‹‹ ئۆلۈم يىقىنلاشقاندا››

ياپراق520

	دوستۇم پاي چىكى سودىسى بىلەن شۇغۇللىنپ دائىم ئالدىراش يۈرەتتى ، ئىككىمىزنىڭ كۆرۈشمىكىمىز تەس ئىدى، دائىم تېلفۇن ئارقىلىق ئالاقىلىشىپ تۇراتتۇق.    بىر كۈنى كەچقۇرۇن ئۇنىڭدىن تېلفۇن كەلدى، بىز تاغدىن_باغدىن پاراڭلاشتۇق. ئۇ تۇيۇقسىزلا مەندىن:    _ئەگەربىرى ساڭا، بىريۈەن بەرسەڭ ئۆزۈڭنىڭ قاچان ئۆلىدىغانلىقىڭ توغرسىدىكى ئۇچۇرنى سېتىپ بېرىمەن، دېسە سەن سېتىۋالامسەن؟_دەپ سورىدى. مەن بىردەم ئويلانغاندىن كېيىن، بېشمنى چايقاپ:    _ياق،_دېدىم.    _نېمىشقا؟    _ئۆزىنىڭ قايسى ۋاقىتتا ئۆلىدىغانلىقىدىن خەۋەر تېپىش ئادەم ئۈچۈن قايغۇلۇق ئىش. مېنىڭچە نېمە بولىۋاتقانلىغىڭنىمۇ بىلمەي قېلىپ جېنىڭ چىقىپ كەتسە ھېچقانداق قىينالمايسەن.    بىر پەس سۈكۈتتىن كېيىن ، دوستۇم ئاستا؛    _لېكىن مەن سېتىۋالاتتم،_دېدى.    _نېمىشقا؟    _مەن تۇيۇقسىزلا ئۆلۈپ كېتىشىمدىن قورقىمەن، ئۇچاغدا قىلىشقا تېگىشلىك نۇرغۇن ئىشلىرىم قېپ قالىدۇ، لېكىن بەك بالدۇر بىلگۈممۇيوق،10  كۈن بۇرۇن بىلسەملا بولدى.     -بۇ 10 كۈن ئىچىدە نېمە ئىش قىلالايسەن؟     _بەش كۈن ۋاقتىمنى ئۆيۈمدىكىلەرگە ئاجرىتىمەن، ئۇلار بىلەن كۆپرەك بىللە بولىمەن .يەنە بەش كۈننى ئۆزۈمگە قالدۇرۇپ ، ئۆزۈم ياخشى كۆرىدىغان ئىشلارنى قىلىمەن. سۆيگىنىم بىلەن بىللە ئاپتوموبىل ھەيدەيمەن، ئورمانلىقنى كېسىپ ئۆتىمەن.    _بۇ ئۇنچىلىك تەس ئەمەسقۇ، سەن نېمىشقا ھازىرلا شۇنداق قىلمايسەن؟_دېدىم كۈلۈپ كېتىپ. ئۇ چۇڭقۇر ئۇھ تارتىپ:    _ھازىر شۇنداق ئالدىراش تۇرسام، ئۇ ئىشلارغا ۋاقتىم يوق،_دېدى.    ئىختىيارسىز يەنە بىردوستۇم ئېسىمگە كېلىپ قالدى. ئۇ تاشقى سودا شىركىتىنىڭ دىرېكتورى ئىدى. ئۇ دۆلەتمۇ دۆلەت قاتراپ ھەر كۈنى سۆھبەتلىشىش، توختام تۈزۈش ئىشلىرى بىلەن ئالدىراش يۈرەتتى. بىر يىلدا ئاران بىر نەچچە قېتىملا ئۆيىگە قايتاتتى. ئۇ ئۆزىنى خوتۇنى ۋە قىزىغا قەرىزداردەك ھېس قىلىپ ، شىركەتنىڭ سودىسى ئىزىغا چۈشۈپ روناق تاپقاندا ،ئۇلارنى ياۋرۇپاغا ساياھەتكە ئېلىپ بارىدىغانلىغىنى ئېيتىپتۇ. شىركەتنىڭ سودىسى ئىزچىل راۋاج تېپىپتۇ. بىراق ئۇ بۇنىڭغا قانائەت قىلماي ، ساياھەتنى ئارقىغا سۆرەپ، سودا بىلەن ئالدىراش يۈرىۋېرىپتۇ. كېيىن ئۇ ياپۇنىيەگە سودا سۆھبىتى ئۆتكۈزۈشكە بارغاندا، يۈرەك كېسەللىكى قوزغىلىپ ئۆلۈپ كېتىپتۇ. كۆپ ۋاقىتلاردا،ئۆزىمىز ياخشى كۆرىدىغان ئىشلارنى قىلىشقا ئالدىرىمايمىز، بىراق ئەزرائىل قاچان كېلىپ جېنىمىزنى ئالىدىغانلىقىنى بىزگە ئۇقتۇرمايدۇ.گەرچە 21- ئەسىر ئۇچۇر دەۋرىگە شەرەپ بىلەن قەدەم تاشلىغان، ئۇچۇر يۇقىرى سۈرئەتلىك تاشيولى كۆز ئالدىمىزدا تۇرغان بولسىمۇ، بىرەر شىركەتنىڭ ئۆلۈم توغۇرلۇق ئۇچۇر سودىسى قىلىۋاتقانلىغىدىن خەۋەر تاپمىدۇق. نۇرغۇن كىشىلەر ئۆزى ياخشى كۆرىدىغان ئىشلارنى قىلىشىنى كەينىگە سۆرەيدۇ، ئاخىرىدا ھەممىنى ئۆزى بىلەن بىللە ئۇ دۇنياغا ئېلىپ كېتىدۇ. مەنبە:     2004- يىل ،تەرمىلەر ژۇرنىلى

روھچىن

	ھەر بىر ئادەم ئەستايىدىللىق بىلەن ئويلىنىشقا، تۈزىتىشكە تىگىشلىك مەسىلە . ياپراقنىڭ تەربىيە ئەھمىيتى يۇقىرى يازما بىلەن تەمىنلىگەنلىكىگە رەھمەت ئېيتىمەن

ياۋاگۈل

	بەك ياخشى ھىكايىكەن.ماڭا بەك تەسىر قىلدى.گاھىدا خۇددىئۆلمەيدىغاندەك  بىر ئىشلارنى قىلىپ كىتىمىز.ئادەم ھاياتلىقىدا ئۆلۈمنىمۇ ئويلاپ قويۇش كىرەك

ياپراق520

	شۇنداق ،ماڭىمۇ بەك تەسىر قىلغان ئېدى، تۇرمۇشتا كۆپىنچە ئەڭ موھىم ئىشلارغا سەل قاراپ قالىدىكەنمىز.