يۈر كېتەيلى ياشلىق چاغلارغا ‹نورۇز›

كۈنلەر

	يۈر كېتەيلى  ياشلىق چاغلارغا ناتۇنۇش جايلاردىن سىقىلىپ ئىچىڭ، شۇ تۇنۇش ئۈنلەرنى چاقىردىڭ بىردىن. بىر مىسرا،بىر مىسرا بوغۇلۇپ تۇرۇپ، ئاپپاق قار ئۈستىگە يېقىلدىڭ ئاندىن. قەددىڭنى پۈكلىدى ئۈمۈتسىز شەيتان، بولاقتەك كۆزوڭدىن سىرغىدى ھىجران. كۈنلەرنىڭ باغرىدىن چىقالماي نېرى، ئاھ، سېنىڭ كۆكسىڭدە پارلىدى ئارمان. كېتىشنى ئويلايسەن شامالدەك ئىتتىك، خوشلۇشۇپ ئاخشامقى بولاق بېشىدىن. ئورماندەك سىلكىنىپ،قايتىپ ئەسلىڭگە، چاپسەن كەل،ئورۇن ئال يارنىڭ قېشىدىن. يۈر ،جىنىم كېتەيلى ياشلىق چاغلارغا، نەۋرۇزنىڭ شامىلى كەلدى ھۇپۇلدەپ. ئەگىزنىڭ  سۈيىگە  بىزمۇ قېتىلىپ، ئۆيلەردىن چىقايلى تېزدىن گۈرۈلدەپ. 2012-يىل 2-ئاينىڭ 29-كۈنى

مەرۋەرى

	مانا پائالىيەتنىڭ تۇنجى ئەسىرى يوللاندى، قالغان ئەزالارنىڭمۇ ئاكتىپلىق بىلەن ئاۋاز قوشۇشىنى سورايمىز!

گۇلخان

	بەك يىراق  بىر جايدا ئىزدەپ ئۈنۈڭنى، دەمدەردەك  بۇقۇلداپ  يىغلىدى  قەلبىم. مىسرالار  باغرىدا  ئۇھسىنىپ تۇرۇپ، ئاپپاق  قار ئۈستىگە  يېقىلدىم بەلكىم. كەتكۈم  بار  شامالدا لەگلەكلەر كەبى، كۈنلەرنىڭ  باغرىغا  تەۋرىنىپ  لەرزان. ئەگىزنىڭ  سۈيىدەك  ئىرىسەم  ئاستا، كۆكلەرمۇ  قىرلاردا  بىر  سىقىم  ھىجران.

otkankunlar

	چىداشلىق بولسىلا كېتىدۇ تاراپ، كۆڭۇلنى قاپلىغان ھەسرەتلىك تۇمان. بۈگۈندىن گۈزەلدۇر مەڭگۇ ئەتىلەر، كۆچەت تىك دىللارغا،ياسايلى ئورمان. كۆكلەيدۇ ھىجراندىن سۆيگۈ دەرىخى، ياشنايدۇ ئۇمۈتتىن ئادەمنىڭ كۆڭلى. كۈنلەرنىڭ باغرىدا تەۋرىنىپ تۇرۇپ، ياڭرىسۇن جاھانغا نورۇز شاتلىغى.

باتۇرچەۋەنداز

	ئىتتىك ھەركەتكە كەلمىسەم بولمامدۇ نىمە،تاپاي.....ئالدىراي;P:P

جۇلالىق

	كېتەي دەپلا كەتكىلى بولسىچۇ كاشكى!

kizilgul

	ياخشى شېئىر .مەزمۇنى چوڭقۇر،بەدئىيلىكى  يۇقىرى.

قەھۋە

	باتۇرچەۋەنداز يوللىغان ۋاقتى  2012-يىلى 3-ئاينىڭ 1-كۈنى 19:24 ئىتتىك ھەركەتكە كەلمىسەم بولمامدۇ نىمە،تاپاي.....ئالدى ... شۇنداق دەۋاتقىلى 18كۈن بوپتۇ:L

قەھۋە

	كۈنلەر ئەپەندىمنىڭ شېئىرلىرى لىرىكىلىققا تولغان. ھوزۇرلاندىم!   بىر بېلەت كەتتى!

كۈنلەر

	يۈر جىنىم كېتەيلى ئون سەككىز ياشقا، تۇنجى رەت ئىككىمىز كۆرۇشكەن چاققا. بارغۇم بار سەن بىلەن يەنە بىر قېتىم، مەڭگۇلۇك خاتىرە قالدۇرغان باققا.