ئانا

ئارسلان

	ئانا    سېغىنىشتا كۆيۇپ يۈرىگىم، كالىندارغا قويىمەن چىكىت. سۈبھى يۇرۇپ چىققاندا  قوياش. كەتسەم دەيمەن باغرىڭغا  سىڭىپ. تۆت بالىنى بېقىپ چوڭ قىلىپ، ئوتىدا كۆيكپ ، سۈيىدە ئېقىپ، ئادەم قىلىپ قوشتۇڭ قاتارغا ئىرىشتۈرۈپ پەسلى باھارغا، كۆزلىرىڭنىڭ نۇرلىرى  ئۆچتى، گۈلدەك ھۆسنۈڭ  بىزلەر گە كۆچتى. ھاياتىڭدا كۆرمىدىڭ خوۋلۇق. سەن جاپاغا يارالغاندەكلا. چۈشىمىزدىن ئويغىنىپ كەتسەك، يۇلىمىزدىن مۇدۇرۇپ كەتسەك، ئانا دەپلا توۋلايدىكەنمىز، سەن بولغاچقا مەدەت -يار يۇلەك، ............... سەن چۈشۈڭدىن ئويغىنىپ كەتسەڭ، يوللىرىڭدىن مۇدۇرۇپ كەتسەڭ، جېنىم بالام دىگەنسەن بەلكىم، بەللىرىڭنى ئالالماي ئۇزاق، قىينىغاندا ئاغرىق .دەرت-پىراق، ئاشۇ چاغدا ھەمرا بۇلالماي، ئاغرىقىڭدىن خەۋەر ئالالماي ، ماڭغاندىمەن رىستۇرانلارغا، چاپقاندىمەن قاتار چايلارغا، بىر جىڭ گۆشنى قىسىنىپ سەندىن، يوقلامىنا ئەتە قايتىدىن ...... شۇنداق ئويلاپ ئۇنتۇپ ھەممىنى، چۆككەندىمەن ئىشرەت قوينىغا . ............................. كىچىكىمدە بۇدرۇققىنا قۇلۇمنى تۇتۇپ، ئەركىلىتپ كۈزۈمنى سۈيۈپ، بۇرۇننىڭ بۇرۇنىسىدا .... چۆچىكىڭنى شۇنداق باشلايتتىڭ، ئالدىرىماي تەمكىن ئولتۇرۇپ. چۆچەكلىرىڭ تۈگىسە تامام، ئۈگىتەتتىڭ  قەلەم تۇتۇشنى، ئۇنىمايتتىم قەغىشلىق قىلىپ، مەن ئۇچىمەن تېپىپ بەرگىن دەپ، ياغاچ ئاتنى، ئۇچار گىلەمنى..... ....................................... جىلتە ئېسىپ مەكتەپكە ماڭسام، ھەۋەسلىنىپ قاراپ قالاتتىڭ، ئايلىناتتى جىسمىڭ قۇلاققا، ئۇقۇپ بەرسەم ھەجىلەپ يۈرۈپ، چۈچۈك-چۈچۈك تىللىرىم بىلەن، شىئىرىنى بۇغدا ئاكامنىڭ، .................... ئانا، ئەجرىڭ مىۋە بىرىپ ئاخىرى، بالاڭ چوڭ بوپ ئادەم ئاتالدى، خىزمەت، تۇرمۇش ، بالا غېمىنىڭ، كامىرىغا مەھكەم قامالدى. بارالمىدىم قېشىڭغا پات-پات، جېنىم ئانا ساقمۇ سەن بىتاپ تېلىفۇندا كۈرۈشۈپ قالساق، خۇشاللىقتا ئۈزۈڭنى ئۇنتۇپ، جېنىم بالام ئۆزۈڭ قانداقراق؟ سۇراپ كىتىسەن يېنىش -يېنىشلاپ ، سېغىنىمەن چۆچەكلىرىڭنى ، سېغىنىمەن كىچىكلىكىمنى، سېغىنىمەن مەن ئۈچۈن ئاققان ، تارام-تارام كىېچىكلىرىمنى، سېغىنىمەن ئۆزۈم چوڭ بولغان، ئاشۇ ئۆينى ،ھەممە -ھەممىنى. ئانا، سەن كىلىسەن خىياللىرىمدا، مەن بارىمەن ئارمانلىرىڭدا، پۇرەكلەيمەن بەخىت قېتىدەك، ياشلىرىڭنى ئېقىتىپ تۇرۇپ، قىلغان ئۇلۇغ دۇئالىرىڭدا، چىش ئاغرىقىم ساقىيىپ قالار، باش ئاغرىقىم ئارام تېپ قالار، بارى يوقۇم ساقلىنىپ قالار، شۇ ئۇدۇملۇق ئالقانلىرىڭدا.. ..................... جېنىمغىنا ئانا،جان ئانا، مەن كۆكلەيمەن ئالقانلىرىڭدا، سەن ياشايسەن ئارمانلىرىمدا...

