سىلەر مەسلىھەت بېرىڭلارچۇ؟

kamiran

	سىلەر مەسلىھەت بېرىڭلارچۇ؟   كىچىكىمدىن بىللە ئويناپ چوڭ بولغان دوستۇمنىڭ، ئىككى كۈن ئاۋال مۇھەببەت ئىشى توغۇرلۇق مەسلىھەت سوراپ قىلغان تىلىفۇنىنى ئېلىپ، ھازرغىچە ئامال تاپالماي بېشىم قېتىپلا كەتتى.ئاخىرى بولماي تورداشلارنىڭ ياخشى ئامالى بارمىدۇ دەپ  .............................   دوستۇم ئالىى مەكتەپنىڭ ئۈچۈنچى يىلى، ئەخلاقلىق،چىرايلىق بىر يۇرتاش قىز بىلەن مۇھەببەتلىشىپ قالغان ئىدى.ئۇ بىر جۈپلەرنى كۆرگەن كىشىنىڭ مەسلىكى كەلمەي قالمايتى.ئىككىلىسىنىڭ ئوقۇشى شۇنداق ياخشى ئىدى.قىز ئېنگىلىز،ياپۇن تىللىرىنى بەك پىشىشىق ئۆگۈنۈپ بولغان بولۇپ،چەتككە چىقىپ ئوقۇش ئارزۇسى بار ئىدى.لېكىن،.ئوغۇل بالا يۇرتىغا قايتىپ يالغۇز ئانىسىنىڭ ھالىدىن خەۋەر ئالمىسا بولمايتى.قانداقلا بولمىسۇن ھەرقانداق نەرسە بۇ بىر جۈپلەرنى ئايرىۋىتەلمەيتى.دېمىسىمۇ ئۇلار بىر بىرىگە بەكلا ئامراق ئىدى.شۇنداق قىلىپ ئوقۇش پۈتكەندە، قىز نۇرغۇن ئارزۇلار بىلەن ياپۇنيەگە ماڭدى.ئوغۇل بالا يۇرتىغا قايتىپ ،ھۆكۈمەت ئورنىدا ئىشقا چۈشتى.لېكىن،ئۇلارنىڭ مۇھەببىتى سېغىنىش ۋە ساقلاش ئىچىدە داۋام قىلىۋاتاتتى.ئانىنىڭ يېشى چوڭايدى،كۆزى ئوچۇق ۋاقتىدا ئۇغلۇنىڭ توي ئىشىنى بىر تەرەپ قىلىۋېتىشكە ئالدىرايتى.نىمىلا دىمەيلى،بۇ بىر جۈپلەرمۇ بالدۇراق توي قىلىپ،چوڭلارنى ۋاقتىدا رازى قىلغۇسى بار ئىدى. مەسىلە چىقتى....قىزنىڭ ئوقۇشى پۈتەيلا دېدى.بىراق ئۇ قولىدىكى ئوقۇتقۇچىسى بىلەن قىلىۋاتقان خەلقارالىق تەتقىقات تېمىسىنى تاشلىۋەتكۈسى يوق ئىدى.قايتىپ كېلىپ ئۆگەنگەن نەرسىلىرىنىڭ ئىشلىتەلمەي قېلىشىدىن قورقاتتى.كېلىشكەن يىگىتىدىن ئايرىلىپ قېلىشتىن تېخىمۇ قورقاتتى. ئۇغۇل،قىزنىڭ قەلبىنى چۈشىنەتتى.توينىلا دەپ،بىللە بولۇشنى دەپلا قىزنىڭ نۇرغۇن جاپالارنى تارتىپ ئەمدى نەتىجىسى چىقاي دېگەندە يېرىم يولدا توختىتىپ قويغىسى،بەختىگە ئولتۇرۇپ قويغۇسى يوق ئىدى.لېكىن ئانا ئالدىرايتى.دېمىسىمۇ ئوغلى چوڭ بولۇپ كەتتى.مەھەلىدىكى باشقا ئاغىنىلىرى توي قىلىپ،ئالدى بالىلىق بولدى.  ئۇغۇلمۇ ئالدىرايتى،كىچىكىدىن ھەم ئانا ھەم ئاتا بولۇپ مىڭ جاپالاردا چەككەن جاپاكەش ئانىسىنى ئۈمۈدسىزلەدۈرگۈسى يوق ئىدى.ئاخىرى بۇ ئىككەيلەن بىر ئامال تاپتى.ئۇغۇل ئانىنىڭ رازىلىقىنى ئالدى،ئۇمۇ قىزنىڭ يېنىغا چىقىپ ،قىزنىڭ تەتقىقات تېمىسىى تۈگىگچە ياپۇنىيىدە ئوقۇماقچى بولدى.ئۇغۇل بالا ئىستىپا سوراپ،چەتكە ئوقۇغىلى چىقماقچى بولغىلىقىنى ئېيتى.لېكىن،ئۇغۇل بالا ئالاھىدە خىزمەت ئورنىدا بولغاچقا، ھۈكۈمەت ئۇنىڭ باشقا دۆلەتلەرگە چىقىشقغا بولمايدىغالىقىنى ئېيتپتۇ..ئاغىنەمگە قانداق يول كۇرسىتىشنى ئۇقۇدۇم. يول كۆرسىتىڭلارچۇ كۆپچىلىك؟؟؟

