يىغلاۋاتقان بالىنى كۆرۈپ

دىلەيسەم

	ئالدى بىلەن مۇنبەردىكى بارلىق جاپاكەشلەرنىڭ ئەمگەكچىلەر بايرىمىنى قىزغىن تەبرىكلەيمەن، ھەم ئۇلارنىڭ شۇ ئەمگىكىگە بەرىكەت ۋە ئاسايىشلىق تىلەيمەن! بۈگۈن زېرىشلىك كۈنلىرىمنىڭ يېڭى بىر ۋارىقىنى ۋاراقلاپ ئولتۇرۇپتىمەن، بەلكىم بۇ كۈنلەرمۇ ئۆتۈپ، شۇنداق بىر مەنىلىك، شۇنداق بىر خۇشھال، شۇنداق بىر...................كۈنلەرنىڭ كېلىدىغانلىقىغا ئىشىنىپ، ئۇلۇغ رەببىمنىڭ مەندەك بىر ناشۈكۈر ئاجىزەسىنى ئۇنۇتۇپ قالمايدىغانلىقىغا شەكسىز ئىشىنىپ ئولتۇرۇپتىمەن. ئوخشاشلا ئېرىنچەكلىك بىلەن ناشتىنى قىلىپ بولۇپ، قەلبىنىڭ چوڭقۇر يەرلىرىگە مەندىنمۇ ئېغىر غەملەرنى يوشۇرغان، كىچىككىنە قەلبى يارىلانغان، ئەمما يەنىلا ھاياتقا ئۈمىدلىك بېقىپ چىرايلىق يازنىڭ گۈزەللىكىگە تويماستىن، شوخ-زوق كۈلۈپ ئويناۋاتقان شۇ نارىسىدىلەرگە دەرىزىدىن بىر ھازا قاراپ تۇرغاندىن كېيىن، كومپيۇتېر ئالدىغا كېلىپ تور بەتلەرنى ئارىلىدىم، دوستلىرىمنىڭ بوشلۇقلىرىغا يوللانغان يېڭىلىقلارنى كۆزدىن كەچۈردۈم، كۆزۈم < يىغلاپ تۇرغان بالا> دېگەندەك مەنا چىقىدىغان بۇ ئۆزبەك تىلىدىكى سۈرەتلىك ناخشىغا كۆزۈم چۈشۈپ، قويۇش كۇنۇپكىسىنى باستىم. بىر بەختلىك ئائىلە كۆرىنىشى مېنى يىراق يەرلەردە قالغان، قەلبىمنىڭ چوڭقۇر يەرلىرىگە كۆمىۋېتىلگەن شۇ بىر قاتار ئەسلىمىلەرنى غۇۋا ئەسلەتتى. تولىمۇ ئېرىنچەكلىك بىلەن بىر ئۇف تارتىپ قويۇپ داۋامىنى كۆردۈم. بەخت تۇيغىسى نېمىشقا بۇنداق قىسقىلا بولىدىغاندۇ؟ نېمىشقا بەخت بۆشىكىدە ئەلەيلىنىپ ياتقان مۇشۇنداق نارىسىدىلەرنىڭ بېشىغا بۇنداق بەختسىزلىكنىڭ قارا بورانلىرى كېلىدۇ؟ نېمىشقا ھەممە ئوماقلار ئوخشاش بەختتىن ئېچىلىپ كۈلەلمەيدۇ؟ نېمىشقا بۇ ئوماق چىرايلارغا ئۇنداق، بۇنداق سەۋەپلەر بىلەن ئۆز مېھرىبانلىرى بىلەن، ئۆز پاسىبانلىرى بىلەن ياشاش نىسىپ بولمايدۇ؟ نېمىشقا بەزى بەتنىيەتلەر ئۇشبۇ كۆزلىرىدىن نۇر يېغىپ تۇرغان بالىلارنىڭ زىدە يۈرىكىنى تېخىمۇ زىدە قىلىدۇ؟ نېمىشقا...........................؟ بۇ قىسقىغىنە كۆرىنىشتىن كاللامدا چاقماق تېزلىكىدە نۇرغۇن سوئاللار پەيدا بولدى. شۇنداق بىر بەختلىك ئائىلە، شۇنداق بىر بەختلىك بالىلار بىر دەمدە تەقدىرنىڭ ئېغىر چاقچىقىغا دۇچ كەلدى، كىچىككىنە تۇرۇپ نۇرغۇن كىشىلەرنىڭ ئالدىغا مۇھتاجلىق تۈپەيلى يېلىنىپ باردى، نۇرغۇن تەقدىرداشلىرىغا يولۇقتى. قايتا- قايتا كۆردۈم، يىغلىدىم. كىچىككىنە تۇرۇپ شۇنچىلىق ئېغىر قىسمەتلەرنى بېشىدىن ئۆتكۈزگەن بۇ بالىلارغا، ئۆز ئاتا- ئانىلىرى تەرىپىدىن يۈرەكلىرى پارچىلانغان ئەتتىراپىمىزدىكى قىسمەتداش بالىلارغا، كۈلۈشنى بىلىپ تۇرۇپ كۈلەلمەيۋاتقان، مېڭىشنى بىلىپ تۇرۇپ ماڭالمايۋاتقان، ئائىلىسى بار تۇرۇپ ئائىلىنىڭ نىمىلىكىنى ھېس قىلالمايۋاتقان، ئاتا- ئانىسى ھايات تۇرۇپ ئاتا مېھرىنىڭ قانداقلىقىنى، ئانىنىڭ قوينىنىڭ قانداقلىقىنى ھېس قىلالمايۋاتقان، تۇغۇلۇپ قالغانلىقى بۇلارنىڭ گۇناھىدەك ھاياتلىق يوللىرىدا تەمتىلەپ يۈرگەن، كەلگۈسىنىڭ نېمە بولۇشى ئەمەس بۈگۈنىنىڭ قانداق بولىشىنى ئويلاشقىمۇ جۈرئەت قىلالمايۋاتقان، كۆزلىرى خۇنۈك، مېھرى- مۇھەببەتكە تەشنا نۇرغۇن بالىلارنى ئويلۇدۇم. ئەتتىراپىمدىكى پەرزەنت ئىشقىدا قەلبى گۈلخان كەبى يالقۇنجاۋاتقان، بىر يۈرىكىدە نەچچە ئون بالىغا ئانىلىق مېھرىنى بېرىۋاتقان ئەشۇ پەرىشتە سۈپەت ئانىلارنى كۆز ئالدىمغا يەنە بىر قېتىم كەلتۈردۈم. ئۆز ئاتا- ئانىلىرى تەرىپىدىن تاشلانغان، بۇ رەزىل دۇنيانىڭ سىناقلىرى ئىچىدە ئۈمىد بىلەن ياشاۋاتقان، ئۆز مېھرىبانلىرى تەرىپىدىن ئېرىشەلمىگەن مېھىرگە باشقىلار تەرىپىدىن ئېرىشكەندە بولسا غەم- قايغۇ ئارىلاشقان بىر خىل خۇشھاللىق ئىپادىسى بىلەن يەرگە قاراپ تۇرغان شۇ گۆدەكلەرنى ئويلۇدۇم. يەنىلا بۇ سىننى كۆرەيلى!