روھچىن

	ئانىلارنىڭ ئەجىرىنى بالىلارغا قايتۇردىغان گەپكەن. ئانىلارنىڭ بىز ئۈچۈن تارتقان جاپالىرىنىڭ يېرىمىنى تارتالىساقچۇ كاشكى

باتۇرچەۋەنداز

	ئاۋازلىق قىپ ئىشلىگىننى تازا ئاڭلايمەن بۇ شېىرنىڭ

مەرۋەرى

	باتۇرچەۋەنداز يوللىغان ۋاقتى  2012-يىلى 5-ئاينىڭ 7-كۈنى 14:33 ئاۋازلىق قىپ ئىشلىگىننى تازا ئاڭلايمەن بۇ شېىرنىڭ مەن كەچتە قىستۇرۇپ قوياي شۇ ئاۋازلىقىنى

باتۇرچەۋەنداز

	مەرۋەرى يوللىغان ۋاقتى  2012-يىلى 5-ئاينىڭ 7-كۈنى 14:36 مەن كەچتە قىستۇرۇپ قوياي شۇ ئاۋازلىقىنى بەك بەلەن ئىش بۇلاتتى شۇندا قىلسىڭىز

مەرۋەرى

	روھچىن يوللىغان ۋاقتى  2012-يىلى 5-ئاينىڭ 7-كۈنى 14:30 ئانىلارنىڭ ئەجىرىنى بالىلارغا قايتۇردىغان گەپكەن. ئان ... ئۇنى بىر دېمەڭ، بىر ئاتا بىلەن بىر ئاتا نەچچە بالىنى ۋايسىماي قاتارغا قوشىدىكەن، ئەمما ئون بالا بىر ئاتا- بىر ئانىنى رازى قىلالمايدىكەن، بۇ قېتىم دادامنىڭ يېنىدا ياتقان بىر بوۋاينىڭ بالىلىرىنىڭ قىلغان ئىشلىرىنى كۆرۈپ شۇنداق ئاچچىقىم كەلدى، 78 ياشقا كىرگەن بوۋاي ئىكەن، ھەمرايى بالدۇرلا ۋاپات بولغان ئىكەن، ئۈچ قىز، ئۈچ ئوغلى بار بولۇپ، بوۋاي دېئابىت كېسىلىنىڭ ئاخىرقى باسقۇچى بولۇپ،  بۇ قېتىم ئىككىلا پۇتىنىڭ تىزىدىن تۆۋىنى سېسىپ كېتىش سەۋەبى بىلەن كېسىۋېتىپتۇ. مەن بارغاندا كۇيئوغۇللار قاراۋاتقان بولۇپ، ئوغۇللىرى بولسا خىزمەت ئالدىراشلىقى بىلەن 20 نەچچە كۈن جەريانىدا بىرەر قېتىممۇ كەلمەپتۇ. بىر كۈنى دوختۇرخانىدا تۇيۇقسىز بىر ئەر پەيدا بولدى، ئۇ بوۋاينىڭ چوڭ ئوغلى بولۇپ ئۈرۈمچىدە خىزمەت قىلىدىكەن، بوۋاينى ئەكەتكىلى كەپتۇ، قىزلار بولسا قارايدىغان ئادەم يوق بەرمەيمىز دەپ تالاشسا، ئۇ ئەر مەن ئامال قىلىمەن دەپ تالىشاتتى. بۇ ۋاپادارلىقتىن قاتتىق تەسىرلىنىپ ئولتۇرسام سىرتتىن ئاپاراتلارنى كۆتۈرگەن بىرەيلەن كىرىپ كەلدى. توۋا دەپ قالدىم، ئەسلى بوۋاينى ئېلىپ مېڭىش ئالدىدا بوۋاينىڭ مىراسنى قانداق بۆلىگەنلىكى توغۇرلۇق ئاۋازلىق سىنغا ئېلىۋېلىش ئۈچۈن قىزلىرىنىڭ پىلانلىغان ئىشى ئىكەن، لەنەت دىدىم ئىچىمدە........ بوۋاي نىمىلەرنى دېدى،- بىلمىدىم، چۈنكى مېنىڭ بۇ مەنزىرىنى كۆرۈشكە قەتئىي رايىم قالمىغان ئىدى. بوۋاي كەتتى، ئوپراتسىيىدىن يېڭىلا چىققان 78 ياشلىق بوۋاي كىچىك ماشىنىدا ئۈرۈمچىگە ئېلىپ كېتىلدى، بۇن قانداقتۇر بالىلىرىنىڭ ۋاپادارلىقى سەۋەبىدىن ئەمەس پەقەت بوۋاي ئولتۇرۋاتقان شۇ قورا- جاي ئۈچۈن ئىدى.

