سېغىنىش

otkankunlar

	سېغىنىش بەك يىراق چۆللەرنىڭ باغرىنى كەزدىم، شۇ ئۇزۇن يوللاردا قالدى سېغىنچام. ھاياتنىڭ پەيزىنى سۇردۇم باشقىدىن، كەڭ دالا،كۆك ئاسمان بولدى يېپىنچام. يىگىرمە،ئوتتۇز يىل بۇرۇن مۇقەددەم، بۇ يەردە بىر سۆيگۈ تۇغۇلغان قايتا. ئىڭرىغان ئازاپتىن سەبى بىر يۈرەك، چىقارغان تۇنجى رەت سۆيۈملۇك سادا. شۇ ئېسىل كۈنلەرنىڭ يېرىم يارتىسى، نەلەردە قالدىكىن شامالدا لەيلەپ. نويابىر كېچىسى چۈشكەن يامغۇردا، بىر تامچە دەريامۇ قالاركەن مۇزلاپ. ھەممىگە ئوخشاتقۇم كەلدى پىچىرلاپ، بىر دۆۋە قوملۇققا يېقىلىپ ئاستا. ھەممىگە چىداشلىق بېرىمىز ئاخىر، بىزنى ھەم مۇشۇنداق ياراتقان خۇدا.

قەھۋە

	كۈنلەر ئەپەندىم قۇرۇق كەلمەيسىز ھە مۇنبەرگە.   ھەجەپ يوللاپسىز بۇ  سېغىنىش كۈيىنى...مۇنبەرنى شېئىرغا تولدۇرىۋىتىسىزدە ئاخىرى.

tamqa

	پاك سۆيگۈ قەدىرلىك ھەرچاغ-ھەر زامان، سېغىنىش ھىجرانى ھەممىدىن يامان.

gulhan

	بەك يىراق چۆللەرنىڭ باغرىنى كىزىپ، كەلمەكتە پۇرەكلەپ گۈلدەك سېغىنىش. ھاياتنىڭ پەيزىنى سۈرگەن دەملەردە، يۈرەكتە يەنىلا ئوتلۇق تىۋىنىش.

otkankunlar

	كەلمەكتە پۇرەكلەپ گۈلدەك سېغىنىش، گۈپۇلدەپ دىماققا ئۇرۇلۇپ ھىدى. تاپالماي يامغۇردەك چېچىلدىم ساڭا، مەن ماڭغان يوللاردا ئىزلېرىڭ قېنى؟

مەرۋەرى

	ئۇزۇندا بىر پەيدا بولىسىز، ئەمما ئادەمنى خۇش قىلىدىغان شېئىرلارنى ئېلىپ كىرىسىزدە، شېئىرلىرىڭىزنى ئوقۇپلا ئاچچىقلىرىمنى ئۇنۇتۇپ قالىمەن

otkankunlar

	يالقۇنلۇق تىلىگىڭ تەگدى يۈرەككە، سىرداشتىم سەن بىلەن شۇنداق مۇلايىم. تۇيغۇمنىڭ چېچىنى تارىدىڭ ئاستا، سەن تامان ئۈچماقتا ئوچقۇر خىيالىم. سېغىندى مېنىڭدىن ئۆتە چىغىر يول، سېغىندى تۇنجى رەت سۆيگۈ بەرگەن جاي. سېغىنىش دەردىگە چىدىدى يەنە، زۇمرەتتەك ئاسماندا تۇرغان تۇلۇن ئاي.

gulhan

	رەڭلەنمەكتە جەنۇپ ئاسمىنى، سېغىنىشنىڭ بۇياقلىرىدا  . سىرغىما قتا تىم-تىم بىر كۇڭۇل، سۈكۈناتنىڭ قۇچاقلىرىدا، پىچىرلايدۇ قۇلاقلىرىمغا ، خىياللىرىم شىئىرلىرىڭنى. يېزىپ قۇيۇپ كىتىپتۇ كىچە ، دەرىزەمگە  سېغىنغىنىڭنى.

مەرۋەرى

	ھارمىغايسىلەر! كونا خانتەڭرىدىكى خاپىلىق ئەپەندىم، دىدار، خەندانلارنىڭ مۇشائىرىلىرى ئېسىمگە كېلىپ قالدى، نەلەرگە يوقاپ كەتتى شۇ دوستلار

دىلەيسەم

	مېنى ھېچكىم سېغىنماپتۇ-دە