(قەھۋە)ئۇيغۇر تىلىم ئەلۋىدا!

قەھۋە

	بۈگۈن بۇ ئەسەرنى قايتا ئۇچرىتىپ قالدىم. بۇ ناھايىتى ياخشى يېزىلغان شېئىر دەپ قارايمەن، ئەمما ھازىرغىچە شېئىر ئاپتورىنى بىلەلمىدىم...مېنىڭچە تورداشلارمۇ بۇ ئەسەرنى ياقتۇرىدۇ. بۇ ئادەتتىكى مۇنداقلا يېزىلىپ قالغان شېئىر بولماستىن، مەنىسى ناھايىتى چوڭقۇر. كىشىنى چوڭقۇر ئويغا سالىدۇ ھەم ئويغىتىدۇ. دەبدەبىلىك يېزىلغان شېئىر، كىشى قايىل بولماي تۇرالمايدۇ. بۇرۇنلاردا مەنمۇ ئادەتتە خەنچە ئارىلاشتۇرۇپ سۆزلەپ قوياتتىم(بۇمۇ باشقىلاردىن يۇققاندە)، كېيىن ناھايىتى دىققەت قىلىدىغان بولدۇم، ھازىر بالا بولغاندىن كېيىن تېخىمۇ شۇنداق. بىزنىڭ يىڭنە چاغلىق نەرسىمىز بۇلارغا يۇقمايدۇ، بىز نېمە دەپ ھەممىنى يۇقتۇرۇپلا يۈرىيمىز؟ ؟؟ بەك ئويلىنىمەن بۇ ھەقتە. ئۇيغۇرۇمنى سۆيىمەن ھەم ئۇيغۇرۇم ھەققىدە مەڭگۈ يازىمەن......

جۇلالىق

	بۇ شېئىرنىڭ ئاپتورى ئىزدىنىش مۇنبىرىدىن: ۋاپادارىم 912 ھەممەيلەن دىققەت قىلىشقا تېگىشلىك ئىشلار، ئۆزىمىز بىلىپ-بىلمەيلا خەنچە سۆزلەر تىلىمىزغا سىڭىشىپلا كەتتى.

dilroh

	مۇشۇ بىز نىم دېسەك كىچىكلەرمۇ شۇنى دەيدىكەن يۇقۇپ `` تېلېۋىزورنى دەنشى دەپ سالسىڭىز ماۋۇ ئاچامنىڭ 5 ياشلىق ئوغلى تېلېۋىزور دەڭ دەپ بىزگە ئۆگىتىپ كىتىدۇ دادىسى بىلەن ئانىسى شۇنداق ئۆگەتكەندە ``

دىلەيسەم

	شۇنداق ئۆز ئانا تىلىنى ھۆرمەت قىلىش بىلەن بىرگە بىزگە كېرەكلىك بولغان باشقا تىللارنى ئۈگىنىش يامان ئىش ئەمەس، قوش تىلمۇ دەل شۇنداق، ھازىر بىر ئالاقە قىلدىغان يەرلەرنىڭ ھەممىسىدىلا خەن تىلى قوللىنىلغاندىن كېيىن قوش تىل ئۈگىنىش پۈرسىتىنى چىڭ تۇتۇپ ئۆزىنىڭ ھاجىتدىن چىققۇدەك ئۈگىنىپ قويسا يامان كەتمىگۈدەك دەپ قالدىم، نېمىشقا دەمسىز؟ - بۇ يىل يازدا يەڭگەمنىڭ ئاپىسى ئاغىرىپ قالدى، ئۇلار دوختۇرخانىدا ئۈچ ھەپتىدەك ياتتى، ئۆيدىكىلەرنىڭ بىرىمۇ خەنزۇ تىلىنى بىلمەيدۇ، دوختۇرخانىدىكى بۆلۈم باشلىقى، سېستىرالار باشلىقى، مەسۇل دوختۇرى ۋە مەسئۇل سېستىرالىرى ھەممىسىلا خەنزۇ يولداشلار، شۇ ئۈچ ھەپتە جەريانىدا ئۇلار ھېچنىمىنى چۈشەنمىگەن گەپ، گەپ سورىسىمۇ ھە دەپ قاراپ تۇرىدىكەن، شۇ كۈنلەرنىڭ بىرىدە مەن يىراقتا بولغاندىن كېيىن تېلىفۇندا بولسىمۇ ئەھۋال سوراپ قويماقچى بولدۇم، تېلىفۇن قىلىپ چوڭ ئاپىمىزنىڭ ئەھۋالىنى سوراپ، دېئاگۇنۇسنىڭ قانداق بولغانلىقىنى سورىسام‹ دوختۇرلار بىر نىمىلەرنى دىگەن چۈشەنمىدۇق، سىز سوراپ بەرگەن بولسىڭىز خەنزۇچە بىلگەندىن كېيىن ›دەپ قالدى، ھە ماقۇل، ئەمسە تېلىفۇننى مەسئۇل دوختۇرغا بېرىڭ دەپ تېلىفۇننى تۇتۇپ تۇردۇم. قارىشى تەرەپتىن يەڭگەمنىڭ سىڭلىسىنىڭ: - ھەي دوختۇر تېلىفۇننى ئېلىڭە. ماۋۇ تېلىفۇننى ئېلىڭە دىگەن ئاۋازى ئاڭلاندى. -说什么，我听不懂دىگەن بىر خەنزۇچە ئاۋاز ئاڭلاندى. مۇشۇنداق دە تالاشلاردىن كېيىن تېلىفۇننى بىر خەنزۇ يولداش ئالدى، مەن شۇندىلا بايامتىن بېرىقى تېلىفۇننى ئېلىڭە دىگەن ئۇيغۇرچە گەپنى مۇشۇ خەنزۇ دوختۇرغا قىلغانلىقىنى چۈشەندىم. ھەر ھالدا خۇداغا شۈكرى ھازىرقى قوش تىل مائارىپىنىڭ مەھسۇللىرى بولمىش بالىلىرىمىز بۇنچىلىك تىللاردا بىزدىن ياخشى، بولمىغاندا بىرسىنىڭ ئۆزىنىڭ تىللاۋاتقانلىقىنى چۈشىنەلەيدۇ ھەم شۇنىڭغا قارىتا جاۋاپ قايتۇرالايدۇ، شۇڭا ئويلاپ قالدىم، ئۆز ئانا تىلىمىزنى چىن يۈرەكتىن سۆيۈپ ئۇنى ھۆرمەتلەپ، قەدىرلەش بىلەن بىرگە بىزگە بۇنىڭدىن كېيىنكى ھايات مۇساپىمىزدە كېرەكلىك بولغان تىللارنىمۇ نېرى تۇر دىمەستىن ئۆگىنىپ قويساق يامىنى كەتمەس دەيمەن.