قىسمەت يىغلىدى

Qismet

	بىراۋنىڭ يەنە بىراۋغا مۇھەببەت بەرگىنىنى يولۇقتۇرسام كىچىكىمدە كۆرگەن، كىنو-تېلېۋىزىيە كۆرۈش تارىخىمدا تۇنجى قېتىم يىغلىشىمغا سەۋەب بولغان پاكىستان ھېكايە فىلىمى «مېھىر-شەپقەت» كۆز ئالدىمغا كېلىدۇ. فىلىمدىكى فەرۇخ دوختۇرنىڭ ناتونۇش بىر قىزغا ئاتىلىق مۇھەببىتىنى بەرگەنلىكىنى، دوختۇرخانىسى، ئۆيى قاتارلىق مۈلۈكلىرىنى باشقىلارغا ئىئانە قىلىش ھەققىدە ۋەسىيەت قالدۇرغانلىقىنى ئۇنتۇمايمەن.     ئارىدىن نۇرغۇن ۋاقىت ئۆتتى، ئوقۇدۇم، توي قىلدىم، دادا بولدۇم. نەچچە قېتىملىق قاتناش ھادىسىسىنى، نەچچە كىشىنىڭ ناھايىتى بەتتەر ھالىنى كۆردۈم. لېكىن، ئانامنىڭ ۋاپاتىدىن باشقا ۋاقىتتا كۆزۈمدىن ياش تۆكۈلمىگەن ئىدى.     پات-پات «نېمە بولدۇڭ قىسمەت؟ بېشىڭغا كەينى-كەينىدىن كەلگەن ئوڭۇشسىزلىقلار يۈرىكىڭنى قاتۇرۇۋەتكەن ئوخشىمامدۇ؟» دەپ ئۆز-ئۆزۈمگە سوئال قوياتتىم…     ئالدىنقى كۈنى كۆرگەن بىر سىن يۈرىكىمنىڭ تېخى قاتمىغانلىقىنى، بەلكى مېنى ياش تۆككۈزەلىگۈدەك ئىشنى ئۇچراتمىغانلىقىمنى ئىسپاتلاپ قويدى.     بۇ سىننى كۆرۈپ تۈگەتكۈچە كۆزلىرىمدىن ياش توختىمىدى، بولۇپمۇ بىر نارەسىدە «پۇل بولغان بولسا، دادام، ئاپاملار مېنى ساتمايتتى» دېگەندە، يەنە بىر نارەسىدە «مەن ئانامدىن نەپرەتلىنىمەن» دېگەندە يۈرىكىم سوقۇشتىن توختاپ قالغاندەك بولدى.     بىرسى «قىيىنچىلىقىم بار» دەپلا باغرىنى يېرىپ چىققان پەرزەنتنى ساتسا، يەنە بىرسى «سەن ماڭا ئۆگەي» دەپ خورلىسا، باھانە دېگەننى تاپماق ئاسان ھە؟!     راست ، ئادەمدە ئېتىقاد، ئەخلاق، غۇرۇر بولمىسا ھەر ئىشنى قىلغۇدەك.     بۇ جاھاندىن ئادەملەرنىڭ كۆزىنى بوياپ ئۆتۈپ كېتىشەرسەن. جاھاننى، تاڭلا قىيامەتنى ئىگىسى يوق كۆرۈپ قېلىشتىڭمۇ؟!     ھۇ ئاللاھنىڭ غەزىپىدىن قورقمايدىغان بەدبەختلەر، بالىنىڭ ئۇۋالى تۇتقۇرلار!     مەنبە: قىسمەت بلوگى     يازما مەنزىلى: http://www.qismet.me/qismet_yighlidi.html

anar

	ۋاي يۈرۈگۈم ....بەك جىلە بوپ قالدىم مەن ، ھايۋانلار !!! توۋا ؟ شۇ كىچىك قىزلارنى ئۇرۇشقا ، دەسسەشكە قانداق قولى بارىدىغاندۇ ، بەك يۈرۈگۈم ئاغرىپ كەتتى قىسمەت ، بۇ تېمىنى مېنى كۆرمەڭ دەپ قويسىڭىز بوپتىكەن

Qismet

	anar يوللانغان ۋاقتى  2011-يىلى 10-ئاينىڭ 1-كۈنى 23:42 ۋاي يۈرۈگۈم ....بەك جىلە بوپ قالدىم مەن ، ھايۋانلار !!! تو ... يۈرىكى ئاجىزلار، بالا يىغىسىغا چىدىمايدىغانلار بۇ تېمىنى كۆرمىگەي!

