(ئاھۇ)ئاسمانغا قارىدىم

ئاھۇ

	ئاسمانغا قارىدىم قارلىغاچ كېلىدىغان ئىللىق چاڭ-توزاڭ، ئاڭلىماقتا چىچەكلەرنىڭ دەردىنى. كۆك ئىلغاپ ئولتۇرۇپ يىغلىدىم ،جېنىم قوياش يەنە چىقىۋەردى ھەركۈنى. ئاسمانغا قارىدىم ياغمىدى يامغۇر، ماشىنىغا سوقۇلغۇم كەلدى شۇپېتى. بۇ خىيال يېنىمدىن ئۆتتى شىپپىدە، بىلىسەن بىر ئۆمۈر كۈتىمەن سېنى. چىچەكلەر تۆكىلىپ غورا بولغاندا، پىشقان ئازابلىرىمنى كۆمىمەن يەرگە. ئوغلىمىز چوڭ بۇلۇپ كۆرسۇن دەپ ئۇنى، بىز ماڭغان يوللارغا سالىمەن بەلگە. چىمەن دەپ ھوۋلاشلىرىڭنى سېغىندىم ئەجەپ، چىدامىم چاچلىرىمدا باغلاندى تالاي. قەپەزنىڭ ئىشىكىنى ئۇچۇق قويسىمۇ، ئۇچۇپ چىقمايدىغان قۇش پەقەت مەن بۇلاي!

باتۇرچەۋەنداز

	نەپىس،يېقىشلىق،ئاممىباپ تىل بىلەن يېزىلغان تۇرمۇشقا ناھايىتى يېقىن شېىئىركەن،ياقتۇردۇم

جۇلالىق

	قەپەزنىڭ ئىشىكىنى ئۇچۇق قويسىمۇ، ئۇچۇپ چىقمايدىغان قۇش پەقەت مەن بۇلاي! ----------------------------- مۇشۇ مىسرالارنى بەكلا ياقتۇردۇم.

سامسىپەز

	تونۇرغا قارىدىم سامسىلار چاپلانغان تونۇر، چوغ-يالقۇن، ئاڭلىماقتا سامسىلارنىڭ دەردىنى. پىياز چاناپ ئولتۇرۇپ يىغلىدىم، جېنىم، شۇڭا قىيمىلىرىم تۇزلۇق ھەركۈنى. تونۇرغا قارىدىم پىشمىدى سامسا، چېقىۋەتكۈم كەلدى ئاشۇ تونۇرنى، بۇ خىيال كاللامدىن كەچتى مىرتتىدە، بىلىسەن سەنچۈن ياققان سامسىنى. ....................... ........... دەپ دەھشەت يازغۇلىرىم كەپ كەتتى... بىراق، ئاھۇ خاپا بولىدۇ دەپ يازمىدىم... نېمىشقىدۇ ئاھۇنىڭ شېئىرلىرىغا ئامراق بوپ قالدىم... ئەرلەردەك يازىدىكەن شېئىرنى... يەنىلا كونا گەپ ، شېئىرلىرىدىن قان پۇرايدۇ بۇرنۇمغا...

قەھۋە

	بۇ شېئىرنىڭ ھەر بىر مىسرا، ھەر بىر جۈملىسىگىچە ياقتۇردۇم. چىمەن تونۇيدىغان بىر كىملەرنىڭ تۇرمۇشىنى كۆرگەندەك بولدۇم. چىمەن دەپ ھوۋلاشلىرىڭنى سېغىندىم ئەجەپ، چىدامىم چاچلىرىمدا باغلاندى تالاي. بەك يېقىملىق مىسرالاركەن بۇ ئاھۇ!

گۇلخان

	قەپەزنىڭ ئېشىكىنى ئوچۇق قويسىمۇ، قېچىپ چىقمايدىغان قۇشۇم پەقەت بىر سەنلا. ئېتىكىڭدىكى بېشى ئۈزۈلگەن كۆك كەبى، باغىرىڭدا جان بىرىپ قالىمەن مەنلا. ئاسمانغا قارايسەن ،يامغۇر ياغمايدۇ، چېچىڭىنى چۇۋۇيسەن ،مەن بارالمايمەن. چىچەكلەر بەرگىدىن ئۇزىغان كەبى، مەن كىچەي دەيمەنۇ يە قىيالمايمەن. سامسىپەزدىن ئىلھاملىنىپ مەنمۇ چۈشۈرۈپ قويدۇم ،ئەيىپكە بۇيرىمىغايسىز ئاھۇ بانۇ

ئاھۇ

	ئەزىزلەرنىڭ ياقتۇرغىنىغا رەھمەت سامساپەزنىڭ ئىلھامنى قوزغايدىغان شېئردىن يەنە بىرنى يېزىپ ساپتىمەن ،-دە خەپ.... گۈلخان يازمىلىرىڭىزنى كۆرۈپ تۇرىۋاتىمەن ،بەرىكەتلىك بولۇڭ.

باغرىم

	7 يىگىتنىڭ « لالەلەر » دېگەن ناخشىسىنى ئاڭلاپ يۈرەك - باغرىم پارا - پارە بولۇپ ئولتۇرغاندا ، ماۋۇ شەيتان سامسىپەزنىڭ مىسرالىرىدىن كۈلۈپ تېلىقىپ كېتىپتىمەن ...

مەرۋەرى

	ئىشقىلىپ بۇ سامسىپەز ئاھۇنىڭ ھەر قانداق شېئىرىدىن ئىلھام ئالىدۇ،ئەتىگەن بۇ شېئىرىنى ئوقۇپ مەنمۇ بىر كېچىلىك سەپەر ھاردۇقىنى ئۇنۇتقان ھالدا كۈلۈپ كېتىپتىمەن

anar

	‏‏ئاسمانغا قارىماس بولدۇم ، ئۆزۈمنى بىلىپلا