن، قاتناش ئۇنۋېرسىستىدا ئوقۇغان بولساممۇ، پىراۋام بولمىغىنىدەك، ئەمما، ھازىر قىزىقىپ قالدىم، يېشىم بىر يەرگە بارغاندا قىزىقتىم، يانچۇققا ئازراق پۇل كىرسىلە ئۈگەنمەكچى.

مەرۋەرى

	peacelife212 يوللىغان ۋاقتى  2012-يىلى 6-ئاينىڭ 2-كۈنى 12:45 بلوگ دىگەن سۆزنىڭ ئىنگلىزچىدىن كىرگەنلىكىنى بىلىمەن،  ... بىلوگ ئاچمىڭە بولدى، ئېسىل يازمىلىرىڭىزنى مۇشۇ يەردىلا كۆرۈپ تۇرايلى، ھەممىڭلار ئۆي ئايرىپ چىقىپ كەتسەڭلار مەن قىسمەت بىلەن يالغۇز قالامدىم ئەمدى

باتۇرچەۋەنداز

	بىر كۈن كىرمىسەم ھەجەپ ياخشى تىمىلار چىقىپتا

روھچىن

	قارىسام ھەممەيلەن بلوگ قۇرۋاپتىكەن   مەنمۇ قۇرۇپ باقاي دەو قۇرغان ئەينا . . . www.rohqin.com مۇشۇ   شۇ   كىملەرنىڭ كىرگىننى بىلمەيمەن. ئۈزۈمنىڭ نەرسىللىرنى ساقلىدىم

دىلەيسەم

	بىكارلىق بولسا مەنمۇ قۇرۇپ قوياي، بىر جۇشى تۇرۇپ مېنىڭ بىلوگىم بولمىسا سەتقۇ. خالمۇرات ئۆمەرنىڭ پارىڭىدىكى، قاساپمۇ، ناۋايمۇ، موزدۇزمۇ كىنو ئىشلەپتۇ دېگەندەك، ھەممىلا ئادەم بىلوگ قۇرۇپ كەتكەن يەردە مەن چەتتە قاراپ تۇرسام بولماس.