Aydar

	مەنغۇ نەچچە يىغلىۋەتكەن بۇنى كۆرۈپ....

قەھۋە

	ئىنكاسلاردنلا بىلدىم، كۆرمەي بولدى. بەك ئازابلىنىپ كېتىمەن...

anar

	Qismet يوللانغان ۋاقتى  2011-يىلى 10-ئاينىڭ 2-كۈنى 00:21 يۈرىكى ئاجىزلار، بالا يىغىسىغا چىدىمايدىغانلار بۇ تې ... بەك كېچىكىپ ئاگاھلاندۇرۇپسىز قىسمەت سىز ، نەچچە كۈن قارا بېسىپ كەتتى مېنى بۇنىڭدىن كېيىن ئانار كۆرمىىسۇن دەپ قويۇڭ جۇمۇ

جۇلالىق

	بۇ تېما يوللانغان كۈندىن باشلاپ نەچچە كىردىميۇ كۆرۈشكە جۈرئەت قىلالمىدىم. قەبىھ كۆرۈنۈشلەرنىڭ ئۇزاققىچە يادىمدىن كەتمەي مېنى قىينىشىدىن قورقتۇم. ئەشۇ ئىنساپسىز نائەھلىلەر بىر كۈنى جازاسىنى تارتىدۇ.

peacelife212

	مەن تېلۋىزۇردا كۆرگەن ئىكەنمەن. شۇنداقلا، قۇتۇلۇش يولى دىگەن كىتاپتىكى، يۇرتىنى تاپالمىغان قىز دىكى تەسۋىرلەرنى ئوقۇپ، قانچە قېتىم كۆز يېشى قىلغانلىقىمنى، بۇكىتاپنى كىملەرگە تەۋسىيە قىلغانلىقىمنى دەپ بىرەلمەيمەن.

مەرۋەرى

	peacelife212 يوللانغان ۋاقتى  2011-يىلى 10-ئاينىڭ 6-كۈنى 18:58 مەن تېلۋىزۇردا كۆرگەن ئىكەنمەن. شۇنداقلا، قۇتۇلۇش يول ... مەنمۇ  سىز ئېيتقان قۇتۇلۇش يولى  نامىلىق كىتاپتىكى ئەشۇ يۇرتىنى تاپالمىغان قىز نامىلىق ئەسەرنى ئوقۇپ‹ ئانىنىڭ كۆز يېشى› نامىلىق سىنارىيەنى يېزىپ چىققان، ئۇ فىلىم شۇنداق مۇۋاپىقىيەتلىك ئىشلىنىپ، بىر مەزگىل ئوقۇغۇچىلارغا تەربىيىۋى ئاساستا مەكتەپلەردە جىق قويۇلغان ئىدى. بۇ فىلىمنى كۆرۈپ، ھېلىقى سەككىز ياشلىق قىزنىڭ‹ بۇ يەردىن كەتكۈم يوق › دېگەن ئەشۇ بىر ئېغىز گېپىنى ئاڭلاپ قانچىلىك يىغلىغىنىمنى ئۆزۇممۇ بىلمەيمەن، ئۆز ئاتا- ئانىسى تەرىپىدىن ۋەيران بولغان بۇ نارسىدىنىڭ ئەشۇ تەربىيلەش مەركىزىدە ئازراق بولسمۇ مېھرى - مۇھەببەتكە ئېرىشكەنلىكىنى بىلۋالغىلى بولاتتى، ئەگەر يېنىمدا بالىلار جىق بولمىسا ئىدى، زىممەمدىكى يۈكۈم بۇنچە ئېغىر بولمىسا ئىدى، ئۆزۈملا قايتۇرۇپ ئەكىلىپ قىز قىلىۋالغان بولاتتىم.

sarsan@axik

	توۋا دەيمەن  مەندەڭ تاش تۇرەك ئادەممۇ    بۇ كۆرنۇشنى كۆرۇپ يىغلاپ كەتكەن دىسە  يىنىمدا باشقا ئادەم بولمىغان يولسا ئىش چاتاقتى