شىنجاڭ پۇتبولچىلىغىنىڭ كېلەچىگى( مۇراجەت)

nazinin

	( مۇراجەت) شىنجاڭ پۇتبولچىلىغىنىڭ كېلەچىگى .          ئىككى  قېتىملىق مەملىكەتلىك ب دەرىجىلىكلەر پۇتبول مۇسابىقىسىنىڭ ئۈرۈمچىدە ئۆتكۈزۈلىشى ئۇيغۇرلار ئارىسىدىكى پۇتبول قىزغىنلىغىنى يەنە بىر بالداق يۇقۇرى پەللىگە كۆتۈردى. بۇنىڭغا ئۇلىشىپلا ھازىرقى پۇتبولچىلىغىمىز ۋە ئۇنىڭ تەرەققىياتى،كەلگۈسى ھەققىدىكى تالاش-تارتىش،مۇنازىرىلەر قىزىپ كەتتى. بەزىلەرنى ئەيىپلىدۇق، بەزىلەرنى ماختىدۇق. بۇنىڭ ھەممىسى كەڭ تورداشلارنىڭ كۈچىنى، تورنىڭ رولىنى بىزگە يەنە بىر قېتىم تونۇتتى. ئۇنداقتا بىز بولۇپمۇ تورداشلار ئۇيغۇر پۇتبولچىلىغى ئۈچۈن نىمىلەرنى قىلىپ بېرەلەيمىز؟ ھەممىمىزگە مەلۇم بولغىنىدەك بۇ قېتىمقى ب دەرىجىلىك پۇتبول مۇسابىقىسى  ئويناپ ئۇتۇق قازانغان ئەزىمەتلىرىمىز ئاساسەن شىنجاڭ سوڭچىڭلىڭ پۇتبول مەكتىبىنى پۈتتۈرۈپ چىققان ئەزىمەتلەر بولۇپ، بۇلارنىڭ كەينىدە يەنە بىر تۈركۈم كىچىك ئەزىمەتلىرىمىز جاپالىق مەشىق قىلىپ، كەلگۈسى ئۇيغۇر پۇتبولچىلىغىنىڭ زاپاس قوشۇنى بولۇپ بولۇپ شەكىللەندى. مۇناسىۋەتلىك ئورۇنلار 30 مىليون يۈئەن مەبلەغ ئاجرىتىپ،سوڭچىڭلىڭ پۇتبول مەكتىبىنى ھازىرقى يېڭى ئورنىغا يەنى ئاپتونوم رايونلۇق تەنتەربىيە ئىدارىسى مەشق 2-چوڭ ئەترىتىنىڭ يېنىدىكى كۆلىمى 110 مو كېلىدىغان ئورۇنغا يۆتكىدى. بۇنىڭ بىلەن شىنجاڭ پۇتبولچىلىغىنىڭ يېڭى باھارى باشلاندى. بۇ مەكتەپتە ھازىر 4 ياش گۇرۇپپىسى بويىچە ئوغۇللار كوماندىسى  ،2 قىزلار كوماندىسى بولۇپ ،ياتاق، تۇرمۇش ،مەشىق ۋە مەدەنىيەت دەرسى بويىچە تەربىيىلىنىۋاتىدۇ. شۇنداقتىمۇ بۇ مەكتەپ تېخى يېڭى بولغانلىغى