ئوقۇغۇچىلار ئەسەرلىرى

yasin0909

	ئىككى شېئىر مەنزىرە ( بورتالا ئوبلاستكىق تەجرىبە ئوتتۇرا مەكتەپ تولۇق 2-يىللىق 9-سىنىپ ئوقۇغۇچىسى)       تەبىيەت ئانا ئىللىق قۇياش نۇرىنى ئايىماي چاچقان، شامال سۆيگەن دەرەخلەر شىۋىرلاپ تۇرغان، ئېرىقلاردا شىلدىرلاپ سۇلىرى ئاققان، شۇنچە گۈزەل ماكانسەن تەبىيەت ئانا. ئاپئاق قارلار تاغلارنى باغرىغا باسقان، باغلىرىدا مىۋىلەر مەي بولۇپ پىشقان، ۋىچىرلىشىپ نەغمىكەش قۇشلار سايراشقان، شۇنچە گۈزەل ماكانسەن تەبىيەت ئانا. ھەيۋە بىلەن سامادا چاقماق چاقسىمۇ، گاھ يەر تەۋرەپ گاھىدا كەلكۈن ئاقسىمۇ، يازدا يامغۇر قىشتا لەپ-لەپ قارلار ياغسىمۇ، شۇنچە گۈزەل ماكانسەن تەبىيەت ئانا. تەبىيەت ئۇ بىزلەرنىڭ بىرلا ئانىمىز، قوغدىمىساق ئاقىۋەت داغدا قالىمىز، گۈللەندۈرۈش ئاسراش ھەم بۈيۈك غايىمىز، مۈقەددەس چوڭ ماكاندۇر تەبىيەت ئانا.            ئانا  ئەجرى ئاق سۈتىدۇر ئانامنىڭ ، جىسمىمغا جان-مادار ئەتكەن. ناخشىسىدۇر ئانامنىڭ، بۆشۈكۈمدە ئەللەيلەتكەن. مۇھاببىتى ئانامنىڭ، مېھرىنى پۈتۈن ماڭا بەرگەن. شاتلىقىدۇر ئانامنىڭ، چۈچۈك تىىلىمدا «ئانا»دىگەن. قايغۇسىدۇر ئانامنىڭ، يوللىرىمدا ئەگرى كەتكەن. پاراسىتى ئانامنىڭ، دىلغا ئەدەپ-ئەخلاق ئەتكەن. ئۈمۈدىدۇر ئانامنىڭ، ئادىمىلىك خىسلەت دىگەن. بارلىقىدۇر ئانامنىڭ، ئىشىكىمنى بەخىت چەككەن...     مەنبە: ئىجادىيەت     جاپاكەش ئانا رۇقىيە جۈرئەت ( بورتالا ئوبلاستلىق تەجرىبە ئوتتۇرا مەكتەپ تولۇق 1-يىللىق 9-سىنىپ ئوقۇغۇچىسى) ئاسراپ مېنى كۆز قارچۇغۇڭدەك ئانا، مۇشاقەتنى يەتكىچە ئۆزۈڭ تارتتىڭ. ھەرجايدا بالام سارغايمىسۇن دەپ، بارلىقىڭنى ئاتاپ قاتارغا قاتتىڭ. پەرزەنت ئىشقىدا كۆيەتتى جېنىڭ، بالام دەپ كۆرمىگەن كۈنۈڭ قالمىدى. چىشلەپ لېۋىڭنى كۈلىسەن يەنە، جاپالىق ئەمگەكتە قولۇڭ تالمىدى. سەپەرگە ئۇزاتساڭ قولۇڭ دۇئادا، كۆزۈڭنى ياشلاپ ئاق يول تىلەيسەن. سىرىلدى ئىچىم قاراپ ھالىڭغا، بىر ئۆمۈر پەرزەنت دەپلا ئۆتەمسەن...     