ياپراق520

	ئەسسالامۇ ئەلەيكۇم ، دىلەيسەم قىز قارىغاندا كەيپىياتىڭىز ئانچە ياخشى بولمىسا كىرەك، ئۇلۇغ ئاللاھتىن سىزگە ئاسايىشلىق تىلەيمەن، ھەم بۇ كۇنلەرنىڭ تىزلا ئۆتۇپ كىتىدىغانلىقىغا ئىشىنىمەن - شۇنداق بولىشىنى تىلەيمەن ، ئادەم بولغانكەنمىز ھەرخىل ئوڭۇشسىزلىق-كۆڭۈلسىزلىكلەردىن خالى بولالمايدىكەنمىز، بىر ھەدىستىن كۆرسەم ، ئۇلۇغ ئاللاھ يىقىن بەندىلىرىنى ھەرخىل ئوڭۇشسىزلىقلار بىلەن سىنايدىكەن. ئامال بار ئۆزڭىزنى خۇشال تۇتۇشقا تىرشىڭ ، ھەرۋاقىت خۇشاللىق بىلەن قايغۇ قوش كىزەك كېلدىكەن، بۇ كۇنلەرنىڭ تىزرەك ئۆتۇپ كىتىشىنى -سىزنىڭ يەنە شۇ تېتىك خوشال ھالىتىڭىزگە تىزرەك قايتىشىڭىزنى ئۇلۇغ ئاللاھتىن تىلەيمەن، مەن بۇ سىننى بەك ياقتۇردۇم رەھمەت سىزگە،،،،،،،،،