ئۈچۈن بالىلىرىمىز تۇرمۇش ۋە مەشىق جەھەتتە جەمىيئەتتىكى مەرىپەتپەرۋەر كىشىلىرىمىزنىڭ قوللىشىغا بەكمۇ مۇھتاج بولىۋاتىدۇ. مۇشۇ نەچچە كۈننىڭ ئالدىدا مەن شۇ بالىلارنىڭ مەشقىنى كۆرگىلى چىقتىم ، ھاۋا ئىنتايىن ئىسسىق بولۇپ، چۈشتىن كېيىنكى تېمپىراتۇرا 28 گىرادۇسقا چىققان مۇشۇ ئىسسىقتا، بىر قانچى گۇرۇپپا ئۆسمۈرلەر ( بۇلارنىڭ ئارىسىدا ب دەرىجىلىك مۇسابىقە كوماندىسىمۇ بار) جاپالىق مەشىق قىلىۋېتىپتۇ. بىر قىسىم بالىلار ئۆزلىرى ئىچىدىغان چايلىرىنى قۇتىلىرىغا .ئېلىپ چىقىپتۇ. مەن بەزىلىرى بىلەن پاراڭلاشتىم، ئۇلارنىڭ ئېيتىشىچە سۇ مەسىلىسى بىر قىيىنچىلىق ئىكەن، كۆپىنچە ۋاقىتتا تۇرۇبا سۈيىنى بىۋاستە ئىچىدىكەن. ئەلۋەتتە «شىنجاڭ خەيتاڭ ( تاشئالما) شىركىتى»دەك كارخانىلار،مۇناسىۋەتلىك ئورۇنلار مەبلەغ ياردىمى قىلىۋاتىدۇ. شۇنى بىلىشىمىز كېرەككى پۇتبول تەنھەركىتى ئىقتىسادقا بەكرەك تايىنىدىغان بىر خىل تەنتەربىيە ھەركىتى بولۇپ، مەن جەمىيەتتىكى ئۇيغۇر پۇتبولچىلىغىنى قوللايدىغان كىشىلەرنىڭ مۇشۇ ئۆسمۈرلىرىمىزنى ئازدۇر-كۆپتۇر قوللاپ قويىشىنى، چىقىپ مەشىقلىرىنى كۆرۈپ بېقىشىنى ۋە بىر قىسىم ئەمىلىي قىيىنچىلىقلىرىنى ھەل قىلىشقا ياردەم قىلىپ قويىشىنى مۇراجەت قىلىمەن. چۈنكى كۆپنىڭ كۈچى كۆپ دىگەندەك،ھەممىمىز مۇشۇ جەھەتتىن ئىقتىسادىمىز يار بەرگەنلەر ئىقتىسادى جەھەتتىن، ئىقتىسادىمىز يار بەرمىگەنلەر ئۆز-ئارا تەشۋىق قىلىپ، بىر قىسىم ئۇيغۇر كارخانىلىرنىڭ ياردىمىنى قولغا كەلتۈرۈشكە تىرىشساق،كەلگۈسىدە شىنجاڭ پۇتبولچىلىغى بىزگە تېخىمۇ كۆپ خوشاللىق ۋە پەخىرلىنشى تۇيغۇسى ئاتا قىلغۇسى................. مەنبە:باغداش مۇنبىرى

