ھايات ئەنەشۇنداق ئاددىيلا تاماممۇ؟

ياۋاگۈل

	يىزىۋاتىمەن، دەپتەرنىڭ قۇرلىرىغا سۆزۈمنى ئەمەس دەرت -ھەسرىتىمنى تۆكىۋاتىمەن، گاھى-گاھىدا خوشاللىقلارنىمۇ قېتىپ قويۋاتىمەن. ئىيتىۋاتىمەن، كىشىلەر ھوزۇرلىنىپ ئاڭلايدىغان ناخشا ئەمەس، ئۆتمۈشكە قايتۇردىغان ھىجران كۈيىنى توۋلاۋاتىمەن. كۆرىۋاتىمەن، خىيالىي دۇنيادىكى مەينەتچىلىكلەردىن خالىي يىپيېڭى بىردۇنيانى ئەمەس، پاسىقلىققا تولغان جاھانغا قاراۋاتىمەن. يىغلاۋاتىمەن، ئۆزگىلەرنىڭ قىلغان ياخشىلىقلىرى ئۈچۈن ئەمەس، ماڭدامدا بىر پۇتلىشىۋاتقان رەزىللىكلەرئۈچۈن ياش تۆكىۋاتىمەن. كۈلىۋاتىمەن، قىززىق -قىززىق يۇمۇرلارغا ئەمەس، يامانلىق تولغان جايدىمۇ ئالىيجاناپلىقنىڭ بارلىقىغا شادلىنىۋاتىمەن. ياشاۋاتىمەن، نىمە ئۈچۈن دۇنياغا ئاپىرىدە بولغانلىقىمدىن بىخەۋەرئىشقىلىپ ھايات ئادەملەر توپىدا يۈرمەكتىمەن. ھەسرەتتىمەن، ئەرزىگۈسىز ئىشلارئۈچۈن سەرپ ئەتكەن قەدىرسىز ۋاقىتلارغا ئاھ ئۇرماقتىمەن. ھايات ئەنەشۇنداق ئاددىيلا تاماممۇ؟

چالقۇش

	ۋاي ۋۇي كۆڭلۈم شۇنداق يېرىم ئىدىم ما يازغانلىرىڭىزنى ئۇقۇپ تېخىمۇ يېرىم بۇلۇپ كەتتى .................

يەرشارى

	ياق...................................!

ياپراق520

	راسلا ھايات ،شۇنچە  ئاددىيلا تاماممۇ؟،،، مېنڭچە ئۇنداق ئەمەس، بۇھايات تولىمۇ ئەھمىيەتلىك ،بەكمۇ گۈزەل، ناھايتى قممەتلىك.............

hilal

	مۇشۇ كۈنلەردە يوللاۋاتقان تېمىلىرىڭىزدىن مۇڭ تۈكىلىپ تۇرىۋاتىدۇ ،........... خوشال يۈرۈڭ ، ھاياتلىقتا يەنىلا كۈتمىگەن خوشاللىقلار تولا ...................

ئانار

	ياۋاگۈلنىڭ يازمىلىرىغا تازا زەڭ سالسام مۇڭ تۆكۈلۈپلا تۇرىدۇ ... جانىم ، ئىشىكنى تاقىۋەتسە دېرىزە بارغۇ ، شۇ ئازاپلارغا قارىغان كۆزىڭىزنىڭ مانچىدەن بىرىنى چىقىرىپ خوشاللىقلارغا قاراڭ ، بەلكىم ئويلىمغان ئىشلار بولۇپ قالىدۇ .