ئايدار--ئالما كۆتىرىپ ماڭغان ئەر

Aydar

	ئۈرۈمچى دىسە كۆز ئالدىمغا ماشىنىلار ئۆتۈشۈپ تۇرغان يول، كونسۇل كوچىسى، خەلقارا بازا، بۇلاق بېشى كېلىدۇ. يەنە شىنجاڭ ئۇنۋېرستىتىمۇ بار. مەن ئۈرۈمچىدە ساق ئون يىل تۇرغاندىن كېيىن جەنۇپقا كەتتىم، ئىللىق، كىچىك، مېھرى ئىسسىق چەرچەن ماڭا ئازادىلىك، ئىللىق ئائىلە، ياخشى شارائىت بەردى. بۇ قېتىم ئۈرۈمچىگە ئانگىنا دىگەن ئاغرىقنى ئېلىپ كەلدىم. يولدا ئۈستى-ئۈستىگە دورا ئىچىپ ئاران دىگەندە زۇۋان سۈرگۈدەك بولدۇم، ئاپتۇبۇستىن چۈشۈپلا مەرىم دىگەن جادىنىڭ ئۆيىگە كەلدىم. قانداق قىلاي ئۈستى-ئۈستىگە تەكلىپ قىلىۋاتسا... ئاپتۇبۇستىكى ھارغىنلىقىم يوقاپ كەتكەندەك بولدى، مەرىم قىسمەتكامنى ئېلىپ ئالدىمغا چىقىپتۇ.... نىمىلەرنى دەپ كەتتىم،،،،ھە بۇلارنىڭ ھەممىسى مۇقەددىمە. كىيىم-كىچەك، چامادان، سىفىرلىق ئاپارات دىگەنلەرنى ئېلىپ بولۇپ، ھارغىن ھالەتتە 16-يولغا ئولتۇرۇپ، دېرىزىدىن سىرتقا مەقسەتسىز قاراپ ئولتۇرغىنىمدا، كۆزۈم تۇيۇقسىز بىر خالتا ئاق، چۈرۈك (شۇنداق دەپ تەسەۋۋۇر قىلدىم)ئالما كۆتىرىۋالغان ئادەمگە چۈشتى، مەن ئۇ ئادەمنى تونۇمايمەن، لېكىن ئۇ كۆتىرىۋالغان ئالما مېنى تۇيۇقسىز خىيال دەرياسىغا باشلىدى. بايام پويىز ئىستانسىسى قېشىدىكى توپ سېتىش بازىرىنىڭ ئالدىدا ھارۋىلاردا سېتىۋاتقان بۇ ئالمىلارنى كۆرۈپ يىگۈم كەلگەن ئىدى. لېكىن نىمىشقىدۇر ئالماپتىكەنمەن. ئۇ كىشى بىر خالتىغا لىق تولدۇرۇپ ئالما ئاپتۇ، يەنە بىر قولىدا تېلىفۇن... كىمگىدۇر تېلىفۇن بىرىۋاتىدۇ. ئۇ بەلكىم ئۆيىگە ماڭغاندۇ، بەلكىم كۆيۈمچان ئايالى، ئوماق بالىلىرى ئۇنى ساقلاپ تۇرغاندۇ؟ يۈرىكىمنىڭ بىر يېرى  پىژژىدە قىلىپ قالدى. ئىختىيارسىز ئۆيۈمنى، ھەر كۈنى ئىشتىن چۈشۈپ ماڭا كىچىككىنە بولسىمۇ بىر نەرسە كۆتىرىپ كېلىدىغان يولداش ئېرىمنى ئەسلەپ قالدىم. كۆزلىرىم نەملەشتى. ئاخشاممۇ ئاپتۇبۇس دېرىزىسىدىن باققىنىمچە ئۇنىڭ كۈلۈپ تۇرغان چېھرىگە قاراپ خوشلاشقان ئىدىم. ئۇ ھازىر نىمە قىلىۋاتىدىغاندۇ؟

anar

	تۈنۈگۈنكى شوئارىڭلارنى مەنمۇ توۋلاپ قوياي مۇھەببەت ! مۇھەببەت ! مۇھەببەت !

neyime

	مانا بۇنى تالانىت دەيمىز دە .... مۇھەببەتنىڭ كۈچى شۇنداق كۈچلۈكمىدۇ ؟مەن ھەجەپ ھىس قىلماپتىمەنغۇ توۋە ....