kamiran

	قېنىدۇ  بۇ  ئاقساقال تەجىرىبىلىك مويسىپىتلار؟

esil

	يامان تەس ئىشقا دۇچ كەپتۇ دوستىڭىز ................... ئەڭ ياخشىسى قىز  قايتىپ كىلىپ يىگىت  بىلەن توي قىلسۇن ، توي قىلىپ بۇلۇپ چەتكە چىقىپ ئوقىشىنى داۋاملاشتۇرسىمۇ  بۇلىدىكەن ،،،، ئۇقۇشى ئاز قالغاندىن كىيىن ....................................

Aydar

	قانداق قىلسا بولار؟ مېنىڭمۇ بېشىم قېتىپ كەتتى دىسە....

جۇلالىق

	قىز يىگىت بىلەن تويىنى قىلىۋېتىپ ئاندىن تەتقىقاتىنى ئېلىپ بارسۇن.

Yurak-Oghrisi

	ھۆكىمەت خىزمىتى ھەرگىزمۇ بىزنىڭ بىردنبىر چىقىش يۇلىمىز ئەمەس. بىراق  چوڭلار تۈمۈر دەپتەرگە ئۈتىۋېلىش بىردىنبىر  تۇرمۇش كاپالىتى دەپ قارايدىغان ناچار خاھىش كۈچلۈك. مەنمۇ ھۆكىمەت ئورگىنىدا ئىشلەۋاتقىنىمغا 7~8 يىل بوپ قالدى. ئەينى يىللىرى يېڭى ئۇقۇش پۈتتۈرگەندە ئۈرۈمچىدە قېلىپ تەرەققىي قىلىش پىلانىمنى ئېيىتقاندا ئانامنىڭ بېرىپ يىغلاپ قايتۇرۇپ كىلىشى بىلەن يۇرتتا تەرەققىياتسىز، پۇلسىز،  ئۈمۈتسز ھالدا ياشاۋاتماقتىمەن. ئەگەر يىگىتنىڭ ئورنىدا مەن بولسا  ھېچ ئىككىلەنمەي ئۆيدىكىلەر خاپا بولسىمۇ چىرايلىق رازىلىق سوراپ، چىقىپ كەتكەن بۇلار ئىدىم.كۈنلەرنىڭ بىرىدە ئاتا-ئانامنى ئىككى ھەرەمنى تاۋاپ قىلدۇرۇپ، ئەينى ۋاقىتتا تاشلاپ كەتكەنلىكىم ئۈچۈن كەچۈرۈم سورىغان بۇلاتتىم، مانا مۇشۇ تەرەقىدە ياشاۋاتىمىز... يەنە ياشايمىز.  مۇئاش بەرمسە يەيدىغانغا نانمۇ سېتىۋاللالمايمىز... دۇنيادا مۇۋاپىقيەت قازانغان كۆپ داڭلىق كىشىلەرنىڭ تەرجىمھالىغا قارايدىغان بولساق ھەممە مۇۋاپىقيەت دەل تەۋەككۈلچىلىك بىلەن باشلانغان. مەنچە بولغاندا قىز  كىلىپ يىگىت بىلەن توي قىلسۇن، ئاندىن قىز چىقىپ كىتىپ ئىمكان بولسا يەرلىشىپ قالسا، ئاندىن يىگىت چىقىپ كەتسە. ئادەم تەرەققىي قىلىمەن ، جەمىيەتكە ياراملىق ئادەم بۇلىمەن دەيدىكەن چۇقۇم مۇۋاپىق شارائىت ۋە پۇرسەت بۇلىشى كىرەك... [ Yurak-Oghrisi بۇ يازمىنى  2010-يىلى 9-ئاينىڭ 22-كۈنى 00:34  دە تەھرىرلىگەن. ]