ياپراق520

	بۇ بىر ياخشى ئىشكەن،،،،،،،،، مەنمۇ مۇچۇمنىڭ يىتىشچە ياردەم قىلىشنى خالايمەن ،،،،،،،،،،  ئوغلۇممۇ پۇتبولنى بەك ياخشى كۆرىدۇ، ئۇتىخى پۇتبول ئويناش يىشىغا يەتمىگەن بولسىمۇ بەكلا قىززىقىدۇ ،  مەنمۇ ئوغلۇمنىڭ مۇشۇ جەھەتتە ئۇزۇپ چىقسىكەن دىگەن ئۇمۇتتە

saye

	ئەلكۈيى تور بېكىتىنىڭ بۇ قېتىمقى مۇسابىقە توغرىسىدا ئىشلىگەن فىلىمنى كۆردۈم. زىيارەت داۋامىدا بىر مويىسپىت كىشىنىڭ مونۇ سۆزلىرىنى بۇ تېمىدىكى ئىنكاسىم قىلاي: « شىنجاڭ پۇتبۇلچىلىقى ئالدى بىلەن ئىقتىسادقا مۇھتاج. بۇ بالىلارنى بېيجىڭ كوماندىسىدىكى بالىلارغا سېلىشتۇرغىلى بولمايدۇ. ئىچكىرى ئۆلكىلەردە بولۇپمۇ، بېيجىڭ قاتارلىق جايلاردا دۆلەتلەر دەرىجىلىك مۇسابىقىلەر كۆپ ئۆتكۈزىلىدۇ، ئەمما بىزنىڭ بالىلارنىڭ بۇلار بىلەن ئۇچرىشىپ، تەجرىبە توپلاش ئىمكانىيىتى ئاز. ئۇندىن باشقا بالىلارنىڭ شىتات مەسلىسىنى چوقۇم ھەل قىلىش كېرەك. پۇتبۇلدا ئۇتۇق قازانغان بالىلار ئىچكىرى ئۆلكىلەرگە كېتىپ بارىدۇ. بۇ بالىلارنىڭ ئىستىقبالى بولغان شىتات مەسلىسىنى ھەل قىلمىسا، توپ مەستانىلىرىنىڭ قانچىلىك قوللاپ بېرىشى يىتەرلىك بولمايدۇ». مانا بۇ سۆزلەر كەمىنە سايەنىڭ ھەم يۈرىكىمدىكى سۆزلىرىمدۇر. مەركىزىي تېلىۋىزىيە ئىستانسىسىنىڭ زىيارىدە، شىنجاڭ كوماندىسىدىكى بىر بالا پۇتبۇل مۇسابىقىسىدە نەتىجىگە ئېرىشكەنلىكى ئۈچۈن، بىرقانچە مىڭ يۈەن بىلەن مۇكاپاتلانغانلىقىنى، بۇ پۇللارغا ئېرىشكەندىن كېيىنلا ئۆيىدىكىلەرنىڭ ئۇنى تېخىمۇ قوللايدىغانلىقىنى ئېيتقانىدى. بەزى تورداشلار بۇنىڭدىن نارزى بوپتۇ. ئۇلارنىڭ ئىدىيىسىدە « پۇتبۇل دىگەننى مىللىتىمىز ئۈچۈن، دىيارىمىز ئۈچۈن ئوينايدۇ، پۇلنىڭ گىپىنى قىلمىسىمۇ بوپتىكەن» دەيدۇ. مېنىڭچە بولغاندا، بۇ پۇتبولچى ئوغلانىمىزمۇ يۈرىكىدىكىنى ئېيتتى. شىنجاڭ پۇتبۇلچىلىقى جۇڭگو پۇتبولچىلىقىنىڭ مۇھىم تەركىبى، يەنە كېلىپ ئەڭ يارقىن قىسمى ئىكەنلىكى مانا مەملىكەتكە ئايان بولدى. ( بۇنى تۈرلۈك مىكرو بلوگلار ۋە بەيدۇ سۆھبەتخانىلىرىدىن كۆرۋېلىشقا بولىدۇ)، بىزگە شان شەرەپمۇ كېرەك، پۇتبولچىلىقىمىزنى قوللايدىغان كارخانىلارمۇ كېرەك، سىياسەت جەھەتتىن قوللاپ، بالىلارنىڭ مەشىقلەندۈرۈش ۋە قىزغىنلىقىنى ئاشۇرۇدىغان ياخشى تەدبىر سىياسەتلەرمۇ كېرەك.

باتۇرچەۋەنداز

	مۇشۇمەملىكىتىمىز پۇتبۇلى توغىرسىدا گەپ بولسا ئىچىم بەك ئېچىشىدۇ.ھازىر شىنجاڭ كۇماندىسى نۇرغۇن جەھەتتىن قوللاپ قۇۋەتلەشكە مۇھتاج.

ئەزىزتارىم

	مەن ئىچكىرى ئولكىلەردە ۋە شىنجاڭدا ئوتكۇزۇلگەن پوتبول مۇسابىقىلىرىنى كۆرۇپ شۇنىڭغا قاتتىق ئىشىنمەنكى ،شىنجاڭ پوتبولچىلىقى چۇقۇم دۆلەتنىڭ ئىچى ۋە سىرىتىدا يۇقۇرى شان-شەرەپكە ئىرىشەلەيدۇ.

peacelife212

	ئۇلارغا ئۇتۇقلار يار بولسۇن.