Apple نىڭ ئاتامانى Steve Jobs ۋاپات بولدى

Jewlaniy

	ئالما گۇرۇھىنىڭ سابىق ئەركانى، دۇنياۋى گىگانت شەخىس سىتىۋىن.جوبىز تولۇق ئىسمى سىتىۋىن پول جوبىز Steven Paul Jobs بۈگۈن 2011-يىلى 10-ئاينىڭ 5-كۈنى(ئامېرىكا ۋاقتى)، راك كېسەللىك سەۋەبىدىن 56 يېشىدا قازا قىلدى! سىتېۋ جوبىسنىڭ ۋاپاتىغا بىغىشلانغان سۆزلەر: ستىۋ پەقەت ئۇ ئۆزىلا قۇرالايدىغان بىر شىركەتنى قالدۇرۇپ كەتتى... - ئالما شىركىتى ========================================================= ستىۋ «باشقىچە ئويلىيالايدىغان» باتۇر... ئەڭ ئۇلۇق ئامېرىكىلىق يېڭىلىق ياراتقۇچىلارنىڭ بىرى ئىدى. - باراك ئوباما ==================================================================== ستىۋ بىلەن مەن تەخمىنەن 30 يىل بۇرۇن تۇنجى كۆرۈشكەندىن بۇيان، ھاياتىمىزنىڭ يېرىمىدىن كۆپرەك جەرياندا، كەسپداش، رىقابەتچى، ۋە دوست بولۇپ ياشاپ كەلگەن ئىدۇق. - بىل گېيتىس==================================================================== گوگۇل شىركىتىنىڭ لىدىرى لارى پېج«جوبېس ئۇلۇغ ئادەم ئىدى، ئۇ بىزگە ئىشلەتكۈچىلەر يۈزىنى ئەلا بىلىشتىن ئىبارەت ئەڭ مۇھىم قائىدىنى ئۆگەتتى، بىز رىقابەتلەشكەن چاغلاردىمۇ ئەڭ سەمىمى تەكلىپلىرىنى بېرىپ تۇردى، ئۇ مېنىڭ، گوگۇل شىركىتىنىڭ شۇنداقلا مېنىڭ ئائىلەمدىكىلەرنىڭ ئۈلگىسى». ستىۋ، سىزنىڭ ئېسىللىققا بولغان ئوتتەك قىزغىنلىقىڭىزنى (مەن ھازىر مۇشۇ قۇرلارنى يېزىۋاتقان مەكبۇكنى ئۆز ئىچىگە ئالغان) ئالما مەھسۇلاتلىرىنى تۇتۇپ باققان ھەر قانداق ئادەم ھىس قىلالايدۇ. - سېرگېي برىن (گۇگىل) ========================================================= HP شىركىتىنىڭ ئىجرائىيە ئەمەلدارى ھوتمان «ستېۋ جوبېس دۇنيادىكى كارخانىچىلارنىڭ نەمۇنىسى، مەن مەڭگۈ ئۇنىڭ مەستانىسى، ئۇ دۇنياغا ئېلىپ كەلگەن ئىدىيە ۋە روھ يەنە يۈز يىلغىچە ئۆچمەيدۇ». ======================================================= بۈگۈن بۇ دۇنيا بىر ئالدىن كۆرەر رەھبەردىن ئايرىلىپ قالدى. تېخنىكا سانائىتى بىر ئۇلۇق ئىنساندىن ئايرىلىپ قالدى، ۋە مەن بىر دوستۇم ۋە (تەڭ شىركەت) قۇرغۇچىدىن  ئايرىلىپ قالدىم. ستىۋ جوبز قالدۇرۇپ كەتكەن مىراسلار (كەلگۈسى) بىر قانچە ئەۋلاتلار تەرىپىدىن ياد ئېتىلىدۇ. مېنىڭ ئويلىرىم ۋە دۇئالىرىم ئۇنىڭ ئائىلىسى ۋە ئالما خىزمەتچىلىرىگە يەتكەي. - مايكېل دېل (Dell) ======================================================================== جوبېسنىڭ ئۆلۈمى ئىنسانىيەتنى بىر بۈيۈك ئالىمدىن، بىر جەڭچىدىن، بىر كارخانىچىدىن، بىر تالانتلىق يېتەكچىدىن ئايرىدى. فوربېس ژورنىلى جوبېسنى ئېدىسوندىن كېيىنكى بۈيۈك كەشپىياتچى دەپ قارىدى... يەنە 10 يىل ياشىغان بولسا ئىنسانلارغا يەنە نىمىلەرنى سوۋغا قىلار بولغىيتى -ھە -نەجمىدىن قارلۇق(شىنجاڭ قارلۇق مېدىئا پەن-تېخنىكا شىركىتى)