neyime

	Yurak-Oghrisi بۇ يازمىنى 2010-يىلى 9-ئاينىڭ 21-كۈنى 22:42 دە يوللىغان ھۆكىمەت خىزمىتى ھەرگىزمۇ بىزنىڭ بىردنبىر چىقىش يۇلىمىز ئەمەس. بىراق  چوڭلار تۈمۈر دەپتەرگە ئۈتىۋېلىش بىردىن ... مەن بۇ كۆز قاراشقا قوشلىمەن ،بولسا قىز ئالدى بىلەن كىلىپ توي قىلسۇن بەرىبىر ئىككلسى بىر يۇرتتىن ئىكەن توي ئىشى ئوڭاي بولىدۇ ،ئاندىن چىقىپ ئوقۇشنى داۋاملاشتۇرسۇن ،ھازىر چەتئەلدىكى قېرىنداشلارمۇ مۇشۇ ئانا يۇرتقا كىلىپ توي قىلىپ چىقىپ كىتىپ بارىدۇ غۇ ،شۇنڭغا ئوخشاش ئش ،ھەر قانداق ئاتا -ئانا باللىرىنى ياخشى كۈن كۆرسىكەن دەيدۇ ،مىنڭچە شۇ ئانىمۇ ھەرگىز بالىسنىڭ يولىنى توسمايدۇ .ئوغۇل بالىنڭ خىزمەت ئىشىغا كەلسەك،قىز مەكتەپنى پۇتتۇرۇپ قايتىپ كىلىش ئارزۇسى بولسا ئىشلەپ تۇرسۇن ،ئەگەر چىكىتىش نىيتى بولسا ئىستپا بەرگەن ئەڭ توغرا .بۇ مىنڭ شەخسى پىكىرىم قۇبۇل قىلىش سىزدىن ...

ئاھۇ

	خۇدا ئۆزى چەگكەن تۈگۈننى ئۆزى يىشىدۇ.

saye

	يىگىت خىزمىتىدىن ئىستىپا سورىسىمۇ بەرىبىر ئۇنىڭ چەتئەلگە چىقالىشى ناتايىن. ھېچ بولمىغاندا خىزمەتتىن ئايرىلىپ 1 يىلدىن 5 يىلغىچە بولغان ئارىلىقتا چەتئەلگە چىقالماسلىقى مۇمكىن. قىزغا ئۆزىنىڭ قىلىۋاتقان خىزمىتى مۇھىم بولغىنىدەك ئەر كىشىگىمۇ كەسپى مۇھىم بولىدۇ. بۇ ھەرگىز ئاددى ھالدىكى تۈمۈر تاۋاق مەسلىسى ياكى پۇل تېپىش مەسلىسى ئەمەس. كەسپ دىگەن ئەر كىشىنىڭ جېنى . ھېچ بولمىغاندا مەن شۇنداق دەپ قارايمەن. مېنىڭچە بىزنىڭ سۇئالىمىزدىكى بۇ يىگىتمۇ شۇنداق قارىغاچقا بۈگۈنكى باش قېتىقچىلىقى بولىۋاتىدۇ. ۋاقىت ھەممىنى ھەل قىلىدۇ. قىزنى قايتىپ كېلىپ توينى قىلىۋېلىپ چىقىپ كەتسۇن دىيىش ئاسان. ئەمما توينى قىلىپلا قىسقىغىنە ۋاقىت ئىچىدە چىقىپ كېتىش ئەسلىدىنمۇ بار بولغان سېغىنىشلىق ھىجراننى تېخىمۇ كۈچەيتىۋېتىش بىلەن ئىپادىلىنىدۇ. يەنىلا ۋاقىت ھەل قىلسۇن. دوستىڭىزغا دىسىڭىز ئاپىسىغا ياخشى بىر چۈشەندۈرۈش بېرىپ، قىزنىڭ تەتقىقاتى جىددىيچىلىكتىن ئۆتكەن ۋاقتىدا ئاندىن نىكاھ ئىشلىرىنى قىلىۋېلىشقا كۆندۈرسۇن. ئىلاھىم ئۇ ھەدىمىزنىڭ سالامەتلىكىنى ئاللا ئىگەم ئامان قىلسا، توينى بىر كۈنى قىزىتىپ ئېلىپ بارغۇسى.

kamiran

	سايە  مىنىڭ كۆڭلىمدىكى ئويلىغانلىرىمنى  دەپسىز