روھچىن

	مەرۋەرى يوللىغان ۋاقتى  2012-يىلى 5-ئاينىڭ 7-كۈنى 14:47 ئۇنى بىر دېمەڭ، بىر ئاتا بىلەن بىر ئاتا نەچچە بالىنى ۋ ... بۇ جاھان تېرىغاننى ئورۇيدىغان جاھان ئىكەن. ئاتا-ئانىلارغا قىلغان ئاشۇ ئىشلارنى باللىرى ھەسسىلەپ قايتۇرمىسىلا بۇلاتتىغۇ ؟

مەرۋەرى

	روھچىن يوللىغان ۋاقتى  2012-يىلى 5-ئاينىڭ 7-كۈنى 14:52 بۇ جاھان تېرىغاننى ئورۇيدىغان جاھان ئىكەن. ئاتا-ئانىل ... توغرا، چۈنكى بالىلارغا مېھرىبانلىقىنى، كۆيۈنىشنى ئۆگىتىدىغان بىز ئاتا- ئانىلار. بالىلار بىزدىن ئۆرنەك ئالىدىغان گەپ ئەمەسمۇ. بىر كۈنى چوڭ قىزىم بىلەن ئوتتۇرانچى قىزىم بىر ئوغۇلنىڭ ئاتىسىنى ئۆلتۈرمەكچى بولغاندا، ھېلىقى ئاتىنىڭ ئوغلىغا ئېيتقان سۆزىنى دىيىشىپ بەس- مۇنازىرە قىلىشىپ كېتىپتىكەن، قىسمەت ئىككىمىز بىر- بىرىمىزگە قارىشىپ قويدۇق.

باتۇرچەۋەنداز

	مەرۋەرى يوللىغان ۋاقتى  2012-يىلى 5-ئاينىڭ 7-كۈنى 14:47 ئۇنى بىر دېمەڭ، بىر ئاتا بىلەن بىر ئاتا نەچچە بالىنى ۋ ... ھەجەپ كاج قىلدى كەيپىياتىمنى ما بىر نەسىلەر ،تىگى يوق ھاڭ نەدىدۇ

ئارسلان

	باتۇرچەۋەنداز يوللىغان ۋاقتى  2012-يىلى 5-ئاينىڭ 7-كۈنى 15:27 ھەجەپ كاج قىلدى كەيپىياتىمنى ما بىر نەسىلەر ،تىگى يوق ... نىمە بۇلاپلا ، تىگى يوق ھاڭغا سەكرەي دىگەنما ؟