ھەر بىر-سۆز ھەركىتىڭىز بالىلارغا تەسىر كۆرسىتىدۇ

مودەن

	ھەر بىر-سۆز ھەركىتىڭىز بالىلارغا تەسىر كۆرسىتىدۇ ئاتا-ئانىنىڭ سۆز ھەركىتى بىر ئاۋازسىز دەرىسلىك كىتابى بۇلۇپ،بالىلار ھەر كۈنى ئۆزىمۇ بىلمىگەن ھالدا بۇنىڭ تەسىرىگە ئۇچىراپ تۇرىدۇ.شۇڭا،كۈندىلىك تۇرمۇشتىكى ئىنچىكە ھالقىلارغىمۇ سەل قاراشقا بولمايدۇ. شۇڭلاشقا تۆۋەندىكىلەرگە دىققەت قىلىڭ 1.باشقىلارنىڭ كەينىدىن گەپ قىلماڭ. 2.ۋەدىڭىزدە تۇرۇڭ يالغان سۆزلىمەڭ. 3.مەدىنيەتلىك ئەدەپلىك بولۇڭ. 4.پاكىز رەتلىك بولۇڭ. 5.ئاچچىقىڭىزنى بالىدىن چىقارماڭ،ئەقىللىقىراق بولۇڭ. 6.باشقىلارقا كۆڭۈل بۆلۈڭ،باشقىلارنى ھۆرمەتلەڭ،باشقىلارغا ياردەم بېرىشنى خۇشاللىق دەپ بىلىڭ.

ياپراق520

	شۇنداق، ئاتا_ئانا باللارنىڭ تۇنجى ئۇتازى .  ئاتا_ئانىلار نىڭ ھەر_بىر سۆز ھەركىتى باللارغا، بەك تىز تەسىر قىلىدۇ.

قەھۋە

	بەك ياخشى ئىش قىلىپسىز مودەن! قولىڭىزغا دەرت كەلمىسۇن. ناھايىتىمۇ توغرا گەپ، ھەر بىر ھەرىكىتىمىز بالىغا بىۋاستە تەسىر كۆرسىتىدىكەن. قايسى كۈنى كەچ شاھزادەمگە كىتاب ئوقۇپ بەرگەچ، تېلفۇنۇمنى ئېلىپ، كيۇ-كيۇنى ئېچىپ قويۇپتىمەن. ئۇنىڭدىن يوشۇرۇن ئاچقان ئىدىم، ئەمما ئۇ شاش بالام كۆرۈپ قاپتۇ، ھەم دەرھاللا: «ئاپا، سىز يا ئاچاش بولمىسىڭىز، سىز دېگەن ئاپاش تۇرسىڭىز، نېمىشقا كيۇ-كيۇ ئوينايسىز؟» دەيدۇ. قېيىپ كەتتىم، سوغۇق تەر...ئۇمۇ كيۇ-كيۇغا بەك قىززىقتى ھازىر:L     پەرزەنت تەربىيلەش بەك مۇھىم ئىش، بولۇپمۇ نۆۋەتتىكى زىددىيەتلىك ۋەزىيەتتە بىز ئاتا-ئانىلاردىن ناھايىتى زور كۈچ تەلەپ قىلىدىغان مۇھىم ھالقىلاردىن بىرى. مۇنبىرىمىزدە بۇ خىل تېمىلار سەل چەكلىك ئىدى، سىزنىڭ تىرىشىپ بۇ بوشلۇقنى تولدۇرۇپ مېڭىشىڭىزنى ئۈمىت قىلىمەن!

مىلودىيە

	قەھۋە يوللىغان ۋاقتى  2012-يىلى 3-ئاينىڭ 6-كۈنى 16:56 بەك ياخشى ئىش قىلىپسىز مودەن! قولىڭىزغا دەرت كەلمىسۇن. ... مەنغۇ ھازىر ئۆيدە كىيۇ كىيۇغا پەقەتلا چىقماس بولدۇم(ئاۋۇ كىم؟ماۋۇ كىم؟دەپ تولا سوراپ:L)؛ پەرزەنىت تەربىيلەش مۇھىم ھەم مۈشكۈل ئىش.مۇشۇنداق تېمىلار ئۈزۈلمەي يوللىنىپ تۇرسا،بىز ئاتا ئانا بولغۇچىمۇ،بىلىپ بىلمەي ئۆتكۈزۈپ قويغان سەۋەنلىكلىرىمىزنى تۈزىتىۋالساق،ئۇلارمۇ بىزنىڭ ياخشى تەرەپلىرىمىزنى كۆپرەك ئۆگەنسە بەك ياخشى بولاتتى.مۇشۇنداق تېمىلارنىڭ ئۈزۈلمەسلىكىنى ئۈمىد قىلىمەن!!!:):victory:

جۇلالىق

	2.ۋەدىڭىزدە تۇرۇڭ يالغان سۆزلىمەڭ. ------------------------- مۇشۇ تەرىپىگە ئالاھىدە دىققەت قىلىمەن. جان كېتىدىغان ئىش بولسىمۇ بالامغا يالغان گەپ قىلمايمەن. بىرەر ئىشنى قىلىپ بېرىش ئۈچۈن ئاسانلىقچە ۋەدە قىلمايمەن قىلسام شۇ ئىشنى چوقۇم ۋايىغا يەتكۈزۈپ ئورۇنداپ بېرىمەن. بالىلىرىممۇ بۇنىڭغا كۈنۈك پالانى ئىشنى قىلىپ بېرىڭ دەيدۇ. بۇ ئىشنى قىلىپ بېرىشكە ھازىر ۋاقتىم يەتمەيدۇ پالانى چاغدا قىلىپ بېرەي دېسەم شۇ ۋاقىتنى كۈتىدۇ.

مەرۋەرى

	تىرىشساق قىلالمىغىدەك ئىشلار ئەمەسكەن:victory:

anar

	قەھۋە يوللىغان ۋاقتى  2012-يىلى 3-ئاينىڭ 6-كۈنى 16:56 بەك ياخشى ئىش قىلىپسىز مودەن! قولىڭىزغا دەرت كەلمىسۇن. ... جېنىم ، بالىلاردىكى  شۇ خىل كۆز قاراشنى ئۆزگەرتىڭ ، مەيلى ئاپاش تۈگۈل موماش بولۇپ كەتسەكمۇ ئۆزىمىزنىڭ دۇنياسى بولۇش كېرەك . مېنىڭ جىيەن قىزىممۇ ھەدەمنىڭ ئىشىغا ئارىلىشىدىغان بولىۋالدى چوڭ بولغانسېرى ، ھەدەم كىيۇ - كىيۇ دا بىز بىلەن خاتىرجەم بىر پاراڭلىشاي دىسىمۇ قالايمىقان قىلىپ ، شۇڭا ئۇنىڭغىمۇ شۇ تەربىيە ئېلىپ بېرىلىۋاتىدۇ ، ھەممە ئادەمنىڭ كىچىككىنە بولسىمۇ ئۆزىنىڭ دۇنياسى بولىدۇ ، سىز قونچاق ئوينىغاندا، رەسىم سىزىپ ، كارتون كۆرگەندە  مەن ئارىلاشمىغاندەك مېنىڭ تېلفون ، كومپىيوتۇرلىرىمغا سىزمۇ چېقىلماڭ دەپ يۈرۈپ ھازىر ياخشى بولۇپ قالدى .

مەرۋەرى

	مەنغۇ تورغا چىقىدىغان چاغدا كۆپچىلىككە ئۈنلۈك قىلىپ دەۋېتىمەن، ئەگەر سورايدىغان گەپ- سۆز، ئىش- پىشلار بولسا سوراڭلار دەپ;P، شۇڭا مەن كەچلىكى تورغا چىققاندا ھېچكىم ماڭا دەخلى قىلمايدۇ، دەم ئېلىش كۈنلىرىدە بالىلار تورغا چىقسا ياكى توردىن كىنۇلارنى كۆرسە مەن ئانچە - مۇنچە كۈزەتچىلىك قىلغاندىن باشقا ۋاقىتتا دەخلى قىلمايمەن. ئىشقىلىپ تۇرمۇشتا بالىلارغىمۇ لايىقىدا ئەركىنلىك بېرىپ، ئۆزىڭىزگىمۇ ئازراق ئەركىنلىك بېرىشنى ئۆگىنىپ قويغاننىڭ زىيىنى يوقكەن. ئانىرىم ئېيتقاندەك ئادەم دېگەننىڭ ئۆزىگە مەنسۇپ بىر كىچككىنە دۇنياسى بولمىسا بۇرۇختۇم بولۇپ ئۆلمەمدۇ، ھېلى ئەردىن چۆچۈپ، ھېلى بالىدىن چۆچۈپ........، ھېلىمۇ بىز ياشاۋاتقان رامكىلار ئازمۇ؟ ئۆزىمىزنىڭ ئائىلىسىدىمۇ ئۆزىمىزنى رامكىلىۋالساق بولماس، ئايال بولغان، ئانا بولغان گۇناھ ئەمەسقۇ؟؟؟؟

قەھۋە

	مەرۋەرى، ئانار ، ھەر ئىككىڭلار قىممەتلىك گەپ قىپسىلەر، بەك توغرىكەن. بۇرۇندىن ئۆزۈمنىڭ دۇنياسىدا ياشاپ كېلىۋاتقان، ئەمما يېقىنقى ۋاقىتلاردىن بۇيان ئۆزۈمنى ئۇنتۇپ كەتكەندەك ھېس قىلىۋاتىمەن. ھەي...سىلەرنىڭ پىكرىڭلار بىلەن ئۆزۈمنى قايتا تېپىۋالاي، دۇنيارىمغا قايتىۋالاي. ئوغلۇمغا چۈشەندۈرسەم بولغۇدەك.:hug: