ھاياتنىڭ مەنىسى

جۇلالىق

	ھاياتنىڭ مەنىسى ئۇ ئەسلىدە بىر شائىر ئىدى ، ئەمما ئۇنىڭ ئەسەرلىرىنى ھېچكىم ياقتۇرمىغاچقا ئۇ ئامالسىز ئىجادىيەت قىلىشتىن توختاپ ھاياتنىڭ مەنىسى   ھەققىدە چوڭقۇر ئويلاندى ، ئۇيان ئويلاپ بۇيان ئويلاپ ھاياتلىقنى بىر مەيدان چۈشكە ئوخشاتتى ،ئۇ  ئۆلۈم چۈشنىڭ باشلانمىسى دەپ ئويلىدى ۋە ئاخىرى ئۆلۈۋېلىشنى قارار قىلدى . ئۇ ئۆيىدىن بىر گۈرجەك ئېلىپ چىقىپ شەھەرنىڭ سىرتىغا بېرىپ ئۆزىگە بىر قەبرە قازدى ، قەبرىنى قېزىپ بولۇپ ئۆزىنىڭ قېلىن ئۈچ كىتاب چىققۇدەك قېلىن  شېئىرلار توپلىمىنى ئېسىگە ئېلىپ قالدى ، بۇ شېئىرلار ئۇنىڭ ئۇزۇن يىللىق قان – تەرىنىڭ نەتىجىسى ئىدى ، ئۇ ئۆلۈم ئالدىدا بۇ قىممەتلىك ئەسەرلىرىنى ئۆزى بىلەن بىللە ئېلىپ كېتىشنى قارار قىلدى ۋە ئەسەرلىرىنى ئەكىلىۋېلىش ئۈچۈن ئۆيىگە قايتتى ، ئۇ ئەسەرلىرىنى ئېلىپ قايتىپ كەلگىنىدە ئىنتايىن ھەيرانلىق ئىلىكىدە بىر ۋەقەنى بايقىدى : بىر توپ كىچىك بالىلار  ناھايىتى خۇشال – خۇرام ھالدا ئۇنىڭ قەبرىسى ئۈستىدە ئويناۋاتاتتى ، قارىماققا ئۇلار ئۇزۇن – قىسقىلىقى ئوخشاش بولمىغان تاياقچىلارنى قەبرىنىڭ ئۈستىگە قاداپ قېلىن ئوت چۆپلەر بىلەن ئۇنىڭ ئۈستىنى يېپىۋاتاتتى ، ئارقىدىن بۇ « بازىسى » نىڭ ئۈستىگە توپا تاشلاۋاتاتتى . شائىر :-سىلەر نېمە ئىش قىلىۋاتىسىلەر ؟ دەپ سورىدى بالىلاردىن . - بىز قەلئە ياساۋاتىمىز !بالىلار بىر تەرەپتىن توپا تاشلىغاچ بىر تەرەپتىن جاۋاب بەردى . - قەلئە ؟ سىلەرچە مۇشۇنداق قىلىشنىڭ ئەھمىيىتى بارمۇ ؟دەپ سورىدى شائىر . - « ئەھمىيىتى ؟ ئۇ قانداق نەرسە ؟ ئوينايدىغان نەرسىمۇ ياكى يەيدىغان نەرسىمۇ ؟» بالىلار قىزىقىپ  كۆزلىرىنى چىمچىقلاتقان ھالدا شائىردىن تەڭلا سوراشتى ، ۋە مۇنداق دەپ جاۋاب بەردى ، بىزنىڭ قەلئەيىمىز ھازىرلا پۈتىدۇ ، بىز بۇنى پۈتتۈرۈپ بولساق يەنە بىرنى ياسايمىز ، بولمىسا سىزمۇ بىزنىڭ سېپىمىزگە قوشۇلامسىز يا ؟ بۇ ناھايىتى قىزىقارلىق !» بالىلار ساددىلارچە شۇنداق دېيىشتى . بالىلارنىڭ غەم – ئەندىشىسىز ھالىتىنى كۆرۈپ شائىر تۇيۇقسىز بىر ھەقىقەتنى چۈشەنگەندەك بولدى :« ھاياتنىڭ مەنىسى ئەسلىدە ئىش قىلىشتا ئىكەن ، ئىش قىلىش ئارقىلىق ئۇنىڭدىن خۇشاللىققا ئېرىشىشتە ئىكەن !»   بۇ ھېكايە بىزگە شۇنداق بىر ھېكمەتنى بىلدۈرىدۇ ، ھېچنېمە ئىش قىلماي ھاياتنىڭ مەنىسى ھەققىدە ئويلانساق ئاخىرىدا ئۆزىمىزنى تەگسىز بىر ھاڭغا باشلاپ بارىمىز ، ئەكسىچە زېھنىمىزنى ئۆز ئالدىمىزدىكى كىچىككىنە ئىشلارغا سەرپ قىلساق ھاياتىمىزغا بىر ئاكتىپ جاۋاب تاپالايمىز .

روھچىن

	بەزى پەلسەپەچىلەر ھاياتنىڭ مەنىسنى «بېغىشلاش»دەپ چۈشەندۈرەتتى.   ھىكايىنىڭ مەزمۇنىدىنمۇ شۇمەنا چىقىدىكەن، دىمەك سىزھەرقانداق ئىشنى ئۈزۈڭىزنى بېغىشلىغان ھالەتتە بىجىرسىڭىز ھەم مۇشۇ ئادەتنى يىتىلدۈرسىڭىز ئۇنداقتا سىز ھاياتنىڭ قىممىتىنى ھېس قىلىسىز، مەنىسىنى چۈشۈنىسىز .

MARS-500

	ھايات دىمەك كۈرەش دىمەكتۇر! بىز كۈرەش قىلغاندىلا ھاياتلىقنى داۋاملاشتۇرالايمىز.

anar

	شۇ بالىلار چوڭ بولغاندا بىلىدۇ ، ھاياتنىڭ قەلئەسىنى ياساشنىڭ بەسىي مۈشكۈللىكىنى ....ئىشقىلىپ مېنىڭ ھازىرقى ھاياتىمنىڭ مەنىسى ئەتە قانداق ئاماللار بىلەن دەم ئېلىشقا بانا تېپىشنى ئىزدىنىش

مەرۋەرى

	anar يوللانغان ۋاقتى  2011-يىلى 8-ئاينىڭ 28-كۈنى 00:30 شۇ بالىلار چوڭ بولغاندا بىلىدۇ ، ھاياتنىڭ قەلئەسىنى يا ... مۇشۇ تاپتا مەنمۇ دەم ئېلىشنى قانداق قىلىپ قولغا كەلتۈرۈش ئۈستىدە توختىمايلا ئويلىنىدىغان بولۇپ قالدىم.