دىلەيسەم

	ياپراق520 يوللىغان ۋاقتى  2012-يىلى 4-ئاينىڭ 29-كۈنى 14:25 ئەسسالامۇ ئەلەيكۇم ، دىلەيسەم قىز قارىغاندا كەيپىياتى ... شۇنداق ياپىراق، نەچچە كۈنلەر بولدى كەيپىياتىم بەكلا ناچار، ئۆزۈمنى خۇشھال تۇتۇشقا تىرىشۋاتىمەن، بۇ كۈنلەرنىڭ چوقۇم ئۆتۈپ كېتىدىغانلىقىغا شەكسىز ئىشەنسەممۇ، ئەمما بىر ئاجىز بەندە بولۇش سۈپىتىم بىلەن يەنىلا مۇشۇنداق شۈكرىسىزلىك قىلىپ قويىۋاتىمەن. مەن ئۆزۈمدە مەلۇم بىر نەرسىنىڭ كەملىكىنى، بىر نەرسىنىڭ مەندىن بارا- بارا يىراقلاپ كېتىۋاتقانلىقىنى ھېس قىلغاندەك بولدۇم، لېكىن ئىشىنىمەن، ئۆزۈمنىڭ چىن ئەقىدەم بولىدىكەن، يىراقلاشقان نەرسىلەر چوقۇم يەنە يېقىنلىشىدۇ، ئاللاھ نىسىپ قىلسا شۇ ئەڭگۈشتەرنىڭ خاسىيىتى بىلەن دىلىمدىكى قاراڭغۇلۇقنىڭ تېزىرەك تارقىلىشىنى ئۇلۇغ ئاللاھتىن تىلەيمەن! تەسەللىي بەرگىنىڭىزدىن بەكمۇ سۆيۈندۈم، مېنىڭ ئەتتىراپىمدا كۆڭلۈمنى غەش قىلىدىغان كىشىلەر، ئىشلار بەك كۆپ بولسا كېرەك، مانا مۇشۇنداق كىچىككىنە سىنلارمۇ مېنى يىغلىتىدىغان، ئازراق گەپلەرمۇ ئىرادەمنى سۇسۇلاشتۇرۋېتىپ بارىدۇ، شۇڭلاشقا توختىماي مۇشۇ يەردە يىغلاۋاتىمەن، سىرلىرىمنى ئورتاقلىشىۋاتىمەن، بەلكىم مۇشۇ خىل ئۇسۇلدا ئۆزۈمنى ئازراق يېنىكلىتىشنى ئويلىغاندىمەن.

anar

	بۇ فىلىمنى تۇنجى كۆرۈپ بەك يىغلاپ كەتكەن مەنمۇ ، كەينىدىن جىققىدە ئويلىشىپ ئاللىمادىس شۇنداق بىر كۈنلەر كېلىپ قالسا قىزىمنى كىمگە تاپشۇرۇپ قويسام بولار دەپ

دىلەيسەم

	anar يوللىغان ۋاقتى  2012-يىلى 4-ئاينىڭ 29-كۈنى 21:10 بۇ فىلىمنى تۇنجى كۆرۈپ بەك يىغلاپ كەتكەن مەنمۇ ، كەينى ... يات كۆرمىسىڭىز، مۇنبەرلەردە ئاز تولا سىرداشقاننىڭ يۈزى بولسا، مۇشۇ تېمىغا بىرەر ئېغىز سۆز قالدۇرۇپ قويسىڭىز......... ۋاي ئاللا كەچ بولغاندا نىمىلەرنى دەپ كەتتىم، خۇدايىم ساقلىسۇن. ھەر كىم ئۆز بالىسىنى ئۆزى باقسۇن ، ئەمدى ھالىمادىس شۇنداق بوپ قالسا مۇشۇ يەردە يازغان خېتىڭىز كۈچكە ئىگە بولسىلا ماڭا قورقماي تاپشۇرۇڭ

ئەزىمەت

	بۇ  بەكمۇ  تەسىرلىك  فىلىمكەن،،قانداق  چۈشۈرىدىغاندۇ،بۇنى