زاكا تاللىغاندا دىققەت قىلىدىغان ئىشلار

ۋاپادار

	قەغەز زاكا قولايلىق، ئىشلىتىش ۋە ئېلىپ يۈرۈشكە ئەپلىكلىكى بىلەن ئاتا-ئانىلارنىڭ قوللىشىغا ئېرىشىپ ، ناھايتى تېزلا ئومۇملاشتى . بىراق زاكا تاللاشقا ئەھمىيەت بەرمىگەندە ، سۈپەتسىز زاكىلار ئاسانلا بەزى تېرە كېسەللىكلىرىنى پەيدا قىلىدۇ .    مۇخبىرنىڭ ئۈرۈمچى شەھەرلىك دوستلۇق دوختۇرخانىسى بالىلار كېسەللىكلىرى بۆلۈمىنىڭ دوختۇرى مەرپۇغە ھەسەندىن ئىگىلىشىچە ، ئاتا-ئانىلار زاكا تاللاشتا چوقۇم ئېھتىياتچان بولۇپ ، سۈپەتلىكنى تاللىشى كېرەك . بوۋاقلارنىڭ تېرىسى يۇمران بولغاچقا ، مىكروبقا قارشى تۇرۇش ئىقتىدارى ئاجىز بولىدۇ ، شۇڭا بۇنىڭدا تۆۋەندىكىدەك بىر قانچە نۇقتىغا ئەھمىيەت بېرىش لازىم :    1. زاكىنىڭ ھاۋا ئۆتۈشچانلىقىغا ئەھمىيەت بېرىش . ئەگەر زاكا بەك قېلىن بولۇپ كەتكەندە ، ھاۋا ئۆتۈشۈش ياخشى بولماي ، نەملىكنى تارقىتالمايدۇ -دە ، تېرىنى قىزىتىپ بالىنى بىئارام قىلىۋېتىدۇ، بۇنىڭدا بالىنىڭ ئۇيقۇسىغا تەسىر يېتىدۇ .    2. بوۋىقىغا ئەڭ ماس كېلىدىغىنىنى تاللاش . ئاتا-ئانىلار ئوخشاشمىغان ماركىدىكىنى ئالماشتۇرۇپ ئىشلىتىپ بېقىش ئارقىلىق بوۋىقىغا ئەڭ ماس كەلگىنىنى تاللاپ ، ئۇزاق مۇددەت ئىشلىتىش ياخشى تەدبىر .    3. زاكىنىڭ سۈپەت ئۆلچىمىگە دىققەت قىلىش ، ھۆل بولغاندىن كېيىن پاختىسى بۆلۈنۈپ ، بىر يەرگە يىغىلىۋالىدىغان زاكىلارنى ئامال بار ئىشلەتمەسلىك لازىم .    4 . ئۆلچەملىكنى سېتىۋېلىش . بەزى زاكىلارنىڭ بوۋاق بەدىنىگە تېگىشىپ تۇرىدىغان ئورۇنغا سۇلياۋ ماتېرىياللار ئىشلىتىلگەن بولىدۇ ، سۇلياۋ بەدەنگە زىيانلىق بولۇپ ، داۋاملىق ئىشلەتكەندە ، تېگىشىپ تۇرغان ئورۇن قىزىرىش ، رېئاكسىيە قىلىش ئالامەتلىرى كۆرۈلىدۇ . بۇ تېرە كېسەللىكلىرىنىڭ ئالامىتى ھېسابلىنىدۇ .       مەنبە؛ چولپانلار تورىدىن ئېلىندى.

جۇلالىق

	بۇرۇنلاردا بىزنىڭ ئاتا-ئانىلىرىمىز بۇنداق زاكىلارنى ئىشلەتمەيمۇ بىزلەرنى بىر ئوبدان بېقىپ چوڭ قىلىپتىكەن. بىزلەر مۇشۇ سۈنئىي نەرسىلەر بولمىسا بالا باقالمايدىغان بولۇپ قالدۇققۇ تاڭ! بۇنداق زاكىنى بەك ئۇزۇن مۇددەت ئىشلەتكەندە بالىلارنىڭ سالامەتلىكىگە بەكلا زىيانلىق ئىكەن.

faeza

	قىزىم 1 ياشتىن ئاشتى . زاكىنىڭ زىيانلىق تەرىپىنى ئاڭلاپ بەك ئىشلىتىپ كەتمىدىم . ئاڭلىشىمچە زاكا ئىشلىتىۋەرسە بوۋاقلارنىڭ كىيىن ئەرلەر ھەم ئاياللار كېسەللىكلىرىگە گىرىپتار بۇلۇش نىسبىتىنى يۇقىرىلىتىۋىتىدىغانلىقىنى ئاڭلىدىم . شۇڭا سىرتقا چىققاندا ، كىيىم ئالماشتۇرۇشقا ئەپسىز چاغلاردىلا ئىشلەتتىم . بۇنىڭدىن باشقا بىز ئاياللار ئىشلىتىدىغان ئادەت زاكىلىرىنىڭمۇ زىيانلىق تەرىپى بەك كۆپ . بىۋاستە بالىياتقۇغا زىيان قىلىدۇ . بەك مەينەت . ئىشەنمىسىڭىز بىر تالنى يېرىپ ، يىرتىپ كۆرۈپ بېقىڭ . شۇڭلاشقا يەنىلا تازىلىق قەغىزىنىڭ ئەڭ نىپىز كەلگىنىنى ئىنچىكىلىك بىلەن تاللاپ ئىشلىتىشىمىز كېرەك .

esil

	ئاللاھ خالىسا بالام تۇغۇلسا بۇنداق زاكىنى ئىشلەتمەيمەن . سەپەرگە ، بازاغا چىققاندىن باشقا چاغلاردا