موما ساتقۇچى موماينىڭ ھىكايىسى

saye

	بۇ يەردە پەقەت كىشلەر ئارىسىدىكى ئىشەنچ ۋە مېھىر مۇھەببەت، ئاڭلىقلىق توغرىسىدا قىسقىلا پىكىر يۈرگۈزىمىز. مانا بۇ جېڭجۇ شەھىرىنىڭ مەلۇم كوچىسىدا موما سېتىپ جاھاندارچىلىق قىلىدىغان بىر ئاددىغىنە موماي. بازاردا موما ساتقۇچىلار كۆپ، يېشى 70 ياشتىن ئاشقان مومايلارمۇ كۆپ. نىمە ئۈچۈن بۇ موماي تەشۋىقات تاراتقۇلىرىنىڭ تەشۋىق ئوبيىكتىغا ئايلاندى. 70 ياشتىن ئاشقان بۇ موماي مانا كۈنلىرىنى مۇشۇنداق موما سېتىش بىلەن ئۆتكۈزىدۇ. بۇ موماي ھەر كۈنى چۈشلىكى ئۆيىگە قايتىپ كېتىدۇ. چۈشلۈك دەم ئېلىش ۋاقتىدا ئۇ موملىرىنى كوچىغىلا تاشلاپ قويىدۇ. پەقەتلا ::«دۇكاندار تاماققا كەتتى، موما سېتىۋالغۇچىلار پۇلنى ساندۇققا تاشلاڭ، ھەمكارلاشقىنىڭىزغا رەھمەت». دىگەن ئەسكەرتىشنىڭ ئۆزىلا كۇپايە. بۇ موماي ئالجىپ قالدىمۇ؟ ئادەم ئادەمگە ئىشەنمەيۋاتقان مۇشۇنداق بىر ۋاقىتتا شۇنچە جاپادا سالغان مومىلىرىنى كوچىغا تاشلاپ قويسا كىشلەر ئېلىپ كەتمەمدۇ؟ ئاڭلىقلىق بىلەن پۇل تاشلاپ قويغانلارمۇ بار دىيىلسە، شۇ كىشلەر زادى قانچىلىك؟ مېنىڭچە، بۇ يەردە مەسىلە مومىلىرىنىڭ قانچە پۇلغا يارىشى ئەمەس، بەلكى ئەخلاق تارازىسىدا زادى قانچىلىك كىشلەرنىڭ ئەخلاقىنىڭ ئۆلچىنىشى بولسا كېرەك. كىشلەرنىڭ دىيىشىچە، كۈندە نۇرغۇنلىغان كىشلەر كوچا ئاتلاپ، نۇرغۇن موما رەستىلىرىنى تاشلاپ قويۇپ، مانا بۇ يەرگە موما سېتىۋالغىلى كېلىدىكەن. ئۇلار بەلكىم مومىنىڭ تەملىكلىكىدىن ئەمەس، بەلكى ئىنسانلار ئارىسىدىكى مېھىر مۇھەببەتتىن ھۇزۇر ئالغىلى كەلگەن بولىشى مۇمكىن. مانا بۇ ئاددىغىينە موما ساتىدىغان بىر موماينىڭ ھىكايىسى.

Aydar

	ئادەمنى تەسىرلەندۈرۋەتتىڭىزغۇ...بۇ كۈنلەردە.....

قەھۋە

	شۇڭا نۇرغۇن ئىشلار ئادەمنىڭ ساپاسىغا باغلىق. ئەمما مۇشۇ خەق با ئاشۇ شەھەردە  ئۆزىنى بىلىدىغان ئادەتنىڭ بارلىقىدىن گۇمانلىنىمەن.

neyime

	بەلىكىم شۇ شەھەردىكى كىشلەر شۇ كىچىككىنە ئىش ئارقىلىق ئۆزىدىكى شۇ بوشلۇقىنى تولدۇرۇشى مۇمكىن ،چۇنكى موما بەكمۇ قىممەت نەرسە ئەمەس ،شۇڭا شۇ كىچىككىنە ئىش ئارقىلىق ئۆزىگە تەسەلليى تېپىشى مۇمكىن .

kulnur

	ئادەمنى تەسىرلەندۈرىۋەتتىغۇ بۇ.

peacelife212

	ياخشى كىشىلەر ھەممىلا يەردە بار.