كۈنلەمچى

دىلەيسەم

	كۈلكىسىمۇ يىغىغا بەك ئوخشىغان كۈنلەمچى، چوڭ بولسىمۇ، كۈنلەشنى توختاتمىغان كۈنلەمچى، ئالتۇن بولساڭ، تۆمۈر دەپ داتلاشتۇرغان كۈنلەمچى، قىلمىساڭمۇ يامان ئىش قاتناشتۇرغان كۈنلەمچى، كۆينەك تۇرماق كۆڭۈلنى پاتلاشتۇرغان كۈنلەمچى. خوتۇن ئېلىپ كۈنلەيدۇ گېزى كەلسە ئەر دېگەن، پەيزى بارمىش بۇنىڭمۇ تەڭلەشكۈدەك زەر بىلەن، ئالدىمايلى كۆڭۈلنى گۆشنى كۆرمەي بەز بىلەن، ھەم بولمايدۇ قىممىتى ھەر بىر ئىشنىڭ تەر بىلەن، ئەجەپ دىلنى غەش قىلدى يامانلىغان كۈنلەمچى. ئەرنى ئەردەك كۆرمەيدۇ كۈنلەپ قالسا بۇ خوتۇن، كۈلى كۆپتۇر چوغىدىن يېنىپ تۇرغان بۇ ئوتۇن، ئەپ ئۆتۈشكە مەيلى بار، لېكىن كۆڭلى بەك يوچۇن، كۆرىنىدۇ كۆزىگە گۈزەل بولۇپ مىڭ خوتۇن، كەڭ قورساقلىق يىراقتا يىغلاپ قالغان كۈنلەمچى. ئەرمۇ ئەرنى كۈنلەيدۇ كەلسە باشلىق ئالدىغا، گەپ بەرمەيدۇ كۈنلەمچى سېنى قىستاپ دالدىغا، ئاپپاق دىلنى بويايدۇ قاراپ تۇرۇپ قارىغا، ھېچبىر ئېپى كەلمىسە قەست قىلىدۇ يارىغا، پايدا- مەنپەئەت ئالدىدا زار يىغلىغان كۈنلەمچى. كىمنىڭ مېلى يا پۇلى ئېشىپ كەتسە سۆزلەيدۇ، باشقىلارغا ئەڭ ئاۋۋال ئۆلۈم تىلەپ تۈنەيدۇ، ئىچ باغرىنى ئاختۇرساڭ يىلان- چايان كۆشەيدۇ، قاپاقلىرى ئېچىلماس ئۆز غېمىنى كۆزلەيدۇ، بۇدۇشقاقتەك چاپلىشىپ سەرسان بولغان كۈنلەمچى... مەنبە: كىروران ژورنىلى ئاپتۇرى: ئايبېك ئۆمەر ئۇيغۇرى

مەرۋەرى

	ئەر- ئايال ئوتتۇرسىدىكى نورمال كۈنلەشلەر مۇھەببەتنىڭ بەلگىسى دەيدىكەن، ئەمما مېنىڭ چېكىدىن ئاشقان ئۇنداق كۈنلەمچىلىك بىلەن زادىلا خۇشۇم يوق، نىمە قىلار ئۆزىنىمۇ، ئۆزگىنىمۇ چارچىتىپ، ئۆز- ئارا ئىشەنچ بولمىغان ئەر- ئاياللاردىلا مۇشۇنداق تايىنى يوق كۈنلەش مەۋجۇتتۇر، بۇنداق تۇرمۇشمۇ ئۇزۇنغا بارمايدىغۇ،  ئاخىر!

leyli

	خوپ ! كۈنلىمەي

arman-taxkin

	كونىلاردا ، -  ئايال كىشى دىگەننى ئەركەك چىۋىندىنمۇ كۈنلىگۈلۇك دىگەن گەپ بار .

قەھۋە

	«خوتۇن كۈنلىسە ئۆي بۇزۇلار، ئەر كۈنلىسە ئۆي تۈزۈلەر» دەيدۇ كونىلار، ئەمما ھازىر ئالمىشىپ قالغاندەكلا.

جۇلالىق

	arman-taxkin يوللانغان ۋاقتى  2011-يىلى 8-ئاينىڭ 10-كۈنى 23:21 كونىلاردا ، -  ئايال كىشى دىگەننى ئەركەك چىۋىندىنمۇ كۈن ... چەكتىن ئاشقان كۈنلەشلەرنى ياقتۇرمايمەن.

تاڭنۇرى

	ئەر -ئايياللار ئوتتۇرسىداھەققى مۇھەببەت بولسىلا مېنىڭچە بۇنچىۋالا كۈنلەشنىڭ ئۆزىلا بىر ئارتۇقچە ئىش دەپ قارايمەن،بىر -بىرىنى ھەققى ياخشى كۆرۈش ۋە ئىشىنىش بولغاندىلا ئاندىن ھەقىقى مۇھاببەت شەككىلىنىدۇ.

soyqut

	ھەللىسىدە كۈنلەپ قۇيۇڭ.