anar

	ئالما5 چىقىدۇ دەپ چىشلارنى بىلەپ كەتكەنتى بىر كىملەر ....لېكىن ئامرىكىنىڭ داۋالاش تېخنىكىسىغا قايىل بولدۇم ، ئىككى خىل راك كېسەل بىلەن خېلىلا ياشىدى بۇ ئادەم ھەم راۋرۇس ياشىدى

Qismet

	دۇنيا پەن-تېخنىكا ساھەسىدىكى بىر قابىل يولباشچىدىن ئايرىلدى. نېمىلا قىلسا ھەممىنىڭ كاتتىسىنى قىلىدىغان ئادەم ئىدى.

Jewlaniy

	بىر ئالما خىزمەتچىسى بىنادىن چۈشۈپ iPad دىن بىرنى ئەسلەش ئۈچۈن قويۇپ قويدى، بۇ بەلكىم جوبىس ئەڭ ياخشى كۆرىدىغان رەسىم جازىسى بولىشى كېرەك.

Jewlaniy

	جوبىسنى تونىغىنىمغا ئۈچ- تۆت يىل بوپتۇ. دەسلەپ مەك سېستىمىسىنى ئىشلىتىپ بېقىپ بۇ ئۆزگىچىلىككە ھەيران قالغان ئىدىم. كىيىن Iphone نى قولۇمغا ئىلىپ ئىشلەتكەندە قايىل بولغان ئىدىم. ئايتاچ نانو نى كۆرگىنىمدە ئۇنىڭغا بولغان قايىللىقىم ھەسسىلەپ كۈچەيگەن ئىدى. بۈگۈن ئۆلۈم خەۋىرىنى ئاڭلىغىنىمدا يۈرەك ئىچىشتى. بۇ زاتنى شۇنچە كىچىكىپ تونىغىنىمغا ھەسرەتلەندىم. شۇنچە كىشىنىڭ بەرگەن باھاسىنى كۆرۈپ. ئۇنىڭغا بولغان ھۆرمىتىم ھەسسىلەپ ئاشتى.

جۇلالىق

	بىلىملىك كىشىلەرنىڭ ھاياتى ئۇزۇنغا بارمايدىكەن. ياتقان يېرى ياخشى بولغاي!

Jewlaniy

	مېنىڭ مۇنداق ئوخشىتىش قىلغۇم كەلدى. «ئالمىنىڭ يەنە بىر تەرىپى چىشلەندى»:

جۇلالىق

	Jewlaniy يوللانغان ۋاقتى  2011-يىلى 10-ئاينىڭ 6-كۈنى 22:16 مېنىڭ مۇنداق ئوخشىتىش قىلغۇم كەلدى. «ئالمىنىڭ يەنە بى ... دېمەك ئالمىنىڭ يەنە بىر تەرىپى ئالمىنى كەشىپ قىلغۇچى ۋاپات بولغانلىقى ئۈچۈن چىشلىنىپتۇدە؟! بىر ئىشنى بىلىۋالغۇم كېلىۋاتىدۇ. مۇشۇ ئالمىنىڭ چىشلەنگەن يەنە بىر تەرىپى نېمىگە ۋەكىللىك قىلىدۇ؟ يا بۇ شۇ شىركەتنىڭ ئالاھىدە بەلگىسىمۇ؟ بۇ سوئالىمغا جەۋلانىيدىن چوقۇم جاۋاب چىقىدۇ.