مەنبە: ئىجادىيەت ئىككى شېئىر تۇرسۇنجان ( بورتالا ئوبلاستلىق تەجرىبە ئوتتۇرا مەكتەپ تولۇق 2-يىللىق 9-سىنىپ ئوقۇغۇچىسى)         ئۆزۈڭنى تونىغىن ئىشلەت ئەقىل-زېھنىڭنى، قالمىسۇن ئۇ داتلىشىپ. كىملىكىڭنى تونىغىن، كەتمە ئەسلىڭدىن ياتلىشىپ. ياراشماس ئۆتسەك يەنە، بىر-بىرىمىزنى تاتلىشىپ. قىلمىش قالار كەتسەك بىز، يەر قوينىغا چاپلىشىپ. ئۆتەيلى ئىجىل-ئىناق، ياخشى يولغا باشلىشىپ. يار قىلايلى خىسلەتنى، ئىللەتلەرنى تاشلىشىپ.   ھەزەر قىل ھەزەر قىلغىن قارا نىيەتتىن، ئوماق بالاڭنى سوقۇپ كېتىدۇ. ھەر  خىل يامان ئىشلارغا سېلىپ، قىلالمىسا نوقۇپ كېتىدۇ. ياخشى كۆرۈنۈپ ئالدىڭدا گاھى، سۇرە-ئايەتنى ئوقۇپ كېتىدۇ. ھىلە-مىكرىدە سېھىرلەپ سېنى، يالغاننى راستەك توقۇپ كېتىدۇ. ئوغرى بۇلاڭچى قىلىپ بالاڭنى، ئىش ئەپلەشمىسە چوقۇپ كېتىدۇ، پۇلغا تولدۇرۇپ چۆنتەكلىرىنى، نىشانسىز قۇشتەك ئۇچۇپ كېتىدۇ. تارتىدۇ بالاڭ دوزاق ئازابى، بالا-قازاغا قويۇپ كېتىدۇ. بالىسى يۈتكەن ئاتا-ئانىنىڭ، باغرىغا زەرداپ ئۇيۇپ كېتىدۇ.   مەنبە: ئىجادىيەت       دوستۇمغا مېھرىگۈل مەمتىمىن ( بورتالا ئوبلاستلىق تەجرىبە ئوتتۇرا مەكتەپ تولۇق 1-يىللىق 9-سىنىپ ئوقۇغۇچىسى) قەلبىڭدىكى مەينەتنى تازلىغىن دوستۇم، كۆزگە ئىلماي ئۆزگىنى يۈرمىگىن دوستۇم. غەيۋەتخورلۇق ئەزەلدىن يامان ئىللەتتۇر، ئىللەتلەرنى قەلبىڭدىن تازلىغىن دوستۇم. جىلۋە قىلسا ئالدىڭدا ئازغىنە ئۇتۇق، قاقاقلاپلا مەيدەڭگە مۇشلىما دوستۇم. ھايات يولى چەكسىزدۇر باردۇر كۆپ سىناق، ئۇزاق يولدا دوسلارنى تاشلىما دوستۇم. مەنبە : ئىجادىيەت

ئەزىزتارىم

	ئىجادىيتىڭىزگە كۆپتىن كۆپ رەھمەت ،داۋاملىق تىرىشقايسىز.

otkankunlar

	بورتالا ئوبلاستلىق تەجرىبە ئوتتۇرا مەكتەپ تولۇق سىنىپ ئوقۇغۇچىلېرىنىڭ  شىېرلېرىدىن كەلگۈسىدىكى بىر تۇركۇم ياش قەلەمكەشلەرنىڭ يېتىشىپ چىقىدىغانلىغىغا ئىشەنچىم كامىل.ئۇلارغا ئۇتۇق تىلەيمەن!

مەرۋەرى

	بارىكاللا ياسىنجان! ئۆتكەن كۈنلەر دېگەندەك ئوقۇچىلىرىڭىز كەلگۈسىدە ياخشى قەلەمكەشلەردىن بولۇپ قالغۇدەك، قىزىم خوش بوپ كېتىدىغان بولدىدە:)