مۇنداق كۆڭۈل سۆزىنىمۇ ئاڭلاپ قويۇڭ

xakilat

	بۈگۈن تور ئارلاۋېتىپ  بۇ ناخشىنى ئاڭلاپ قالدىم، گەرچە ئۆزبەكچە ناخشىلارغا دىگەندەك قىزىقىپ كەتمىسەممۇ ئانچە- مۇنچە ئاڭلاپ قوياتتىم، ئەمما نىمىشقىدۇر بۇ ناخشىنى قايتا- قايتا ئاڭلىدىم، تۆۋەندە ئولتۇرغان تاماشىبىنلارنىڭ يىغىلىرىنى باشتا ناخشىچىنىڭ كۆزىنىنىڭ كۆرمەس ئىكەنلىكى سەۋەپتىن بولسا كېرەك دەپ ئويلىدىم، لېكىن ناخشىنى توختىماي ئاڭلاش ئارقىلىق تاماشىبىنلارنىڭ يىغىسىنى چۈشەنگەندەك بولدۇم. بۇ بىر ناخشىلا ئەمەس بەلكى بىر مىيىپ ، كۆزى كۆرمەيدىغان بىر بەندىنىڭ ياراتقان ئاللاھقا ئېيتقان شۈكرىسى ئىكەن. كۆزلىرىمگە ياشلار كەلدى، يورۇقلىقنى كۆرمەيدىغان، كېچىسىمۇ، كۈندۈزىمۇ ئوخشاشلا قاراڭغۇلۇق ئىچىدە ياشاۋاتقان ، خۇددى ئۆزى ناخشىسىدا ئېيتقاندەك ئاي ۋە قۇياشنى كۆرۈشنى ئىستىسىمۇ كۆرەلمەي، ئۆزىنىڭ ئەڭ يېقىن كىشىلىرىنىڭ چىرايىنى، ئۇلارنىڭ كۈلكىسىنى، يىغىسنى كۆرەلمەي ياشاۋاتقان مىيىپ كىشىنىڭ قەلىب ساداسى مېنى يىغلاتتى، ئۇ قارىغۇ ئەمەس ئىكەن، ئۇنىڭ كۆزى كۆرمىگەن بىلەن قەلىب كۆزى بارلىق نەرسىلەرنى، ياخشىلىقنى، يامانلىقنى كۆرەلەيدىكەن، بۇ كۈنلىرىگە شۈكىرى قىلىشنى بىلىدىكەن، ھاياتلىقتا نىمىنىڭ ئەڭ چوڭ مۇكاپاتلىقىنى بىلىدىكەن. مەن ئاڭلاپ چۈشەنگىنىمچە ناخشىدىن بىر ئىككى كۇبلىتنى يېزىپ قويدۇم، داۋامىنى ناخشىدىن ئاڭلىغايسىز، سىزمۇ، مەنمۇ بۈگۈنكىدەك بۇ باياشات كۈنلىرىمىزگە شۈكرى قىلايلى! ئۇلۇغ ئاي، ئۇلۇغ كۈنلەردە ياخشى ئىشلارغا شېرىك بولايلىكى، يامانلىقتىن نېرى تۇرايلى! زۇلمەت ئىچىرە ئۆتەر مېنىڭ كۈنۇ- تۈنۈم، مەن ھەم سىزدەي كۆرگۈم كېلەر ئاي- قۇياشنى. لېك تەقدىردىن نالەنمەستىن ياشايمەنكى، پەرياد سالىپ تاشقا ئۇرماي ئەزىز باشنى. شۈكرى دېيمەن ئاياق- قولۇم سالامەتتۇر، گەر نالىسەم بۇ خۇداغا مالامەتتۇر. مېن بار شۈكرى كۆككە يېتەر بويلارىمىز، ھەر كۈن تويغا ئۇلانماقتا تويلارىمىز. تىرىك جاننىڭ رىسقىن بېرەر قادىر خۇدا، ئەلگە تېنچلىق سورەر گۇۋا تويلارىمىز. نىمەتلەرنىڭ ئەڭ ياخشىسى تىلاۋەتتۇر، گەر نالىسەك بۇ خۇداغا مالامەتتۇر.

peacelife212

	گەرچە دۇئا ئىبادەتنىڭ بىر تۈرى بولسىمۇ، بەزىدە، ئاللاھ بەرگەن شۇنچىۋالا نىمەتلەر تۇرۇپ، يەنە تىلەۋېرىشكە ئادەم خىجىل بوپ قالىدۇ، ئەمما، قانچە تىلىسەك ئاللاھ بىرىدۇ. چۇنكى، ئاللاھ بەگەك، مېھرىبان، شەپقەتلىك. ئەلۋەتتە، دۇئا بىلەن تىلەشنىڭ پەرقى بار .بەزىدە ئارىلاشتۇرۇپ قويىدۇ كىشى. مۇھىمى، خاتىرجەملىك، كۈڭۈل ئازادىلىكى، جەمئىيەتنىڭ مۇقىملىقى ئەۋزەل.

leyli

	بايام كۆرگەندىم بۇ ناخشىنى ...ھەقىقەتەن تەسىرلىككەن

yultuz321

	بۇ ناخشىنى قانچە قىتىم ئاڭلىغىنىم ئىسىمدە يوق . ھەر بىر قىتىم ئاڭلىغىنىمدا شۇنچىلىك تەسىرلىنىمەن.

neyime

	بۇ ئادەم ئۇيغۇرغۇ دەيمەن ،مۇشۇنداق بىر ناخشا ئېيتىدىغان ئادەم بولدىغان دۇتتا چىلىپ سول قولىدا ،شۇ كىشىمۇ بۇ ؟

مەرۋەرى

	neyime يوللانغان ۋاقتى  2011-يىلى 8-ئاينىڭ 17-كۈنى 13:23 بۇ ئادەم ئۇيغۇرغۇ دەيمەن ،مۇشۇنداق بىر ناخشا ئېيتىدىغ ... ياق نەئىمە، بۇ كىشى ئېنىقلا ئۆزبەك، ئۇ سىز ئېيتقان ئادەم ئەمەس، مەن كىچىك ۋاقىتلىرمىدا  ئاتۇشتا بىر ناخشىچى بولىدىغان گارمۇن چېلىپ ناخشا ئېيتىدىغان، شۇ ئادەمگىمۇ ئۇزۇن بولدى يوقاپ كەتكىلى..........