[خەۋەر] ئەلشىر نەۋايى تۇغۇلغانلىقىنىڭ 570 يىللىقى تەبرىكلەندى

ئەزىزتارىم

	كروران خەۋىرى، فوتوسى «ئەلشىر نەۋايى تۇغۇلغانلىقىنىڭ 570 يىللىقىنى تەبرىكلەش خەلقئارالىق ئىلمىي مۇھاكىمە يىغىنى» ئۈرۈمچىدە ئېچىلدى «ئەلشىر نەۋايى تۇغۇلغانلىقىنىڭ 570 يىللىقىنى تەبرىكلەش خەلقئارالىق ئىلمىي مۇھاكىمە يىغىنى»  2011-يىلى11-ئاينىڭ 1-كۈنى ئۈرۈمچى كوئىنلۇن مىھمانخانىسىنىڭ كۈتۈۋېلىش زالىدا داغدۇغىلىق ئۆتكۈزۈلدى.           بۇ يىل  15-ئەسىردە ئۆتكەن ئۇيغۇر خەلقىنىڭ بۈيۈك مۇتەپپەككۇر، ئەدىب، شائىرى، بىباھا مىراسلىرى بىلەن ئۇيغۇر كىلاسسىك ئەدەبىياتىدا مۇھىم ئورۇن تۇتقان ئەدىب ئەلشىر نەۋايى تەۋەللۇتىنىڭ 570 يىللىق خاتىرە يىلى،  شۇ مۇناسىۋەت بىلەن،  جۇڭگو ئۇيغۇر كلاسسىك ئەدەبىياتى ۋە مۇقام ئىلمىي جەمئىيىتىنىڭ ئورۇنلاشتۇرۇشى،  شىنجاڭ ئۇنىۋېرسىتېتى فىلولوگىيە ئىنىستىتوتى ۋە  شىنجاڭ پىداگوگىكا ئۇنىۋېرسىتېت ئەدەبىيات فوكولتىتىنىڭ ھەمكارلىشىشىدا ، بۈگۈن يەنى 2011-يىلى11-ئاينىڭ 1-كۈنى ئۈرۈمچى كوئىنلۇن مىھمانخانىسىنىڭ كۈتۈۋېلىش زالىدا «ئەلشىر نەۋايى تۇغۇلغانلىقىنىڭ 570 يىللىقىنى تەبرىكلەش خەلقئارالىق ئىلمىي مۇھاكىمە يىغىنى» داغدۇغىلىق ئۆتكۈزۈلدى . يىغىنغا ئېلىمىزنىڭ ھەرقايسى جايلىرى ۋە چەتئەللەردىن  ئالىم، مۇتەخخەسس، رەھبەرلەر، شىنجاڭدىكى ئوقۇتقۇچى- ئۇستازلار ۋە ئوقۇغۇچىلار ۋەكىللىرى، جەمئىيەتنىڭ ھەر ساھەلىرىدىن بولۇپ  400 گە يېقىن مېھمان قاتناشتى.     ئەلشىر نەۋايى ئېلىمىزنىڭ 15-ئەسىردىكى ئۇلۇغ مۇتەپەككۇرى ئەدىبى ۋە شائىرى بولۇپ ، ئۇيغۇر كلاسسىك ئەدەبىيات تارىخىدا مۇھىم ئورۇن تۇتىدۇ  .ئۇ قالدۇرغان نادىر ئەدىبى ئەسەرلەر جۇڭخۇا مىللەتلىرىنىڭ بىباھا مەدەنىيەت مىراسى، شۇنداقلا دۇنيا كلاسسىك ئەدەبىياتىنىڭ نەمۇنىسى ۋە ئىنسانىيەتنىڭ قىممەتلىك بايلىقىدۇر . مانا بۈگۈن مۇتەخەسىس، ئالىملار كلاسسىك ئەدەبىياتىمىزنىڭ بۇ بۈيۈك ئۇستازىنى خاتىرلەش، ئۇنىڭ ئۇلۇغ تۆھپىلىرى ۋە ئەدىبى ئەسەرلىرىنى مۇھاكىمە قىلىش ئۈچۈن بۇ يەرگە جەم بولدى. بۇنىڭدىكى مەقسەت ئۇنىڭ تەۋەرۈك ئەسەرلىرىگە تېخىمۇ ياخشى ۋارىسلىق قىلىشتۇر. بۇ قېتىمقى يىغىنغا ئالاھىدە تەكلىپ قىلىنغان ئەزىز مېھمانلاردىن ئاپتونۇم رايوننىڭ سابىق رەئىسى تۆمۈر داۋامەت، ئابلىز ئابدۇرېھىم، خەن زىيۇڭ، ئازات سۇلتان ، مۇختار مەخسۇت ، ئابلىمىت ئابدۇرېشىت ، ئابدۇكىرەم راھمان ، سۇلايمان ئىمىن، ئىمىن ئەھمىدى، ئابدۇقادىر جالالىدىن، راھىلە داۋۇت، غازى ئەھمەد، چەتئەللىك مېھمانلاردىن گىرمانىيەدىن كارىل لېيكىر، تۈركىيەدىن ئوسمان فىكرى سېرتىقيا، ئايشەمگۈل سېرتىقيا، مۇستافا كاچالىن، بىلال ھۈجەل قاتارلىقلار قاتناشتى. مەنبە :كروران تورى

نالە

	ناھايتى ئەھمىيەتلىك پائالىيەت بوپتۇ ،خەۋەردار قىلغانلىقىڭىزدىن كۆپ رەھمەت.

anar

	ھەي ئىسسسست ئۆزئۆيۈمدە بولغان بولسام غەزەپ غەزەللىرىدىن يوللاپ قويارمەنكەنتۇق

قەھۋە

	شۇنداق ھاياجانلىنىپ كەتتىم!!!

مەرۋەرى

	anar يوللىغان ۋاقتى  2011-يىلى 12-ئاينىڭ 5-كۈنى 20:21 ھەي ئىسسسست ئۆزئۆيۈمدە بولغان بولسام غەزەپ غەزەللىرىد ... ئۆز ئۆيىڭىزگە چىققاندا تولۇقلىۋەتسىڭىزمۇ بولىۋېرىدۇ