قەھۋە

	بۇ ئىككى كۈندىن بېرى تازا ئاچچىقىم بىلەن تۇراتتىم. بايقاشمۇ بىر ئەپۇ قىلىش ھە. توساتتىن مېنىڭ قەلبىممۇ ئىللىق سېزىمگە تولدى. ئۇمۇ دائىم بولمىسىمۇ، ئارىلاپ- ئارىلاپ نەرسە-كېرەك، مېۋە-چىۋە كۆتۈرۈپ كىرىپ تۇرىدۇ. بۇ ئىشلىرى يەڭگەمنىڭ ئۆتكۈر كۆزلىرىدىنمۇ قېچىپ قۇتۇلالمىدى، سېلىشتۇردى تېخى. گەرچە مەخسۇس ماڭا ئەكىرمىسىمۇ ئۆيدە تېلىۋىزور كۆرگەچ يەيمىز، دەپ ئەكىرگەن بولغىيتى... ئەمما يەنىلا ئاچچىقىم يانغىنى يوق.........

مەرۋەرى

	قەھۋە يوللانغان ۋاقتى  2011-يىلى 9-ئاينىڭ 16-كۈنى 15:01 بۇ ئىككى كۈندىن بېرى تازا ئاچچىقىم بىلەن تۇراتتىم. باي ... ئۇنداق قىلماي ئاچچىقىڭىزدىن يېنىڭە، قەھۋە

مەرۋەرى

	شۇنداق چىرايلىق ئالدىغا چىقسام، مېنى جادى دىگىنىنى قارا بۇ دوكتۇر ئاشتى جادىنىڭ ئايال كىشىنىڭ كۆڭلى مانا مۇشۇنداق كىچىككىنە ئىشلاردىمۇ خوش بولۇپ كېتىدۇ، سۆيىنىپ كېتىدۇ....كونىلار بىكارغا دېمىگەندە‹ئايال كىشى دېگەن ئۆچكە يېغى› دەپ.

guldana

	تۇرمۇشتىن بەھىر ئېلىشنى ۋە ھوزۇر ئېلىشنى بىلگەن ئادەملەر ھەممىلا نەرسىدىن ئۆزىگە ئىلھام تاپالايدۇ. بەخىتلىك بولۇڭلار .

otkankunlar

	ئالما بېرىپ ئامرىغىم، بۇ ئالمىنى ئال دىدى. ئالما بىلەن تەڭ قۇشۇپ، بۇ جىنىمنى ئال دىدى.

xakilat

	ئۇ ھازىر نىمە قىلىۋاتىدىغاندۇ؟ ...... ئۇمۇ سىزنى ئويلاۋاتقاندۇ،  ئايدار

ئىدىل

	ئالىقاندەك تۇرمۇش كارتىنىسىدىن ئالەمچە سۆيگۈنى سەزگەندەك بولدۇم .ساۋاقداش-تورداشلارسۆيگۈسى ، ئەر-خوتۇن ھەمراھلار سۆيگۈسى ،ئانا شەھەر ، ئەزىزانە يۇرت سۆيگۈسى ۋە بىر ھەزىل : جادۇ دوستۇم- يولداش ئېرىم سۆيگۈسى ،ۋ.ب.سىزنىڭ مۇشۇنداق جانلىق ئوخشىتىش ،يۇمولۇق سۆزلىرىڭىز ئوقۇرمەن قەلبىدە مەڭگۈ ئورناپ قالغۇسى .