Jewlaniy

	جۇلالىق يوللانغان ۋاقتى  2011-يىلى 10-ئاينىڭ 7-كۈنى 09:49 دېمەك ئالمىنىڭ يەنە بىر تەرىپى ئالمىنى كەشىپ قىلغۇچى  ... بۇ ھەقتە كۆزقاراشلار بىرقەدەر كۆپ، مېنىڭ بىلىدىغىنىممۇ ئۇنچە كۆپ ئەمەس.  ئالما شىركىتى قۇرۇلغاندىن بىرى ئۈچ قېتىم ماركىغا ئىشلەتكەن رەسسىمنىڭ شەكلىنى ئۆزگەرتكەن.يەنى تۆۋەندىكىدەك: ئەڭ دەسلەپ جوبىس ئۆز قىزىقىشى ۋە ئەنگىلىيىلىك شائىر William Wordsworthنىڭ نىيوتۇن ھەققىدە يازغان شېئىرىدىن ئىلھام ئىلىپ، Ronald Wayne(لاھىيەلىگۈچى) قا ئالما دەرىخى ئاستىدا تەپەككۇر قىلىۋاتقان نىيوتۇننىڭ رەسسىمىنى ماركا قىلىپ لاھىيەلەتكەن. كىيىن ئالمىنىڭ پىيى بازارغا سىلنغاندىن كىيىن جوبىس ماركىنىڭ قالايمىقان بولۇپ قالغانلىقىنى ھېس قىلىپ ئىستىمالچىلارغا ئۈنۈملۈك تەسىر كۆرسىتىشنى ئويلاپ Regis McKenna(ماركا تىزىملىتىش، لاھىيىلەش) شىركىتىنىڭ لاھىيەلىگۈچىسى Rob Janoff  ھازىر ئىشلىتىۋاتقان بىر تەرىپى ئويىۋىلىنغان ئالمىنىڭ رەڭلىك ھالەتتىكى نۇسقىسىنى لاھىيىلىگۈزگەن. كىيىنكى ۋاقىتلاردا بۇ ماكىنى يەنىمۇ ئۆزگەرتىپ، سۈزۈك ھالەتتىكى چاقناۋاتقان ئالمىغا ئالماشتۇرغان. ماركىنىڭ مەنىسى ئۈستىدە كۆزقاراشلار بىرقەدەر كۆپ. بەزىلەر :ئۇنى جوبس سەنئەتكارلار بىلەن كۆپ ئالاقە قىلاتتى شۇڭا  يۇقىرى ئاۋازلىق ناخشىچىلارنىڭ ناخشا توۋلىغاندىكى ئېغىز شەكلىدىن ئىلھاملىنىپ لاھىيىلىگۈچىگە شۇنداق لاھىيەلەتكەن دىيىشىدۇ. يەنە بەزىلەر: دۇنيادا تولۇق مۇكەممەل نەرسە بولمايدۇ. جوبىس ئەشۇ مۇكەممەللىككە ئىنتىلىپ شۇنداق لاھىيەلەتكەن دېيىشىدۇ. جوبىس ئۆزى بولسا ئالمىنىڭ بۇ ئويىۋىلىنغان قىسمىنى ۋىناسنىڭ ئۈزىۋىتىلگەن قولىغا ئوخشىتىشنى ياخشى كۆرىدىكەن. لېكىن بۇلارنىڭ ھېچقايسىسى ئەسلى مەنىنى ئىپادىلىمىگەن. ماركىنى لاھىيەلىگۈچى Rob Janoff بۇ ماركىنى لاھىيىلەش جەريانىدا كومپىيۇتېرنىڭ ھېسابلاش بىرلىكى (Byte) بىلەن (bite) چىشلەش سۆزىنىڭ ئاھاڭداش تەلەپپۇز قىلىنىدىغانلىقىدىن ئىلھاملىنىپ، بۇ ماركنىنى لاھىيەلەپ چىققان ئىكەن.

جۇلالىق

	Jewlaniy يوللانغان ۋاقتى  2011-يىلى 10-ئاينىڭ 7-كۈنى 11:01 بۇ ھەقتە كۆزقاراشلار بىرقەدەر كۆپ، مېنىڭ بىلىدىغىنىم ... جەۋلانىينىڭ جاۋاب بەرگىنىگە رەھمەت. خۇرسەنمەن.